Fat pig pig's Profile

呢間餐廳新開張，反正行開呢頭做野就係上個禮拜四（13/8/2015）試過佢既午餐：羊肉嗆面配白菜水餃和湯，一上來湯不錯，是津白湯，水餃皮薄，印象不錯 :) 可惜接下來的面就大有問題，羊肉ok無什挑剔，反正香港的北方菜館羊肉都一定不會騷得去邊，香港人亦會認為唔騷的羊肉為之好食…但面就有很大問題了，叫之前已經詢問過是否手工拉面，被敷衍地告知“是”之後已經不表期望，誰知道枉論是廚房現造，根本就是“普通機整面”的來貨，一點兒彈性和手工感完全欠奉！埋單時再問店員，被告知是手擀面，口感不同，我真想告訴他你以為我是慣性被欺騙又很少北上吃北方菜的香港人嗎？ 即使是手擀面都是兩馬子的事！後來我再問，她說店裡有兩種面，另一種是刀削面，我問是否師傅拿著一團面粉即叫即削的，被肯定地回答“是”，好，給你多一次機會！  今日，我再來光顧，點了牛肉刀削面配春卷和湯，湯和春卷ok:)但今次我真心被這假裝京片子被徹底欺騙無語了 :( ，這個擺明就是我在“百X超市”買過的包裝寬粉 ，雖然手擀面是東北特色，刀削面是山西特色都與北京無什關係，但向來香港吃北方菜都係幾味炒埋一碟，所以我是滿有期待的，但今次真係相都費事影了，失望透頂！ …Read More

話說放完端午節假既禮拜二同個女仔同事去呢度食lunch, 我地食左個鯖魚意大利飯配周打海鮮湯同餐飲，$4X元左右既set lunch有呢種質素而且坐得又舒服已經打算以後索性當飯堂。今日（9/6/2011）帶埋另一位同事再去返兜，我地今次分別點左三個不同既：女同事：餐湯南瓜湯（無得擇既）、龍蝦汁鮮蝦珍珠飯、熱奶茶女同事話好好味，賣相亦很不錯。男同事：餐湯南瓜湯（仍然係無得擇既）、鯖魚飯、熱奶茶男同事覺得舊魚算大舊又新鮮，不過飯略嫌硬身至於我呢：餐湯南瓜湯（一樣都係無得擇既）、田園沙律、雜菌牛柳意粉、凍鴛鴦、雪糕蛋糕 (沙律+雪糕蛋糕額外加既)餐湯南瓜很香又滑田園沙律d醋唔係水賴賴貨色、甜甜地菜又夠新鮮雜菌牛柳意粉係午餐餐牌入邊最貴既，等左好耐:(但不負期望:)，牛柳兩大片，夠厚又有肉味，感覺唔到有蘇打粉:)，意粉彈牙唔會淋biebie凍鴛鴦就一般啦，但個甜品有驚喜，唔太甜，一個人食就多左d........埋單走人，當我們開開心心地返公司既時候，我就開始肚痛唔舒服，而且我既兩位同事一樣唔舒服..............有其他同事告知呢度上手已經試過食壞人，一係你地個南瓜湯出了問題，一係就風水問題啦，老闆都換埋都有問題？所以希望店方改善衛生，如果因為衛生問題而流失客人就認真唔抵啦，我地都好欣賞你地既食物質素，會比多次機會的…Read More

