JackyLo0060's Profile

好耐都冇喺登龍街食嘢！喺登龍街開咗間新韓燒放題 - 韓牛牧場韓牛牧場係一間韓燒放題嚟嘅，但唔同普通嘅韓燒一樣。無論裝修、餐枱距離、用品以及最重要嘅食物都幾出色。餐廳用嘅燒烤爐係用German Pool嘅光波爐，所以做到無煙嘅感覺，又唔會太過熱。入正題，講吓餐廳嘅食物。前菜有沙律、各款泡菜，最精彩有幾好食嘅藍青口、翡翠螺同凍蝦。香港人嘅放題關係，有好多刺身同壽司選擇，而好食嘅有油甘魚、三文魚同牡丹蝦，其他都好唔錯。壽司方面，一定一要試吓佢哋嘅火炙韓牛壽司，比起其他食過嘅牛肉壽司都算幾好，用到嘅醋飯亦有少少唔同。韓燒點可以冇燒肉？入座每人送羊架同牛肉眼扒，一個字 - 出色其他可以燒嘅食材仲有：肩里脊、一口牛粒、牛仔骨、牛胸肉、牛大腸、牛舌、梅花肉、五花肉、豬頸肉，仲有啲雞類、海鮮類可以燒，選擇同用料都好好。熟食方面，又有啲韓式炒年糕、炸雞、天婦羅等等。選擇真心多，而且突破咗我對韓燒所想又大煙又大油嘅諗法。最後仲有幾好食嘅韓國雪米糍做甜品 - 有曲奇味同埋驚喜嘅合桃味添。…Read More

自從到咗九龍灣返工之後，潛入依區搵黃店食，靠靠 #網上外賣平台hk 先搵到依間喺樓上嘅日式餐廳。疫情之下，買外賣返Office食好似穩陣啲。咁今次叫咗個鹽燒三文魚便當。雖然話係便當，其實都算幾豐富，份量亦非常足夠。.鹽燒三文魚便當評分：🌟🌟🌟⭐️三文魚份量多，但可惜唔夠多脂肪、三文魚油，最後個三文魚有少少乾。配菜仲有醋浸紅白蘿蔔，都令我幾開胃。佢哋都使用咗珍珠米，配合返佢嘅日式嘅形象。.連便當配送飲品同麵豉湯…Read More

Nonsense 限聚令下，旺角成為半死城狀態，每間餐廳都捱住捱住，走入當年都算旺嘅登打士廣場搵嘢食，喺幾間Cafe求其指，指中依間 Go Dutch Cafe 。Go Dutch 故名思義係同荷蘭有關，以我睇一一定係Pickwick 依款茶最有關係，當然我今次係冇試架喇。另一方面，Go Dutch係一間Gathering Room，佢哋有大量Board Games畀客人玩。.蒜茸汁炸蝦天婦羅長通粉評分：🌟🌟🌟唔算高分嘅長通粉，份量雖然大份，但唔算太吸引。原因有：1. 蒜茸汁嘅味道偏咸2. 天婦羅蝦乾硬化.榛子咖啡評分：🌟🌟🌟中規中矩嘅咖啡，使用Arabica豆，但又冇拉花，算係有枱面嘅花襯托住，叫做有啲嘢影。…Read More

燒山就聽得多，幫襯吓佢嘅時代冰室，打風過後，食飯時間褪後唔少少就咁啱有下午茶餐食，咁就叫愛爾蘭瘋狂辣肉醬熱狗，再加埋薯角，咁樣就係一個豐富嘅下午茶。.愛爾蘭瘋狂辣肉醬熱狗評分：🌟🌟🌟🌟熱狗最正嘅就係佢條腸同啲醬，冇正式咁度就當佢條法蘭克福腸有10寸長，法蘭克福腸因為有衣而脆口，所以選擇法蘭克福腸係絕對好嘅決定。另外，肉醬方面咸度適中，如果調較再辣啲就好。.薯角評分：🌟🌟🌟加$5嘅薯角就一般喇，冇咩特色特別。…Read More

神秘嘅香檳大廈位於尖沙咀，係當年風靡一時嘅新型大廈，最風光係當年五顏六色嘅夜總會同鳳姐生意外，仲擁有一間比較有體面嘅酒店，鐘錶舖集中地。香檳大廈裏頭有一間已經存在已久，裝修風貌仍留在二十年前比較舊式嘅裝修，如回到中小學年代。而新記出名嘅係芝士麵(一時唔記得佢都出名豬頸肉)叫咗個鮮牛肉芝士麵。.鮮牛肉芝士撈麵評分：🌟🌟🌟🌟芝士撈麵嘅首創者做出嚟嘅芝士撈麵一啲都唔失禮，滿滿溶化咗嘅芝士足夠包住每一條麵條，入口味道適中，另外配菜鮮牛肉一啲都唔韌而且都幾食到佢係鮮牛肉，份量亦唔錯。…Read More

