kobe1121's Profile

呢間拉麵舖都唔易搵，唔係聽過人講都唔會搵到嚟。點餐同俾錢都係用外面嘅點餐機，似足日本；好彩人唔多，都好快搞掂。點咗個魚介拉麵同黑蒜油拉麵主要講個黑蒜油拉麵啦：湯底夠晒濃，唔係死咸，而係真係好蒜！有蒜泥同炸蒜，啱晒我呢個重口味拉麵迷豚肉唔會韌，肥瘦剛剛好，正！隻蛋有驚喜：本身掛住食其他嘢浸住隻蛋臨尾先記得食，點知仲係流心架！魚介拉麵我就淨係飲咗一啖個湯，魚味香濃下次可以一試，不過要唔揀個黑蒜油真係要好忍得手啊！食完先留意吓個環境：好乾淨！連平時少人睇到嘅位，留心望望都好乾淨，無塵，證明真係有心機打理間舖，先會keep得咁企理。…Read More

今日去開荃灣百老匯睇戲，早咗去到就喺附近食個lunch先。之前經過呢間已經想試，今次終於食到！地方細細，但坐落都ok唔會迫。環境乾淨企理，第一印象不錯。叫咗兩樣嘢，吉列牛扒同芝士吉列豚肉定食。吉列牛扒係自己逐舊鐵板燒熟嘅；塊扒靚，有時整得熟/生過頭都好好食食到停唔到口芝士吉列豚肉，芝士控要試，塊豬扒又係正，唔係醃到林晒嗰隻，有少少咬口得嚟又完全唔會咬唔開，真正鬆化！（等唔到影相已經食緊）已經好想再食…Read More

今日郊遊完，個肚餓餓哋。行過呢一檔車仔麵，隔住外牆玻璃見到人哋食緊碗麵，點解有溏心蛋咁過癮，睇到心思思，結果就換個衫中咗入去。直跳去結論：已經好耐無食過一檔滿意到咁嘅車仔麵！每樣餸都用心製作，正！齋係炸過嘅，依家已經唔係周圍食得到。魷魚有醬嘅，個醬食得出有用花生醬整，正！豬大腸入味得嚟唔會韌！絕對唔容易！溏心蛋都有一定水準。從未寫過食評，都特登要寫返篇支持吓！香港車仔麵嘅味道，買少見少，唔可以失傳！…Read More