tszki822的个人专页

同朋友去海港城睇戲，開場前係附近揾下野食，search附近見到呢間餐廳都幾多好評，所以就上黎試下～時間比較早，所以我地去到嘅時候未係好多人，估唔到呢度幾好view~望住窗外接近黃昏嘅景色，都覺得心情放鬆好多～餐廳附送嘅前菜應該係咁一D內臟部位黎嘅，不過我唔係好知係邊部份，但係爽口嘅，煮都煮得好入味，同埋廚師處理得好好，唔會帶有肉臟個種苦臭嘅味道，怕內臟味嘅都可以試一試！跟住係成餐最有驚喜嘅魷魚糯米飯！睇餐牌見到呢道菜即刻就決定左要叫，因為冇係其他餐廳度見過～造型幾得意，份量都夠3-4人每人試下～魷魚筒入面填左滿滿嘅糯米，入口先咬到魷魚嘅彈牙，然後到糯米嘅軟糯，口感好有層次～糯米飯本身都有調味，所以就咁食都已經好好食，加埋佢配搭嘅醬汁，食落有D似海膽嘅味道，非常鮮味，又係另一個層次～係好有驚喜嘅一道菜，非常推薦！如果個醬有得單買返屋企撈下飯都一定好正～燒物我地叫左豚肉西京燒，西班牙伊比利黑毛豬豬肋條，牛舌心，阿波尾雞肉同明太子雞翼。大推豚肉西京燒同牛舌心！豚肉西京燒燒得非常嫩滑juicy，而且醬汁好惹味，甜鹹之間攞到個好好嘅平衡，好味到一個人食3串都絕對冇問題！牛舌心好厚切，嫩滑得黎又有D爽口，材料夠靚就算只係簡單用鹽黎調味都已經完勝！泓卷，係三文魚salsa為主嘅卷物，不過salsa調味唔夠出，所以主要都係食三文魚嘅感覺，但每個卷都好大舊而且好足料，估唔到幾舊卷食食下都幾飽肚！另外叫左杯巨峰提子燒酌梳打同白桃燒酌梳打，巨峰提子syrup 夠甜比較易入口，白桃個杯嘅酒味就比較出，各有各嘅好處～…查看更多

之前係同一幢大廈食其他餐廳個陣見到呢間餐廳望落幾唔錯，所以今次特登黎食。咁岩當日我同朋友都唔太肚餓，所以就以小食為主咁可以食多D唔同款式嘅食物。餐廳嘅燈光同座位都好舒服，適合情侶黎拍下拖傾下計，幾有氣氛～每個人都會計一份前菜嘅價錢，有3款小食赤貝刺身價錢平民，擺盤精美，見到都胃口大開！口感爽脆，雖然未算係好鮮甜但質素對得住呢個價錢明太子雞翼，脹卜卜勁得意，充滿明太子，燒得岩岩好，夠味又好嫩滑～本身想叫牛舌芯厚切，但可惜個日冇貨，但牛舌厚切一D都唔輸洩，牛味極香，口感實在得黎又有D彈牙，只需要簡單嘅調味已經夠滿足！柚子芥茉墨魚鬚，呢個價錢估唔到都有幾多舊黑魚鬚，本身expect 佢個味道同柚子胡椒係差唔多，但都幾唔同，相比起柚子胡椒偏向鹹味重一D，同埋冇咁辣，都係一個幾新鮮嘅口味！炸豆腐，豆腐係偏向實正嘅口感，食起上黎唔會食到好messy日本秋葵豚肉卷，個人覺得豚肉可以用返厚少少嘅豚肉片去增加個口感明太子玉子燒，明太子份量都幾慷慨，超夠明太子味，作為明太子控嘅我覺得好OK ，但食得清淡D 嘅朋友表示覺得有少少鹹，視乎大家口味～雞皮餃子，呢款相對比較少見D，所以叫黎試下，食落一D都唔油膩，唔會有食雞皮嘅肥膏感，餡料就係日式餃子嘅材料見到日本生蠔做買3送1優惠，每隻嘅單價都唔算貴，除返開都幾抵食！生蠔都算幾大隻，海水味都夠濃，食得出夠新鮮，夠滿足！…查看更多

