Bforbeauty的个人专页

生日梗係要食好嘢，雖然最近仲未食到晚餐，但係就可以食Early Dinner！尖沙咀鮨燐 有Omakase，食餐好嘅慶祝先夠盡興～螢光魷魚配紫蘇葉，鹹香十足加上面豉汁，相當開胃！黑梅貝爽脆咸鮮，食到食材原味。菜之花係菜心個花，爽口具咸香，仲有菇在表面，口感一流。薄切燒香鮫碟魚配萬能蔥，只需點少少豉油，肥味油香，外有肉感而內入口即溶！間八配上麵豉，彈牙質感又鮮味。白象拔蚌，超爽口又清新，因為表面有竹炭鹽柚子皮。太刀魚係Season嘢，肉質厚身，但係佢有柚子胡椒更加清新，口感亦比想像中爽口。2款貝一齊食，顏色已經夠晒鮮艷，配搭醋Jelly 增加清新：北寄貝口感清新；而赤貝肉厚爽彈。中拖羅配少少Wasabi，啲花紋靚到好似和牛咁，入口即化油香十足。吞拿魚餃位+紫菜又係爆曬啲油出嚟，入口即溶，好香嘅吞拿魚油，紫菜好Perfect。鯖魚表面有昆布、紫蘇葉、芝麻，完全唔腥，味道清新柔軟。青金橘啫喱清一清味蕾，之後就開始食壽司了。Sushi帆立貝加點青檸，鮮甜又夠清新。深海池魚肉質較實，油份及魚味突出！金目鯛較為彈牙柔軟。BB銀雪魚 +燒，質感好軟熟鮮味，近乎入口即溶。根室馬糞海膽係我最期待嘅一環，清新又鮮甜。醬油漬赤身帶有蒜味，第一次食到咁香又唔腥，值得一讚！汁煮南非鮑魚大大隻南非鮑魚，仲有朔晒啲汁嘅蘿蔔，清新之餘又夠香。面豉湯裏面仲有好多豆粕，收晒麵豉湯嘅香味。抹茶奶凍係自家製嘅，甜味適中唔會太膩，作為完美嘅甜品。menu…查看更多

朋友好鍾意打邊爐，今次就介紹左我去一間深水埗嘅火鍋店，呢間火鍋店個名都好特別，叫做老百姓？原來呢間舖頭日頭係會做點心，夜晚就主打火鍋，都有一定數量顧客，如果擔心可以預先book位。餐牌也有很多選擇，一大張紙一目了然。四川麻辣鍋Mix蕃茄薯仔鍋湯底想多啲味道，可以考慮雙拼，加少少錢都抵食。四川麻辣味道非常香， 10分吸引，蕃茄薯仔也不遑多讓，味道夠濃郁。自家製四拼餃$98呢個我覺得幾值得叫的，因為有四款不同的餃子，包括綠色的韭菜餃，黑松露餃子及雲吞等等，皮薄喊靚。日本黑豚肉$108這個份量也比想像中多，一般出面其他火鍋店有可能只有一個木假上面擺咗幾塊，但係呢度有超過十塊，所以都有一定性價比。台灣空運鮮鴨血$58 口感彈滑，而且份量十足，鹹味適中。野竹笙$108如果比其他食品，這個也是很好吃的，性價比方面普普通通。金菇菜$36洛神花茶$48@渣味道很可以，比起想像中沒有那麼甜，比較適合健康的。…查看更多

旺角有間餐廳，價錢都幾抵，環境各樣都唔錯，就去試吓佢。佢係喺雅蘭中心地庫，記得唔係喺正門入，係喺側邊啲門口入。味自慢叉燒拉麵叉燒都幾大件，比較抵食，而且裏面嘅拉麵份量都非常豐富，大胃王都唔怕唔夠飽！爐端厚燒鰻魚丼出面買鰻魚都好貴啦，但係呢個鰻魚飯今晚遇到size十足，很有甜香，表皮燒得夠香，而且裏面嘅飯係用咗日本米，粒粒非常之圓潤。日本煎餃子都不錯，表面金黃口感香脆，仲有醬汁可以選擇，咁就夠晒飽肚！特色飲品都有多款選擇，都幾特別，例如入面有d梅，很有日本感覺…查看更多

