au_sin's Profile

點餐態度唔好，點點下，服務員突然講咗句，叫號碼得了。OK，叫號碼，我講咗幾次啦，我自己再覆多次⋯⋯出到嚟，都係落錯單...咁佢自己覆單，唔好靠個客覆啦！仲要聽錯！叫咗無骨海南雞飯，第一次見成碟都係雞胸嘅海南雞，問佢哋有無得換第二碟第二個部位或者換一半都好呀⋯⋯佢哋話唔係雞胸就雞脾喎⋯⋯雞脾要加十蚊。咁响 Menu 度寫只提供雞胸，我咪唔叫，食其他嘢囉！啲雞「鞋」到暈 ，唔好味囉！又叫咗個咖哩雞，啲雞都係鞋到死，我諗依間嘢嘅雞都係難食！Mee 喇沙，味道ok，咁多樣嘢，最好食依個。最後，叫咗芒果糯米飯，一放就放响枱邊，放完就走。我哋你眼望我眼，點食呢？明知Share都唔會放响中間，叉仔、碟要問先有！最基本的服務都無，如果佢係大排擋，我無say，開响青衣城，收一個唔係特別平嘅價錢，佢間服務直情差，唔合格！唔會再食第二次！…Read More

點了下午茶餐，$35啲河粉未炒開、淡黃色、唔夠熱、仲要無乜味！從未食過咁難食嘅炒貴叼！唔怪得之入去無乜人食...其實無心搞好啲食物，不如執咗佢，俾啲有心人開另一間餐廳，反而仲造福人群。…Read More

The service is bad, no water is served and waiters with no smile.The food is nice but not worth to come here anymore!…Read More

同老公去食。一個雞煲加二人鮑魚套餐。雞煲麻麻，唔夠香，味道一般，唔會話食到唔夠喉。。。唯獨鮑魚係新鮮嘅，爽口好食。其他嘢一般，份量又唔多，每種兩粒，食咗四百幾蚊。我覺得唔抵食，份量少。長沙灣有大把火煱店好食過佢而價錢又差唔多。。。…Read More

今日約了幾位同事到銅鑼灣食午餐，想吃日本餐，於是到了登龍街，整座大廈有不同的日本餐廳。最後，我們試了11樓的　＂饗＂。見環境不錯，鋪頭不是很大，我們六個人，總算坐得舒服，傾計絕對無問題。餐牌有不同的午餐選擇，有熟食亦有魚生飯，刺生套餐，選擇很多。我選了海膽三文魚親子丼。因為一早已經想食魚生飯，而且餐牌上的圖片吸引。前菜：有湯，沙律，燒茄子。沙律新鮮和燒茄子都好好食，醬汁不會太咸，茄子味濃郁，可惜只有兩一塊，唔夠喉，未食主菜已經有驚喜。因為本人覺得好多時午餐的前菜都麻麻地，但無想過這個前菜都做得不錯，有水準，印象分大加！！主菜：海膽三文魚親子丼海膽大大塊，味道甜美而且新鮮。配埋紫菜，加少少醬油，好好食！必食之選！三文魚子大大粒，咬時pop pop聲，好得意！三文魚都大大塊，絕不吝嗇，厚肉鮮甜，都好正！整個套餐都好滿意，份量不少，魚生可能大大件，有種餸多過飯的感覺。食完主菜和前菜己經有飽的感覺，後來再有綠茶雪糕糯米滋，及一杯飲品。大滿足！！走時在門口見到很多派對的相片，原來有些人會在這間餐廳搞派對和玩boardgame。眼見餐廳面積不是很大，但怖置得幾舒服，而且有兩間包廂，可以容納約７至８人。食物價錢合理，食物質素高，下次朋友聚會，都會推介朋友一起再來開餐。…Read More

門口很企理，諗住可以一試。我哋兩個人食，叫咗香茅豬排金邊粉同肉骨茶。失望至極香茅豬排一嚟到，個樣好似浸咗成個世紀咁，外面層皮甩掉，肉質出奇地淋。肉骨茶無葯材味，只有甜味，奇怪至極！唔明點解仲有食評話住間嘢好食。。唔通我哋叫咗佢哋出名難食的食物？？欠些唔記得講，服務都好差。態度唔想做，啲嘢認咗人又唔拎嚟。唔好食，服務差！…Read More

