ken.wong.1069's Profile

對上一次食安南已經係疫情之前，今日過黎溜冰緊係再黎食，星期六夜晚7點黎到，餐廳都幾乎坐滿只淨兩張枱，經理安排入座相當迅速，兩大一細總共點左5樣野，先黎炸軟殼蟹柚子沙律同牛油雞翼，沙律新鮮分量足，軟殼蟹炸得好香口，沙律汁好味。牛油雞翼就一般，無乜牛油香，面頭炸蒜出色。跟著再黎蕃茄燉牛腩跟法包，牛腩好淋好入味，湯汁好濃，好似飲緊羅宋湯，點法包食停唔到口，其他鹹魚炒芥蘭苗和炸蝦餅撈檬，就正常好味，無乜好講。要讚下餐廳服務態度非常好，上至經理，下至執枱，全部都好有善，樂於幫忙，食品出色，抵你哋爆場，繼續努力💪…Read More

岩岩先知天水圍開咗間上海舖，近近地就過嚟試下，叫左兩個午餐，一個津白肉絲湯年糕，一個排骨擔擔麵（排骨炸到好乾，湯底都可以，夠味，麵就煮得淋左，無乜口感），午餐跟小食，叫左小籠包同生煎包（正常發揮，小籠包好食啲），另外散叫左一個炒鱔糊（賣相麻麻地，較為濃味，岩送飯），最後整多個豆沙窩餅，食物出品都ok，出餐超快，食物上到枱夠熱，抵讚👍座位都算闊落，冷氣就差少少。星期六中午坐爆曬，算好叻。埋單$350 兩大一細。…Read More

聽人講話呢間餐廳幾好味，第一次過嚟幫襯，星期五都唔洗等位，即刻可以入座，我估唔洗限時，入座侍應都無講。7點坐低安排左我哋兩個坐2人枱（合理），三樣菜上齊加啤酒真心迫，一係等我地食晒第一碟收埋先上水煮魚，到7點半入座率得6成，生意咁冷清其實可以係服務做好少少，換張4人枱會鬆動啲。食物出品其實幾好，上菜速度快，價錢都合理，餐廳環境都算光鮮企理，佢呢度係QR落單既，入到去落單時得時唔得，要改進下，下次都應該只會黎食午餐，當食快餐係唔錯既選擇🤣…Read More