ilovepatdy的個人專頁

今次已經係我第三次去食，頭兩次都無專登打食評，今晚再食覺得真係好好食，遇到咁好既餐廳真係要讚下～今晚我地４個人去，見到有羊腩煲同麻辣雞煲真係諗都唔洗諗，就叫兩個煲啦。羊腩煲羊腩多，夠淋，湯底濃郁仲有生菜麻辣雞煲我叫左小小小辣，因為我唔太食得辣，初頭食一兩件覺得又好似真係唔夠辣，但係因為係有爐熱住，於是越食越辣呀唔係誇張，真係想大嗌…好好食呀～結果連好小會食雞腳既我，連兩隻雞腳都食埋就知唔講得笑。炒蜆香又有些小微辣，真係無得頂相信我好快會再去食過PS 我九點先去食，因為晚餐時段人較多…查看更多

當晚原本去BBQ, 但因為黃雨關係取消了,一行11人去完科學館後又大雨,唯有係附近求其搵間餐廳醫肚,下次再慶祝母親節啦,原本諗住去譚仔既,但見到B1有呢間鋪頭,因為我去過美麗華個間分店覺得都可以,所以11人就決定去呢間!鋪頭都幾冷清,除左我地之外得三枱客,我地話左比職員知我地係11人, 但職員安排我地坐四張泊埋既二人枱,我地見到另一邊可以拍5張二人枱,於是我地要求過去坐,我地轉過去之後,一名啡色衫短髮職員(似係高級一點)堅持只願意拍四張二人枱,要我地頭尾都坐埋人,即係最頭同最尾個張都係三人坐,我真係唔明白點解要坐得咁迫,你覺得我坐得到,咁你有無諗過放唔放到野食呢?如果同時候三人都叫定食,都已經放不下,仲要成間鋪都坐唔到一半人,如果唔係出面咁大雨,我地一定會走,結果我同我男友都情願唔叫野食,等其他家人食飽我再出去搵野食都唔想比咁多錢佢地賺,成百蚊一個定食都唔係平,仲要我坐成咁,你真係想我再去都好難!家人叫左7個拉麵,加左3個飯仔,叫左一個明太子蛋,小食,當中有四人都話湯底好普通,麵又少,結果我地要再出去食野,咁既價錢,咁既份量,咁既服務態度,不可一不可再…查看更多

放工大約7:30去到,店內還有一張4人枱可以坐,雖然係對住面口,不過門口位置對出比較靜所以可以接受!坐底後有女侍應拎左個手寫既set dinner 同menu寫比我睇,得3個選擇,1. 帶子青口天使麵 2, 闊條麵 3. 全日早餐,即係蛋呀個d囉, 最後我揀左1. 帶子青口天使麵+$25 有餐湯&飲品 , 而男友無食set dinner而叫左一個比目魚漢堡,餐湯有青口湯/磨菇湯 , 我揀左磨菇湯, 先上兩塊麵包,麵包ok啦,又唔見得好出色,係夠熱啫!隔左大約3分鐘再上餐湯,超難飲,我都唔懂得講點唔好味,總知好怪啦!跟住男友個漢堡上先,都幾大份,不過條比目魚好腥呀(我平時都會食魚既,亦好少會覺得魚係腥既),之後我個天使麵上啦,個樣ok啦,5毫子大小既帶子都有7-8粒,兩隻帶子,天使麵份量都幾多,不過......好咸好咸好咸,我好辛苦咁食左三分一, 點知比我發現一條我其實覺得唔似頭髮既毛髮,不過我實在唔想確定係咩毛,我將d天使麵比返侍應,佢有道歉亦有提意重新煮比我,不過我已經食唔落啦,不過我估唔到佢仲收我錢囉,佢唔係應該取消左佢咩???一心諗住叫埋杯餐飲飲完走人,叫左凍檸茶啦,杯野勁多冰,冰既高度係隻杯既三分二,佢地有無諗過我點將d檸檬放入底呢???總結,晚餐唔得囉!P.S. 事件是得到餐廳職員確認及道歉,她亦提意重新煮過,不過我已經沒有胃口再食啦!…查看更多