九龍灣工商業區都算幸福，#大渣哥 #時代 #光榮 都有，但係唔可以因為咁而抹殺小店，叫外賣返office食選擇返間偏僻啲嘅，位於工業大廈9樓嘅禮食品巿場，一邊賣禮品，一邊做日本料理餐廳。.主菜：豚肉生薑燒丼評分：🌟🌟🌟🌟⭐️我食過嘅生薑燒裏面第一個見到新鮮薑絲喺依個餸度，份量非常充足，一定食得飽，最後都唔會令到我覺得厭。.湯品：味噌湯評分：🌟🌟🌟🌟日式料理多數都配味噌湯，但禮出品嘅味噌湯加咗麵麩，麵麩會令個湯除咗海帶嘅咬口外多一層感覺。…Read More

喺將軍澳澳南依個新樓盤，樓下商場Savannah Place都有一間價廉物美嘅冰室。咁同朋友見有啲肚餓就去食吓嘢。今次食咗幾種佢哋嘅皇牌：.皇牌之選：特濃牛乳炒滑蛋叉燒蝦仁雙拼飯依碟皇牌上枱嘅時候，已經睇得出炒蛋火候啱啱好而有個好好睇嘅賣相，炒蛋因為好滑配落啲飯到好順口，而叉燒同蝦嘅份量都好足夠，味道同埋香味都幾好水準。.爆餡之選：芝士。生菜。鹹牛肉。炒蛋三文治見到咁多材料嘅三文治都知有一定厚度，而言佢哋炒蛋嘅水準，佢哋三文治都好好味喇，芝士嘅濃厚，鹹牛肉嘅咸味，炒蛋嘅滑同埋生菜嘅爽脆，仲有烘得啱啱好嘅麵包，整個配合得天衣無縫。.常餐之選：瑞士雞翼撈麵依個瑞士雞翼真心幾入味而且厚肉，唔係間間都有咁嘅貨源，另外個麵嘅汁同質地都有啲特別，好值得一試。.驚喜：椰汁紅豆冰重椰汁味嘅紅豆冰好耐都冇飲過喇，而紅豆都煮得夠甜夠冧，係真真正正冰室出產嘅紅豆冰。.其實佢嘅霓虹燈裝飾都幾懷舊，想體吓啲裝修都可以去參觀吓。…Read More

疫情期間，六點鐘病毒請開眼，只可以買外賣返屋企食，而肚餓時間都要買啲小食醫肚，咁唯有買小食食，但係都要快快食完。.炸燒賣價錢：$15炸燒賣除咗嘉寶有得食之外，多寶就更加好食，因為佢哋炸到燒賣脆卜卜又冇油益味，代表啲咩？咪即係新鮮油炸，而唔係用萬年油，出到嚟嘅燒賣金黃色，而唔係黑黑沉沉。.炸墨魚丸價錢：$15炸墨魚丸同燒賣一樣金黃脆卜卜，香口美味，再睇得出墨丸嘅外皮唔係翻炸嘅厚厚嘅，就知值回票價，最最最惹味就係配有泰式辣醬，炸物一絕配搭。…Read More

食過上環嘅餃子，再去遠少少去到西營盤食。咁今次揀咗北方餃子源，每次試新餃子一定要試吓最難做得好食嘅羊肉餃子。午餐方面，五隻羊肉餃麵，配一個前菜 - 辣椒油青瓜同一杯豆漿。.羊肉餃麵評分：4.2/5.0羊肉餃味道濃郁但一啲都唔羶，餃皮唔算太好，係幾好嘅羊肉餃。而麵就配咗清湯比較清淡，加入咗辣椒醬，辣味帶返起啲味道，更香口好味。.辣椒油青瓜評分：3.8/5.0青瓜清爽，配住辣椒油十分開胃，又可以清一清苦澀嘅口腔。…Read More

星期五晚，去到深水埗買嘢兼食飯，行過幾間黃店都畀人懲罰得太厲害，所以搵咗間比較傳統嘅黃店懲罰吓 - 星河餐廳。星河提供一般茶記食物外，茶記西餐都好受落，所要就叫咗當晚晚餐B - 黑椒牛柳配洋腸飯😏上枱嘅時候都幾驚喜，塊牛柳有成2cm厚，而且煎到5成熟，味道都唔錯，有埋餐包同羅宋湯同飲品，所以都好飽吓。傳統茶餐廳西餐嘅感覺大量湧現，香港就越嚟越少，要食就要快。PS 老闆娘對啲熟客都親切，我相信熟客仔有家嘅感覺。…Read More

