wongyuetjade629's Profile

走入去合和中心隔離嘅flagship食fusion菜，環境都幾有特色，好似係用船嚟做主題。服務質素幾好下，服務員會細心幫你講解啲菜嘅特色。當時就食咗香煎章魚，2個招牌菜：大閘蟹燴飯同21日熟成豬扒，外加一個泰式奶茶焦糖燉蛋。香煎章魚沙律係用羽衣甘藍整底，醬汁甜甜地，有啲似糖加肉桂咁整出嚟，仲有啲香料味，食落去好似BBQ甜醬咁。章魚本身有燒烤香，唔會太韌，反而好似食緊肉嘅口感。配埋鹹鹹地嘅三文魚子，甜鹹交錯非常夾。大閘蟹糕燴飯裡面，啲蟹肉已經撈咗落牛油忌廉醬入面，仲加咗蟹高湯，所以成個飯都勁香蟹味，仲有啲奶香。飯粒煮得啱啱好，一粒粒分明，唔會硬，食落去黏黏胡胡又有嚼勁。21日熟成豬扒，用咗12個鐘慢煮，再煎到焦糖化，油脂香味好濃，但唔會膩。配菜炒咗牛油，香氣十足，啲蒜頭焗到夠晒耐，食落去軟腍腍，冇苦澀味，反而咸香十足。而泰式奶茶燉蛋，外脆內軟，奶茶味好濃郁，上面仲有一層焦糖，甜得嚟唔膩。總體而言，佢嘅食物質素同埋服務對得上佢嘅價錢，如果慶祝或者紀念，可以推薦過嚟食下。…Read More

最近走咗去太子食呢一間紅橋，環境乾淨，清靜舒服。然後點咗兩個晚餐配湯同嘢飲。南瓜忌廉湯嘅香味十足，南瓜同粟米味道濃郁，應該係將南瓜打碎再加入忌廉煮成，味道和諧。牛扒沙律配薯角，沙律新鮮，仲加咗啲水果一齊食，酸酸甜甜。薯角炸得外脆內軟，咸香十足；牛扒嫩滑，加埋黑椒一齊食，咸咸辣辣，唔錯。黑椒汁唔算特別辣，但夠香夠味，提升咗整體層次。忌廉蟹子意大利飯有驚喜，米飯口感貼近香港人口味，唔會似一般意大利飯咁硬，反而有嚼口又唔過硬。蟹子配忌廉飯一齊食，黏口之餘又有卜卜脆嘅口感。蟹肉唔似冰鮮貨，食落有香濃嘅蟹香；再加埋爽甜大蝦，整體味道非常唔錯。整體而言，價格親民，食物雖然平，但絕對唔係求其，反而夠精緻新鮮，有機會會再去食。…Read More

琴日走去食下呢間日式店，叫左個鮭魚柚子胡椒茶泡飯，配培茶牛奶，外加抹茶蛋糕。茶泡飯幾清爽，唔錯嘅柚子胡椒味，同鰹魚湯一齊飲，幾和諧下。培茶牛奶都幾和茶味，有啲似市面上飲嘅奶茶，甜品都唔錯。整體嚟講嘢食唔錯，價格上如果加上甜品嘅話少少貴，不過都接受到。…Read More

起17/3，和家人去左銅鑼灣謝斐道的喜記避風塘炒辣蟹。因為之前有試過另一間店，對他的印象不錯，所以今次試下這間。店內環境舒服清靜，中式高級茶樓的裝修。食物挺好食的，當時叫了招牌菜：避風塘炒辣蟹，醉鮑魚和和牛粒。其中海鮮非常新鮮。蟹肉鮮甜，就算是避風塘的重口味做法也不會蓋過鮮甜的蟹肉味。因為避風塘口味由炸蒜和辣椒混合而成，味道會變得非常濃郁。鮑魚也份外爽口，而且因為酒味的醃漬，更令鮑魚獨有的鮮甜突顯出來，認真不錯。牛肉也挺好食的，牛肉外脆內軟，肉汁豐盛，外層因為炸蒜和辣椒，味道會非常濃郁。和避風塘蟹不同，牛肉會和炸蒜味道混合一體，比較香辣咸口。總體而言，食物新鮮美味，環境也舒適乾淨，比較推薦和親友一齊去食。…Read More