古早味蛋糕要不要試一口？？山田本舖有超多款式嘅古早味蛋糕比您揀，仲每個時間新鮮出爐不同口味！！見到都已經好想試吓！ ！不過因為古早味蛋糕唔可以擺太耐所以我哋淨係買咗兩款返屋企試吓啲蛋糕真係好大件㗎，所以要多啲人分享，如果自己食唔晒最好share比朋友仔或者同事嗰啲啦⋯🧀芝士古早味蛋糕🍰芝士味道香濃，蛋味清香，芝士個味道完全唔會話好濁，但真係好吸引，食極唔厭亦都唔會話覺得漏！🍵抹茶紅豆古早味蛋糕🍰抹茶香甜，仲有一粒粒紅豆作點綴，喜歡日系口味的不能錯過～ 呢種口味就大人細路都啱，唔會太甜，但係好清新…查看更多

黃店一定要大大力支持！呢間位於尖沙咀嘅龍門冰室地點方便，就喺金馬倫道嘅地舖，而且入面好大間感覺比較寬頻，坐得舒服。入面心態選擇多多，但係價錢唔算貴，係正常一間茶餐廳嘅價錢，而且有好多唔同嘅配搭，有選擇困難症！粟米汁煎龍利柳飯（$52）佢個粟米汁都幾cream，味道比較濃郁同埋甜，而且佢個龍利柳size好大，如果女仔有機會食唔晒。麻辣豬頸肉米線（$45）佢呢個麻辣味都幾突出，唔算好香，表面比較多人，所以食嘅時候要小心啲唔好彈到件衫，比較值得推介係佢個豬頸肉真係好爽口而且唔會過鹹，都幾推介呢間餐廳嘅豬頸肉類食品。Green Tea Latte鮮奶綠茶咖啡 （+ $ 3）Hazelnut Latte榛子鮮奶咖啡兩款不同嘅咖啡，都好特別，但係唔使話特別加好多錢，味道都OK啦！不過不失！不過相信西餐部門嗰邊會更專業！咸牛炒蛋（+ $ 14）呢個真係超好食，好似係玉子燒嗰種，中間好滑，而且咸牛肉嘅比例適中，一定要試！沙爹牛（+ $ 7）朋友話味道好特別，我就覺得有啲似牛肉乾嘅味，好唔好食見仁見智啦～練奶多士（+ $ 7）當時都幾厚，而且表面香脆，煉奶份量都足夠，如果想食埋包可以加幾蚊就有。呢度啲嘢食真係唔貴，正常價錢，而且有啲餐可能$50以內已經包好多樣嘢，同埋質素都OK，可以再戰。…查看更多

最近發覺到荃灣有一間好正嘅米線店！餐牌有好多唔同選擇，我哋就揀咗酸辣粉同埋小窩米線試吓～重慶酸辣粉$28 酸辣小辣 +豬紅$8佢個辣味係好濃同埋好香，而且上面都有好多芫荽花生酸菜等等，豬紅都好有彈性，有時出面食嘅酸辣粉已經林晒，但係呢間好有口感！豬頸肉小窩米線$42 酸辣中辣+蟹柳$7 腸仔$7我個friend話佢個酸辣中辣都夠辣同埋好香，腸仔亦都煎到勁香，豬頸肉口感彈牙，米線口感也不錯。口水雞$40上面有好多花生，好match！雞肉份量都唔少！炸雞翼四隻$28炸雞翼熱辣辣炸到金黃香脆，仲有酸甜醬汁可以點，好多肉又juicy～韭菜$10雞軟骨串燒$16如果以串燒來講呢間都算好抵食，如果鍾意食串燒一定要黎試吓，佢啲粉夠香，燒得好出色，難怪夜少少我見其他人想叫韭菜都話冇晒貨啦～ 凍奶茶+$7凍檸檬水+$7小冰…查看更多

長沙灣有一間專食泰式同埋越南野嘅餐廳，選擇種類多好多，而且價錢都算適中，真係有啲選擇困難症！值得一提嘅係職員態度非常好，都係比較後生，做事都好有衝勁。 咖哩軟殼蟹配脆包，咖喱份量超級多，要講多次，真係超級多！香而不太辣，食唔到辣都可以試吓。而且裏面有啲菜啊，洋蔥同埋蔥～分量十足，所以食唔晒我就攞咗返屋企第二日送飯，一流！軟殼蟹炸得非常香脆，估唔到裏面仲有啲蟹肉，真係喜出望外，咸香十足。加埋脆包其實真係好豐富⋯泰式特飲-多瑙可隻顏色幾靚，淺藍色，飲落就係酸酸地的梳打～炸雞軟骨形狀不一，同出面食嘅好唔同，有啲住家風味，而且咸味唔會太重，健康得來又夠香脆金黃。…查看更多

