orangepanda's Profile

同friend係K11行完搵個地方坐低傾下計飲杯野入座時間星期五下午4pm左右，唔洗等可以直接入去。坐低五分鐘都無menu。叫左兩杯mocktail，第一杯等左25mins，第二杯等左30mins。其實落單20mins既時候已經問左仲有幾耐，staff話仲整緊。心諗要整咁耐一定好好飲。但係mocktail黎到真係無特別，nothing special and it taste like juice soda. $100一杯mocktail，仲要等咁耐，室內抽氣又差，好大油煙味。應該唔會再有下次。…Read More

今日係科學園食完lunch見之前FB有人講有新開cafe，就過去依間新cafe買兩杯咖啡試下。買左兩杯takeaway coffee，一杯熱soy latte同一杯iced mocha。一拎起杯熱latte就知瀨野。杯咖啡熱到飲唔倒，放左一陣再試都仲係好熱。飲落口完全係家用咖啡機果d味，完全飲唔倒soy味，咖啡味好淡，難飲過麥當勞咖啡。杯iced mocha雖然好大杯，但係一樣都係咁難飲。咁就浪費左我地今日咖啡quota😵😵…Read More

小白鷺裝修左咁耐終於開翻，係社交平台見倒d靚相就約埋屋企兩老去試下。此行四大一細。新裝修真係好靚好有外國d餐廳feel，再加埋好多窗可以望倒戶外整個atmosphere都好好。四個大人叫左兩個湯，一個salad，一個炸calamari，兩個牛排同埋一個意粉，一齊share。諗住唔夠食就叫埋佢地個dessert platter試下。兩個湯先唔講佢味道，湯係唔熱既，暖都講唔上，龍蝦湯係腥既。Portion好細。Calamari中規中矩。Portion適中。青芒沙律，青芒味好清新有少少辣加三隻蝦。Portion好細。蟹肉海膽意粉，中規中矩，唔差。Portion適中。叫左兩個牛排，一個US Prime同埋一個A5和牛。前者中規中矩，後者staff落錯單變左個steak platter。薯條同配菜上左15分鐘個扒先出場。我地大家食第一塊既時候就覺得奇怪，點解A5和牛咁多筋一d油脂既香味都無，d個雜扒好多筋好咸簡直可以以難食黎形容。跟住同manager反映先知道落錯單。Manager話叫廚房即刻再整過俾我地，但係我地唔同意叫佢cancel呢個item。我地並沒有食曬個雜扒，因為實在太難食。新餐廳，staff未train好，staff對餐牌唔熟悉。廚房出菜好慢，落左order等15分鐘上菜呢個可以接受，但係每一樣菜都要等最少10-15分鐘，食完呆等一陣先有野食。人均消費最少$500有ikea bb凳提供…Read More

先唔講唔既食物，講講佢既service先。我同朋友星期一一點左右去到排隊，前面有大概6-7個人。有staff見倒我大住個肚，叫我唔好企咁耐，行出黎幫我落左order先。呢個行為好surprise好窩心。以為fast food會無人理添。Order既時候又主動問我洗唔洗講個beef patty轉做全熟。之後去搵位坐既時候，有另外一個staff主動幫我搵位。我要俾10個like shake shack既staffs啊，十分大肚婆friendly啊。我叫左個ShackBurger，個bun好soft，patty雖全熟不過都好juicy。係我craving既野，如果佢唔係咁高卡路里我淋我自己可以食2個，一個根本唔夠喉。朋友叫左個Chick’n Shack，佢話塊炸雞唔會好油又juicy。好味！我覺得個Cheese Fries有d失色，薯條有d稔，芝士味有d淡。…Read More

星期六下午2點左右去，入面坐滿人，等左5分鐘先有位。牛肉餅同牛肉鍋貼都係超熱超既多汁。我食牛肉鍋貼既時候一唔小心仲爆汁添，搞到成身同台都係汁，所以食既時候要小心。呢兩款煎物唔會太油，皮薄多餡。如果兩款要比較，我會比較鍾意食牛肉餅，佢個餡好似比較多層次，而牛肉鍋貼既餡好似口感差d。兩款我都鍾意食。酸辣湯，好足料，唔會好酸，唔稀，小小辣好正！咖喱牛腩，好大碟，有d辣。入面有薯仔，牛筋同牛腩，燜得好稔好入味。小小辣送飯一流啊。…Read More