是晚一家人行完LP Market Place打算買壽司回家慶祝母親節，但最後沒什麼好選擇下決定去大角咀試新店我們從超市拿著一袋二袋到達，店内已差不多滿座了，但幸運的我們還是不用等位就已經有座位了。點菜前，我們考慮到雪藏的食物會否壞掉，唐突地詢問負責人可否暫存於店内的雪櫃，負責人二話不說就幫我們的保溫袋放進雪櫃内並在外多用一個膠袋盛載，實在令我們很窩心。說回食物，我們總共點了四個菜：1. 話梅豬手 - 這個汁做得好開胃，豬手炆得都好入味和淋，可惜我們點了生炒糯米飯，否則送飯一流。2. 皇帝雞 - 同樣是送飯好菜，用錫紙包起來蒸焗，雖然不是新鮮雞但雞肉都好嫩滑入味:)3. 生炒糯米飯 - 這個飯聽聞不是荒間的做法，是廚師的功夫菜。這個飯吃得出它是混合了其他米一齊炒的，比一般炒糯米飯好入口，不怕太過乾身，料足又夠味。4. 西蘭花斑球 - 這個真的是差了點，荒間斑球一般也是用龍利柳代替，此間亦然，我們一家人都很討厭這種帶有泥味的魚。5. 芒果糯米糍 - 送的，老闆娘說慶祝母親節送的，好多芒果肉好好吃！整體感覺這家店比一般大排檔式小菜店坐得舒適，椅子還有難得的靠背，取價又公道，而且我覺得最窩心是非常良好的服務態度，要知道大角咀真的很難找到有服務態度的店鋪，但竟然在這街坊小店中尋找得到，實在可喜可賀！…Read More

同朋友去食lunch, 呢度都唔係第一次去，對上一次去食過雜錦水餃，叫佢走韭菜和白菜最終比得最多既竟然係呢兩款，個阿姐仲叫我咬開一隻換翻另一隻比我，你唔覺核突我都覺得噁心啦，搭招牌牛腩，係唔係招牌呢我唔敢講，但份量就極少:(，而且d米綫仲要係碎既:(，哎......都講左以後唔會再翻兜.......點知............今日又有朋友話去，算啦，比多次機會你........朋友話d豬扒好食，咁我就order左個豬扒鯪魚球酸辣米綫餐連杯菊蜜，等左都頗耐:(終於來到啦........豬扒：無肉，好薄身，同埋炸到唔清唔楚.......鯪魚球：都幾彈牙同大粒:)米綫都係碎上，個所謂酸辣湯底就只是放點辣鹹菜就當係.....有點那過......而且我地仲發生左個小插曲，我朋友唔覺意打瀉左我杯飲品，濕曬就不在話下啦，但鋪頭d人完全無意思換過杯比我，咁我都禮貌地開口問可不可以比過杯我啦:)，點知換來冷冷的一句“加錢啦”:(............好老實講，雖然我都明白呢度只係街坊小店，而且比你係人情，唔比你係道理，不過你也未免太現實了:(，一杯半杯飲品你蝕得幾多比個客啊？算吧，反正單從味道出發都已經再無下次.......以後都ban...............…Read More

全世界都知母親節去酒樓飲茶一定無下午茶特惠，所以我晨早就決定好去“點心專門店”飲茶，貪佢咩時段都是一個價。其實呢度剛剛開幕的時候我都黎過一次，雪影杏汁包同蝦餃等蒸類點心我都覺得ok好味道既，否則我都無打算再翻兜，可惜呢日真係令我好失望。蝦餃：皮好淋同無口感，蝦唔新鮮燒賣：肉散開既，而且比上次多了好多肥肉豬潤腸粉：皮可以，但豬潤極度不新鮮，有味:(牛肉球：合格剪糯米雞：合格魚蓉燒賣：我無份食，但阿媽大罵離譜！臭既！鵝肝炸粉果：皮極厚，幾乎無餡，而且是貴價點18蚊3隻，過分！雪影杏汁包：這個是我上次的最愛，我仲同疑似老闆娘說以後都不用再去添好運排隊啦！上次吃的時候是有點像奶黃流沙包般溜汁出來的，好正！但今次竟然是“結 tech tech”好似杏仁霜加左過量粟粉既“一pat野”，簡直悲到無朋友！整體來說是嚴重地跌watt! 難道門口個招牌師傅明哥聲稱前西苑師傅呢日都要慶祝母親節？呢日過到去仲要位都唔洗等我都覺得事有蹺蹊架啦，隔離點心居老實講我去過一次我已經KO左決定以後都唔再去，但呢日隔離仲要多人過你，除左價錢較為廉宜之外肯定都有d原因既，希望你地檢討下啦，我會比多一次機會你地，不要再讓我失望了！…Read More

