HaydenSuen's Profile

最近去咗呢間人氣火鍋放題，禁岩遇上「炎夏椰樂祭」活動，全程被椰子香包圍，簡直係夏日解暑首選！一坐低就見到滿滿椰子元素，職員仲好貼心遞上活動貼紙，即刻打卡先～今次揀咗「木瓜椰皇嫩雞鍋」，清甜潤喉，雞肉浸到嫩滑多汁，用來飲都好出色！主打嘅日本A4黑毛和牛真係無得輸，油花分布均勻，涮幾秒就熟，入口即溶，仲有鮑魚同海鮮拼盤，新鮮度十足，蝦同蜆都好鲜甜～期間限定嘅椰子小食一定要試！黃金椰絲蝦丸咬開有驚喜，椰絲增加咗口感，正到停唔到口！甜品香芋椰漿脆脆更是收尾神作，香芋綿密，椰漿清甜，完美結束呢餐。飲品方面，椰奶蓋芒芒爽清新解膩，芒果味同椰香好夾；特調嘅Pinku Paloma粉粉嫩嫩，酒味適中！店員仲提議參加「知識就是折扣」活動，答題過程好開心！完成仲有得影張即影即有，同埋有一張獎狀添！#牛大人火鍋 #牛大人台灣火鍋吃到飽 #炎夏椰樂祭 #銅鑼灣美食 #火鍋放題 #台灣火鍋 #椰奶蓋芒芒爽 #PinkuPaloma #香芋椰漿脆脆…Read More

喺門口比一陣榴槤嘅香味吸引咗入去，叫左兩個榴連涼粉，都算幾足料，有椰汁底，味道幾夾幾好味，榴連D24，都夠甜！另外，叫左碗芒果刨冰，就覺得有啲貴，但小朋友都話好味道，芒果夠甜，仲有好多爆珠，$57一碗，感覺就唔係幾值😅…Read More

去活一鮮必點嘅係魚生飯，刺身十分新鮮，海膽鮮甜，今次叫左個鰻魚飯一試，味道OK嘅，略嫌鰻魚太多軟骨🥲點左一個網燒牛扒比小朋友，味道都唔錯，牛扒火喉剛剛好，如果味道再少d咸就perfect 喇！最後仲打包咗個飯俾老公㖭🤭…Read More

牛角燒肉buffet對於鍾意食肉嘅我哋真係岩哂，今次叫咗Level three，牛肉入口岩岩好，唔會太漏，如果喜歡入口有油份嘅感覺，見議再叫高一個level，仲有蟹鉗，encore左好多round，魚乾都係最愛🤭每次必選items 仲有要推介雞爽肉，不過唔記得咗影相🤭…Read More

一入舖頭就滿佈龍蝦湯味，聞到口水流食物款式都算好多，食物質素都唔錯，夠新鮮，熟悉款式都好好多，仲有鵝肝添！最驚喜係勁多甜品，仲要係日版Häagen-Dazs，我哋午市去，可以食三個鐘，三個人都唔使$1000，絕對係超值！…Read More

最鍾意呢度唔使自己落手落腳燒，佢嘅燒汁係精粹所在，再加埋佢嘅自家調製辣粉，同埋啲肉全部冇醃，我比較鍾意。依家越來越多選擇，牛肉最推介就係牛肩胛，豬腩仔都係值得推介，食落啲肉係脆口嘅，另外新出嘅虎蝦都好好味，如果鍾意食魚嘅話可以試吓脆肉鯇，同埋鯛魚，有啲食到停唔到口，仲有饅頭仔，燒到脆卜卜，小朋友超鍾意食，價錢都10分相宜，成人$250，小朋友只係$150，仲要冇收加一，飲品任飲，呢個價錢可以去邊度搵？…Read More

唔係好想煮嘅情況底下走咗落街食，兩個人唔叫得啲乜所以就簡簡單單嗌咗一個麻辣香鍋加啲配菜，香鍋入邊午餐肉係最好食，炸到外脆內軟，送飯一流，第一次叫鵪鶉蛋加入去，都有驚喜，粒蛋走個油，蛋黃好似流心咁。另外有叫魷魚，可惜魷魚唔夠入味，豬頸肉同埋雞翼就不過不失。土豆都好味，夠入味一個鍋兩碗白飯兩個人食，都食唔晒要包走做宵，份量十足。服務員姨姨都好熱情，次次去親都好有禮貌，主動執嘢同埋斟水，依家直程變咗屋企飯堂咁。…Read More

富山麵家×角落小夥伴嘅聯名快閃！ 一見到門口啲粉紅色海報同得意角色，吖媽即刻少女心爆發！先講賣相，每道菜都搵角落生物做造型，溏心蛋變成企鵝、炸物擺到好似小貓，打卡超靚！試咗個牛奶湯底嘅拉麵，個湯底好好味，個仔連湯都飲晒，仲有炸紫薯餅，又出乎意料好味喎！唔會淨係得個樣，個冷麵都係好多料。飲品杯都印滿角色，有三個味道，不過不失，拎住影相成件事好令。我哋就試咗青蘋果同埋白桃色。最後仲有個好靚嘅芭菲，個布甸都好滑好好味。…Read More