尖沙咀嘅熱門餐廳，bookmark左好耐終於去到啦！餐廳食食物嘅選擇好多，岩晒我呢d 有選擇困難症嘅人，所以決定每樣都叫D!廚師發板壽司八貫每款壽司都唔一樣，最有驚喜係呢個價錢竟然有海膽食，圍返都抵食嘅。另外燒牛壽司都唔錯，燒得好香口～串燒都多元化，我地叫左黑豚荔枝卷，豚肉年糕同鴛鴦翠玉瓜。超級鐘意食佢個豚肉年糕，雖然係用豚肉包住但個年糕都燒得外表乾身內裡煙韌，超級過癮呀！另外翠肉瓜係類似焦糖同芝士兩種口味，幾新鮮特別嘅配搭～黎到重頭戲壽喜燒喎啦！個人真係勁鐘意食壽喜燒鍋，甜甜地嘅醬汁真係冇得輸！呢度仲A5和牛，雖然肉嘅份量唔算好多，但呢個價錢可以食到靚和牛已經值回票價了！仲要好有心思咁整隻熊仔去裝飾，睇到熊仔係淋左壽喜燒汁之後慢慢溶化嘅過程真係好治癒～最後沾上蛋醬，點會唔好食！鍋嘅其他配料都唔少，好鐘意食入面有個類似薯粉同粉絲之間嘅唔知叫咩嘅粉，好索湯，口感又好！個set仲配埋兩杯棉花糖兔兔果酒，好似水果茶嘅味再帶微微嘅酒香，易入口！係我鐘意嘅酒嘅味道～葡萄檸冰同百香果撞橙冰，兩杯都好fresh 好解膩好surprise 餐廳為每位女性客人都送上一杯棉花糖特飲，呢個小舉動好加分呀！飲落真係甜甜嘅棉花糖味，陣味同Lush 好似哈哈～…查看更多

升職加薪值得好好慶祝一番！之前無意中係social media見到有推介過呢間餐廳bookmark左，今次就大派用場啦！一入到餐廳完全唔覺得今日係weekday，坐到滿晒兼大家都係度飲酒傾計好chill 好盡興！氣氛極好！我地2個人坐嘅座位都極寬敞舒適，不得不大讚！黎到點可以唔飲返杯chill下～呢度嘅cocktail相對都係偏甜易入口，唔飲慣酒嘅都會岩飲！ Chado係我係3杯之中嘅favourite! 烏龍嘅茶香同酒精互相中和左大家嘅澀同kung嘅感覺，同時又保留到兩者嘅香味，唔會被對方蓋過左～飲落慢慢仲會滲出蜜柑嘅香甜味，非常豐富嘅味道！Yuzu creme burlee 就好重柚子味，比chado味道更甜，creme burlee嘅部份就應該係面頭燒過嘅焦糖，但飲品裡面就冇creme burlee 嘅感覺，相較chado 冇咁出色。Sake Sangria 正常發揮～燒物方面選擇都算幾多，海鮮肉類蔬菜都各有唔少選擇。呢個粒貝壺燒一上枱就好驚豔！火焰勁eye-catching, 等到佢個火熄左就可以起筷！食落爽口彈牙，不過海鮮味就出左落個汁到，所以食落味道唔算好鮮甜，好在店員係食完之後話會倒左汁出黎比我地飲，完全係所有精華所在呀！跟住就到我嘅本日favourite 啦！本身想叫A5和牛，但當日已經賣晒冇貨，但呢個燒牛舌原來已經可以大滿足！勁厚切嘅牛舌，燒得岩岩好，而且唔會過份調味，一食落口滿滿嘅牛香味湧出黎，口感實正得黎又爽爽地，完全冇諗過呢個價錢可以食到咁高質素嘅牛舌呀！雞腎肉質都好爽口，配埋香草味帶一點清新，完全唔會有肉臟嘅味道店員推介我地食嘅秘製雞肉棒棒，係免治雞肉mix左D類似軟骨嘅物體，嫩滑之中帶有好細粒嘅脆脆口感，幾唔錯嘅配搭！佢嘅醬汁係豉油mix 日本蛋黃，一睇個顏色就知個蛋黃勁靚！濃濃蛋香味提升左個雞肉棒棒嘅鮮味！店員話個汁可以留返黎點飯團～燒純豚五花腩，呢個又係今晚嘅一大喜愛！五花腩食落口一D都冇肥膩嘅感覺，但有油脂嘅香味，配以醬油嘅調味，完全冇得輸！蒲燒鰻魚，好嫩滑嘅鰻魚，醬汁夠香甜～明太子長芋燒，本身只係好奇係咩黎所以叫黎食，估唔到又幾好食！個長某燒應該係類似淮山嘅野，食落好爽口，本身淡味嘅配上明太子就好凸出到明太子嘅香味，而且廚師真係燒得好好，有個炭燒香味係上面，簡單但好好食！明太子雞肉釀冬菇呢個配搭就相對冇咁和諧，冬菇非常高質，超濃冬菇香，但基本上就完全蓋過左明太子嘅味道，有D可惜～吉列廣島蠔唔算好大隻，但蠔味夠重明太子燒飯團，飯團燒得非常好，外面焦脆入面軟糯，明太子份量唔算多但就咁食飯團已經好好食，配茶漬或者雞肉棒棒嘅汁都好夾！…查看更多

