lanadelreymandy's Profile

因為上網見有人介紹所以去咗食。首先唔夠人返工，一個員工一腳踢，要水都搞咗好耐先有。唔夠人都唔緊要，最慘係難食，價錢又唔係平。叫左個pancake,黑摩卡pancake 已經叫咁多碟入面最好食，雖然個pancake好平凡，但都好過其他。食左個蛋糕，硬到一個點真係送返俾你食。然後最嬲係個蟹肉飯，個飯硬，仲要蟹肉都係一舊野咁，無流動感。而且仲要貴到收198，真係情何以堪仲好意思，唔好怪人唔係香港餐廳食飯。附上所有圖片，希望大家愛食之人留意，有啲野真係不可一不可再…Read More

平日去都幾多人，同都無咩位，而且自助點餐，又係無咩人會理啲客。野食唔係特別好食，同又係一個沙律但又偏貴，食個煙三文魚沙律又無左90蚊，真係貴，仲要其實唔大碟。😹香港真係貴。唯一我認為餐廳最可取地方就係佢望海，有户外位，岩曬客人來chill下，享受人生。同咁岩食完野就上故宮行博物館，有曬快同靚景之用，其他就算。唔係平又性價比低，又無招呼又唔係好食。如果想去博物館前chill下,都不妨試下但我下次應該會試第二間。:(…Read More

喜歡餐廳的裝修，非常有傳統日本風味。好像真的到了日本似的。平日嚟食lunch，都要排一下隊，不過也很快入場了。餐具十分精緻，我們三人叫了廣島蠔蛋包飯，軟殼蟹意粉，蟹肉可樂餅等等。我很喜歡這裏的蛋包飯，十分柔軟，真的有日本感覺。另外我也叫了一個草莓沙冰，可惜份量有點細，性價比不高。不過味道很不錯。最後甜品我們叫了布甸和草莓刨冰。草莓刨冰略嫌有點乏味。整體感覺餐廳尚算良好，不過性價比中等，食物各有千秋。感覺下次可以再來試試。…Read More

假日路過小店，與朋友聚餐選了這家店。店內裝演漂亮，也是大自然日式風格，價錢中等，叫了一個蟹肉意粉，不過不失吧。不過服務不錯，感覺可以再來光顧。雖然後來翻看社交媒體，都說這家店是網紅店，不過還好吧。至少價錢對得上食物質素，已比很多cafe來得好。So far so good， will come again…Read More

差，非常差，食物都是凍的。要排隊不要緊，但難食先係大罪。叫了一個三文魚魚生飯食，就是很難食。一送黎比我地就已經係凍，暖都唔暖，話說個日仲要落雨，係一個落住大雨嘅環境下，仲要食呢個凍野，真係學人講想喊出嚟。先唔講份量唔多，仲要凍，真係食完都唔開胃。朋友叫了一個窩夫，都係凍嘅，又係送個嚟已經微暖。其實係未放左20分鐘先送過黎？唔係點解可以凍到咁？仲要開得係musea，又多人排，諗住有少少期望。貼錢買難受，真係越食越燥，甜品都898.如果要睇海景，大把地方餐廳都睇到，真係唔洗比錢係到捱。…Read More

有誠意，用心同最緊要好食。對食飯有少少追求，對於價錢都有啲重大，我覺以咁嘅價錢食到呢個水平，係而家香港嚟講，係值得要表揚。大把cafe又難食又要一碟百幾數，食到懷疑人生仲要服務未必好。我係呢間餐廳感覺幾好，係碼唔會叫我QR落單，仲要服務生有笑容。叫左呢個軟殼蟹蕃茄意粉 同 抹茶蛋糕，真係好食。個意粉仲要唔細碟🤣食到好飽。最後埋單2百三十幾蚊，真心性價比出色。但好開心，新城市開番一間正常價又好食嘅鋪可以再嚟食…Read More

新開店鋪，裝修的確好靚，新潮同好舒適。不過食完後，我就覺得性價比方面就比較低。我同朋友四個人，就叫左一個海膽帶子意粉，一個冬陰功蝦西班牙燉飯，另外仲有一個黑松露芝士薯條，同焗青口小食。每碟的份量其實唔多，又係碟邊大份量細。同時，個青口仲要最後先到，仲要勁細隻，有點過不去。然後價格都偏150-200 蚊以上，其實我expect多小小。雖然正餐麻麻，但最後叫的earl grey梳乎厘pancake係幾令我鐘意。非常正。…Read More

