之之老母's Profile

今晚約咗閨蜜食晚飯，因為我在旺角返工，所以她遷就我在旺角開餐，由於多年冇見，她希望可以搵到一間比較清靜嘅餐廳傾吓計，於是我同事就推介咗呢間餐廳比我，位置非常方便，離地鐵站只是2分鐘路程，我們大約七點到達餐廳，一入門口就覺得與其他旺角樓上餐廳有分別，座位不是密麻麻，餐廳內更播着悠揚樂曲，感覺好舒服😌 餐廳侍應亦非常友善，不會急著催你下單，我們細閱餐牌，種類亦很多，最後用自助點餐程序點了2個套餐，香蒜辣椒鮮蜆意大利麵、濃汁慢煮牛面肉意大利飯，另加$30可轉套餐，套餐包括餐湯、沙律和餐飲。今晚餐湯是南瓜湯，味道香甜濃郁，沙律份量足夠，蔬菜很新鮮卜卜脆。首先上菜是意大利麵，賣相已經很吸引，蜆肉又大隻又脹卜卜，食落去仲有海水鮮味。意大利飯味道香濃，牛肉非常軟焾，入口即溶。我倆一面品嘗美食、一面暢所欲言，侍應們完全不會有軀趕你既意欲，更不時為你添加清水，服務周到，最後嘆完杯餐飲滿足離開。總括餐廳價錢實惠，環境清靜，是一個聚餐的好地方。…Read More

今日同朋友去太子一帶行街，行到食飯時間就＂中＂咗入一間米線鋪頭食午飯，諗住簡單食再繼續行街，入到去見到個餐牌啲米線好特別，非傳統式十幾樣餸俾你揀，而是見到都令你覺得好高貴嘅食材，花膠雞濃湯米線，藥膳黃酒雞湯米線，蟲草花花膠濃湯米線……一坐低店員就掛住笑容送上一杯羅漢果茶，味道濃郁。我較鍾意食辣，所以最後我同朋友嗌咗個花膠雞濃湯米線和口水雞濃湯米線，舖頭雖然細細，但環境舒適，每人枱面都滾煮一煲足料濃湯，但一啲都唔覺得熱。我們點既花膠雞濃湯係有個煲滾下滾下，口水雞濃湯是沒有的。花膠雞濃湯好足料，首先梗係飲下啖湯先，真係好夠味。口水雞不是太辣，唔食得辣嘅朋友就啱食。米線是超級多，大胃王都夠飽總括店舖環境舒適，店員親切友善，價錢合理，食物方面係好味既，下次會再嚟食過，因為聞到隔離枱個煲濃湯好香，一定要試吓藥膳雞煲及胡椒豬肚呢😆…Read More

呢間餐廳已經幫襯左好耐，食物味道及賣相都OK，用咁平宜的價錢可以食到這樣質素的食物可算是超水準。唯一美中不足就是餐廳環境，枱櫈已經很殘舊，座位很窄，所以每次都係快快食完就走，可能都係餐廳唔裝修嘅原因，以免食客坐太耐🤣🤣 餐牌上的套餐，大約都是$45至$50之間，套餐內包括主餐，湯和飲品。飲品還要是特色飲品，每次都係點凍珍珠朱古力，平時飲一杯都要$30，總括來說，純粹醫肚不計較環境的話，是不錯的選擇😊…Read More

今日大約1:00左右到達餐廳，可能係星期六，所以不用等位就可以入座。今天搭電梯到2樓時，不知道是否lift的問題？開門竟在廚房位置開，我們還以為自己㩒錯樓層。要經過廚房才入到餐廳正門，掃完安心出行還要給侍應過目後才可入座。我太耐冇來幫襯，坐低隨口問侍應攞餐單時，她說已改用電話下單，不是個個客人都幫襯過嘛！為何不 入座就告知客戶？ 我感覺呢個電話落單不是太 user friendly. 落完都唔知自己嗌左乜？最後侍應會拿張單來確認，才知道自己點咗乜嘢😒 我今次為了個女全部唔點辣，最後點了個酸菜魚和蔥油拌麵餐前小食是酸辣木耳，有點酸又不太辣，餐飲我點了菊花茶，味道好淡似熱水。酸菜魚好大碟，好足料，除了有魚片、還有萵筍、雞髀菇、酸菜。淡湯都好好味😋 伴麵亦好彈牙，$38簡直超值，仲冇加一服務費，抵食👍🏻…Read More

今日大約2點先步入餐廳，餐廳已冇乜食客，我們兩人坐低，侍應問我哋是定食還是食自助餐？我心諗兩點鐘仲食自助餐？因為自助餐三點鐘就會停止，可能侍應等我們示意食自助餐才提醒我們吧🙄最後我哋嗌左兩個定食，牛肉石頭鍋飯、牛肉抄年糕每個定食都跟兩個配菜和湯，今日餐湯是青紅蘿蔔，湯不是太多味精比較淡，配菜有辣泡菜和西蘭花。味道普普通通。吃完最後還有甜品選擇，涼粉或豆腐花，我哋最後選擇豆腐花，好滑好有豆味，總括來說$55一份午餐，性價比高。若然有下午茶價錢更好，就會吸引更多食客，那就不會2:00後場面冷清了…Read More

同事介紹話呢一間啲酸菜魚好好食，於是下午約埋三位同事一齊去食，我哋嗌咗個大份酸菜魚，跟三份配菜，配菜我哋嗌左水晶粉、薯仔片，金菇菜。再加碟萵筍及麵包條，配菜份量不多，但魚是足夠的，魚好滑亦不會好淋，配菜雖然好少但味道OK ，係好好食。尤其是水晶粉非常彈牙。最值得讚就係個酸菜湯底，我飲咗四至五碗，鮮甜得來又不是太辣，好味道👍🏻總括來說味道是可以，但價錢太貴了。用相同價值應該可以食得更好（午餐），所以如果我想再食酸菜魚，會選擇另一間。…Read More