作為深水埗地膽，見過呢個舖位轉左好多手，以前嘅餐廳都冇咩人流。但最近幾次經過見到新開呢間日本野有唔少捧場客，所以決定試一試佢！食物整體價錢都非常貼地，食物選擇都好多，刺身串燒主食都各有唔少選項，估唔到連生蠔都有得叫，仲要唔只一款～舖頭雖然唔算好大，但裝修都幾精緻，相信店主都花左唔少心機係裝修呢方面，感覺幾舒服我地首先叫左個火炙鰈魚邊、磯煮鮑魚、吞拿魚腩蓉、玉子燒海鮮丼。雖然份量唔算好大，但價錢實惠，又包晒幾樣魚生，算係平價嘅魚生丼選擇。個人好鐘意食火炙鰈魚邊，佢比起平時嘅火炙燒額外多左調味，令佢更惹味更好送飯。吞拿魚腩蓉份量都夠，鮑魚同玉子燒表現正常發揮比起魚生丼，呢個原條鰻魚飯就真係抵食又好食又選！岩晒想食鰻魚但處於糧尾嘅人！無論鰻魚定飯嘅份量都勁大，呢個價錢就算去超市買條鰻魚都未必止，而且質素極對唔遜色，同埋汁嘅份量都唔吝嗇，食鰻魚飯的話汁都係個靈魂所在，呢個飯食完真係大滿足又唔肉痛！蟹膏蟹肉甲羅燒，鐘意食蟹膏但平時都真係唔係好捨得叫，因為大部份餐廳嘅標價都好高，但呢度就平民好多！蟹膏蟹肉份量夠多，搽滿晒3塊包都仲有剩可以就咁食！蟹膏味夠香濃，呢個價錢極對值得用黎過下口癮！燒蟹膏特長蟹柳棒，蟹膏fans 表示見到另外嘅蟹膏產品都忍唔住要叫埋！蟹柳彈牙，帶點甜味，同蟹膏味道嘅contrast令到整個鮮味提升左！燒明太子雞脾肉，明太子味突出，雞脾肉嫩滑，明太子世一！燒雞腎就覺得燒得乾左少少，唔夠juicy同彈牙，火候可以控制得更好～自家製免治雞肉丸，呢個幾impressive，有時食肉丸會好怕個種絞得好爛同埋好多分好梅嘅口感，但呢個係有口感嘅肉丸，大粒得黎食得出真材實料，唔係成口粉嘅感覺！調味鹹甜balance 得好好，而且仲有蛋黃嘅香味…查看更多

男朋友同我都係生蠔狂熱粉！出左Bonus 要好好慶祝下所以就揾間間食蠔嘅舖黎試下！店舖唔算好大間，但平日晚黎食都幾乎坐滿，枱枱都係度食緊蠔！聽到其中一枱同老闆嘅對答仲似係熟客，應該經常上黎捧場～座位算闊落坐得舒服，氣氛都幾好，適合想慢慢坐低傾下計嘅約會店員向我地推介個豪華2人set，野食幾多，又有包4隻蠔。所以我地叫左呢個再加多2隻蠔。套餐有沙律同埋三文魚濃湯，連沙律同湯都有海鮮嘅成份，超抵食！四款刺身，有我最鐘意嘅厚切帶子，鮮甜好食！象拔蚌都好高質，勁爽口彈牙！西餐廳有日式刺身食都幾有驚喜。全晚嘅重點黎啦！超級搶眼嘅生蠔本身店員最推介係愛爾蘭蠔嘅，但個晚咁岩冇貨，話要夜D先返到貨，所以我地冇機會食到。套餐本身包左日本蠔同北非蠔，我地另外點左法國蠔黎食。我地2個一致認為日本蠔最好食！雖然佢係3款之中最細隻嘅，但蠔嘅鮮甜一D都唔遜色，加上佢本身已經調好嘅味道將蠔嘅甜味昇華左，超級高水準呀！北非蠔大大隻，入口juicy。而法國蠔嘅海水味就3款之中最濃！各有各出色之處，下次有機會再黎一定要試埋個愛爾蘭蠔先！店員都有推介呢個鵝肝多士，份量唔大，但鵝肝真係好肥美，入口即溶，鵝肝愛好者唔好錯過！主菜我地揀左安格斯牛扒，五成熟，不過上到枱感覺唔只5成熟，部份位置有少少韌左。炸蒜片就好出色，就咁食都好香口好食！深海海鮮拉麵，應該係豬骨湯底，幾濃味，拉麵煮得稍稍稔身左飲杯我地就叫左一杯grapefruit soda, 一杯石榴特飲。Grapefruit soda唔會太酸，石榴特飲嘅石榴味勁出！…查看更多