聽說深水埗有一間飲品小店，老闆是台灣人兩夫婦。真的很有心，今次第一次嘗試，可惜最近因為疫情問題很多時飲品都拿回家，今次就我屋企人各買一杯回家試試。黑糖鮮奶珍珠黑糖味到輕甜，而且鮮奶很香，加上口感彈牙的珍珠，甜味恰到好處，令整杯飲品生息不少。蜂蜜普洱珍珠鮮奶茶這個配搭的確是比較特別，喜歡普洱的話的確可以一試，配搭蜂蜜黑珍珠方面也是令口感層次比較豐富。餐牌上還有很多其他的茶飲，芝士奶蓋、芋頭、冬瓜茶等等，下次可以試試！…查看更多

荃灣呢間牛之前都經過過幾次，見佢新出左又有火鍋，又有得燒肉嘅放題，就去試試！去到首先要量度體溫，而且仲有得再賣火鍋外賣，不過我哋當然堂食啦。美國極品牛小排加海鮮放題正價時段七點至九點食$295套餐包括埋所有肉類及海鮮任食，當然食得晒先好嗌，唔好做大晒鬼啊！極品牛小排，極上和牛，特上牛肉，特選牛胸腹，牛舌，豚肉，雞肉，帆立貝，海蝦，墨魚仔～～～一開始燒下啲肉，又有骨膠原同埋味增醬，同平時食嘅有啲唔同，都幾特別！出面仲有唔同口味嘅醬汁e.g.黑咖喱、蒜蓉、麻辣嗰啲可以隨個人喜好拿取，我試咗黑咖喱味都幾香！食咗之後就揀啱壽喜燒湯底，佢仲有一隻蛋，配搭味道更清新，而且個湯底口味本身比較甜，就中和左啱啱燒肉嘅肥膩感覺。除咗餐牌上可以點的食物之外，出面都有好多嘢食，有啲熟食壽司，前菜小吃，新鮮蔬菜及各式各樣的丸等⋯種類繁多，質素也有一定保證。最主要係出面個飲品佢咁選擇超多，熱飲凍飲沙冰等！臨走前記得食埋佢哋嗰個朱古力雪糕因為隔離有好多料可以加入去，個口感豐富好多。…查看更多

係屋企煮嘢食煮到非常之悶，頂唔順都係要出下街，之前去過荃灣店，今次喺荔枝角嗰頭有啲嘢做，夜晚就順便同朋友嚟食埋。松梅竹菊自選四款共$198 選擇都有非常多，而且如果揀啲價錢高端小小嘅絕對係抵左，因為我計過叫嘅嘢食加埋都$230咁上下，但係用咗依個套餐配搭$200都唔使就有，兩個人都夠晒食。（右為散叫價）北海道櫻花蝦拉麵$88見到上面鋪滿晒櫻花蝦，完全毫不吝嗇，令拉麵增添不少口感和鹹香，上面有一塊豬肉叉燒，仲有半隻糖心蛋，個湯底味道唔算話非常突出，但係分量相當豐富呢！蟹子沙律$38沙律方面就普普通通不過不失，因為每一條嗰個size唔算太細，所以個味道冇咁出，而且沙律醬亦都可以加多啲會更好味！（如果想要多啲，可以額外問店員拎）雜錦串燒$48雜錦串燒我都幾推介，鹹香十足而且唔會太鹹，包括有雞軟骨，冬菇，雞翼等等，都係非常吸引！最推介雞軟骨同雞翼～北海道南瓜炸薯餅$55炸薯餅方面有四件非常大件，南瓜味都幾香，口感香脆，亦都可以點上醬汁令整體味道更加清新得多…查看更多

荔枝角地舖有一間黃店，而且佢嘅價錢都非常抵食，好適合嗌外賣返公司用膳。你會見到餐牌有分早餐同埋普通，下午時間就冇得食早餐，但係其他都可以選擇。惹味紅油抄手$15味道香辣而且個皮嘅厚度啱啱好，非常惹味，口感亦相當不錯。豬軟骨滷肉飯$29千祈唔好睇佢個盒子細細就低估佢，佢啲飯壓得好實，如果細食話分分鐘畢出來，兩個人都夠食，豬軟骨分量唔算多，不過都幾多肉， $29簡直非常抵食。花雕雞卷$18雞方面個花雕香味都幾濃郁，值得一試。秘汁涼拌青瓜$15佢依種青瓜係切到一粒粒，比較入味，所以每一口都有好濃郁嘅秘製醬汁味道，酸酸地非常開胃非常適合作為前菜開胃之用。…查看更多

