ng.ho.yee.keith的個人專頁

有碗話碗，味道係唔錯既，陳皮炒魚腸加魚卜係好香唔腥，呢個菜真係唔錯！紅蔥蒸雞味道雖然濃但係雞好滑火候到位！魚湯芥菜魚腐不過不失咁，炸鯪魚球夠香口，唔會炸到太乾或者太油但係態度真係搞唔掂，熟客就好口到呢樣好哥樣好，我地生客就“無！”“咩都無！”“你地坐咁耐都唔叫野”（我地一早叫左，只係有一枱“大客”係到），“師父唔會做之類”既說話啦...如果你話呢d係local 既特色，我真係無話可說，我本人就覺得味道再好都好難返轉頭去食…查看更多

本來見好多好評先去試，但係真係好唔掂，價錢唔係平，一杯asahi賣78仲要加一，算，睇睇menu，普普通通正常野，先叫左羊柳，牛脷，雞軟骨...好老實講，串燒都預左重味，但係係連味都無，你話你有調味料係枱自己調蘸碟去提升味道，注意係提升味道，喂！大佬你d野身本身都比d味黎先得嫁，連基本味都無, 升咩呢？食羊無羊味，食牛唔知自己食左牛，omg!好啦，第一round唔得比多次機會佢，再叫韮菜，白酒焗蜆，“勁辣跳舞雞翼”，大家留意係勁辣跳舞雞翼！係得個丁點辣味，勁辣跳舞雞翼？網名黎嫁？ 個白酒蜆先精彩，d蜆本身已經唔係大，你可想而知d肉有幾大，用酒煮好似好符合主題，但係成碟蜆係苦嫁！係苦嫁！係苦嫁！重要落埋d九唔搭八既c u tmr落去，鮮味就話姐，係苦嫁！實在太不得了要講4次！最後賣單成$12xx/3，平心而論，知道尖沙咀食野都有一定價位，希望一分錢都有8分貨無都有7分，但係呢間真係不知所謂，基本都做唔好就收你呢d價位，唉.....以上係個人意見感受，不喜勿擾！…查看更多

今日本來一家人開開心心食餐飯，比一個態度極差既侍應黑口黑面駁嘴駁舌搞到好唔開心，張枱安排已經係無野好講，9個人坐張d枱駁到入都入唔到去坐，都算，因為有輪椅既關係叫佢地收走張凳，又無人理，之後我地放埋一邊，又話我地亂放，仲要夾硬塞返入黎，點解一間咁既餐廳可以生存咁耐，張心比己你打份工係辛苦但唔係大哂囉，一間咁多分店既餐廳連基本既待客既態度都無，真係令人無耐同氣憤食物方面面已經無其望，味道一般，唯一係夠熱囉..... …查看更多

我本來已經唔係一個挑食既人，但係我都估唔到要寫食譜寫佢，食物質素愈黎愈差，味道大不如前，仲要服務又差，切燒牛肉既師傅唔想做或者唔憂做可以唔做，我比成差唔多5舊水黎到仲要比你西面，真係比錢買難受......以後請我都唔再黎......凍海鮮淡而無味，生蠔又係無味真係連些少海水味都無哥下先恐怖，熱盤質素仲衰過到匯，得個咸字，送既哥半隻龍蝦揀直食唔食都罷又腥又無用，好似受幅射加飢餓過到咁.......甜品本應該最有信心，點知又係一個騙局，拿破崙唔酥，唔脆，芒果唔當做本應該可以原諒，但係淡到味都無都真係不得了......一句話，請我都唔再黎！！！！！…查看更多