朋友準備要移民，farewell自然要揀D佢想食嘅亞洲菜等佢好好回味一下。呢間泰國菜位置方便，價錢係尖沙咀地段黎講一D都唔貴，而且食物選擇多，位置又坐得舒服，所以就揀黎呢度食。今餐我地都叫得好豐富，少少豪食但就食得好開心，個個都捧住個肚走～先黎份開胃嘅串燒拼盤，豬牛雞3樣都有～串燒調味幾正，就算唔點汁都好夠惹味～雞肉嫩滑，我地幾個都覺得係最出色～酥炸香茅魚配青芒果沙律，之前冇試過食泰菜嘅炸魚，朋友話想試下，所以叫左一份。份量都幾多，4個人share都每人有3-4舊食，不過感覺上冇咩泰國特色。反而青芒果沙律就好有驚喜，酸酸甜甜，辣度都有返咁上下，雖然我唔太食得辣要飲野黎解辣，但非常開胃，口感實正，同水果嘅芒果口感完全唔同，但又唔同青木瓜沙律個種爽口嘅感覺麵包焗咖喱軟殼蟹，呢樣又點會有得輸！麵包焗得夠鬆軟，咖喱醬夠香濃，夾埋一齊就已經可以食到停唔到口，軟殻蟹大大舊～麵包外皮微脆，如果可以再焗得脆身D 就更好了～泰式炒花蛤，雖然個碟頭睇落唔大，但花蛤嘅量都唔算少。調味夠惹味，辣度都足夠，炒海鮮就係要夠辣先正～參峇炒羊角豆，見到menu有手指公就叫黎試下，上枱先知原來羊角豆即係秋葵！越式蟹肉炒粉絲，呢個份量超級大碟，佛心價錢呀！如果2個人可能就咁叫一份再加一個小食就已經夠晒飽～甜品叫左個椰汁木薯pancake黎試下，係其他餐廳好似都冇見過～完全估唔到係咁嘅樣嘅！食落煙煙韌韌，係糯米整出黎嘅，本身個木薯pancake 味道唔算太突出，主要調味都係靠個椰汁，但夾埋一齊幾好食，簡單得黎幾有驚喜～飲品我地每人叫左一個椰青，大大個，解渴又解辣！…查看更多

同姊妹girls talk，傾下心事有杯酒chill 下就更開心～我地收工算收得早，平日book 18:30人數未算好多，但過左19:30 之後成間餐廳就坐滿左，估唔到平日晚都咁旺場。不過食完就明，呢度真係好食又抵食，無論係酒定係串燒，價錢都比起出面平D，仲要D酒係大大杯嘅，一D都唔慳皮！呢度嘅地方好大，座位非常闊落，坐得比普通酒吧更舒適。而且裝修好新淨，燈光美氣氛佳，無論係多friend嘅聚會定情侶黎傾下計都好岩～店內播歌嘅音響質素都幾高，唔太有其他雜音。呢度仲要有飛鏢同桌球可以玩～呢個價錢有咁多享受，真係超級抵！呢度提供嘅酒係classic嘅類別，但調得唔錯，味道整體偏甜，容易入口，岩晒我地呢D想要個氣氛但又唔算好飲得嘅女仔～每隻酒都有介紹係用咩黎調配，我地呢D新手就好需要～我地個晚分別飲左Sea breeze, martini 同sangria。真係3杯嘅份量都好多，特別係杯sangria，而且都好好味。Sangria比出面飲到嘅甜唔少，應該係加左7喜，但我非常鐘意，甜得黎唔會完全冇酒味雖然呢度主要係得串燒或者炸物食，其他主食類嘅唔多，但串燒嘅款式就有好多～用黎送酒就好岩～整體黎講調味都好足夠，孜然粉嘅份量一D都唔吝嗇。個人最鐘意食燒椒鹽燒賣，魷魚鬚同燒秋葵。牛舌就燒得有乾身左少少，扣左少少分。不過好欣賞店員會過黎問下我地D野食岩唔岩食，我地都將可改善之處提出左，相信佢地一定會越做越好！燒茄子點可以唔叫呢！呢店嘅燒茄子比起出面食到嘅稍稍多左陣甜味，唔係只係得孜然粉嘅味道。好似有微微嘅焦糖感，係幾新鮮嘅味道～芝蔴雞翼又係不敗之選，炸得香口得黎又juicy! 超好食！我地另外叫左呢度應該係唯一一個飯 - 鰻魚炒飯。上枱比我想像中大碗喎，我諗一個人食晒嘅話應該都可以有6分飽。炒飯好夠味，又夠乾身，一啖接一啖好快食晒～…查看更多