8月頭同女友行完三棟屋博物館打算沿路走過去搭西鉄，知道沿路會經過嘉樂冰廳所以就打算去嘉樂食中午，點知去到真係好多人:(，而且天氣熱到暈，又唔想等既情況下惟有黎呢度:(.....其實都要等:(，而且門口聽到好多人都係因為嘉樂太多人而被逼走過來，都知道今餐要將就下，點知......我同我女友坐低打算求其食完就走:)，我點左個常餐，我女友點左個特價餐之類，order落完前後不到10秒我女友想改食第二d野點知比個企堂鬧返轉頭話入左單整緊唔改得.....都算，但係佢所謂整緊都等左我地10幾分鈡！炒蛋同湯通粉渣！仲話整緊？我當時問另外一個企堂點解咁耐:)，但頭先鬧我地個企堂竟然話我地有無搞錯，等左一陣就話好耐，我真係想即刻起身走人咁擠，不過我女友拉住我.....d野終于上到來，老實講，味道就一般般啦，炒蛋無汁又細份，奶茶唔算滑:)，可能受緊氣......同我地搭台既兩母女都話其實都想食隔離:)，不過太多人先被逼走過來:(，佢地話係街坊，呢間野成日都係咁樣至有生意，所以d人都好串！老實講以後都唔會再幫襯，不過條氣唔順就要同各位飯友講下！…Read More

呢個食評遲左成個月先寫因為我完全唔記得左啦！嘻嘻！時間：8月初8點左右呢一日同女朋友健康地行屏山文物徑，當日仲比我地見到選唔到立法會議員既周梁淑怡同TVB既新聞記者，不過中午果餐路過荃灣嘉樂冰廳由於實在太多人搞到“過門而不入”，被逼去左去隔離間垃圾我就仲記憶猶新！所以夜晚呢餐點都要對得住自己個五臟廟先得！:)去到即刻排隊，同個印巴籍女侍應講幾多位，但門口就企滿人，都唔知點排隊:(（突然想起小弟一個澳門朋友見到好多人係度排隊等巴士就話我地香港人最中意排隊，我就話佢聽係香港人怕蝕底，寧願有隊排公平d，first come first serve, 不過有得偷步其實香港人一樣唔介意....）, 我問個女侍應有無飛仔攞等叫位，又話無:(，算.......老實講餐廳真係好細，而且一張台起碼要食1個鐘，不過唔關客人事，係廚房出菜慢（因為好似得一個廚師，老細同廚師都係佢！）。等等下，等到9點鐘終於有位坐，腳都“bai”! 二話不說點餐，叫左（可能有d英文串法會有少少錯):1. Tandori Chicken - 燒得非常入味，炸炸聲鐵板上，但拎過來的時候女侍應唔小心跌左舊，不過就即刻叫廚房補返一舊，抵讚！2. Samosa - 皮比我以前係英國食既薄，正！裏面足料！:)3. 洋蔥parika - 炸得好香口，不過就熱氣左少少4. 腰果汁羊肉咖喱 - 好香，味道有層次感，唔辣，食到一d都唔剩！5. Garlic Naan - 小弟可以說是我吃過最好吃的Naan, 烤得實在出色:)6. 本來叫了Mango Lassi, 不過唔記得上:(，後來我地想飲啤酒叫左只好似係菲律賓定泰國既啤酒，買一送一優惠的:)，不錯，都幾好入口，就係唔夠凍:(總括來講比起我以前係英國食既印度野正好多好多，難怪咁多人幫襯，雜誌亦報道此餐廳老闆以前係五星級酒店係大廚出身，而且價錢真係平，兩個人食左唔夠200蚊，可惜對我來說地方遠左少少，而且油煙問題非常嚴重，女侍應又好失魂，埋單又成日計錯數（幾張台都投訴！）不過都一定會再幫襯！P.S. 我好憎我自己第一次就奉獻左比佢啊，其實對上那次係銅鑼灣食過既都唔差，但呢度實在太好味啦！…Read More

