KayzeC's Profile

話說餐廳做緊promotion，身分證中某些數字有優惠，同朋友打咗60幾個電話先book到位食…..但真心失望1. 餐包：完全唔脆口，係排包的口感，而且冇蒜/牛油，而且勁厚2. 西冷牛意大利粉：意粉口感正常，但牛扒就真係……無言以對，又奀又多筋，咬都咬唔到3. 龍蝦白松露意大利飯：龍蝦尚可接受，但完全唔係意大利飯嘅口感，似白汁加白飯嘅口感，而且完全都冇白松露嘅香味大家自己睇路……真係睇多幾份食評，個人而言，幾平優惠都唔會再入黎食…Read More

黎到王牌冰室，早餐食左一個沙嗲牛肉米粉配牛油多士炒蛋。炒蛋: 十分足料，大份，估計可能用多過一隻蛋! 而且炒蛋都好滑身，炒得唔老，好好食。不過食完個米粉再食隻炒蛋就略微有D飽肚，再食個蛋就差D食唔落。牛油多士:  麵包一般，牛油足夠，唔會太乾物，多士上到枱都做到微暖的。沙嗲牛肉米粉: 沙嗲汁十分多，醬汁較為「杰身」。重量級的沙嗲汁令成個米粉都充滿沙嗲味，味道濃郁，第一口真的好有驚喜。可惜，食到最尾，好易覺得口渴，可能味道過於重了，有少少覺得要 「洗腎」 XD 。所以各位沙嗲牛愛好者可以一嚐，但記得忍住唔好成日飲湯呀!!!服務: 餐廳內人手不多，需要比多DD時間同耐性…Read More

🛖店名：千銅和食屋⭐️推薦食物：圓心天丼🤩抵食之選：二人天丼套餐 （包沙律、小食、白鰻、2天婦羅丼、2麵豉湯）環境：光線充足、 佈置較為簡潔，但個人認為未必適合想長時間坐低傾偈嘅朋友今次同朋友叫左一個二人天丼套餐，選了蟹子沙律、酸汁廣島蠔、蒲燒白鰻、魚國天丼、圓心天丼。🥗蟹子沙律：有好多青瓜絲，蟹子的份量都好足夠。奈何略嫌蟹柳嘅份量比例較少，口感較為單一。🦪酸汁廣島蠔：蠔身不算太肥美，但也對得起這個價錢，叫係套餐的小食中最抵食之選。蒲燒白鰻：白鰻較為瘦削，冇咩特別。圓心天丼：內有兩件帶子刺身，算是M size，吾食生野的朋友要注意。還有炸帆立貝、炸蟹柳，同埋好似吾係同一類別的炸漢堡扒。魚國天丼：有一少塊的蒲燒鰻魚（都算肥美的）、炸魚、白飯魚仔等。 …Read More

雖然餐廳所在的大廈環境較破舊，但一入到餐廳就好整潔，光線又好充足，有一種簡潔的自然美。食物（⭐️⭐️⭐️⭐️⭐️）推介以下：軟殼蟹意粉 ： 好香口，軟殼蟹好大隻，而且外層炸得好香脆，炸粉厚薄適中。 意粉有濃濃的蒜油味，加上少少避風塘味的炸片，味道一流！鰻魚飯：鰻魚夠曬肥美，又大條，配上滑溜的奄列飯，底下還有忌廉蘑菇飯。滑蛋配搭忌廉飯，入口香滑，不過味道較滯，建議3人或以上share 食！環境（⭐️⭐️⭐️⭐️）：前往餐廳的路上，大廈環境較破舊，而且等電梯的時間較長，建議可用樓梯上落。但餐廳內環境簡而美，加上有一個大窗，光線充足，十分適合打卡！…Read More

早前，上網發現屯門區內有新開的放題餐廳。開頭諗住，剛新開一段時間，應該可以walk-in 食。點知....就出事了....意想不到地多人食，同埋店面較細，位置不多。當晚，沒有walk-in位置。因此，我刻意早兩星期前book了位，去試一試佢。先講講刺身🐟：大蝦勁新鮮，又吾會食到冰，最重要係個蝦頭好多膏，吾太腥！仲有吞拿魚都值得一試，佢吾係赤身，似中腩位。（好少放題食到有質素的吞拿魚）燒物：我最中意就係燒鰻魚串！🍢好肥美，而且吾會太乾身！仲有個焗扇貝，調味可平衡到沙律醬的甜，甜中帶辣和鮮！甜品🍮：選擇都算多，最驚喜竟然有日版的焦糖布甸。最正係有M字及H字的雪糕/雪糕批，可惜只能一人一枝。總結推介指數：⭐️⭐️⭐️⭐️…Read More