生活要過得有儀式感！雖然唔係咩特別日子，但發生左開心嘅事都係值得好好慶祝～即興同另一半揾餐廳，見到佢有酒飲兼食物款式多，咁岩我地去個日係星期一，見到佢門口個牌寫住係seafood night，D野食都幾抵食，氣氛又幾好，所以就入黎試下～我地揀左門口旁邊嘅呢個半圓形梳化位坐，幾靚又坐得舒服，應該坐4個人都無問題慶祝點可以冇酒飲！呢個Seafood night嘅精選我地叫左份fish and chips，送一杯白酒。呢個價錢勁抵，仲平過就咁單點一份fish and chips! 另外再叫左一杯叫French 75嘅champagne cocktail，呢個champagne 底唔算太甜，夾埋呢味道幾refreshingMexican taco with beef, 份量唔算太大件，但調味得幾好，配上sour cream特別開胃！Fish and chips 黎啦！男朋友勁鐘意食fish and chips，雖然一樣係份量唔多，但質素幾高。炸魚有啤酒香，皮薄而且肉質嫩滑，仲係有汁唔係乾爭爭個隻，用黎送酒簡直係一流！地中海風情pizza，份量適中，2個人share就食得晒，個底係BBQ醬，甜甜地好惹味，本身店員比埋tabasco 我地，不過覺得本身就已經好好食，唔太需要落tabasco。重點係個pizza底焗得非常出色，個外皮微脆，但內裡煙韌同鬆軟之間個平衡攞得岩岩好，就連餡料個邊嘅部分都唔會比醬汁搞到淋bie bie，真係難得遇到咁高質素嘅pizza。我心目中覺得呢個口感嘅pizza比起薄批好食好多！追求有咬口嘅pizza嘅人絕對唔可以錯過呢間餐廳！…查看更多

最近有消息傳可能有機會再放寬入境隔離措施，雖然未真係落實但都精神為之一振！希望快D實現，可以早日返家鄉啦！未返得家鄉就食住家鄉菜先～雖然呢間舖唔係好大間，但睇得出裝備上都花左唔少心思，雖然唔係豪華嘅感覺但覺得好精緻窩心，係令人舒服嘅佈置！就連筷子座都咁可愛，見到就已經心情大好，放工就係要去D令自己心情愉悅嘅餐廳先得！雖然我冇特別鐘意飲酒，但見到餐廳大推左唔少好有特色嘅手工啤，我地又未試過，覺得小斟怡情，放鬆下心情都唔錯，就叫左2款黎試下。呢個芒椰奶西同蘋果西打手工啤都好特別，雖然我個人比較偏愛蘋果西打，但相較之下芒椰奶西呢款比較有芒果同椰香之餘又保留到麥香，而蘋果西打就真係好似飲緊apple cider咁，如果比較鐘意麥香嘅就適合飲前者多D～水母刺身勁特別，之前冇咩係其他餐廳度見過，所以特登叫黎食。超級爽口，但粒粒分明嘅感覺，同海蜇食落個種爽口又唔一樣，幾得意嘅口感～我地當日唔係好肚餓所以只係叫左幾件壽司。刺身用料新鮮，飯同刺身嘅比例都好適中，唔會大大舊飯塞落口嘅感覺。其中最推薦海膽壽司，海膽份量唔吝嗇。芝士玉子燒幾大份，3-4人share黎食都冇問題。個人覺得裡面嘅蔥多左少少，味道有D突出，如果減返D份量嘅話味道會更加和諧甲羅燒又係我喜愛嘅一道菜。蟹膏惹味香濃，而且呢度嘅甲羅燒份量比出面食開嘅大份，但價錢都差不多，性價比高！配完麵包都仲有得剩可以就咁食，正！汁煮榮螺，簡單煮法，反而食到螺嘅甜味我地仲叫左幾款串燒。呢度嘅串燒火候掌握得幾好，而且款式都唔少，雞脾菇同五花腩係我嘅最愛！食串燒配酒，再慢慢傾下計勁有Feel…查看更多

