小東滋味行's Profile

[西環石塘咀 - 日之苑]自從黎左港島區工作，lunch都多走出去食，今次試呢間日式料理真係有驚喜，之前經過見佢賣便當以為無得堂食，同事介紹下先知原來堂食喺隔離鋪///燒鯖魚便當 配蟹籽沙律加雜錦刺身(HKD 85) 每個便當可以自選兩款小食，加錢就可以揀特別小食，我就揀左蟹籽沙律加雜錦刺身，半條鯖魚份量都OK，好足魚油同好好味！蟹籽沙律性價比高又夠大份，而刺身就中規中舉，起碼無雪藏味無霉肉已經俾pass了同事們有以下表示⛔️香辣雞槌過咸(行人止步）👍🏼南瓜薯餅紫心香芋丸可以一試///日之苑📍石塘咀屈地街22號…Read More

[屯門 - 榮式雞扒]Lunch時間第一次去左屯門市廣場食榮式雞扒，之前黎左兩次都係勁多人排隊，難得今日唔駛排就一定要試！今次叫左撈檬連飲品(熱飲) 套餐價HKD46影相望落去塊雞扒好似有啲細，但實物其實係長過成隻手掌，但有少少薄，厚過麥當勞板燒雞腿包塊雞肉少少🤭，但肉質當然好過麥記好多倍，食落無痴牙同雞肉好滑身😳👍🏼連埋個撈檬真係堅夠飽！///好味指數：8/10推介指數：7/10回購指數：7/10…Read More

[香港尖沙咀 - 茶理史]芋香鮮乳小芋圓 (HKD 26)近期大熱就一定要數尖沙咀新台式飲品舖茶理史，今次就試芋香鮮乳小芋圓！三層漸變色好靚，尤係紫色果層😍😍，飲落去既芋頭味就唔係話好濃，最驚喜既係飲到芋頭粒，而下面既芋圓軟硬度適中，唔會咬到咀軟都未爛，但我明明叫微冰但都勁多冰……///星期日黎試多人到嘔，由買到拎到杯野飲足足等左半個鐘，建議大家平日黎，同埋星期日可能人多做唔切，茶食暫停😭😭😭..想試麻糬呀……///整體評分：6.5地址：尖沙咀厚福街9號…Read More

[香港尖沙咀 - 韓半島]韓國野真係成日食，次次講起食韓國野都會諗起韓燒同炸雞，但食得多都會悶，今次就試一試新式韓食，西式韓式fusion菜！呢間舖既菜式名全部都水蛇春咁長，原來都係以韓國既地方或者事物名命///1雪蓮花開時 - 冷麵配青瓜絲紅菜頭絲，味道清新，上面既泡就無咩特別，純粹點綴一下2老姑壇繁花盛放 - 一上枱麻油味勁香，連配菜食的話口感幾好，但如果淨食粉絲會感覺過油，難得用墨魚汁煮都唔會食到成棚牙黑晒3連理枝的因緣 - 簡單黎講係炸紫菜飯卷，幾香口唔會油淋，但份量唔多，反而想讚啡色缸入面的沙律同醃蘿蔔幾好食，初時見本menu話有雜錦泡菜，點知係無既4三光寺的燃燈節 - 我最鍾意就係佢有雪人年糕係辣鍋入面，魚串同粉絲點辣鍋食真心唔錯///總括黎講，賣相真係唔錯既，食落都中規中舉，但份量真係有啲少…Read More

[香港紅磡 - 林記小食]黎紅磡掃街，一定要食出晒名既林記三寶！燒賣個外貌真係麻麻地，但燒賣不可以貌相😅😅！魚肉燒賣堅係食到魚味，因為佢入面既魚都好多下，所以好夠味同煙韌，唔似你平時街邊食到既麵粉燒賣///魚蛋有得揀咖喱辣或者唔辣，辣得黎又有少少蠔油味，唔錯，而且好彈牙，同油麻地通達有得fight💪💪.///相比燒賣同魚蛋，腸粉就無咩太特別，但都好滑，加左甜醬，麻醬，芝麻，豉油同辣醬撈埋一齊食就好惹味///一份三寶夠兩個人share，大家可以搭去對面家維邨出面啲石博到食，咁就唔駛企得咁辛苦…Read More