唔洗等位,因為BOOK左頭段時間,店內坐位相當迫,冷氣不足,上菜速度慢,食物質素一般,刺身感覺不太新鮮,炸物炸粉太厚,燒青魚/燒魚餃都太多油,似炸多過燒,烏冬實在太林了,很難吃,食物種類不多,最好的是包免費飲品!P.S. 請各位會用優惠卷的朋友小心,此店會用不同的藉口令你不能用的,當要訂枱先要自己講清楚是什麼優惠卷及號碼,亦要記得職員名稱,否則即使是職員疏忽,店舖亦不會認錯及不會結你們用優惠卷的!…查看更多

本來想去民聲既,點知咁啱佢地裝修,結果去左呢間試試,因為曾經有朋友講過話呢間d奶茶好得,一於試試佢啦,點知~~真係坐底先知,原來淨係得麵或多士食,心諗:不如走啦,食麵不如返屋企自己煮,不過眼見男友去左泊車,廢事叫佢返轉頭啦,照叫啦,其實坐底無耐即刻有人埋黎落單我叫左個餐旦出前一丁,阿姐追問飲咩,我其實係想睇下加幾多錢先,不過阿姐再三追問飲咩,我快快答左佢熱奶茶啦,之後當然發覺飲品係另計架啦,唉~~算啦,一次半次!!熱奶茶先上,係用玻璃杯上既,熱就夠熱啦,不過好失望,無茶味,感覺仲好淡,真係差過灣仔華星好多好多(真係唔明,點解朋友話D奶茶得呢>?)男朋友泊完車返黎,知道此處得麵和多士食,仲要咁既價格覺得唔抵,加上飲過我杯奶茶,佢仲叫我取消個麵去第二處食過添,不過我都唔想咁麻煩,結果等左10分鐘先有麵上,但係好奇怪,一眼望住D麵,真係唔似出前一丁,我有同阿姐確認一下,究竟佢地係咪攪錯呢?阿姐話無錯!食落去,同我食開個D出前一丁真係唔同,我食出前一丁大大話話都有二十幾年經驗,無理由食唔出佢唔係出前一丁架,不過檔主話係,都無計啦,唯有照食,結果比左差不多三十蚊去食一個唔似出前一丁既麵茶,真係返屋企煮好過!P.S. 係我食既期間,隔離枱係坐6個人既,佢地落單,但係落單果個男人都幾攪笑,寫6個麵都寫都錯哂,仲要話人地攪亂佢,之後人地話熱飲改凍飲,佢竟然話個D茶膽沖好哂架啦,又要加冰攪到亂哂龍,叫人唔好改 但係佢地又真係有凍飲賣噃,咁點呢?總結~不可一不可再,如果三十蚊食麵既,不如去華星算啦,至少有冷氣先啦…查看更多

同男友慶祝5週年所以揀左間貴野食飯,店內裝修得比較高級,可惜職員制服唔得,而且大部份都係o靚仔o靚妹,個個行路都拖住對鞋黎行,攪到好嘈,不過可能佢地唔覺啦,其實鋪頭人又唔多,食客都係細細聲講野,而職員咁都唔覺得自己行路太嘈咩???講返食物先,呢間係食魚生,壽司&爐端燒既,我叫左一個7件既壽司(係盛合黎既,無得揀要d乜,因為係師傅揸主意既)坦白講,真係好新鮮,飯好細舊,不過7件野都要三百幾蚊甜蕃薯天婦羅~有8件,好甜,d炸粉啱啱好,又夠熱 GOOD軟殼蟹細卷~有6件,都好食,軟殼蟹好鬆脆燒牛舌~兩件牛舌,不過好好食,但係要和牛炒飯~因為男友其實係唔鐘意食生野既,佢揀呢間都只係因為我喜歡食,所以我叫左個炒飯比佢食,不過都幾好食,牛味好重呀 $120總括黎講食物質素係中上既,不過職員就要改下啦,同埋價錢太貴,我諗未必有下次,仲有個廁所都幾得人驚,又黑,裡面又有D打鼓聲,仲會越來越急,越來越大聲,真係令我幾驚下!…查看更多