Best Friend 生日點可以唔好好地慶祝下！佢最鐘意食日本野。本身有諗過同佢食omakase，但又諗廚師整嘅未必係佢最想食嘅，所以最後決定用omakase嘅價錢揾間高級嘅日本餐廳食，咁佢就可以自己發辦決定食咩，又有質素保證！一坐低餐廳嘅職員就好用心咁同我地推介唔同嘅菜式，發現佢地做緊清酒買一送一promotion，仲攞左2支佢地期間限定嘅清酒上黎做介紹。不過佢地話呢2支酒唔係甜嘅路線，我地又唔太飲得好strong 嘅酒，所以最後就揀左另外嘅酒類。不得不大力推薦呢個白桃酒真係超級超級好飲！好香甜嘅白桃味，後來先滲出淡淡嘅酒香，甜到好似食緊白桃啫喱咁！同埋感覺酒精唔係好高濃度，唔怕飲醉呀～朋友叫嘅ginger highball都幾出色，鐘意飲薑啤嘅人都一定會鐘意呢款酒！前菜係鯷魚醬配野菜條，清新得黎又非常開胃～朋友係吞拿魚嘅超級Fans，所以我地都叫左幾件吞拿魚嘅壽司，每件都好新鮮好香吞拿魚味，特別係吞拿魚腩壽司，除左本身嘅魚香仲有蔥香吊味！最特別係店員推介嘅一款叫火炙吞拿魚腩筋壽司，其他餐廳都冇見過，所以叫黎試下。燒得好香，一開始以為筋係會走爽口嘅路線，但口感卻係入口即融咁濟，非常難忘。另外叫左赤蝦壽司亦非常驚喜，海水味好濃，證明用料新鮮！蝦頭可以加錢用黎煲湯，店員話可以揀魚湯、味噌湯或者白蜆湯。我地揀左白蜆湯，清得黎鮮味十足～穴子壽司極高質，有好長嘅鰻魚再配海量嘅蟹籽，好足料！一啖真係食唔晒，食到山泥傾瀉但好滿足！我地叫左赤貝刺身，鹽燒金目鯛同埋燒活鮑魚。店員會先將食材攞上枱比我地睇下，證明食材新鮮，唔係講笑，個活鮑魚真係好有活力，上枱仲係度郁緊，好生猛! 赤貝擺盤好精緻，見到都胃口大開！刺身爽口彈牙，雖然海水味唔算太濃但仍然好食！鹽燒金目鯛，幾大條魚，就算3-4人share都冇問題，簡單沾D汁已經好吊得出魚嘅鮮味食食下發現原來店員係店嘅中間處理D燒物，望真D發現佢處理緊我地叫嘅燒鮑魚。D火勁旺勁吸睛～呢度嘅燒鮑魚只有最basic 嘅調味，但反而食得出海水味極濃！佢有配上柚子胡椒醬黎沾，不過個人覺得唔太夾，就咁食鮑魚嘅鮮味好食D～什錦天婦羅有南瓜，蝦同埋我最愛嘅一片片嘅蕃薯天婦羅！咁樣嘅蕃薯天婦羅先係最好食嫁！最後當然唔少得甜品嘅環節啦！預約嘅時候講定左係慶祝生日，店員仲好貼心咁幫我地寫左個Happy Birthday同埋有蠟燭！我地叫左個菠蘿雪芭同埋士多啤梨cheesecake！Perfect ending! …查看更多

黎附近行街又想揾小店支持下，上OR 見到都幾多人推介呢間工廈區嘅小店，就上黎試下。呢間餐廳嘅地方都算就腳唔難揾，雖然大廈入面睇落比較簡陋，但餐廳自己嘅裝修就好用心，食客見到都食得開心餐廳員工非常主動同埋用心咁介紹餐廳嘅菜式，用嘅食材，甚至連日本餐廳嘅傳統都會講解埋。通常如果唔係餐廳職員介紹的話，自己去到唔同嘅餐廳都會唔經意地叫返差唔多嘅野食，但有推介嘅話就可以比自己試下唔同嘅菜式，都係一個好好嘅體驗，唔好咁悶～特別值得一提係呢店好注重衛生，餐廳會提供酒精紙比每個客人，而且枱面就有酒精比大家消毒用～今次餐廳職員就推介左呢個季節空運刺身盛比我地，裡面比較特別嘅係胡爐鯛。睇黎比師傅刀功精湛，鯛魚初得薄薄一片，食落爽口彈牙，仲有另外配上嘅柚子豉油，食落更加清新。其他嘅刺身就好厚切。我最愛嘅就係帶子，但估唔到油甘魚都好有驚喜！香桃蟹籽沙律，份量唔算好多但價錢相宜。依家天氣熱到都冇咩胃口，食沙律清新解暑最岩～最後黎個鍋燒烏冬，有炸蝦同炸雞做配菜，不過上枱要快D食左先如果唔係就浸到淋晒～簡簡單單家常味道…查看更多