真係伏伏地呀喂........:(呢間既合桃糊係出名既，但既然近期紫薯大熱，就等我就諗住試試呢個紫薯系列先！紫薯芋圓向來都無得輸，仲可以配搭豆腐花，西米露，蕃薯糖水同涼粉底，我地就分別叫左蕃薯糖水同西米露，紫薯味唔係想像中濃，已經係失望左！芋圓就粒粒都無味，係得個西米露叫好少少，蕃薯糖水又淡同d蕃薯生到呢......究竟係佢煮唔熟定還是舊蕃薯未成熟呢...一百個費解！妖，可一不可再，下次叫番合桃糊算數…Read More

新年流流真係要食好啲，仲要食靚啲今日就去左尖沙咀食精緻點心，唔似一般流心包係白雪雪，佢反而大走黑卒卒路線，配搭金色極具睇頭😎😎.熱辣辣上枱，麵包外層極鬆軟，唔會實的的，黑金流沙搣開後，流沙蛋黃湧出黎😍😍！雖然49蚊3個包，但大家一定要點呢個黎試一試！流心真心正，一試難忘！！！！！點來聚聚係由五款點心組成，分別有：檸檬蝦餃👉食落有淡淡檸檬味，細細粒但蝦肉多芋蓉流沙👉皮夠薄，芋頭味濃，唔會得個色墨魚汁餃👉諗唔到入面竟然有我最鍾意食既黑松露，好香口，蝦肉都算多蜂巢棗糕👉無咩特別，又唔覺紅棗味特別勁賽螃蟹餃👉食落似蟹肉加粉果，但皮真係薄，抵讚陳釀醉蟹🦀🦀🦀都有一段時間無食過酒釀/酒浸野，見到menu有呢款菜式真係立即點！太雕味濃郁，亦無蓋過蟹膏既鮮甜味，下次要問下有無食蟹工具😂😂，啲蟹肉有啲難撩出黎如果你唔飲酒既都試下啦…Read More

[香港元朗 – SALT RECEIPT]元朗YOHO MALL越開越多新店, 今次就去試以「鹽」做主題既北歐餐廳！間餐廳係係Homeless入面，全部餐桌紙又印有圖案，如果帶小朋友黎都唔駛驚佢悶今晚叫左三個dinner set，分別係芬蘭春雞焦糖薯仔，海鮮雜燴，黑松露磨菇意粉///三個set最推介係芬蘭春雞，春雞燒到皮脆，肉質都算嫰滑唔鞋口，底下啲薯仔都吸到雞味但食唔到焦糖味😅，海鮮雜燴用料豐富但量略嫌不多，諗唔到呢間整魚都OK，下次可以試食三文魚，佢會提供夏威夷黑熔岩鹽(右下)，係食之前倒落海鮮湯到，不過我地覺得無咩特别😂😂，黑松露意粉食落就勁香口，啲麵又唔會太硬身，中規中舉///一個晚餐set價錢就150-250左右，包一個前菜，主菜同埋飲品，前菜既海鮮湯配窩夫都好好飲，加12蚊仲可以有甜品(鮮果雪條/Apple Crumble)///雪條左起：荔枝玫瑰🌷，士多啤梨🍓，芒果熱情果荔枝味最濃又啖啖果肉，呢個係最正既士多啤梨我地初時好驚佢係伏，因為出面既士多啤梨製品好多時勁重藥水味，好彩今次無芒果佢用左愛文芒果去做，所以同一般既芒果味完全唔同，但我朋友就好唾棄呢隻味😂😂😂…Read More

[香港旺角 – Nun Korean Desserts]Woohoo~Melon Fever🍈🍈呢個蜜瓜雪奶真係無得頂, 蜜瓜果肉好香甜,冰上面仲灑滿蜜瓜粉, 而且佢唔係淨係個面有蜜瓜粉, 入面都仲有兩三層, 令到每一啖都充滿蜜瓜味蜜瓜果肉食落都好甜同多汁, 最重要連雪糕都係蜜瓜味, 正呀!!如果要同x冰☻做對比，呢間既質素真係好多多聲***綠寶石香甜蜜瓜雪奶HKD68 (可加大 +18)🌎旺角通菜街119號地舖📞23904318***好味指數 : 8/10服務指數 : 7/10翻兜指數 : 9/10推介指數 : 8/10…Read More

