多鬼事's Profile

以前食過幾次午餐，晚餐都好好。扒係煎得靚同份量足。仲有朋友會專登揸車嚟食，話呢度嘅扒好好味，一定要試好過出面費西餐廳，所以就每次經過有位都入去食。因為係小店想有位都係要靠運氣。今日咁啱經過，見到冇乜人有位就入去食霉記憶中嘅靚扒！但係今日呢個午餐，一見到心中「唔係呱，咁叫西冷扒「，薄過茶餐廳嘅薄牛扒就係肉眼扒，用一大堆翠玉瓜同茄子放喺底，墊高都唔會令塊扒厚咗架。最好味嘅係焗薯同汁。講真，呢個位置咁吊腳，都係做街坊生意，或者附近上班嘅人都唔係好消費得起，$68一個午餐，中上價，可以令食客滿足成日有回頭客先係互惠互利嘅方法。真心好想支持呢間小店，但係品質水準跌到咁，真係好難令人會想去幫襯。另外入邊嘅環境清潔都麻麻，明白嘅人手不足，但係都可以keep住整齊乾淨啲。繼續努力，食物加以改善，會更多人支持小店💪🏻…Read More

今日早咗，4點幾經過見到好多學生食緊，就去另一邊食晚餐炒小菜炸豬手先，食到好熱氣，出嚟食返個白汁冰，好彩都冇人排，即刻買返個白汁芒果汁西米 有埋芒果肉。拎到返屋企都仲凍，個底好多一片片嘅碎冰，應該就係白汁冰，食落好得意仲好夠凍，係芒果汁唔夠多，爭少少芒果味，芒果粒唔夠熟，都比較淡口，唔使排隊食一次都OK。不過好奇怪，買嘢嘅老闆無論男女都好唔願做咁，其實又冇人排隊又唔忙，點解面口會咁嘅！食甜品我都係想開心😊順便排埋隔離雞蛋仔，排成日10幾人，聞到嘅味好香，但係食入口就只係正正常常，但係老闆娘就好健談，話好攰好辛苦，就算好忙都不忘招呼同熟客傾計，我呢啲生口面佢都傾兩句。專業！…Read More

知道呢間舖頭好細，中午又多人，所以等到過咗中午飯市時間先去。叫咗鰻魚，原來係冇任何嘢配，要另外配飯湯嘅，就叫咗佢哋嘅特色貓飯set，另外就點咗煎蛋漢堡扒飯同埋炸薯餅。可能係太多好精彩嘅食評，好想知其他嘅食評，係咪全部都係食家撰寫，而且寫得好吸引？令到我有好大期望。令到愈來愈唔敢相信OpenRice嘅食評，可能扣50%真實性會易理解啲。食物無論係賣相抑或味道都正常發揮，好多人識嘅餐廳都做價錢到應該差不多。呢度環境就比較迫，相對上價錢方面會唔會有啲唔協調？仲有當日落大雨坐喺入邊都算冇問題，些少悶熱，但係一出到門口就已經比騎樓底嘅水整濕身。值得去試嘅，感受下小店舖頭仔嘅情懷，但就記得要將期望減半，就會感覺開心好多🥳…Read More

今日4月6號 清明節與復活節中間嘅一個工作天，放工時間5:30去到平日都塞滿人買麵包，今日唔使迫入去仲要見到好多麵包布甸放喺度。問一問係咪可以買，姐姐仲喺側邊預先入好盒嘅拎比我，其實仲有幾排紙盒入好晒嘅可以賣😍 即刻買2個原味同綠茶紅豆，芝麻布甸各一，當然其他包都每樣買D，難得唔迫人慢慢揀都得。原味好味蛋好厚包夠薄，綠茶好夠甘，但係就唔係好厚包皮太厚，芝麻有驚喜，好濃芝麻糊咁面層奶味好夾，皮都夠薄。正👍🏻👍🏻👍🏻其實舖唔係細，不過次次都人迫人個面包盤一個頂住一個人都，最佔位嘅係收銀位好大，加上同5-6個店員，令到舖入面更少位比客人轉身，點解要咁多姐姐係企喺度🤔🤔🤔多得咁多日紅日假期，又學校假期，好多人又攞假出國去玩，所以令到留港消費嘅一群，可以唔使排隊買到布甸包。😋🥳 如果每次都可以咁舒舒服服買到就好喇🥰🥰🥰…Read More