舊區又一好野食！Bookmark左呢間餐廳好耐，之前都有特登黎過想食下，但weekend實在係太多人排隊，我又懶得排，要襯weekday 夜晚相對少人D嘅時候先有機會食到～一入到黎就覺得D裝修真係花左好多心機，好有異國風情，係香港困得耐左都要黎下呢D餐廳望梅止渴下先得><好肚餓嘅我地叫左好多野食，難得黎到就梗係要試多D想食嘅野啦！外面熱辣辣所以先叫左2杯smoothies 解渴！Strawberry avocado smoothies 呢個配搭幾新鮮，但2樣都係好多人都鐘意嘅食材，入口先係士多啤梨嘅甜味，後來再慢慢滲出avocada 嘅香味，原本仲以為avocado會完全被蓋過左tim~但更令我驚喜嘅係papaya mango smoothies:)雖然我本身唔討厭木瓜，但感覺上呢個配搭都有D奇怪，心入面覺得剩係mango smoothie反而仲吸引，但一試即刻愛上，估唔到2者加埋一齊會去除左木瓜本身有陣好似腥腥地嘅味，但又比就咁mango smoothies多一種清新嘅味道，完勝strawberry avocado smoothies!黃金廣島蠔櫻花蝦蕃紅魚湯意大利麵賣相簡單但夠精緻，份量都適中。廣島蠔都唔細隻，食落有鮮味。意粉口感煮得幾好，唔會太稔，而且煮得好入味，每啖食落都好夠味，而且櫻花蝦都幾多，鐘意櫻花蝦之人一定好岩食！香煎慢煮西班牙伊比利亞黑豚鞍配蜜桃牛油果莎莎，同樣係賣相擺盤都好靚，果然係打卡一流嘅餐廳～黑豚鞍肉質夠嫩，調味簡單但又好夠味，旁邊有南瓜汁但個人覺得就咁食已經岩味。重點係個蜜桃牛油果莎莎超好食！酸酸甜甜非常開胃，如果有得單點as snacks 的話我一定會叫！提拉米蘇梳乎厘pancake，呢度其中一個主打就係甜品，所以點都要叫黎試下～梳乎厘pancake 口感比平時食開嘅冇咁空氣感，但仍然係好鬆軟，有D人係鐘意相對實在D嘅口感嘅梳乎厘的，各有所好～Tiramisu嘅味道都好香，又唔會太甜，Share黎食完全唔覺得膩。甜品果然係一個完美嘅晚餐必備嘅原素！…查看更多