因為天氣太熱的關係，已經不想煮飯，但又不想吃熱辣辣的粉麵，所以忽發其想就試試平日路過的漢堡包店。🍔🍔🍔我地叫左一個馬森至尊🍔及潛艇脆魚堡🐟。「至尊」果然係「至尊」，成個漢堡都好有份量，有蛋、牛、腸、煙肉等。牛肉漢堡扒煎得剛好，不會太生太熟，咬落下都有肉汁。反之，魚堡係比較之下，就失色不少了。首先材料上，魚柳較薄及短，頭尾兩口都咬吾到魚柳。幸好，麵包不算太乾太硬，加埋醬汁都可以。但這個份量就一定不夠男士食了。最後，我建議大家都係食番漢堡了。🤣🤣…Read More

本身同朋友都好鍾意去台灣食到本地美食。見荃灣有間好似新裝修的台式餐廳就去試試。當中個台式拼盤有花枝丸、四季豆、甜不辣、鹽酥雞，係台灣必食的小食。炸粉不算厚，加埋椒鹽都幾香口，但甜不辣就同想像中（圓形魚餅般，煙煙銀銀）有出入。另外，我叫左個米糕波波，都幾有驚喜！糯米味香濃，加上肉鬆同芫荽，好有台灣的風味！乾拌麵都值得再食！撈汁好香好濃，加上微辣，越食越開胃！不過稍微有少少失望，肉鬆芋泥厚吐司焗到太乾身。雖然肉鬆的量好大方，但芋泥的份量就冇本身佢切開一半睇咁多，咬入幾口，已經冇咩芋泥了…Read More

熱石料理一直都是我想再試的食物。今次去元朗搵嘢食，俾我發現喺後行有一間熱石料理小店。雖然餐廳地點較難搵，但不缺人流，附近都有其他餐廳一齊等位。今次就叫咗個吉列牛套餐同埋芝士松露豬扒套餐。兩個套餐配送嘅飯都有好多紫菜同配料，豐富左白飯嘅口感同香氣。另外蕃茄豆腐湯有濃濃的蕃茄味，而且有一件刀工精緻的豆腐花。可惜的是，本身冇留意到芝士松露豬扒是沒有熱石的。幸好本身豬扒炸粉厚度適中，內裏包住好多芝士，配上香氣十足的黑松露沙律醬，填補左心靈上嘅缺陷。至於招牌吉列牛，完全冇失望。店家好細心地提供數少塊牛脂肪，俾我哋放喺熱石上當牛油用。用原汁原味嘅牛脂肪加上質素頗高嘅吉列牛，更帶出牛的香及肉味。最後，提醒返有興趣的各位，餐廳只收現金。如果唔係就好似我地咁，要臨時出去撳錢😅😅😅…Read More

近年，荔枝角地鐵站D2 Place 成為左不少年輕人的行街熱點。除左有不定期的文青市集外，商場內都有好多餐廳。但平時多數去荔枝角都係去工廠區，食某某台式餐廳/日式餐廳。聽朋友介紹下，知道D2 Place 內有一間由法國藍帶師傅所開的甜品店。雖然店面麻雀雖小，但五臟俱全。店內多種的甜品選擇，當中最熱賣（也是朋友力推的）開心果蛋糕。食落一d有好香的堅果香味，而且蛋糕周圍佈滿好多果仁，不會太甜，主打開心果的香、脆口感。蛋糕質地滑溜，不會過乾/過發。加上紅莓果醬，豐富了口味的層次。食完，口內仍然保持住開心果的香味。…Read More

以我所知The city corner 之前都係屯門開過，休息左一段時間後，終於重開la!雖然宜家係試業期間，但人流都吾少，建議大家可以打去book 枱食。一睇份menu就知道佢地對自己的漢堡有好大的信心，而且有好多特別的款式。 我地叫左 「黑森林」同 限定供應的「咪走雞」，再加多$48 配餐湯、飲品同甜品。當日的餐湯係南瓜蕃茄湯，味道好香濃，飲得出係真材實料煮的。飲品方面，我地就建議大家再加多少少錢，可以試下mocktail。我地試左一杯有指天椒的「傻女」，係幾特別辣辣地，刺激到味蕾，幾開胃，但略嫌車厘茄的草青味太出。到主菜的漢堡，黑森林入面有好多的黑松露，一上枱就好香。而且成個漢堡有好多餡，材料好豐富。咪走雞就一破傳統，用左菠蘿包取代平時常用的漢堡包，菠蘿包的脆皮係熱同脆口的。而且咪走雞入面有一塊好大好厚的菠蘿，好吸引。不過，兩個漢堡都有共同的問題，就係包底太濕，影響到進食的口感，同埋肉類(手打牛肉 & 雞扒)都略乾身，可能係煎煮時間略長。套餐甜品方面，佢包一杯非自製的雪糕，有榴槤味及椰子菠蘿味。我個人建議可加多少少錢轉其他甜品，因為一來雪糕口味吾係個個接受，二來味道較假，會影響到享受整個晚餐的完全性(虎頭蛇尾也不太好吧)。其中一個甜品，我就轉左apple crumble，值得一讚的係，甜度剛剛好，而且入面放左好多蘋果，整體的平衡好好。總括來講，大家都可以一試佢的apple crumble同特色漢堡。…Read More