平價比較高既西餐廳佐敦真係foodie既天堂，咩類型既美食都有，性價比高既餐廳更加係不勝枚舉，但講到好味，又抵食既西餐廳，就真係唔多。今日我地就咁岩行過童軍總會，見到依間餐廳人唔多，啲野食又好似賣相唔錯，一時興起就入咗黎試試。入到黎，我地有兩個人，餐廳又咁岩做緊兩人餐，一個尊貴餐，一個普通餐，價錢都唔係差好遠，但尊貴餐個名真係好吸引，所以我地就叫咗一個尊貴二人餐。餐湯羅宋湯味睇埋普普通通，但味道一啲都唔簡單，羅宋湯既蕃茄味好重，口感黏籌，雖然睇埋好似無乜料咁，其實係所有精華完美融入湯中。一個完美既開場令我更期待之後既美食🤤頭盤我地揀咗白酒煮大蜆，大蜆真係大蜆，冇改錯名，隻隻都大大隻，肉質鮮嫩，口感彈牙，最重要既係，蜆皮用白酒煮過，輕微既酒味令味道更上一層樓，錦上添花，原來就係咁解！個人真係非常推薦依一味頭盤，味道一啲都唔普通，作為頭盤份量十足，完全唔失禮。係享用完高質既頭盤同餐湯後，隔即而黎既係我地揀好既主菜：三文魚扒同安格斯西冷牛扒。每道主菜隔碟送上一個小小既焗薯，薯仔煮睡得岩岩好，比起一般西餐廳既配菜薯條來得健康🕺薯仔本身無味，但配上千島汁就岩岩好，飽肚之餘仲岩岩好有位置食主菜。三文魚扒方面，煎得岩岩好，外皮香脆，魚肉鬆軟，我最鍾意佢咁大既對比度，外皮真係好鬆脆，仲要皮肉係分離，大廚處理魚扒既能力同經驗一定好重，魚肉方面真鬆軟到一夾就散，咁姐係點，就係份口即融，你話好唔好味？點會唔好味呀？安排斯牛排方面，由於我個人偏好熟少少既牛排，所以我地叫咗7成熟。7成熟既牛扒，一啲唔太熟練既餐廳，或者劣質少少既肉，上盤好易變到過熟，肉質變軔，食都食唔落。當然，依份事今日並冇發生到，餐廳處理得好好，微微既紅色，證明餐廳真正掌握到7成既熟度，牛扒入口無即化，但唔成太軔，岩岩好，肉味仍然好濃，係有處理過既牛扒。當然，7成熟代表肉汁唔多，如果真係愛扒之人記得叫返五成熟，7成熟都咁好味，5成絕對唔會令你失望😛一個完美既西餐，點可以少咗一份甜品，今日甜品係tiramisu,主食都咁高質，甜品品 質點會差得去邊？食totramisu最怕係太重粉，食到成口都係。而依一份tiramisu既比例就最好，粉唔會過多，cream既甜度，杰度岩岩好，入口化開既感覺真係一試難忘。美中不足既地方係，咁好食既甜品，居然得一份，兩個人share真係有啲到喉唔到肺。😢飲品方面，我同朋友不約而同地叫咗涷檸茶走甜，唔同茶餐廳既檸茶，餐廳既茶相對無咁澀，比較清，然而清唔代表無茶味，清香既茶配上檸檬，係傳統英國既味道，係一係好好既配搭。食完咁多正嘢，配上一個靜宓既環境，一晚咁高質既享受，絕對足夠一清一日工作累積落嚟既疲勞，絕對係繁忙一族逃避俗世既好選擇。…查看更多