今日，同屋企人走左去西貢食西餐。環境乾淨，有2層供餐飲。當時叫左德國豬手，煎牛肝，紅酒豬腩肉，洋蔥圈，沙律，炸魚薯條，pizza。味道非常好，牛肝5分熟，肉汁豐盛，更加可以食到佢獨有油脂香，外脆內軟。豬腩肉炆得勁腍，因為有紅酒，所以可以感受到滲透到肉裏面嘅酒香，汁水香濃。pizza餡底，唔係茄醬底，而係芝士底，所以食落唔似普通料pizza，而係會有香濃嘅奶油芝士香，配上啲煙燻腸，咸香十足。豬手烤得皮脆肉香，外皮非常香脆，內裏則會有油脂黏住口腔，油脆香濃。肉質則比較有韌性，但唔會好柴，而係有肉汁，都非常推薦。其中，餐廳服務都係英語對話，應該全部都係外國人，但係服務超好，細心熱情，仲會同你講幾句邊啲好味，認真推薦…Read More

今日，和家人去了這間法國餐廳食飯。位置在將軍澳海傍，環境是高級西式設計，服務不錯。當時叫了意米飯，三黃鷄和肉眼排。意米飯非常香雜菌味，飯口感爽口，配上野菌奶油汁，變得份外和諧。肉眼排也挺嫩滑有牛味，配上香草味十足的青醬，口感會變得清爽而複雜。三黃鷄也鷄味十足，外皮薄脆，肉質嫩滑，非常推薦。最特別是意米飯上會加上黑松露泡沫，食下去淡淡的菌香，和飯一齊吃又別有一番風味。最後，我們還多叫了2杯無酒精飲品，elderflower apple 和Guava refresher，當中，前者最為推薦，味道會有接骨木花和肉桂混合而成的獨特香味，非常驚豔。後者就比較有清新果香味，石榴汁為底，外配上草莓蘋果汁，也份外和諧。總體而言，餐廳清靜舒服，設計高級優雅，食物也各有特色，令人舒適。…Read More

起23/02，同朋友走左去呢間食晚餐。環境簡約，比較似日式半開放裝修。當時叫左佢一丼2飯，食物唔錯，有烏冬有飯。烏冬湯底係蒜泥骨湯，配上啲辣椒一齊食的確好味，飯係滑蛋鰻魚飯，蛋香濃滑嫩。食物份量ok，總體唔錯。…Read More

起26/01，因為朋友介紹所以試下呢間。環境比較簡約，位置較偏，不過人流都多。當時叫左抹茶味嘅巴士克同千層蛋糕。抹茶味勁香濃，巴士克蛋糕芝士超香，不過可能因為芝士原故，所以會有淡淡鹹味。千層蛋糕就比較香甜，奶香味十足，另外更加有流心，超正。…Read More

今日我同親戚走左去呢間食飯，環境比較古舊，古式風格。但食物質數幾高，雖然係齋菜，但係素肉都整到似真肉一樣。其中最為推薦嘅係酥炸鮮奶同埋炸芋頭卷。炸鮮奶完全唔似食澱粉咁，唔會成口漿糊味，反而係非常清爽，外帶淡淡奶香。芋卷外皮香脆，內面軟滑認真唔錯。總體而言非常唔錯，值得推薦。…Read More

起26/1，同朋友走左去旺角，所以順便試下呢間韓國料理。環境簡陋，比較似平民茶餐廳。當時叫左辣豆腐湯同熱奶茶。豆腐嫩滑，配上韓式辣醬整嘅湯，的確和諧，辣湯比較辣。除此之外配菜有加啲牛肉，算係唔錯。總體而言平民版韓國料理算係唔錯，辣湯＄55，其他套餐50-60不等，可以食下。…Read More