星期日唔想煮飯，一家人落樓下揾野食，第一次幫襯馬六，隔離越北就食咗好多次。本來想每人嗌個套餐，但係計落都唔係好抵，最後每人嗌咗個主食再配餐飲食物賣相都👌🏻，但味道不是太大驚喜，巴東牛肉有啲硬，2⃣️碗米缐更淡而無味，狗仔粉亦乾爭爭，最好味可算是個薄餅，但以這樣價格亦不能要求太高，總括來說是＂普普通通＂…Read More

今日放假同亞女到樂富商場食午餐，我大約11:30已到，餐廳內只有我一個人， 環境寬敞，坐得好舒服。約10分鐘後陸陸續續有客人進來，我落了一個和風蜆肉烏冬，阿女嗌咗個學生餐，學生餐好抵食，包括有和風豚肉烏冬+炸雪魚柳扒+一罐可樂，都只係$47！湯底好正，烏冬好煙韌，鱈魚扒亦非常脆口。份量足夠👍🏻今次惠顧完後，記得拎番張收據，在15天內惠顧可減$5，下次再幫襯😋…Read More

屋企行去彩楓餐廳唔使10分鐘，呢間餐廳可算係我哋嘅御用食堂。老實說餐廳環境一般，座位之間好擠迫，冷氣經常滴水，地下濕濕滑滑。所以我家通常買外賣回家吃。除了環境較差之外，收銀姐姐是面黑黑的，可能真係唔憂做掛⋯⋯但係食物真係加分不少，大件夾抵食👍🏻 今晚我們點了兩個晚餐及時菜牛腩炒麵，$50一個晚餐（包括餸＋飯++例湯+飲品)，真係冇得輸。時菜牛腩炒麵，牛腩好淋好入味，炒麵好趣卜卜，份量好足夠好大碟晚餐B乾蔥豆豉雞煲，好夠火喉而且雞好多晚餐C香芋扣肉，芋頭好香，兩塊芋頭中間夾住半肥瘦扣肉，一口咬落去，好甘香又唔太油膩，好好味😋例湯有中湯和羅宋湯兩款選擇，羅宋湯好濃蕃茄味，中湯係有味精既但都還可以今晚晚餐經濟又好味，每次我偷懶唔想煮飯嘅時候就會唸起呢間餐廳，一定會再幫襯😋…Read More

我公司喺旺角，周圍都有好多美食，但係樂天大喜屋一定係我食午餐嘅首選，我喺旺角工作左兩年，樂天大喜屋我起碼食咗20次以上, 最抵食嘅係定食午餐，價錢真係抵食到爆燈。有多款定食可以選擇，價錢最平只是$48，我今次點咗芝士吉列蝦卷配烏冬兩位朋友分別點咗比目魚和鯖魚定食定食午餐除了包一個定食之外，出面自助區除了甜品、海鮮、雪糕，其他飲品食品可以任食，12:00入座可以食到2:00，每次食完都會飽到連晚餐都唔使食。$48連加一，最後$53就可以捧住個肚走😋 可能我真係食得太多次，自助區嘅食物由我第一次食到而家都冇改變過，真係開始有啲悶。希望餐廳可以不定時換下口味就更正啦！😆…Read More

呢間舖頭我已經嚟咗第二次，2位客人已經可以揀一個主菜，我就揀咗麻辣魚煲，除了主菜之外，出面仲有好多任攞食物，包括蝦丶牛肉、豬肉、魚片、龍蝦丸、牛丸、芝士腸、芝士年糕⋯⋯⋯多到不能盡錄。我自己就最鍾意食鮮牛肉和魚皮餃。第二次再約埋朋友嚟食，我自己都係點麻辣魚煲，佢哋就點選左酸辣魚煲丶麻辣雞煲丶胡椒豬肚煲。我逐個煲試吓，味道真係唔錯😋，出面嘅飲品仲有好多款仼攞，食完每人更送上一盒豆腐花。價錢每人都係$108 ，仲要免+1 ，朋友食完都話要再嚟過。唯一美中不足就係我哋坐嗰個位冷氣不夠，食到出晒汗。遲啲天氣凍啲再過嚟食過。…Read More

第一次幫襯呢一間私房菜，我哋一行18人被安排一間獨立房間，地方好寬敞，房間內有兩部電視機可以欣賞電視節目。今次我哋預定係套餐D，連埋生果一共11道菜。首先上咗個蟹肉海皇翅，翅不是很多，不要期望太高。之後再嚟過金銀粉絲蒸元貝，粉絲略為硬咗啲，接着就係冬菇花參燴鮑魚丶黃金大蝦，水準即刻返晒嚟。芝士焗龍蝦嘅芝士更更滿瀉，鍾意食芝士嘅人一定開心到跳起。去到呢一碟菜，已經飽到郁唔到，再嚟薑蔥炒蟹清蒸石斑一個好似大帽山咁高嘅炒飯，大家見到即刻舉手叫侍應＂唔該三個飯盒＂🤣，最後再嚟個椰子燕窩和哈密瓜，大家食到舔舔脷。總括呢間私房菜環境不錯，食物性價比高，美中不足是不可大聲喧嘩，畢竟樓上樓下是住宅，擔心會俾人投訴，所以大家講嘢都就住就住，下次會再嚟幫襯。…Read More