c.hyy的个人专页

友人說8鍋的味道很好，這次立即來試試臭臭鍋的味道！ 這次我選擇了蒜香牛肉鍋配粉絲，整個鍋真的充滿濃濃的香蒜，令我忍不住喝了幾口湯！ 鍋內有牛肉、蟹籽丸、冷豆腐等等，看起來好像份量沒很多，但吃起來卻吃不完、加上粉絲，真的十分惹味！男友則選了藥膳羊肉鍋，湯底十分濃厚，他說羊肉沒有難接受的味道，整體也不錯！ 整體來說8鍋真的有令人再次光顧的味道，若然能引進台灣鴨血，那真的無得輸！ …查看更多

經過幾次見都幾多人食，決定同媽媽試，點知都幾失望。津白豬肉水餃—不過不失，但北京餃子園一定好食過佢！香炸雞翼—加上椒鹽粉，幾香口但味道只係皮有，肉就好淡冇味酸辣雲吞—得3粒雲吞，細粒得來皮又厚...好彩個湯幾好味，先至加啲分上海炒麵—其實姐係上海粗炒，但呢個真係要劣評。因為麵明顯煮得太耐，過淋！而且成個炒麵都係無味，要知道上粗炒冇味其實味其實係好難，所以真係失望！而且所有菜式定價都唔平，我估我唔會再來了！…查看更多

心思思想食拉麵，一於拉埋男朋友陪我試！拉麵分成雞湯及豚骨湯，我哋分別試咗黑兵衛（雞湯）及銅兵衛（豚骨湯），各$88！拉麵可以揀硬度及要唔要蔥，我嘅銅兵衛湯底好濃郁，可以話有少許過份濃味，有少少膩...但叉燒好厚好淋，係好味嘅。再加上原隻溏心蛋，都唔錯！ 至於雞湯底嘅黑兵衛，就清啲，加上木魚乾，但男朋友就唔多鍾意嚕！ …查看更多

一直想試呢度嘅水玄餅，今日決心同朋友來試！假日1410來到已經差不多坐滿，好彩行快一步唔係就有排等！同朋友一人一個茶漬飯套餐，包一個茶碗蒸同自選小吃，我哋分別揀咗紫薯同北寄貝沙律，另外再加玫瑰桂花烏龍茶及櫻花梅子梳打！茶漬飯味道較淡，但夏天咁熱，食淡淡哋都唔錯！份量唔算多，女仔okay但男士就應該唔夠飽！北寄貝沙律同紫薯都係意料之中嘅味道，無咩特別。我一直係茶碗蒸迷，呢個茶碗蒸都無令我失望！蒸得好滑好鮮味！好快俾我食晒啦！飲品值得一讚！我果杯玫瑰桂花烏龍茶好靚，味道一啲都唔甜，好好飲！每啖都會飲到淡淡花香，好治癒啊！朋友杯櫻花梅子梳打佢都話好好飲！最後...因為我哋掛住同貓貓玩，完全唔記得咁個水玄餅....都係下次再來啦！…查看更多

一個人無聊喺上環想食啲嘢，決定一試bookmark咗好耐嘅Corner Kitchen Cafe！點知過咗三點，冇得試bacon, cheese and scramble wrap...唔緊要，即刻轉食Balinese Fish Wrap配Iced Mocha！呢度環境幾好有兩層，平日下午四點幾，下層都有一兩枱客人，最後揀咗梳化位邊食邊睇書！本身鍾意食魚嘅我，呢個wrap 絕對係為我而設，white fish好滑，配上勁開胃嘅lemongrass 同sauce 真係好好味！成個卷亦有好多菜，所以一啲都唔膩！不過，呢個wrap係辣嘅，我都算食得吓辣，但對我來算都有啲刺激，所以唔食辣就記得留意！…查看更多

雖然住九龍區，但有美食自然搵到動力同朋友仔一齊過海！週末同姊妹們，當然要去找尋生活態度啦！一出西營盤站，就已經見到Lifetastic，3分鐘內已經去到！落地玻璃嘅設計加上好天氣，當然要把握機會影相啦！我好鍾意呢幅壁畫，俾人好有活力嘅感覺，喺度食野人都開心啲！我哋3個女仔，個個都係大胃王，所以一次已經試到好多菜式！首先要試all say breakfast (All-day-tastic $108)！一般常見嘅scrambled egg、mushroom、bacon一定唔少得，蛋炒得十分滑，已經令呢個早餐好完整，再想讚一讚佢嘅香腸都好好味，一啲都唔會膩！之後亦試咗烤雞翼（Lemon paper chicken wings $88）！一上枱其實已經好香好吸引，雞翼一分為二，女仔食絕對唔怕失儀態！雞翼入面釀咗紅蘿蔔及露荀，雞翼烤得好惹味，一級推介！而avocado toast with egg and smoked salmon，賣相好吸引，多士上的牛油果醬份量好多，同時配上茄肉，令成道菜好味之餘又唔滯！不過亦試咗其中一款新出嘅Greek yogurt，算係多道菜入面比較失望嘅，可能本身食唔慣，之後店員再俾蜜糖我們加上，味道立即提升好多！來呢度點可以唔試出名西瓜蛋糕！果然冇令我失望，整件蛋糕好fresh好好味，重點唔會太甜！就算食兩件都唔會嫌多啊！…查看更多