呢間店係我同屋企人都幾鐘意嘅店，會成日去食，非常推薦佢嘅半自助午餐🤤🤤。起12/1嘅時候，因為屋企人同我都得閒，所以又去食佢嘅午餐。店舖起銅鑼灣比較僻靜嘅地方。環境明顯都係地道西餐廳設計，餐廳明顯分左2個區域，一邊客人餐桌，一邊拿食物地方。自助餐有分冷盤，熱食同甜品。冷盤包括2-3款德國特色沙律，西式燻肉，青口，蝦同翡翠螺。熱食有湯，德國腸，魚，自製面包，pizza，蛋餅等。甜品就通常有3-4種，當時食到有黑森林酸車厘子蛋糕，蛋白奶油蛋糕，拿破崙酥。食物種類會起客人食完一盤之後轉變。所以次次都都有唔同驚喜。當中，海鮮新鮮，沙律特色，尤其是熱食，明顯味道超級豐富，的確新鮮。尤其是pizza，餅底酸種面包，配上蕃茄醬同其實配料，超級好味。蛋餅都極之推薦，酥皮底，內餡係蛋煙肉，洋蔥等混合一齊，可以感受到佢香草，牛油，酥皮同食物混合嘅味道，超正。除此之外，半自助餐可以選唔同主食，包括意面，意飯，肉朳等。認真唔錯。但其實去淨食自助餐食物都已經非常飽足。總體而言非常推薦食佢午餐。👍👍👍…Read More

呢間我同屋企人成日去嘅平民意式餐廳。環境幾大下，人流超多，所以要預先早去拿位。價格比起其他餐廳係非常低，而呢個都係佢嘅吸引之處。起16/01嘅時候走左去，除左其他舊品外，我地都叫左佢新品，包括炸魚柳，豬肋骨，蝦海鮮意粉等。食物的確唔錯，尤其是豬肋骨彈牙易脫骨。總體而言，食物起預製菜來講係唔錯，尤其是價格的確幾低下，非常吸引。推薦同親友起唔想食太貴嘅時候去食。…Read More

今日，同家人入左這間店食飯。環境清靜舒適，比較似橙色簡約風。當時食了店家招牌蓋飯I Am Greedy配紅火龍果乳酪特飲, 和Creamy Baby 配牛油果乳酪特飲。乳酪特飲明顯是新鮮水果酢取，配上無糖希臘乳酪而成。飲品不會太甜，主打喝到乳酪的奶香，口感偏厚。牛油果乳酪更突顯到乳酪特有的咸香。火龍果則較重果甜味，會有淡淡酸甜味。Creamy baby（c餐）醬汁是沙律醬加山葵，上層木魚絲配蟹籽，下層則有牛油果三文魚和豆腐做配菜，味道甜中帶辣，口感偏濃。I am Greedy（a餐）比較少醬，主打品嚐食材獨有口質，上層鋪上蟹肉絲蟹籽紫菜，下層則是三文魚，吞拿魚，蝦，枝豆做配菜。口感會更加豐富。總體而言，魚生挺新鮮，三文魚可以食到魚本身的油脂，C餐口感比較濃郁，a餐則更加清淡，推薦食得比較清淡的人試。魚生蓋飯食材非常健康豐富，的確適合健身人士。#Poking#銅鑼灣禮頓道125號…Read More

起4/1，同我親戚走出黎間食晚餐。店內都幾多人，似係銅鑼灣嘅出名嘅一間店。當時因為我想食梳乎理所以我叫左原味版，外配黑松露薯條，同香草蕃茄蝦配蒜蓉包。食物水準一流，蕃茄蝦非常之香香草蕃茄味，酸酸甜甜。可從來薯條亦都係明顯即叫即炸，幾正下。最後叫左個米奇卡通造型嘅原味舒乎厘，勁香蛋香同面粉香味，外脆內軟，配上楓糖漿同草莓果醬，酸甜軟糯，非常推薦。總體而言，食物認真幾正，如果有幾會會再去食，推薦同親友試下呢間。…Read More

因為之前家人推薦，所以經過元朗嘅時候同親戚試下呢一間非常出名嘅甜品。環境比較似舊式大排檔，分為上下層，上層係大鋪位，下層喺幾個細鋪位連接住，人流非常多。當時我同我嫲直接叫左招牌菜，b仔杏仁豆腐，價格98，但份量係2-3人都綽綽有餘。非常大份。上層鋪左唔同既水果，包括西瓜，哈密瓜，椰果，蜜瓜，蘆薈，紅毛丹，龍眼，奇異果，波蘿，大樹波蘿等。下層就係杏仁豆腐。杏仁豆腐奶香味十足，杏仁味比較天然，唔會有杏仁藥水味嘅感覺。其他水果非常新鮮，酸酸甜甜。認真唔錯。總體而言不愧為老字號甜品屋，不過如果食招牌b仔甜品，建議預2至3人分食，如果唔係，可能會浪費。…Read More