型格黑色咖啡店。喜歡餐廳的格調，與日式風格。在九龍城行逛後碰上此店，本來以為店舖小巧，原來卻空間修長。點了一個matcha latte,喜歡師父在咖啡上的拉花，是一隻可愛的兔仔，我十分喜歡，多謝✋然後餐廳的氣氛下，很適合和朋友聊心事，不過如果要用電腦等，這邊有點不舒服了。但不妨休息一下，享受當下。下次可以再來。…Read More

諗住朝聖一下，想看翻新的舊樓餐廳，不過都幾可惜，翻新過後，可以保留的設計沒有很多，也不算宣傳般吸引。另外，就是這次食飯經驗不算太好。我們一行幾人坐在門口户外位置。其實用餐都有一點壓力，不是因為路人的目光，而是有人排隊，又餐廳同事不停進出行來行去，我們只要差不多用完一份餐，她就會問是否可收回。同樣事情大概發生了4-5次。我都明白有人等位，但那種壓迫感令人感覺不舒服，而且可能太近排隊人士。所以一直覺得是有人在催促我們趕快離開。其實我們連一個小時也不到，就走了，因為實在沒有令人放鬆的感覺。我覺得餐廳可以設下一個限定用餐時間，這樣對雙方也比較好。反正，下不為例，希望同區有更多打卡餐廳與之競爭…Read More

白色小屋，餐廳位置不錯，可惜對外境觀麻麻。坐在地下那層，對面就是一大堆紙箱等，十分貼地，但同時也相對失去了點舒適感。不過這家店有樓上座位，可以避開，不過我喜歡曬太陽，所以選了地下座位。我叫了一個三文魚牛油果bagel食，也點了一杯藍莓飲品。價錢大約$110，都算適宜。而且食物也不錯，算是假日前來，可以渡過一個休閑下午。…Read More

第二次來這間店。其實現在生意難做，很難得，這間店依然保持水準，沒有令我失望。所謂越爛的牌越要用心打，而我好欣賞呢家小店做到。因為自從禁晚餐堂食後，我食過好幾間餐廳，水準都已經是是但但，出乎意料之外，呢間店卻依然保持到。今日同朋友來這邊午餐，度過了一個愉快的下午，十分感謝店舖的員工與老闆。我叫了一個芝士餡餅配麻辣醬，very good, 薄脆多芝士，而且醬汁味道不會太辣，恰到好處。還有，店舖依然裝潢別緻，讓我們暫時遠離香港，到了另一國度，十分滿意。多謝你們的努力。…Read More

因為見到食評，同埋真係好耐冇食過麻辣燙，所以就搵日特登嚟食。本身都幾期待，不過我叫左一個午餐米線食。其實就唔係難食，不過有啲失望啦。因為本身以為會食到隻味，係湯底會再濃啲，點知，食落，其實又唔係真係好有味。我覺得有少少淡左啲。但米線嘅份量係足夠。只不過，可能期望太大，所以食完有啲失落。但今次食都叫滿足了自己。…Read More

實在太好啦 實在太靚啦好耐無去過旅行，一入到餐廳，就好似去左每，第二個世界，去左土耳其。餐廳真係裝修得好靚，有好多馬賽克土耳其燈，仲有好靚的碟同枱墊。就好似去咗土耳其一樣。另外，餐廳入面掛咗一幅木製嘅世界地圖，店長點左自己去過的地方。實在太正。我都好想有一個係自己屋企。去到食物方面，叫咗一個青咖喱素菜加薄餅，還有虎蝦意粉。食物份量中等，但同朋友食，就真係岩岩好，一人大約食左二百幾蚊。我最鍾意就係個青咖喱，唔太辣，但食落有少少辣味，仲配埋薄餅，真係冇得頂！埋單仲要有餐廳送上的心意卡，真係好有心思。絕對要encore再黎！…Read More

路過此店，之前喺網上面見到好多次，今次終於入咗去食。由於嚟到嘅時候已經係下午茶時段，所以我就係叫了一個金時班戟。班戟size好大塊下，有2塊，不過價錢就大約70到，性價比來說係有啲貴。不過都叫味道不錯，算好食。而且侍應嘅服務態度都幾好，所以都是值得一提。…Read More

今日星期六，訂了座到這邊食飯。本來以為很多人，原來仍有很多位置。我和朋友兩個，我們點了雜菜鍋，壽喜燒鍋，牛油煮帶子，還有三文魚明太子串燒等。我很喜歡那個雜菜鍋，很足料，而且湯很好飲。不過帶子有點硬，但味道還好。有5件。三文魚明太子串燒也是很大驚喜，十分喜歡。最後再叫多了一份三文魚刺身，等了一段時間，刺身才送上。可惜刺身不太新鮮，有點可惜。餐廳食物算中等吧，價錢也只是差不多400元，性價比算差不多。…Read More