疫情呢2-3中年冇去，以前有個男人負責整，而家係2個女士，唔知係咪轉手了。見到餐牌好多其他車仔檔冇嘅餸都想試，叫滷腩肉/沙薑鳳爪/另外仲有D問咗都冇，最後就只好揀咗蓮藕餅，辣鳳爪，釀苦瓜配油麵，$38，味道都正正常常😋。 但係就有少少失望😞餐牌特色D嘅餸都冇，只係一般嘅車仔麵先有。同埋較特色餸或者豬腸豬手滷味都幾貴要$15，所以都未必好抵食嘅，視乎配料。湯底比較清，勝在唔會一層油喺面頭👍🏻濃口味可以自己加辣醬，都幾好味🌶🌶🌶…Read More

呢間小店食物水準平均，一直都好多熟客仔幫襯，所以個人都好鍾意去食。不過就油煙味勁咗啲，外賣就唔怕嘅😄由於係小店，座位就當然唔多，好多時去到都冇位，其實就好多自私嘅食客，識嘅又唔坐埋一邊，2個人就佔4個位。呢度嘅4人枱係比一般茶餐廳嘅枱大架，可以擺4個餐都夠位，就算2人sofa都唔會迫。相比其他連鎖茶記嘅枱，座位又迫枱又擺唔到嘢食。講真，係熟客就更加應該幫手食飽就放返張枱比等位嘅客，明明日日都去撞口撞面，唔好咁自私，識嘅坐埋一邊，唔使有客入嚟冇位坐就走咗，唔好搞到店主做唔到新客生意。我都見到有好好嘅食客，自己差不多食完就叫新嚟嘅客等一等，快啲食埋就比位人。希望大家撐小店，都幫下店主做到生意！…Read More

原來轉咗手但冇改舖名「茶樂」，幫襯咗幾次先留意到單咗叫茶樂。問咗收銀話個廚冇變，開頭冇為意轉手原因食食品水準一樣，味道都冇大變。過年果排去，湯又咸，又好似唔夠賣加水咁，D食品買相差咗，又縮晒水。餐牌都轉，價錢好似冇大加，或者加$2-3。 但係餐內容就改晒，常餐加價又冇咗個麵。午餐出品仲嚇死，有次食雞排，切開入面涷嘅粉紅色。今日再比機會佢，食西冷牛扒，果塊牛扒好似大家X嘅早餐咁薄，又乾又細又薄。頂佢吖，之後再出幾碟經過見到，厚切又大塊，冇嘢呀🤬比一樣錢細一半份量。感覺好不良好！其實新轉手，都希望佢地留意返出品水準平均，唔好唔熟又大細不一份量，都想繼續幫襯有飯食啫！…Read More

而家大排檔已經唔同以前嘅感覺了！😢以前去大排檔，好熱鬧，可以喺不同檔口叫嘢買去其他檔一齊食，好可惜華不是每個老闆都接受嘅🥺話說今朝喺華香園食緊早餐嗰陣，咁啱見到同事咪諗住一齊食，佢話食開隔離檔，咪打算叫過嚟坐埋一齊食，當時華香園老闆就問同事點解要叫過嚟食，同事便不好意思…過返隔離檔食，不過留意到老闆目光👀👀。其實都冇佔你的枱，為何仍要…….！ 呢度嘅豬扒係咁多檔最好嘅一檔，可以添加一點人情味😢希望各大排檔主能和諧共處，搵多啲錢，食客又開心🥳…Read More