小弟確實係肥佬黎既奴隸，無論佢旗下既報紙雜誌話好食既地方我都會去試。前幾日生果日報登呢度d甜品有酒店級水準，迫不及待就走過來食....點知:(.....環境：1.坐低發現佢度自動門會開到最大然後要等一陣先識得刪番，然後又不停有人出出入入，d熱氣吹曬入黎我老豆個頭頂就不停冒汗。2. 個地下仲要超級油膩，疏忽少少都好容易“綫”親.....環境就完全不合格！價錢和味道：首先見到佢既價錢真係唔算平:(，唯有寄望下d份量啦......叫左3個小菜1. $68 - 粟米班塊，d魚睇得出係比一般茶餐廳好同新鮮:)，但份量太少:(2. $38 - 西蘭花炒牛肉，分量真係細:(，味道都可以。3. $38 - 者者雞，分量可以，可惜味精勁到嘔，又咸到嘔！2個甜品1. $28 - 芝心火焰雪山，老實說，我最期待的都是甜品，不過就絕對無報紙催得咁好咁交關:)，外面果層都可以，中間既芝心都香:)，算交到貨。2. $22 - 原味梳乎里，呢個都可以，好香可能我食過長洲既師妹啦，呢度既甜品只可以說價錢取勝囉:(....最後埋單230大元，老實講唔會再點幫襯:(，坐低都收5蚊茶錢一位仲要加一，想淨係來食個甜品都好難啦！…Read More

我以前係九龍城讀書果陣經常去清真牛肉館食野，以前好好架，個牛肉餅又比現在平，上年暑假同女朋友重游舊地就發現野貴左分量又少同埋好串，可能生意好啦，成日都等位，好似唔憂做咁，自從那次之後我都無再去啦......直至上個禮拜五，回家途中發現呢間感覺有點像九龍城那間又是標榜牛肉餅好食的鋪頭，初初以為係“老翻”啦，但係由於想食牛肉餅好耐就二話不說走入去買兩個打包，同老板詳談之後發現原來係有親戚關係既，九龍城係細佬，呢度係家姐，當年移民去加拿大現在回流，歷史更追數至我老豆後生果個年代佢地第一間係尖沙嘴寳勒巷開既添.....講返牛肉餅，正！多汁又多餡，而且20蚊2個比九龍城平，而且比九龍城方便，太子站行過來5分鐘左右（好多人等位既金鳳牛扒再行前些少過馬路就係！）星期六第二日我地全家又正式走過來試其他野，叫左一個紅燒牛肉面，一個牛肚冷面，一個摩囉雞炒飯，全部30蚊樓下一份包豆漿一大杯，抵！而且味道都很不錯。1. 牛肉面多牛肉，湯又得2. 牛肚冷面我阿媽就唔太like，嫌濟，我幾喜歡！3. 摩囉雞炒飯，即係雞肉炒飯加咖喱粉吵，惹味delicious!最後我地又再同老板討論牛肉餅，佢話佢呢度既牛肉餅比九龍城健康d, 用菜油, 抵讚！我一定會再幫襯的，實在好味又平！下次我會來試咖喱類，希望比九龍城既仲好食！…Read More

又係雜誌惹的猧，講到好似好正咁，而且去開港島區，就一於來試試！6th September 1900話説食完個九記牛腩一肚子氣，心想這裡千萬不要再出差錯啦！上到去見到個餐廳格局都不錯，坐低二話不說就點左個二人set再加個干燒羊肉1. papadum, 好似薄左少少，配芒果醬，正！2. Samosa, 個皮覺得厚左些少，無元朗好食3. Seekh Kebab, 都ok,不過略嫌味道好淡，腌唔夠味4. Mix Seafood Curry，以爲係普通貨色，但比我想象中正，唔太辣5. Chicken Madras， d雞好食喔，個汁調得很好6. Malay Eggplant Curry, 呢個就普通啦，好似乜都無得pat汁既感覺7. Naan Bread，又係元朗惹的猧，果度實在太好食啦，呢度其實不是不好，只是比較之下就失色少少8. Mango Lassi，正！好耐無飲過啦！9. 另點的干燒羊肉有點兒驚喜，羊肉很入味，而個咖喱很清新，味道一流！埋單大約＄230，下次再過來銅鑼灣shopping的時候會再來的，價錢合理，食物滿意！…Read More