看到報導便和男朋友便決定來試試鰻魚蛋包飯！星期六的晚上等位的人都幾多，不過我哋大概等了幾個字就入到去啦！叫了蒜香大蝦溫泉蛋卡邦尼意粉、蒲燒鰻魚蛋包飯、蘋果冰茶同碎冰朱古力～叫咗之後會主動送上雜菜湯同麵包。麵包好得意，兩隻味道：芝麻同提子麥包！我個人好鍾意芝麻味，好得意幾好味！溫泉蛋carbonara味道唔錯，蝦都爽口！不過個意粉質感同平時食開嘅有啲唔同，好似比較滑同掛唔到汁。至於鰻魚蛋包飯，沒想像中好食......可能個汁有啲太濃，所以每一啖都只係食到個汁嘅味。不過值得一讚係個蛋真係好滑好滑！兩杯飲啊不過不失～…查看更多

一月是我的生日月，在兩個星期間吃了中、西、日、韓，還有buffet，多得連吃過什麼菜式哪樣好吃都分不清了，偏偏最有印象的是這家叫 Amaze 的餐廳！雖然至晚上9時435分才到達店裡，照常理還有半小時便關門，但店員見我們趕至都答應會為我們提供晚餐。Amaze晚上提供set dinner，由前菜到甜品，每項都有2—3款選擇，多心的我們當然選擇了不同菜式再一起分享！AppetizerPan fried Foie Gran鵝肝兩面煎得頗為香脆，令本身不太愛鵝肝的我都忍不住多吃兩口，而那看上來像車厘子的就是小蘋果，這小蘋果反給我新鮮感，以砵酒啫喱包圍整顆蘋果，吃上來能夠中和鵝肝的膩，令我精神為之一振。Poached Japanese egg這道菜確沒帶給我什麼驚喜，就是一般的温泉蛋和蔬菜而已，下次或不會再選擇這款！SoupLobster Bisque這龍蝦湯味道還算濃郁，上碟前還會由侍應把湯倒進碟中，算是小gimmick 吧，不過若能再熱點味道想必會再提升！Main courseSeabass fillet with Pearl barley and tomato愛魚的我又怎可能不叫海鱸魚！一上碟，姨姨竟然說有陣咸魚的味道鱸魚的皮算是煎得透有少許香脆，魚肉亦算嫩滑，不過某些部分仍有少許腥味，令整個菜式稍為失色。菜式還包括一些珍珠薏米、甘旬及蕃茄，口感仍算不錯！US Angus beef rib肉眼的味道頗為濃郁，廚師烹調的時間適中令肉汁被鎖實，而且肉質嫩滑，故此對這菜式的評價不錯！但最令我驚喜則是其配菜，蘑菇！那些蘑菇滲著濃濃的牛油味實在是令人胃口大增！Dessert心太軟還是一般的心太軟，沒什麼特別！Ginger soufflé這個soufflé 實在令人驚喜！第一口soufflé 滲著輕輕的薑味，第二口竟然吃到一粒粒的薑粒，那甜甜辣辣的感覺的確十分新鮮，令我冒著增磅的危機也要多吃幾口！…查看更多

週日下午約好男朋友一齊hea吓，揀咗幾間最後都決定試Coco Espresso 701！雖然係工廈，但地都算易搵！我哋分別叫咗兩Big Breakfast同Breakfast with Smoked Salmon（好似係呢個名）！Big Breakfast都算足料，炒蛋幾滑而且幾厚，香腸、火腿、煙肉都係果啲咪，不過唔會整得太燶，幾好！Big Breakfast會跟croissant 而Smoked Salmon果個就跟燕麥多士，味道都唔錯！呢度環境坐得好舒服，好有空間感唔會迫埋一齊，最鍾意就係顧客們都好自律，唔會出現大聲講大聲笑嘅情況！想同朋友坐吓食吓嘢傾吓計的話，呢度就真係一個「Chill」級好地方啦！…查看更多

一直好同意「食飯唔只食物咁簡單」呢個道，適逢閨蜜生日，做姊妹就當然要同佢好好慶祝，所以一早訂位，最後就三個女仔上山願浪漫一番！本身對蝦嘅興趣未到狂熱level，但都算鍾意食，見到好多人推介Shrimp Shack Mac n Cheese，作為芝士狂迷又點可以唔試！芝士+蝦+通心粉呢個配搭係好match，通粉吸滿芝士絕對啖啖滿足！可惜嘅係，蝦完全同芝士好似撈唔埋，一啲都唔入味而Shrimp's Heaven個presentation夠晒eye catching！以四款唔同方法烹調，包括椰絲蝦、天婦羅蝦、普通炸蝦及凍蝦。三款炸物食多幾舊真係已經好膩，好在有款凍蝦中和吓！雖然餐廳以食蝦為主，但反而呢道ribs and fries係全晚最好食！啲ribs真係好入味好「淋」仲有飲品同甜品都okay，有隻夜光閃閃杯仲可以攞走！…查看更多