湯底牛骨湯拼蒜頭雞，2款都好好味，火鍋食物就少量台灣直送，甜品都唔多台式，其實都係一般火鍋！試過好多次打完晒突然彈左出去冇晒，今次cap screen 記得，請睇相中嘅食評！…Read More

10幾年前同男朋友拍拖去食過一次，其實當時都唔覺有什麼特別好味嘅番茄牛肉，賣點係家庭式媽媽味，我媽咪真係唔會煮到咁樣一pat獻咁嘅嘢。所以咁多年一直冇意欲再去食。記憶中當時一碗嘅價比較一般茶餐廳貴，仲要冇餐飲，另加又正價。今日有同事一行10人話想試，咁大圍人一齊去，原來咁多年都冇變仍然係一pat獻嘅番茄加幾片牛肉，同事食番茄炒蛋仲災難🙈十足一Pat嘔吐物咁🤮，佢加咗芝士一片放上面🧀，好hea兼冇誠意。另外有同事就加煎蛋，點知生到好似「柯」蛋咁🍳，撈埋pat番茄獻，佢講笑咁話使唔使請定假🥴。其實而家新開茶餐廳嘅芝士撈面，都會煮好嘅芝士醬，用湯匙「不」一大堆喺麵上，感覺及味道都好好多。老闆娘問佢得唔得（意思想問佢好唔好食），同事就講笑話4小時後先知得唔得，連老闆娘都講笑回應返佢話唔會肚疴嘅😂即刻全枱都大笑😂😂😂服務亦欠奉，外傭姐姐拎嚟放低又唔知係咩嚟，碗碗比番茄獻遮住晒，牛肉，豬扒，都唔會睇到，又要等佢搵人嚟搵返單逐碗認🙄🙄飲品都係要另加正價，一碗麵加飲品☕️🥤，要成$60以上，尖沙咀嚟講好多茶餐廳都唔使，而且仲好食又舒適環境。不過，嚟得呢度都只係回憶下，幫襯下老店👵🏻👴🏼未食過嘅可以一試，睇下你媽咪煮，或者工人姐姐煮，邊個煮得好食啲🍅🐮🍜🧀🍳…Read More

熟食中心開返後已經幫襯過其他3間嘅早午餐，今日就幫襯同一邊第四間開嘅檔，講真早餐都算有水準，價格與另外3間比較是中等，第一間最抵，最有名嘅最貴。天氣開始涼，呢個檔嘅座位好舒服，可呼吸新鮮空氣！叫咁豬排炒蛋配公仔麵，熱奶茶，睇落去係有誠意嘅，最值得讚嘅係餸同麵係分開上，最怕就係放晒上個湯面度，浸晒湯又出晒油，食又困難，呢樣好細心👍🏻👍🏻👍🏻 豬排質素雖然不是第一，4間來講排第二好味。唔會煎到好油，個麵湯底都剛剛好！奶茶就同第一間咁，用全套新茶具，好乾淨飲舒服😌☕️ 但係茶就差咗D，唔係好夠茶味。唔知係咪新開業，暫時未太多客人，老闆服務好好，仲拎好消毒啫喱同埋盒裝紙巾喺枱，招呼好好慢慢食，希望呢個服務態度一定保持住，同食物奶茶水準可再提升。…Read More