今日細妹生日，一早訂定同佢去食日本菜，坐落上環一間口碑不錯的餐廳，由師父給客人安排菜式。前菜有沖繩髮菜，爽脆，酸甜開胃。師父把一只白梅貝，原隻取出，眼見肉質閃令令的，鮮甜爽口。新鮮剝皮魚，鮮明亮麗，用魚肝做調味汁配搭紫蘇葉，有陣陣花香，真係錦上添花。一只原隻正宗北海道馬糞海膽，軟綿嫩滑，鮮香無比。一款針魚刺身，師傅純熟手藝演繹成一朵美麗花兒，令原本高質食品，再令客人吃起來特別歡欣。一款限著季節才有高質的鱈魚白子，師傅秘製酸汁蘿蔔蓉調味，用木魚水灼得半熟，熱騰騰肥美軟滑白子就在眼前。鰤魚刺身，配上自家製柚子胡椒豉油，好吃到不得了，濃郁蜜甜，入口溶化，師傅把另一鰤魚微微燒烤，豐盛魚油更加吸引。另一個鯖魚刺身，加上紫蘇葉，芝麻，最幼嫩白昆布，其功夫及食材，別家 餐廳很少用著，因此又係另一好配搭。講到安康魚肝，又係很下功夫，師傅獨家煮汁，浸製二天，才有出色的味道。吞拿魚骹位部分，微微燒烤，鮮香撲鼻，油份豐盛，油滑兼備，夾著一片香脆紫菜配食，真係冇得輸 。其後吃一件柚子青檸啫喱，餐廳安排得非常貼心，跟著吃一鍋廣島蠔豆乳鍋，湯底濃郁蜜甜，廣島蠔圓潤肥大，幽幽散著日本菇香。跟著還有多款壽司，同樣出色，有牡丹蝦放上自家調製蝦膏，特別出色。深海池魚，新鮮銀鱈魚，加上柚子胡椒進食與眾不同。象拔蚌，左口魚等等。有一款魚湯都不遑多讓。甜品抹茶奶凍配黑豆，都是自家製作，同是得意之作。…查看更多

銅鑼灣有一間韓國菜館，都係個區一段時間，好多朋友都有講過但係一直遲遲都未去試。今次朋友約我lunch，咁就順便約呢間餐廳試一試有啲咩食。原來中午都幾特別，有得食半自助餐，出面有好多唔同嘅款式食物選擇包括前菜沙律， Pizza，不同的熱飲凍飲，連貝殼粉都有。另外嗰餐都會包一款五選一嘅嘢食，我哋就揀咗焗雞同埋另外一款水冷麵。焗雞方面我哋就揀咗蒜香蜜糖，味道甜甜地，外邊仲有啲脆脆，裏面啲雞肉保持嫩滑多汁，外皮雖然唔係炸但係都焗得好香。另外水冷麵都算係幾驚喜，裏面有多款唔同嘅材料，同埋啲冷麵口感煙煙韌韌，同時啲材料又帶啲爽口。出面咁多種嘢食其實都好多款式值得推介，薄餅就係脆底，保持熱辣辣嘅新鮮質感；南瓜同茄子都好香，飲品有薑蜜同埋柚子蜜等等健康又特別⋯…查看更多

已是原圖😅朋友成日都話旺角有一間好出名嘅咖啡店，但係我唔多出街食飯，所以通常去得餐廳都會影相寫食評的做個記錄。咁今次就記錄一下嗰個朋友都去過，而我未去過嘅餐廳。裏面啲座位一般都係比較多，好適合一大班人去食嘢，傾計同埋玩桌上遊戲。不過就算兩個人嘅座位都有好多，我哋就坐兩人座位然後睇個餐牌都見到好多唔同款式嘅食物種類。兩款主菜都幾好食喎！本身仲以為會中伏！點知味道幾好～煙三文魚野菌忌廉燴意粉$116忌廉分量十足，而且意粉唔會太林，口感保持彈牙，上面嘅煙三文魚鹹香十足，配搭一啲水份充足嘅野菌就最好不過。黑松露帶子鮮菌燴意大利飯$112呢個嘅黑松露味不能說是非常突出，不過都提升左唔少香味，佢嘅飯係比較軟身，帶子都幾有彈牙嘅口感。士多啤梨奶昔$49 （補回$15 ）小天使$52（補回$18）叫套餐叫嘢飲可以選擇$34嘅飲品，如果超過就補回差價，奶昔份量都幾大，而且士多啤梨味都香，唔會太有化學feel。我就鍾意飲花茶，因為可以無限添加，坐低慢慢傾食嘢同消滯一流。套餐加$30 （有頭盆，甜品）加少少錢仲有頭盤同甜品，頭盤就係胡麻醬沙律，都幾大兜，份量豐富又清新；甜品方面就可以揀芝士蛋糕或朱古力蛋糕，我哋就選擇左朱古力蛋糕味道都好香濃，單買都差唔多呢個價錢，所以都係套餐比較抵。特色拼盤（麥樂雞，雞翼，日式餃子，春卷，咖喱角，花枝丸，龍蝦丸） $68如果口痕或者同朋友一齊share仲可以選擇其中一款特色拼盤，有唔同嘅食物喺裏面，都係啲香口野為主，味道都幾得意，例如麥樂雞同丸都會加蜜糖，配搭比較新穎。仲有好多唔同嘅桌上遊戲可以玩，所以都幾值得一試或者同成班人一齊玩。…查看更多