男朋友要到炮台山整牙,既然過海,於是便到openrice看看炮台山附近有什麼餐廳推介..見到有人特登過海到Henry's Kitchen用餐,之後的評語還不錯,心想這間餐廳應該還可以吧!當晚,人不多,只有我們一枱客及一張坐滿6-8人的枱..心想,莫非高估了?!我們沒有點酒,但看見枱上的"Recommand Wine List"係澳洲的Grant Burge..我們點了兩個 Set Dinner, 諗住百拎二百蚊, 唔算貴, 從來無期待突出的表現...頭盤: 煙鴨胸橙柳配蜜糖黑醋 賣相好靚, 味道好食, 橙的甜甜酦酦味好開胃, 鴨胸味道唔錯, 配撘很宜湯: 波菜忌廉湯配餐飽 :) 賣相, 味道 都ok, 唔覺得特別突出..但下次會加$40試下龍蝦湯主菜: 帶子蕃茄扁意粉 帶子大大粒, 好爽口..特別鐘意個意粉唔太諗, 口感好好..燴澳洲牛面頰配提子紅粉汁 個牛軟"諗諗", 好入味, 好好食..而且旁邊放了幾粒提子做伴菜,好特別, 我哋第一時間食晒啲提子先再食個牛 :)甜品: 加$45轉心太軟, 本人唔鐘意食心太軟,因為成日覺得只係蛋糕入面唔熟..今次,餐廳等別推介, 所以一試...賣相1000分! 好有心思, 個朱古力好好味..唔係普通渣貨..啲生果亦都擺得好靚!!芒果雪芭, 味道ok..但賣相好好,睇到未食已經好開心!!最欣賞依間餐廳服務好,啲嘢食好有心機整, 出菜的時間都撑握得好好...有時一間好的餐廳,不只食物質素重要,環境,服務都好重要..我哋食得好開心同滿意, 下次一定會再同其他朋友幫襯!!…Read More

買了GROUPBUYER團購,廣告上以為好多嘢食,好正..但點知....味道差,選擇少,衛生環境差,食物唔新鮮…首先,前一,兩日BOOK位...當日6:30PM去到唔駛等位..但第一樣嘢 - 服務員已經講無三文魚刺身...覺得勁奇怪,6:30PM已經賣晒,當時食堂並非滿坐...入到去先知原來廣告上SHOW出嚟的食物並非全部免費...火煱料自己攞...肥牛盤,熟食長期空空如也...我等肥牛等了20分鐘先再出... 熟食亦都係食飽先見有…點了刺身,個樣勁唔新鮮, 當然無鮮味…最後服務員同我講連甜蝦都賣晒..當時未到7PM...即刻覺得俾人呃..又無三文魚, 又無甜蝦…其餘的刺身個樣又恐怖,唔敢再食…燒肉好難食,個爐又一邊熱一邊唔熱, 燒咗勁耐d嘢都未熟….火煱料麻麻哋...$80只係食火鍋, D料又少,勁唔抵….GROUPBUYER廣告絕對是個誤導, 又一證明團購未必信得過…曾經SEND EMAIL去團購投訢,但無回覆,可能佢哋一早知道,鍋一燒的質素係咁差,都廢事睬我…希望唔好再有人俾誤導! …Read More

因為爸爸生日,所以一家人去食自助餐...因朋友的介紹,所以選擇萬豪...冷盤: ( 必食)生蠔 --- 超新鮮,本身唔係咁鐘意食,都食咗半打龍蝦仔 --- 食咗兩次,即係食咗一隻,d肉好實,但我都係覺得好正長腳蟹--- 好鮮甜, 食咗好多, 最好是每張枱都有一把交剪,好方便...三文魚---食之前係最無興趣的嘢, 但食後,真係好好味,又係好新鮮...其實每樣海鮮都好正,除咗d蝦外...熱食雖然選擇唔多,但每一樣的味道唔錯...特別一提: 燒牛肉,好多地方都燒得太乾,太熟或牛肉本身唔好食,但今次的燒牛肉好好食,燒到MEDIUM,同埋本身的牛肉質素高,有肉汁,好好味...甜品超勁好食....除咗芝士蛋糕太濃芝士味,變咗太咸外...特別要推介開心果蛋糕同埋雪糕!!每位未計加一,要$410,如果有滙豐白金咭有八五折....…Read More

價錢平,但食物質素認真麻麻...壽司d飯好似煮定好耐, 好硬串燒只是微暖,又係燒定,牛舌,豬軟骨都係好硬...又唔熱...天婦羅都係唔熱.....唉........d嘢好難食....服務態度就ok 啦...d嘢難食都無咪心機理其他嘢...:(我同男朋友兩個都要$281.6...食埋d垃圾,我就覺得好唔抵:(…Read More