monchiki99's Profile

明明個任飲任食列明係手切鮮牛肉，再睇openrice 食評嘅相，同我食嘅就有好大分別，完全唔係手切鮮牛肉，而其他食物就數蒸海鮮 ＆ 雞煲最正常，個花膠雞湯都幾好味，飲品同雪糕都多選擇。…Read More

上兩個月經過時，就叫咗個外賣，酸菜絲五香卷飯，返到屋企未打開個盒已爆哂盒，入面嘅餸菜超多，今次再經過，見到有得堂食，就叫咗個素肉絲炒米，估唔到都係超足料，好多菜，米粉又炒得乾身，唔會油泣泣，再叫埋支豆漿，豆味都濃又唔會太甜，唔錯唔錯。…Read More

呢間餐廳個景觀唔錯，可以望到馬場，而且仲有人唱live。今晚趕得切happy hour，酒精飲品買一送一，即刻叫 cocktail 啦。我地今晚兩個女士聚餐，所以叫唔到太多嘢食，而我地所點嘅嘢食都好好味，份量都好足夠，所以呢到可以有下次。…Read More

Seeing that this restaurant has a discount on Openrice, I made a reservation. The overall food is OK and the price is reasonable, but the waiter service is really not up to standard. It’s like going to a Bar in Wan Chai. The music is so loud that it’s completely not like a western restaurant, so I don't know that the restaurant's focus in catering or bar. I most remember that after eating Lobster rice, the plate was full of shells. The waiter would not take the initiative to change the plate for you. I asked them to help you clean the shell first instead of changing a clean one. I was completely surprised at the moment.…Read More

我應該比openrice嘅食評呃咗入黎食，睇d 食評話好味，就order 黎試下啦，點知係豆板醬炒金邊粉，一d 泰式嘅辣味都冇，感覺仲差過茶餐廳嘅炒金邊粉，真係忍唔住要出食評，等大家唔好有大太期望。…Read More

朋友推介黎呢間烚下烚下，我地就一行6人上去，雖然場地唔係大，眼見得6張枱，但原來仲有兩間房嘅，而且環境都乾淨，裝修都精緻，坐得都舒服，最好訂位先，始終枱唔多。人未齊但又肚餓，就叫d 小食邊食邊等，咁我地叫咗黃金魚皮，椒鹽雞軟骨同黃金魚旦角，真係即整所以係熱辣辣，好好味。之後人齊，朋友就點咗刺身同火鍋配料，刺身真係好正，而我最欣賞嘅係鮮鮑魚，好爽甜。火鍋料都好新鮮，牛嘅特別部位（黃喉同唔知咩爽）都可以食到，真係唔錯唔錯，根住我掛住食嘢，有好多食物都冇影到相 （牛骨髓，鵝腸，冰菜，鴨血，竹笙），我地點嘅火鍋湯底麻辣 ＆酸菜豬肚，我略嫌唔夠濃，如果可以濃返d辣返d 就仲正。…Read More

都已經隔了三，四年無入黎長洲，今次爸媽居然主動提出去長洲走走，咁我地就快閃長洲啦 😎我就緊係帶佢地去呢間我之前每次都必到嘅餐廳，估唔到事隔幾年，食物水準都keep到，新鮮冇乜味精，而且仲要新翻新，所以環境都企理，冷氣又夠凍喎。兩老話入黎長洲，緊係叫d魚黎食，咁佢地點咗鮮炆魚湯河，豉椒鮮炆魚炒河，我就點咗咖哩牛腩飯，重點就緊係order 凍橙檸啦（本黎想要大杯，原來加價到 $42），我實在唔捨得，所以要杯正常size 就算，最後埋單都係$201，我又覺得抵食。總結鮮炆魚好鮮，兩老係咁讚，仲話魚似係斑類，餐廳又比得算多。咖哩牛腩我就覺得一般，個汁太希，牛腩唔夠淋。…Read More

今次係我第三次幫襯，次次同唔同嘅朋友黎，大家都係覺得呢度平靚正，侍應服務態度好好，老闆間中都會走黎問嘢食齊未，所以現場大多係熟客仔。今次我地點咗d海鮮，真係好好味，燒得啱啱好，唔會過熟，特別係蟶子，應該係蟶子皇，好鮮甜。而其他海鮮都新鮮，唔會話有異味，不過燒蠔我就覺得落煙肉白汁就唔太啱我口味。我地叫咗幾次牛舌，因為真係燒得啱啱好，用黎送酒一流。而其他串燒都不錯，燒得啱啱好，好多好味嘅大家都有再encore, 落咗好多次單，連侍應妹妹都話頭先已經落咗，係咪要再落😅😅，應該睇唔出我地4條友咁食得。我個人最中意係蒜蓉包，粟米，豆腐同韮菜。…Read More

呢間餐廳我都黎過幾次食lunch，多數我都會叫銀雪魚個餐，之前亦都食過壽司定食，但今日突然想食刺身，就叫咗個刺身定食，上菜時都覺得賣相睇落唔錯，點知一食個飯就知。。。。點解個飯會咁架，飯質完全唔似壽司飯，似屋企落水太多煮嘅爛飯，咁我就試食刺身啦，都還可以，但到食舊海膽時，居然唔新鮮嘅，我冇諗過呢間日本放題餐廳會咁，話哂都係夜晚主力做放題架痳，我都費事同職員反映，唯有以後再黎食，都係食返我嘅銀雪魚定食算喇。…Read More