落大雨,我同朋友共4人周圍搵食,點知最後揀左呢間,惡夢既開始!我地係等9:30之後既優惠時段食既,最好彩既係我地有卡位坐,坐低侍應問我地要唔要火鍋(唔洗加錢既)咁當然要喇,好彩有要咋,之後見到好多任食既ORDER紙,因為都已經9點幾喇,當然超肚餓叫左好多野食喇,先上炒蜆 "梅"既咖哩蟹 裡面竟然係無肉食,好似豆腐花咁,D肉溶哂蝦:都係"梅梅'地既香茅豬扒超細塊,又油又干香葉包雞肉超肥勁多油蝦餅:(合格,但係唔係叫好食湯濛滾水濛粉青口青口本身係ok既,不過個汁好難食以下係食得落口既野:鹽燒蝦:)我朋友話好味,我已經無胃口食喇冬陰公湯朋友話OK,不過淨係得辣但係唔酸牛丸,肥牛(其實都幾肥下),菜,札肉,金菇~~因為呢D全部都係火鍋料黎既,點會唔好食呀?仲有好食既係甜品~雪米茲(因為都唔係呢間公司既出品,所以好食,但係佢地既椰汁黑糯米就唔掂喇,勁甜!佢地只會送一杯待飲,再叫要加$5 , 不過唔叫都無所謂,都唔好飲!!飲汽水好過總括黎講,唔抵食,唔知以為我係黎食免費餐添,D食物質素咁差,但係其實一D都唔平,我地有9折都要每人$160 , 不過服務都OK既,至少唔會叫極都唔埋黎,埋黎又黑面個D囉!不過咁既價錢大把好地方喇,相信唔會再去! …查看更多

一心諗住呢間會好好食喇,點知有D失望,唔係話難食既,不過對佢太大期望,所以有D失望囉,我地一家人過澳門玩,大大細細10個人叫左6樣野食: 葡國雞半隻:(汁唔香,勁淡味,好似比得太大水去煮,雞又少,成碟得一件雞胸咋,仲要百幾蚊,唔抵紅豆豬手:汁煮得唔夠熊貓好,個碟好大,但係得幾件豬手,仲要係細細件羊扒:一件,不過都幾大件,但係麻麻地海鮮焗飯:都係好一般,食完都無乜特別感覺,無個D好好食既感覺,但係又唔係難食既,不過D飯好林呀馬介休炒飯:唔記得六十幾定七十幾,就唔抵食呢個,同一般炒飯無別,可能馬介休貴左,我食左一碗都食唔出有馬介休蒜蓉炒什菜:勁多油,無蓉味份量比熊貓少,質素亦比佢差,落單個位先生唔知係咪我地叫得少佢有D黑面囉,不過算喇,淨係講質素我都未必會再黎喇!…查看更多

長大後第一次同屋企人一齊去澳門,一定要搵間好食同舒服既比家人,因為我地有成10個人,所以一早搵定食邊間,呢間就係其中一間喇,我地揀左呢間食LUNCH ,一齊睇下我地食左D乜 : 焗海鮮飯我覺得好好食,飯又唔會太林或者太干,汁好香又好食馬介休球一碟好似有7件,不過我就覺得麻麻地,唔難食既,係唔特別囉非洲雞超辣,食得辣既朋友不妨一試西洋鴨飯比起我上次係第二間食係濕d既,不過都ok,但係相比下,海鮮飯好食D紅豆豬手:呢個真係好好食,好甜,豬手又好林,又多炒什菜唔錯,唔會太多油羊扒九十幾蚊有三塊,我無食呀,不過屋企人話OK雖然好似叫左好少野,因為我地當中有4個係小朋友,同埋佢地D份量都算大架,都好抵食,相信我會再去,至於服務態度就一般喇,唔係好熱情個隻,不過都KEEP住幫我地加水同執野,總括黎講都係PASS :)…查看更多