星期五晚，6點45分去到前面有兩pair，等左5分鐘就有位。入面坐得有d逼，同隔離檯都幾近下。我叫左個豬排肉燥飯，豬排好好味，皮脆肉嫩，唔會好咸，一d都唔覺得油，十分推薦。配上凍可樂，好過癮好爽。肉燥飯一般，事關我個人比較鍾意食熱辣辣既白飯，但係e個飯係暖既，所以會扣d分。老公叫左個豬排蔥油撈面，呢個十分推介。蔥油同撈面好夾好好味。另外我地仲叫左個辣魚蛋，普通魚蛋有d麻辣味再加d炸蒜，好一般無乜驚喜。…Read More

洪記魚蛋粉已經係我們一家星期六必食既早餐。通常我們一家四口，每人一碗魚蛋粉再另叫一碗淨魚蛋share，就剛剛好夠食。好食既魚蛋真係要靠彩數，時好時差。有時d魚蛋好彈牙有魚鮮味，有時d魚蛋會比較腥。通常休魚期會差少少，因為少左新鮮魚。淨魚蛋果碗湯會濃d好飲d，粉面果碗湯會淡口d。炸魚皮有時會好碎好少，有時會好厚。不過整體都唔差，唔會難食。差唔多每個weekend都食，已經成了習慣。如果果個星期無去食洪記，就好似weekend少左d嘢咁。所以我覺得我食既係情懷，只要保持住先有水準都會繼續一直去。…Read More

作為為食既大肚婆，每個weekend都要同老公出去覓食。今個weekend我地揀左銅鑼灣呢間主打handmade pasta既餐廳食brunch。星期五就打左電話去book位，星期六12點15分去到我地又係第一檯客。12點半到1點左右陸續有其他客人到，fill左7成既位。仲有空位。餐廳環境唔錯，檯與台之間都幾窄，可以聽倒隔離檯既談話內容。環境都幾暗，除左近window果幾張檯。廚房係open kitchen，但係唔會有油煙味。環境都算舒適。我地叫左兩個lunch set，老公果set加餐湯，我果set加甜品。不過有d唔夠食，我地最後再叫多一個Carbonara。今日係餐湯係粟米湯，老公形容佢俾罐頭粟米湯好dd，濃d，無乜特別。雜菌配義大利手造粗麵，牛油芝士汁。e碟個pasta係al dente既口感，個醬汁就簡單左d。阿根廷紅蝦配手造義大利幼麵，辣椒，蜆汁。d handmade pasta一樣咁好味，配埋個汁簡直係絕配啊。個汁濃濃既蝦味同埋蜆汁味，可以食唔停口。以上兩款pasta水準都唔錯再加上d portion有d細我地最後叫多左個Carbonara。因為我係大肚婆waitress都好貼心咁安排廚房將d蛋黃煮熟d。e個pasta有驚喜啊，滿口都係濃濃既蛋黃和芝士味再加埋煎香既bacon粒簡直就係絕配。三個pasta都好好味，十分推介。甜品本來想叫紅酒啤梨，因為大肚婆既關係無叫到，要左個Tiramisu配朱古力雪糕。Tiramisu不過不失，咖啡味可以再濃d。…Read More

每次食隔離既魚蛋粉都會叫鴻機既細杯熱奶茶和奶油脆豬，事關隔離既魚蛋粉真係唔夠食。鴻機既食物好少食，試過佢既早餐，無咩特別係普通茶餐廳既質素。值得一提既係佢地既奶茶，有大杯同細杯兩個size。我覺得佢既奶茶有別出面大型連鎖店既奶茶。佢唔會好似出面茶餐廳d奶茶咁有一浸好厚既淡奶味，佢飲落口感覺的雖然感覺有d稀，但係好滑同埋茶味好濃。…Read More

呢間酸菜魚食左三四次，今日終於記得寫食評。一只都鍾意食酸菜魚，係大陸都食過唔少。聽講呢間酸菜魚係大陸某網紅店既分店，因為本名俾其他公司係香港註冊左所以要另起新名。食過lunch同dinner，都係覺得lunch性價比較高。Lunch可以叫lunch set $88 一人份，一盤細既酸菜魚配白飯或者麵線同一杯凍既酸梅湯，還可以格外加其他配菜。一個人食覺得太多，兩個女仔食應該剛剛好。試過dinner去食，無得叫set，試過叫細份$328，但係份量同lunch set既一人份差不多。魚肉好滑又無骨，個湯好好味唔會太辣或者太酸。我覺得係潭仔10小辣既程度。weekend lunch time上去食通常都有位唔洗等。…Read More