另一半思鄉情懷非常強烈，但又冇辦法同佢返到家鄉住。最近佢工作終於捱過左最辛苦嘅階段，就揾間好野食黎好好慰勞佢！呢間餐廳係住係九龍城嘅朋友推介嘅，平時黎開九龍城都係食泰國野多，冇咩特別發掘過有咩其他好野食，既然地膽推介就借呢個機會試下啦～Menu都幾多野食，好多唔同種類嘅選擇。店員好耐心咁黎同我地介紹邊款食物係佢地嘅主打同埋近期返貨靚嘅，係佢推介嘅菜式裡面㨂左幾款黎試。另一半表示係日本都有飲過呢款沖繩出嘅啤酒。其實我本身麻麻地啤酒，不過試飲之下覺得佢冇太多苦澀味，麥香相對比較出，算係易入口嘅啤酒前菜佢推介左呢個野菜條伴鯷魚醬，行入舖個陣驟眼一望差唔多枱枱都有呢款係枱面。雖然望落去其貌不揚，但食落好有驚喜！個醬食落鹹香味超出，非常開胃，如果就咁食得話會有少少鹹，但配埋野菜條就中和左，完全係會忍唔住食完一啖又一啖，特別係如果飲酒的話用黎送酒就更加正！跟住就到呢餐嘅重點啦！店員推介我地試下呢款赤鯥魚刺身，話一共有3款食法，刺身、壽司同埋炸魚骨。一味三吃聽落幾特別，所以雖然比較貴都決定豪一次！先上枱嘅係刺身，擺盤好精緻，條魚起左出黎嘅骨同頭都放左係後面。雖然魚唔算好大條，但2-3人食每人都可以分到5-6舊。師傅切到每舊係一口size好方便食用。刺身仲有輕輕燒過，除左魚本身嘅鮮味之外多帶左D炙燒香味，非常鐘意！魚質嫩滑，第一次食呢種魚嘅我地都一食就愛上！壽司都非常出色，同刺身一樣都係火炙過，雖然份量唔多但都夠過癮～第三吃就係炸魚⻣，店員係我地食晒D刺身之後就攞走盤上嘅魚骨去炸。炸得非常香脆，部份軟身D 嘅骨都可以食到，簡單嘅調味再加埋檸檬汁已經好好食南非鮑魚鐵板燒，鮑魚唔算好大隻，但非常爽口彈牙，本身配個個松葉蟹嘅汁黎配個鮑魚食，松葉蟹嘅鮮味好強，仲有蟹肉係度，證明真材實料，個汁就咁食都幾好食，但點鮑魚的話感覺上個鮮味會蓋過左本身鮑魚嘅味道，反而佢本身自己嘅調味已經足夠最後就係店員介紹佢地主打嘅煙薰系列，我地叫左羊架，秋葵同沙白。不得不提佢嘅煙薰真係唔係得個名，每樣食材都食得出煙薰出黎嘅香味。三樣之中我最鐘意食沙白，估唔到煙薰呢個煮法非常帶得出沙白嘅鮮甜。秋葵都好適合咁樣煮法，本身味道唔強但因為煙薰味嘅加持令到佢清新得黎又有香氣。羊架有2件，每件都幾大件，食完都幾飽肚，不過個羊架反而感覺煙薰得有D強得濟，本身唔係重口味之人嘅我覺得濃味左少少…查看更多

召集壽喜燒Fans! 好一段時間之前黎過桔梗食過lunch，個陣都唔見有壽喜燒食，睇黎係更新過menu～香港真正食壽喜燒嘅餐廳唔算好多，網上見到原來桔梗有得食，梗係要去捧場試下！有教學講解點樣食，唔駛怕自己亂咁黎所以浪費左D材料！隻日本蛋超靚，橙色嘅蛋黃，我地一隻用左黎點牛肉，一隻留返黎落鍋煮。另外有可以添嘅壽司燒汁同砂糖黎調味白飯任添，仲有好慷概嘅份量嘅飯素，大胃王都唔怕食唔飽，不過佢就咁一碗裝黎嘅份量已經好大，下次應該叫少飯唔好浪費～餐廳嘅職員都好主動黎幫手煮左第一份牛肉先，等我地可以好好學習下點樣煮先，唔怕會亂咁黎整到錯晒我地叫左日本和牛+澳洲和牛嘅餐黎試，諗住試下有咩分別，但食完之後就有D後悔，因為日本和牛實在係好食太多！！！大大塊嘅日本和牛，油脂嘅比例同分佈都係完美！有入口之後化開嘅感覺，牛肉味香濃，食完之後仲有滿滿嘅餘韻係度，食完個刻真係有一股感動湧上心頭，點解會有咁好食嘅牛肉相對而言澳洲和牛就比較普通，其實牛肉嘅質素都唔錯，但冇咩和牛嘅感覺，只係質素比較好嘅牛肉，肉質實淨D，有咬口D。相同嘅價錢用黎食多塊日本和牛會感覺值得D！不過整體而言牛肉嘅份量都係比較少，2款餐都係得250g，所以個享受都係比較短暫，所以唔係好夠滿足，要食飽都係靠食飯同埋菜如果想再食多D就要再比錢追加了野菜拼盤嘅份量都幾多，而且蔬菜嘅種類都係幾多，唔同嘅菜同菇類都有，仲有我好鐘意嘅豆腐同芋絲，而且材料好新鮮當我係度諗緊點樣擺會比較靚嘅時候，店員見到我個樣好迷茫，就行過黎幫我擺好個陣，可以幫佢地影張靚靚相！豆腐同芋絲店員就叫我地食個刻先放入去煮。豆腐好滑超級好食，蔬菜有壽喜燒汁點會唔好食～但大家記住煮菜嘅時候要加返足夠嘅壽喜燒汁落去呀，一開始我地唔記得加食落去好淡口～加完之後即刻唔同晒！…查看更多