與家人食下午茶,坦白講揀得呢間都知呢間野收費貴,不過都唔緊要,但係好失望,正如我個標題一樣,又貴又難食服務態度又唔好,我地一家5口坐圓枱,因為我地有小朋友唔小心將杯凍飲倒'寫'要佢地去抹,我地講左幾次SORRY ,但係個侍應黑面無反應,出面好多茶餐廳見咁既情況都會比過一杯我地,但係呢間就無喇,不過又無話一定既,咁算喇,食物黎到:厚多士,炒旦,叉燒通粉+凍啡~~多士既牛油少到好似無咁,少旦OK既,不過唔滑囉,叉燒好肥通粉好似浸左好耐咁,脹哂,湯底如果唔係見到黃黃地色既話,我以為係水黎架,一D味道都無,杯凍啡又話好出名既,一D都唔好飲,酸酸地既!雲吞~$35得六粒,平平無奇,無特別好食,只係特別貴切雞瀨粉~最好係呢個喇,呢個瀨粉既湯底就超咸,點攪呀!總括黎講,唔掂…查看更多

因為趕時間去睇戲,快手下入左呢揀野,先講環境,好熱好焗,地下好污穢,餐牌全部'痴立立" 都算喇,叫阿姐黎落單喇,牛什河~牛什少,河粉份量ok,可惜個湯底真係唔得,淡到不得了:(牛腩河~牛腩肥到不得了.都無乜肉食,牛腩林就幾林既不過唔香呢,湯底都係淡如水:(凍華田~超難飲,華田粉太少,糖水太多,甜到不得了總結: 無下次…查看更多

與友人左揀右揀之下入此店,論食物算是OK, 魚生都幾新鮮SIZE都算大件, 炸物都算合格至少唔會有好厚粉既感覺,上枱速度都好快,可惜.侍應服務差得緊要,最慘唔止一個係咁差,臨走時間去一去廁所,惡劣不堪,直頭想嘔!真係唔會有下次!…查看更多

朋友聚會見到灣仔區呢間鋪頭都幾多人話好食一於試試,7點鐘開始多人喇,好彩我地有訂位,地方唔算太大,人不過都尚算乾淨,我地當然叫左D招牌菜,例如脆皮蔥油雞,生炒排骨,朱洪武豆腐,墨魚餅,椒絲腐乳通菜,椒鹽豆腐+九肚魚,, 黑椒豬頸肉煲!!!!最好食既係生炒骨,甜酸適中, 之後就係墨魚餅,再到隻雞,最後係椒鹽豆腐同魚&通菜份量都算多,價錢又唔貴,服務態度又好,至少無個D好串既阿伯,執野都好快手,應該會再去!…查看更多

因名氣而去試試,先講裝修,店外都幾特別,但係店內就麻麻喇,由其係兩邊牆身都"釣"住D簽名相,一D都唔靚,感覺仲好求其添.仲有中間D枱太窄,如果真係坐哂人既話會好唔舒服,擺哂成個SET上枱都無哂位 :(食物種類唔多,都係澳洲牛奶公司食既野囉,不過呢間就標榜用北海道3.6牛乳去整~~我同老公都係叫左一樣既野:叉燒通粉~~~份量都算多,通粉做得比澳洲牛奶公司好,因為"澳洲" 既通粉浸得太耐,脹哂唔好食,但係呢間仲有D咬口多士+炒旦~~~兩塊厚多士,黎到都幾熱,又牛油, 正!炒旦個樣OK,不過食落就真係唔夠"澳洲"黎喇,唔夠人地滑熱奶茶~~~茶唔夠香,唔夠滑,茶唔夠"杰",好似HOTEL 既奶茶咁淡淡地$28一個常餐都OK既,雖然全部都係後生仔,但係服務態度都幾好,如果係附近既話都會有機會再食既,不過就唔會介紹比人食喇!…查看更多

4週年紀念日專登去試一試,店內只有一枱客人(4個女子不停影相,影到我都走喇,佢地仲影緊), 坐底當然會叫 signature hot chocolate & brownire & collection & mocha & 仲有d什錦既muffin 先講最hit 既 signature hot chocolate喇 , 真係唔知點解,超酸,真係超酸,唔係酸酸地,直頭酸到飲唔落,我唔知點解會係咁,但係職員話係正常,不過之後職員都肯換過杯白朱古力比我,不過勁甜 唉:(collection 就5件得一件好食,其它都麻麻地brownire ok既,唔係話特別好食muffin 就係最好既,起碼有3件我覺得好食mocha 麻麻咁就三百幾蚊,但係失望之極,真係一定一定一定唔會有下次,我情願去cova …查看更多