[香港元朗 - 佐料佑麵]元朗既麵店都算多，今次試左以重慶菜做主打既麵店，但自知唔係好食得辣👎，就點左個鹽焗手撕雞🐥拌麵試下，麵既份量好多，初時以為會好似上海麵咁比較硬身，食落麵算軟身易入口🖒，手撕雞都好入味無冰鮮味，食到尾後幾舊略嫌過咸，抹麵醬汁係混合花生醬加麻香，但唔夠麻香，以大量爽脆青瓜絲和花生碎作配料，下次要挑戰試下食辣野先！🎤🎤🎶🎶 舖入面好多野飲個名都好特別，包括有男神🙎同女神🙆，男神就係青檸可樂，而呢杯野就係女神，其實係上一個post跟餐叫半價9蚊就有一杯本身係紅豆益力多乳酸，但我堅驚紅豆係大伏😂😂，所以就決定走紅豆，飲落就唔係太甜，大家可以試下鹽焗手撕雞伴麵 HKD45女神 HKD18 (跟餐叫半價！🤑）好味指數 : 7/10服務指數 : 8/10翻兜指數 : 7/10推介指數 : 7/10…Read More

[香港奧運 - STARBUCKS] 之前就試飲了雙重朱古力抹茶星冰樂 ，今日就試飲朱古力紅茶伯爵啫喱星冰樂 ，入口有伯爵茶的香味，而且會食到朱古力碎粒，因為我自己平時都幾鍾意食仙草奶茶入面既仙草，所以今次既伯爵啫喱好岩我食😂，下次有機會再叫真係一定要少甜！香港全線Starbucks供應至7月26, 要試就快D啦~~ *因為商場裝修原故，奥海城Starbucks已經搬左上UG果層，係uniquo隔離，舖入面啲位多左，都算坐得幾舒服！…Read More

[香港尖沙咀 - #麥上日光 ]#芝士控真心芝味推介~肥胖邪惡軸心5cm厚奥地利五層流心芝士軟包！芝士控必食！！位於尖沙咀金馬倫道的奥地利麵包舖，每天都會大排長龍，大家就是為了購買中午十二時新鮮出爐的流心芝士軟包！每一個的售價是HKD 25, 如果連買四個的售價是HKD 90, 每日限量八百個(售完即止)！ 食法有三種:1 室温品嘗 : 當你一拎上手，就會感受到麵包是軟綿綿和充滿彈性！芝士是超級creamy, 有一點像yogurt的微酸帶甜2 冷凍品嘗 : 先存放於雪櫃內，等芝士變硬，口感猶如食芝士蛋糕3 加熱品嘗 : 因為加熱關係，芝士變得更流心和軟，基本上一拎上手，芝士就會向下流總括三種食法，我自己最喜歡是三號加熱品嘗，因為芝士味是最濃郁的!!初時以為會吃起來很膩，但不知不覺吃了一大半，而且店家標榜以傳統方法烘焙及天然酵母發酵，感覺健康啲！味道 : 8/10環境 : NA (外帶)服務 : 7/10抵食 : 6/10 (其實25蚊一個麵包不算便宜)推介度 : 7/10地址 : 尖沙咀金馬倫道32-34號福橋大廈地下D舖電話 : 39565437營業時間 : 10:00 - 21:00付款方式 : 現金和八達通…Read More

[香港銅鑼灣 –GREENHOUSE]今次是屬於誤打誤撞的情況下去了這一家吃fusion菜的地方, 我也太久沒有去過Time Square上面吃晚餐, 感覺變了很多耶! 店內地方極寬敞, 檯枱不會密麻麻, 很有空間感, 而餐廳的裝修自然舒服, 主打以花花草草做裝飾, 最好的是不需要等位就可以直接入座因為之前沒有看過任何評論或推介就去吃, 所以我們隨手挑三道菜來試一下極具香港特色的雞蛋仔火鍋 (HKD 98)其實這是一個甜品, 這一道菜在同集團旗下的TOWNHOUSE早已推出, 即製的雞蛋仔既香脆又有蛋香, 除了雞蛋仔, 還有鮮果, 綿花糖和brownie任君選擇, 把以上材料放進微熱吉士醬就可以吃, 有一個要改善的地方就是吉士醬略為不夠濃!煙鴨胸青蔥水牛芝士薄餅 (HKD128)薄餅的SIZE跟PIZZAHUT的大批差不多, 配搭是很特別的, 有在吃北京填鴨的感覺, 因為有大蔥跟北京填鴨烤醬的味道, 但吃不出水牛芝士的味道呢!虎蝦煙三文魚米紙卷配香醋汁 (HKD 108)其實我們都很期待這一道菜, 因為難得有一道比較泰式風味的菜, 這道菜賣相真的不錯, 但一夾起來, 米紙卷就很容易整個散開, 很不容易去吃呢, 而且味道真的太淡呢, 如果不醮香醋汁的話, 真的是一點味也沒有味道: 6/10環境: 8/10服務: 8/10抵食: 6/10推介度: 6/10地址: 銅鑼灣勿地臣街1號時代廣場食通天10樓1004號舖電話: 2383 4022營業時間: 星期一至日: 11:00-23:00付款方式: 現金和信用咭…Read More