係隔離食完早餐經過見倒呢間cafe，見未試過所以試下。店面有d細，入面有幾個位可以坐低。叫左一杯take away large cappuccino with soy milk。soy milk要格外加5蚊，合理啊。叫soy milk最驚d barista將d soy milk over heated或者唔夠熱。呢杯溫度剛剛好，唔會太熱。濃濃既咖啡香奶香好合我心意。店家仲提供左一張coffee card，買夠九杯第十杯免費。…Read More

星期六11:30坐底，第一張台。後面跟住好似有大約兩三張台。事關第一張台，佢地安排左我地坐近窗邊既卡坐，望出去係九龍公園方向。一坐低，waiter裸左餐牌同埋一壺熱茶俾我地。今日試左供兩位用既特上豬扒豬柳定食。一大塊豬排，四塊細既豬柳開邊，兩碗仔芝麻，椰菜沙律，兩碗白飯，兩碗miso soup，兩小碟漬物合一碟mustard sauce。d炸物外面酥脆，入面juicy，再加埋芝麻豬扒汁，每一啖都好滿足。有柚子汁or紫菜汁加落去d椰菜沙律度，兩款汁都酸酸地，我覺得柚子汁比較清新d。椰菜沙律同埋d漬物都可以解膩，所以食完成個餐都唔覺得好油膩。話就話供兩人食用，不過我覺得三人食會剛剛好，兩人食有d多。食完個餐之後，waiter會收走d餐具簡單clean左張台再奉上新的熱茶和西瓜。此舉我覺得相當細心，值得加分。…Read More

星期六早上大約9:45去到，門口未有人排隊，餐廳入面已經好full下。等左大約5分鐘倒waiter安排我地入座。去之前做左下research，佢地既蛋撻一定要試。我地叫左一個Avocado Toast，Big Breakfast同埋一只蛋撻。蛋撻上先，個皮仲係熱既，但係咬落個撻心係凍既，所以有d失望。一心以為會好似港式蛋撻咁成隻都係熱辣辣。個皮有d硬，蛋撻心好似creme brulee，但係又唔會太甜。印象中一隻蛋撻大約$12，$12蚊可以食倒creme brulee其實都幾底。Avocado Toasts有兩塊加兩隻poached eggs。流心雞蛋，所有野都幾夾，無野挑剔。Big Breakfast，正常。肉腸好味。外賣左一隻普通croissant，一只strawberry croissant同埋cinnamon bun。strawberry croissant有驚喜，入面有strawbeery jam同埋custard，酸甜酸甜咁好好味。cinnamon bun有果皮、raisin同埋cinnamon powder唔會太甜，如果熱食or配咖啡一定一流。以上三款pastry掛住食唔記得影相。Overall，cafe唔錯。Pastry十分推薦，會再去。…Read More

之前見朋友既IG見佢po出黎既海膽意粉幾靚評價唔錯所以weekend同老公去左試。事關我地無book位我地5:55分去到，撞下有無位。果日係星期日佢地fully booked，但係因為我地好早去到如果7:30前還台佢地都可以spare一張二人台俾我地。我地叫左一個水牛芝士沙律，海膽意粉同埋紫菜雪蟹意粉。點好餐之後，店家送上兩塊麵包合一小碟truffle butter。我同老公食左一啖就無食。塊包好硬好乾，口感好差。好似擺左幾日既乾麵包。水牛芝士沙律有驚喜，新鮮既沙律菜再加牛油果、passion fruit dressing同埋水牛芝士好清新，好適合炎夏既開胃菜。海膽意粉，有好多海膽吖～ 第一啖充滿驚喜，成口都有濃濃既海膽味。意粉係粗粗的手做意粉，個汁唔會好稀。不過食到弟三四啖就覺得有d漏，個汁偏甜。紫菜雪蟹意粉，又係落重料既意粉，每啖都有好多蟹肉。好味！overall，我覺得Dough Kitchen都唔錯，用料好足，菜式有新意。可惜我覺得佢地既主打海膽意粉有d太甜。PS，店家不提供table water。要飲水就要order still or sparlking water。…Read More

老公鍾意食肉骨茶所以一心淋住試下呢間肉骨皇佢有幾犀利。點知都係失望而歸，唔值得山長水遠黎食囉。1130去到，剛剛開門，我地做第一台客，試左兩樣嘢。肉骨茶，份量都算幾多，夠食，夠熱，不過我覺得佢偏向淡味。白飯要另外叫。無骨海南雞飯跟湯，可以揀白飯或者油飯。d雞切到好碎，一半片一半肉。油飯同雞都好乾，雞無乜味。如果唔係佢既sauce plate同埋湯，應該食唔碟飯。可能我地早去，未開曬d冷氣，好熱，熱到一路食一路流汗。…Read More