呢度打咭真係一流，枱同枱又唔貼，好有空間感，而且服務都唔錯，都好適合飯聚。當然都有好多打咭位，真係成晚影唔停，連洗手間嘅佈置都古色古香。限時2個鐘，都算夠食嘅，因為上菜都算快。不過我覺得牛肉就一般，唔會係好靚嘅牛，牛肉灼一陣都已經鞋，唔同部位嘅牛都唔會話質感好滑。其他食物質素都ok，價錢都合理，份量都唔會話唔合比例，不過叫咗個芝士露筍餃，真係有d失望，唔覺有芝士，而且味道亦無韮菜餃好食，情願叫其他嘢試下。…Read More

係FB 見到做緊無限時蒸海鮮放題 （星期五$418 +10%），星期五就同同事準時6點到達，可以慢慢嘆。 出發前都有哂心理準備d 海鮮可能唔新鮮，可能會伏架喇，點知d 海鮮上枱時，高於我地期望，而其他熟食就一般，可以留肚主力食海鮮，例如雞亦本身冇醃製，所以只係得雞亦面上嘅調味粉味，炸物同串燒就不過不失。每張海鮮 order 紙只可以點15件，所以頭幾round 都每款order 黎試下，上菜速度都好快，發現最好味係鮑魚、大頭蝦，虎蝦，貴妃蚌，鮮帶子，而蟶子就好un, 所以我地食咗n 轉鮑魚同d 蝦。而火鍋料同飲品都好一般，甜品選擇唔多。不過無限時就真係好正，可以慢慢蒸。p.s. 成餐飯嘅驚嚇位。。。就係有隻小強仔係窗嘅玻璃度慢步，嚇到即時叫職員處理（咗佢。…Read More

今晚同朋友試套餐，做緊二人同行一人價錢，估唔到食物份量都幾足，而且餐廳嘅裝潢都幾有格調，全場燈光都比較暗。一入去餐廳嘅兩邊就會有幾張卡位，再行入去就係大廳，坐位都幾寬闊，唔會迫。而食物嘅上菜都算快及準，唔使我地催單，亦會一道道菜上，唔會一次過上哂黎，所以食物都唔會變凍哂（值得一讚）。成個套餐d 嘢食好好味，除咗甜品-杏仁茶湯品就麻麻，因為杏仁茶唔夠味，好淡杏仁味，但芝麻湯丸又幾好味。今晚係佛誕前夕，真係全場滿座，如果去食飯，就訂定位會穩陣d。…Read More

朋友早一晚先話要帶我黎呢間試下，諗住都冇希望訂到枱，居然比我打到電話，仲要訂到枱，但可能因為係星期五晚關係，得返6:30嘅枱，要8:30 交枱，因為我聽朋友都讚過幾次呢間d 嘢食好得，所以限時都要食。朋友一坐低，就即叫咗黃酒雞煲先，因為制作需時，咁我地就順便叫埋其他要時間整嘅嘢食啦，朋友想食蟹，點知冇預訂，所以冇得食，咁我地就唯有order螄蚶＆扇貝＆蟶子＆蚌啦。黃酒雞煲真係好正，好重糯米酒味，d 雞又冇雪味，d 材料好足，搞到我係咁飲d 湯。而d 海鮮又好新鮮，食落去係好鮮甜。根住我又叫咗椒鹽粟米，味道係唔錯，但就略嫌少咗d，應該係用咗一條粟米，可能我係粟米怪啦，唔係好夠食。好彩都趕得切8:30交枱，因為呢間係家庭式小店，眼見d 食客應該都係街坊／熟客，個個都好自律咁8:30左右就埋單交枱，唔會難為佢地。…Read More

之前係網上睇到呢間餅店好多人讚，我就買兩款多人like 嘅口味黎試下，雖然落咗order 都要等大約個半月，但都值得嘅。而餅店係屬於老式嘅麵包店，但就好有人情味，收銀姐姐好細心又好傾，如果大家去取卷蛋時，最好自備保凍袋同乾冰。今日攞嘅係抹茶同朱古力，食落都真係唔太甜，d cream 好細滑而又味重，抹茶真係個個都超like，因為真係好似食緊勁多抹茶粉咁，但又唔會好苦澀，抹茶控一定要試。而朱古力都好濃，感覺個甜度都有dark 60度左右，不過相比起就比較膩，食咗半件就好飽。…Read More

今晚朋友帶隊一行7人入黎鯉魚門食海鮮，大家都食到膽固醇超哂標，但都係值得嘅。我地首先係妹記度點咗要乜海鮮，再由海鮮舖幫我地拎去餐廳，所以我地都唔使一抽二褦咁拎去餐廳，實在方便。去到餐廳先發現唔係大排檔黎，而係裝修得古色古香咁，比我想像嘅好乾淨同舒適，餐廳嘅環境好擴闊。我地點咗蟶子王，蝦，龍蝦，奄仔蟹，鮑魚，花螺，咕嚕肉同芥蘭。今次嘅奄仔蟹隻隻都爆膏，大家都覺得好味過d 大閘蟹。最驚喜嘅係芝士龍蝦配煎米粉底，係十分十分之好味，係出面d 餐廳都好少呢個做法，所以我地個個都讚。最後餐廳送嘅木瓜魚湯，脆麻花，鮮木瓜同南瓜露都好出色，全部都清哂。…Read More