香港Starbucks推出全新夏日星冰樂(供應期 : 即日起至7月26日)，有新野推出梗係要試一試啦！今次試左雙重朱古力抹茶星冰樂，最正既地方係加入左朱古力醬同大量朱古力碎粒，但又係唔太甜，呢個位要讚一讚，因為初時一聽到朱古力醬都怯怯地！綠茶雖然係用日本綠茶，不過綠茶味略嫌不足，有待改進！香港全線Starbucks都有供應！…Read More

[香港 – 小火焰韓式咖啡餐廳Aidan Korean Dessert Café]開業兩個月已大獲好評, 今次我都拿拿聲去試一下這家火熱韓式餐廳大家先要留意店家不接受任何形式預訂座位, 所以小東建議大家要早一點來排隊(中午十二點/晚上六點半)店內沒有傳統韓式裝潢, 反而是大走年輕路線, 播著韓國KPOP MV, 如果要係到排隊等位都不怕悶這次我們兩個人共點了兩個主菜, 一個甜品和兩杯飲品溶岩芝士韓醬牛肋麵包 (HKD 108)算是有驚喜的一道菜, 農夫包焗得非常香脆, 入面是滿佈Parmesan芝士和Mozzarella芝士和韓醬!! 一根根插在芝士內的是牛肋肉, 牛肉咬起來很腍, 感覺是經過長時間烹飪, 而且啖啖肉, 最重要是芝士可以拉絲, 可以將整個牛肋肉包住除了牛肋肉, 大家也別遺忘外面的農夫包, 切開麵包後, 沾滿芝士和韓醬的麵包也十分吸引, 會有一種在吃PIZZA的味道,而麵包份量超多,十分飽肚的, 希望可以再加多一點韓醬, 因為吃到最後有一點乾呢!瘋狂炸雞COMBO (HKD 80)雖然名字是瘋狂炸雞, 但其實分別是炸雞、炸厚薯條和炸魚柳上餐時是超熱的, 明顯是即叫即炸, 肉質滑和易撕開配以兩個醬料有蜜糖芥末醬同韓式辣醬, 店家有特以調整韓式辣醬的辣度, 令一眾怕辣的朋友也可以一嘗韓式辣醬的魔力。紫薯沙冰 (HKD 34)留意啊! 這一個沙冰絕對不是普通的碎冰或是棉花冰, 每一口都是超香濃的紫薯味而且不會喝到有碎冰, 就算沙冰溶了也不會有變淡的問題。份量超多超澎湃, 根刺大杯到不可能飲完! 面層還有一塊紫薯脆片作裝飾, 紫薯可以說是呃LIKE良品, 所以一家要試啊!草莓番石榴熱情果梳打 (HKD 45)這個沒有什麼特別, 反而覺得太甜, 由一開始到尾也是超甜, 有一點伏宇治綠茶雪花冰 (HKD 62)壓軸推介的是宇治綠茶雪花冰, 先講最上面的雪糕, 並不是用普通的綠茶牛奶雪糕, 因為每一口也吃到回甘, 雪花冰有融合甜甜的牛奶, 所以吃雪花冰不會只吃到冰味, 加入紅豆令整個甜品也加分，好喜翻^^!這一間餐廳的食物性價比是蠻高的~味道不錯, 價格也不貴, 推薦啊來港旅遊的台灣朋友可以試一下過一家火紅的韓式餐廳啊!味道: 8/10環境: 7/10服務: 8/10抵食: 7/10推介度: 8/10地址: 觀塘道410號觀點中心1樓1號舖電話: 3549 6060營業時間: 星期一至日: 11:00-22:30付款方式: 現金…Read More