milo1012's Profile

公司team lunch 諗住試下個午市放題，點知就中咗伏。平心而論，佢有好多drink selection 同埋有幾款雪糕，但係都補救唔到不足嘅地方！- 首先，佢啲食物點完第一輪半個鐘先嚟齊，我食晏就嘅最多都係得嗰個半鐘，根本食唔切；而午市放題都算食得多，但就從未試過有一間午市放題出菜慢到咁，好似根本唔想出菜比我哋咁- 其次就係啲海鮮唔新鮮，啲蝦係梅嘅，啲魚好明顯係唔新鮮又keep得唔好嗰尋腥臭味；試咗一啖其他嘅都再無掂過個人都未飽已經要趕返公司⋯ 當時個肚都仲係好空虛咁，實在唔建議食 👎🏻👎🏻👎🏻無下次！…Read More

聽過街坊有劣評有好評，抱住試伏心態試下。諗住穩陣啲，咁就叫咗2 個都係炒飯，咖哩炒飯同埋咸魚雞粒炒飯。個咖哩炒飯正正常常，都幾有鑊氣，同埋味道唔差，晚餐送埋湯同野飲，係抵嘅！咸魚雞粒炒飯有驚喜，雖然咸左啲，但整體味道好好，有鑊氣同埋啲飯炒得夠乾身，我諗我會再返兜。茶記嚟講算唔錯，不過其他嘢例如蒸魚嗰啲真係唔敢搏。…Read More

一去到未坐低已經「坤」我要落咗單先，但原來無位要等；等咗一陣有位原來係細size 卡位仲要同人share，由於對面已經坐咗個size 唔細嘅，都係決定再等。等到有位，但入面真係有啲嚇人，又迫又污糟。早知係咁嘅環境我一定唔會食。嗰個要預先落單，價值$82 嘅臘腸排骨煲仔飯，得3 嚿仔臘腸，雖然唔係難食，但亦唔算好食，不了不了。另外叫咗牛筋腩麵，不過不失，唔係濃湯嗰種，呢個有杯熱飲送，叫左杯熱檸茶，又係無乜味。總括而言，唔抵食，環境衛生差，無下次 👎🏻…Read More

每次食lunch一定排長龍，今日weekend 唔洗等即刻去試吓！坐得都算舒服，可能當日無排晒隊，但如果多人應該會坐到面貼面咁食；但保持到地方乾淨係加分嘅（好似而家變得難能可貴咁）。叫咗唔辣雞翼，好香唔鞋口 👍🏼米線要小辣，香辣湯底爭啲飲晒，掛住食都唔記得相機食先。墨魚頭爽口，食得出新鮮；豬腸好食但唔算肥 👍🏼👍🏼反而魚肉春卷應該係買返嚟貨色(?)，乾爭爭咁可以不吃。估唔到奶茶係好飲，雖然唔係好濃嘅茶但有茶香，能夠用「新鮮」茶已好好。…Read More

見灣仔店重開幫襯下，星期六差不多晚飯時間；叫咗兩個一人餐，都係辣蝦湯底麵，仲有炸雞翼同通菜。麵同湯底都係幾好食嘅，肉有啲鞋；雞翼味道正常；菜好大碗但無味，俾嗰幾滴蝦醬撈一大碗通菜都幾搞笑。最慘烈係跟餐嘅野飲，杯奶茶唔止淡，仲有洗餐具漂白水「餘香」，飲咗一啖即刻lur 返出嚟，仲要係乸口⋯ 咖啡一樣係奶水咁⋯ 咁無誠意你比杯飲得落口嘅水我算啦⋯總括嚟講，淨係嚟食碗麵都可以考慮下，不過我就唔會再食。…Read More

因為突然禁晚市，又book 唔到其他想食嘅午市，唯有退而求其次試試呢間Three On Canton，但求用下啲coupon。唔計野食少選擇，啲食物一啲都唔新鮮；刺身明顯無味雪左一段時間拎出嚟咁款，啲螺嘅沙多到你唔會吞得落肚。cold cut只有幾款火腿同smoke salmon，Parma Ham都無。啲salad 菜見到都唔會想食，相都費事影。熱食叫做好少少啩，燒牛肉呀，印度咖哩算係咁。甜品得個死甜味，即使有free flow drinks 都唔能夠挽回食客嘅心。總括嚟講，其他食家comment 係好持平嘅！一個字「伏」…Read More

第一次食，估佢唔到係一間咁有誠意嘅小店。雖然坐得唔係幾舒服，但食得米線其實預咗，唔好要求咁高。店員有禮貌，上菜嘅時候一定會事先提你小心邊度辣手。湯底好味而且要辣有辣，要麻有麻。蘿蔔又稔又甜又入味，麻辣豬耳爽脆；結果豬腸被比下去。米線軟硬度剛好又唔係熟到粉嗰種。差啲連啲湯都飲晒。最後係難得係連杯奶茶都咁出色，茶底夠濃，奶夠滑，味道剛剛好；仲要比啡糖真係要比10個like！完全係一間尊重自己、尊重食客嘅誠意小店 💛👍🏼…Read More

用心做嘅車仔麵。本身十分鍾意食蘿蔔，佢地嘅蘿蔔好入味，又稔。魚蛋係陳皮魚蛋，唔係浸到會發漲嗰種 👍🏼 要比個like。上次坐低食雖然等得比其他店耐，但明顯係落order 先做，食得出嘅新鮮。可以加生蒜（或炸蒜）、芫茜嘅車仔麵店更少之又少，有新意得嚟又真心正！由年輕人經營嘅，比好多老店出色，更有特色。應該支持。相中嘅麵唔係幾靚，因為自備外賣盒去，但佢哋都唔嫌我煩，幫我裝晒入盒 👍🏼#我哋真係好鍾意香港…Read More

Bf bday and I picked this restaurant hope it will be as nice as before, however, it disappointed us again.Ordered Australia Wagyu beef steak which was tasteless and dry. There's no more scents of beef steak.The only food that keeps its quality was - Chocolate Fondant!Overall nice service but unpleasant food quality compare with the price. Disappointed!…Read More

當晚同屋企共10人包括1BB晚飯，真心嬲到爆炸！首先屋企人問叫左杯咖啡係咪可以後上，個 waitress 話係咁就叫左先但講明上曬菜後先上咖啡；但菜未到齊已經黎左，同送咖啡嗰位皮膚白白但長期黑面嘅 waitress 小姐講佢呆左無反應。算。又係同一個人，其中一個 main course 係BB頭頂遞過黎，叫左佢唔好，因為當晚其實坐得鬆動，一定有位上菜；但第二次、第三次都係咁，搞到我即刻燥底，直頭想爆粗！價錢唔係平，但服務勁差！食物質素一般到根本唔值呢個價，特別係 Risotto 食過咁多間無可能會硬（生？）到咁！一定無下次！！！…Read More