上個禮拜六同家人來試下何謂明星都愛死既九記，上次去勝香園既時候都見到人多到嘔，今次則非常順利，門口等左5分鐘就有位我地三個人，叫左兩碗清湯腩伊，一碗咖喱腩伊。首先我對27蚊一碗咁細既湯麵好有意見，實在太細啦，以前我成日話油痲地橫鋼貴:(，現在才知道何謂天外有天，人上有人！味道方面，個咖喱既都ok, 不過就同我係澳門食過既無得比較:).....至於個清湯腩伊，講起就把鬼兩把火，果個所謂“清湯”根本就係“清一色都係味精既湯”，同華姐果個真係清湯腩完全兩回事！老實講，禮拜日果個姓蔡既電視節目好多時都係只介紹自己friend既餐廳，唔好信曬佢囉！（我已經中左幾次招啦！）坐就仲過分，我地坐係收銀台前既，突然間來多了人，突然就要開左度玻璃門，咩冷氣都無曬！食完我地馬上走，仲一人飲左支750既水先舒服d! blacklist!…Read More

尋日同同事過來呢度試，哎......熱辣辣仲要行早排有成41度既女人街真係唔好受，正當汗流浹背我地終於到啦..........首先，我想講既係以價錢來講真係接近平絕香港既中東店架啦，lunch價35蚊，洛克道同亞士里道果兩間連鎖既都接近50蚊份啦，所以我地本身都無咩特別要求架啦......我地叫左一個轉轉燒羊肉卷，一個素菜卷，我見到餐牌上面話跟杯所謂土耳其紅茶，價值10蚊，Menu隔離果杯土耳其咸乳珞都係10蚊，小弟自問英文有返咁上下全程都係用英文點單（因為裏面只有一個中東人），但係個夥計定唔知老細簡直就係雞同鴨講，問佢可不可以轉飲品問左幾次都唔知佢依依峨峨講咩...........最後放棄！等下等下越來越熱，點知發現原來無開冷氣！咁既天氣唔開冷氣有無搞錯啊？食物總體來講不裕，羊肉都有羶味，唔係死實實既，不過我就發現香港同我以前係英國食果d就都好大分別，可能爲了迎合香港人既口味啦，呢度就放好多千島醬，而且英國興用一大個卡巴包放超多沙律同肉，呢度就整成一個卷......我自己問佢攞左碟Garlic Sauce同Chili Sauce點來食，都好正，而我個同事就話無咩特別，不願置評。杯茶都可以啦，不過不失，我自己也是no comment.......我地食完速速埋單，因為實在頂唔順啦！…Read More

呢度又係其中一間我會經常光顧既“午餐飯堂”之一，整體ok, 而且最驚喜既就係佢d寬條面比起Pizza Hut真係有過之而無不及，夠creamy，麵條又不會太林，正！唯一就係價錢就偏貴，不過加10蚊可以食埋甜品，對好多女士來說則非常吸引！…Read More

小弟返工係office真係有時做野做到好寡:(，所以中午就一定要離開下出去食下飯，而呢度呢就係我其中一個必然之選，無他既，31蚊有湯有包有飯仲有餐飲仲想點？:)咖喱飯類都整得幾好食，其他就都ok啦，勝在夠大份:)…Read More

7月27號中午，女朋友已經講左好耐要去食日式放題，甘就近近地柬左呢度。呢間餐廳其實我地大大話話都幫襯左7 8年，初出來光顧到大約半年前，呢度都有一肥一瘦既女經理係度做，後來突然間呢度易左手d人就唔同曬，由接近全女班變為全男班，質素亦都比以前差左......我兩個月前先同家人來過，雖然選擇少但整體不錯，魚生都幾新鮮，牛肉亦都算juicy，不過質素有時都幾飄忽，有一次個甜品仲比過超級難食既芒果布甸，我發誓呢一世人未食過如此難食既甜品，簡直畢生難忘！我地去到，照樣無咩人，呢樣野係我比較buy既，坐得舒服，服務生態度也不錯，好少漏單，魚生選擇中午就永遠都係得4樣，主打既三文魚，仲有立魚，甜蝦，北寄貝，我地三文魚叫左5次，有4次都係幾肥既腩位，正！不過呢次又無銀鱈魚骨，有d失望.........不過最失望的就係聽個經理話以後都唔會再整我認爲佢地最得既椰汁糕啦，我覺得無左呢樣甜品我真係未必會再幫襯啦！…Read More