係朋友的介紹下，我去左一間台式café 食晚餐。雖然環境不太大，但個到的裝飾比到香港人有種歸屬感，整理黎講環境都可以的。食物方面，我地叫左和風牛肉飯、蒲燒鰻魚飯、一口池魚仔、鹽酥雞、芝士厚燒玉子，同埋鮮果乳酪吐司。個人認為，兩個的主食未有驚喜，味道較為普通。反之，三款的小食都略有驚喜。一口池魚仔及鹽酥雞，炸得幾脆口，我相信用黎配啤酒應該一流。芝士厚燒玉子，真係如其名，「厚」，而且入面好多芝士，一邊食，一邊拉絲。大家可以不妨一試!…Read More

今日同朋友係九龍公園附近，隨機搵左一間黃店閒番個下午茶。我地叫左一份肉鬆蛋三文治配沙津，同埋西多士。超好彩地，佢地做緊活動，like 社交平台有松露薯條送tim。值得一提的係，個西多士都幾大份，而且比左好多藍莓醬，又提供埋牛油同糖漿，鍾意點食都得。飲品方面，我地就各自加錢叫杯 特濃朱古力 同 西班牙咖啡。特濃朱古力有好香濃的朱古力味，感覺上係香多過甜，同埋吾似係砂糖的甜味。如果飲凍的朱古力，仲會有忌廉。西班牙咖啡就係由一杯香滑咖啡加雲尼拿雪糕，係下午茶的不錯選擇。…Read More

作為大西北的朋友，真係好少機會去到北角搵美食。經當地的朋友推介下，就試下尼間於小街內的 Villa Villa 。提提大家，如果有計劃去食的話，可以透過openrice去訂位嫁! 因為我發現間餐廳長期都好多人等位，要D時間先等到位嫁!尼間餐廳值得一讚的係，佢第一頁的meau已經清楚寫明佢地最受歡迎的食物係咩，方便第一次去食的客人去試。以我就叫左佢地「榜上的第一名美食」雙重芝士pizza加配辣肉腸、榜上有名的黃金薯條、海鮮闊條麵。頭兩項的美食榜下有名係有原因的!!雙重芝士pizza加配辣肉腸: 黑色的薄脆餅底，又脆口，又能突顯出上面金黃的芝士。Pizza上面的芝士份量十分多，而且有厚度。辣肉腸就睇個人喜愛la~我覺得芝士配上辣辣咸咸的口味係好好味的。黃金薯條:故名之意，就係鹹蛋黃加薯條la!可能聽落去好簡單，但佢的黃金薯條可以做到好脆好香，而且薯條冇被鹹蛋黃的油整到淋左，讚!海鮮闊條麵: 尼個就比較普通，但佢個龍蝦汁都幾好食的。…Read More

好多屯門友一諗起食甜品，好多時都係諗起紅橋同碼頭個邊。今次，想介紹一間紅橋的甜品店。以前因爲係窩夫的碟上用朱古力醬畫可愛的貓咪，一畫成名。雖然最近已經無主動畫（好似可以主動要求畫，但畫畫需時，要耐心等候），但佢真心睇得又食得。即使無用朱古力畫畫，但佢擺碟一d都無馬虎。焦糖脆脆忌廉香蕉窩夫，真心好食，忌廉又香又滑，加埋香甜脆口的焦糖脆脆，再配埋冰凍的雲糕同暖暖的窩夫，一放入口就有多重的口感。另外，我仲叫左佢個三重芋圓愛玉，又有芋圓、又有檸檬愛玉、珍珠、蘆薈、同埋桃膠（好似係？）。CP值頗高！…Read More

第一次嚟到觀塘翠屏邨，要搵美食最重要就係觀察間餐廳多唔多學生食。眼見商場內的台式餐廳及日本餐廳，都有頗多學生在門外等候，我同友人就決定一想台式餐廳-完美煮意。當日，我哋叫咗一個番茄湯麵配滷冬菇及花枝丸，以及一個喇沙湯米粉配花枝丸及甜不辣。番茄湯酸中帶甜，喇沙湯惹味卻帶一點點香辣，但無奈地覺得兩者的湯底也帶有一點味精。花枝丸及甜不辣略略炸過先上枱，食落都幾香口。 算是不錯的餐廳！…Read More