等咗差不多兩年先重新開返嘅海防道熟食中心，見到有傳單已經開始營業，仲有時間就即刻去食返個早餐。由於當日只有3檔營養，由花檔入口行入街市，一入到熟食中心就見到肥哥哥好客地招呼，3檔都所沒有食客，咁見到老闆同以前一樣咁落力介紹，都係幫襯熟悉檔口穩陣。以$31一個餐嚟講係抵嘅，仲要湯底好夠味，奶茶都剛好唔會太濃，同埋好滑☕️。最有誠意嘅係所有茶杯，餐具，枱櫈都新嘅，坐得舒服，又有乾淨杯碗筷！老闆仲一邊食一邊同我講佢這2年裝修期間，上咗船做水手，當日仲著咗水手裝開檔😄 新開返仲改埋名由「仁利」變成而家嘅「鴻記」。之後第二日中午再同幾個同事一齊去食，叫咗牛腩雲吞麵，加埋秘制辣椒油，好好味😋。另外有些就叫炒河，亦有鑊氣，下次我都想試下。…Read More

2018年11月裝修前幫襯後，成個熟食中心就裝修，等咗2年啱啱今日經過見到開返舖，仲改咗新舖名「鴻記茶檔」。肥哥哥老闆依然冇變好好招呼，亦好有禮貌，一邊食一邊傾吓偈，人情味十足👍🏻。早餐只是$31，有沙爹牛面，煎雙蛋，奶茶☕️ 牛肉好新鮮，唔會似有一些茶餐廳預早炒定，擺到硬同吸晒汁好乾好咸，奶茶茶底唔會死苦味，好香好滑。介紹食呢度好出名嘅辣椒油🌶️，好好味，炒得好香好足料，食到有蝦米🦐仔，好似馬拉盞XO醬嘅味道。下次要食其他牛腩雲吞粉面配嚟食吓。見到午餐餐都好抵食，全部$42，尖沙咀真係難搵到。新裝修後，環境好好，好有懷舊感覺，清潔光猛又夠通風，鐵皮頂天花都高咗好多，感覺十分良好。而家開始入秋，冇咁熱，應該成日都可以去幫襯，唔怕邊食邊抺汗。暫時只有3檔開返，今朝我包場，只得我一個食客😄 到我走先有個男客人，見到只有我一枱客就坐咗隔離枱。眼見都只有幾個似係記者或寫文嘅人周圍影相同埋同老闆傾偈，應該係準備介紹呢個熟食中心重新開幕嘅報道。…Read More

呢度嘅早餐午餐都好食，waiter waitress 都好有效率，出餐一般都算正常唔會等好耐。第三波疫情前，堂食都有9折埋單，但係好可惜，政府於8月尾在第三波恢復上班後就冇咗9折埋單。見到明顯少咗人幫襯，以前食開附近抵啲嘅食客都冇再去。當然，我都係其中之一。自從冇咗堂食埋單9折，我其他同事都冇再幫襯了。因為呢度價位始終比較高。附近又咁又選擇嘅就會返去食開嘅餐廳。希望九龍繼續做9折啦！一定繼續支付去食👍🏻（不過唔好好似午餐咁，加高價錢先嚟打折扣啦）…Read More

新開冇耐就咁不知所謂！新開嚟食過早餐已經唔好印象，等咗半個鐘都未有嘢上，問佢催單先至遂樣遂樣上。碗通粉水汪汪只得得3片又乾又鞋嘅叉燒浮喺面，仲話叉燒當家，咁嘅叉燒質素👎🏻👎🏻👎🏻其他炒旦奶茶都一般正常。隔咗2星期就試試下午茶得唔得，點知咁伏，叉燒炒腸粉，真係可以講係垃圾一碟，又或者係廚餘，有圖有真相！😳😳😳唔係講笑，邊個睇到都唔開胃。我都有問自由係咪太閹尖，但睇真碟嘢仲要多油到成碟底都係，先令我一定要寫呢個麻食評等大家想入去食之前，諗諗自己接受能力有幾高？🤮🥴🤯其實正值下午茶旺時間，成個場只有3-4枱人，😓就應該調頭走唔好入去，因為呢句嘅居民食客都唔係咁易呃！🧐🤨咁差嘅質素，咁貴價錢，只建議食店一係減價，一係換個大廚，仲要改改餐牌，少過10款食品，早午茶晚市只係來來去去重複。…Read More