K11裏面食店唔多，但係食店嘅質素甚高，今次午餐時間同個朋友揀咗泰國菜食 - 阿閒泰 (Ahan Thai)。Ahan Thai嘅食品都算係高質素，但唔可以話好驚喜。評論如下：.主菜：阿閒泰慢煮牛面頰豬肉丸船粉依碗船粉其中一個特色就係使用泰國直送嘅卷粉。卷粉都係一種米做嘅粉類，而介乎喺河粉同粉皮中間嘅Size，而厚度都算係幾厚，一啲都唔通透嘅，口感係有啲特別。幾舊慢煮牛面頰係我喺依碗船粉搵到嘅驚喜，牛面頰肉非常入味，而且非常腍身，入口即溶。豬肉丸實心得嚟亦都有一啲筋，咬口充實。.主菜：泰式香茅忌廉汁焗龍利柳扁意大利麵Fusion菜嚟講依碟意大利麵都幾突破，始終香茅係一隻濃味嘅調味料，但最終都帶出香味而唔奇怪。龍利柳非常滑溜，香味十足。但只可以講依碟不過不失。.飲品：蝶豆花茶Follow 阿閒泰 Instagram 可以轉杯飲品為 蝶豆花茶，除咗特色加入氮氣之外，依杯紫色嘅嘢飲睇幾伏，其實飲落就中規中矩，有啲似接骨木咁，但如果冇咁甜就好。…Read More

星期五晚同個好好好好朋友喺觀塘搵食，一般人都會搵工廠大廈上面嘅樓上Cafe或者餐廳，但一反後生仔傳統，走入駿業街熟食中心搵好西。駿業街熟食中心陪伴咗好多代喺觀塘返工嘅打工仔，由以前一啲茶記、大排檔發展到依家各國美食都會搵到，西餐、馬來西亞菜、泰國菜、日本料理都有。今次喺土城日本料理同個好好好好朋友叫咗個二人餐，個二人餐其實都好豐富。.前菜：蒜味螺肉、沙律、麵豉湯評分：🌟🌟🌟依啲嘢好難伏、但好難叫做好食。.小食：天婦羅蝦、雞唐揚(炸雞)評分：🌟🌟🌟天婦羅蝦就冇咩特別，店主揀咗隻比較厚粉嘅原材料，所以一般。以炸雞比較出色，入口熱辣辣，脆卜卜。.主食：鹽燒牛舌、蒲燒鰻魚評分：🌟🌟🌟⭐️牛舌夠大塊，雖然冇燒得乾身嘅感覺，但佢夠腍同有味，再點埋啲鹽更加凸顯牛舌嘅香味。而鰻魚真心香口，美中不足係唔夠熱，如果熱辣辣嘅鰻魚會更加好食。.成個二人餐已經夠飽，如果要再加小食要三思。…Read More

呢個一月都維持喺十零度嘅氣溫，每位除咗著多件衫，都可以飲返杯薑汁茶飲都可以暖一暖。中環擺花街嘅春陽茶事，舖頭有一定香港特色，有一盞霓虹燈喺舖，而且舖頭開揚，感覺唔窄。佢哋喺依個冬天出咗黑糖暖薑茶、薑汁烏龍茶同薑汁烏龍鮮奶茶。咁我就叫咗其中嘅黑糖暖薑茶同薑汁烏龍鮮奶茶。兩杯茶都可以選擇甜度，配合埋重薑汁味，又暖心同吸引。而且佢作為明星舖有一定吸引力。因為位於擺花街，去大館之前又可以飲吓，又方便又近。…Read More

鳳鳴石磨腸粉算係觀塘區比較出名嘅良心店 。老細係一個後生仔，一種咁傳統廣東美食轉到後生手上，就做出創意，新新舊舊的融合就得出新品。鳳鳴石磨腸粉提供除咗白米製作之外，仲有紅米同黑米製成嘅腸粉。除咗腸粉外，佢哋都有提供自家製作飲品以及小食。.牛肉腸粉 (白米造)評分：🌟🌟🌟🌟石磨腸粉嘅出品同其他腸粉最大分別喺佢嘅香味，食得出米香，我相信其餘兩種米造嘅更加突出，而佢嘅牛肉係今次敗點，有少少韌，對食緊又滑又冧嘅腸粉對比太大，有啲辛苦。…Read More

又到旺角，沿住朗豪坊中庭兩條長電梯，左手邊就見到Texas Burger，Texas Burger算係我喺香港食咁多漢堡嚟講算係最出色，環境因為限聚令而有好多膠板頂住視線。入返正題，今次叫咗藍芝士漢堡套餐配飲黑牛。.藍芝士漢堡評分：🌟🌟🌟🌟🌟一個字：出色。成個漢堡又高又大，放棄咗用手而用刀叉進食。(懶係嘢)佢啲藍芝士係幾香而且幾好味，另外，佢哋嘅漢堡肉都幾厚，而且煎得Juicy亦唔會太熟，啲肉唔會太乾太嚡。.薯條評分：🌟🌟🌟合格分數嘅薯條，薯條唔太熱，唔太脆同唔太厚肉。.酸瓜評分：🌟🌟🌟傳統美式，有舊酸瓜咬，但可能唔係浸太耐，冇乜酸味，喺咁濃味嘅食物唔太突出。.黑牛評分：🌟🌟🌟🌟🌟首先黑牛唔係度度有得飲，牛奶雪糕配可樂，雪糕裏面嘅成份可以增加可樂裏面嘅二氧化碳，而致有好多汽，所以飲黑牛好爽。…Read More