Jojonjabie's Profile

晚餐選擇不多，只有一个套餐当中的兩三項选择。青瓜油麥菜卷，蔬菜新鮮，搭麻醬同食很清新。串烧櫻桃卷没有什么味道。照烧带子是雞肶菇，可口。檸檬爆珠素雞有特色，夏天吃開胃，配撘脆皮素雞好吃。松露藜麦薏米飯非常好吃，喜欢加入薏米，因为香港人普遍要祛濕、健脾胃。安逸latte(熱）有泡，有驚喜，雖然不棉滑。這個店員形容为像普洱茶加latte的混合配撘，偏甜，有一顆八角，飲入口像加了cinnamon的珍珠奶茶。食过一次，夠了。金錢用在其他地方，可以更有用。…Read More

别人形容為天花板，如果份量多一点，令整体性价比提高，我或許認同。未加一，花费$8百多元的一餐，確实美味、有驚喜。優点: 食材完全是新鲜食物(無素肉）、食材不常見、食材配撘新穎、裝修講究環境乾淨企理、小食可以refill、生日送上mini cake music box、㕑師刀工好、服务好好等等。缺点: 性价比不夠高。推介: 個有麻辣味和藜麦的拌飯，和snacks…Read More

優点: 1. 灣仔区食個西式早餐，煙三文魚牛油果多士$38連飲品，你想点吖。2. 食物質素不过不失。好耐以前食過炒蛋有鯹味，今次無。缺点:1. 又係，紥辮嗰位男店員指我坐門口面壁位，好似俾instruction一樣。我話我食素嘅，個煙三文魚牛油果多士走三文魚，俾多d牛油果我得唔得，佢好快話唔得。我心諗，三文鱼唔係貴過牛油果咩，你氹下我唔得咩，你最後有無俾多片牛油果我，我都唔知道係咪真係多咗㗎。如果你嘅態度係咁cool，全程無笑容無熱誠，比较難留客人。2. 蛋同牛油果無鋪滿多士表面。不过，諗下優点，灣仔区食個西式早餐，煙三文魚牛油果多士$38連飲品，你想点吖。但係，我無三文鱼喎。…Read More

餐牌內衆多食物中最吸引到我就是云吞麵，原因是素食店中較為罕見。結果無失望。非常好食，菜心一咬下去竟然是爽口、幼嫩無渣，大概最少四條菜，菜量比其他店不算少。湯清香夠熱，麵好傳統，又有咬口，無好重的梘水味，云吞皮又無爛晒，饀料彷佛有素肉、菜葉和蒟蒻，都ok。解到我对云吞麵的相思，屬於素食也食得安心。整體美味程度比有些粗製濫造麵店的有蝦云吞麵還好。坐下就見到牆上掛出佛经和娑婆三聖的畫象，已感到法喜充满。环境衛生不錯，光猛乾淨。店員也很有禮貌。整体滿意，会再光顧。…Read More

難得元朗錦田有素食cafe，第一次試，餐牌选择多，种类多，like。二人試了煲仔饭，上枱好熱，蛋漿加鼓油後多过飯，略濕。自家製素肉好食，煲仔饭略嫌不夠香。好像用日本米日本蛋，無乜特别，但此菜色已能令素食者夠开心。素带子carbonara咸，意粉有咬口。latte和flat white不錯，夠熱，花靚。…Read More

晚上8：45按完個靚摩，想揾素食，見到蓮花，即刻入去。星期五晚，一個人，叫兩個餸，都好丰足，好開心，仲有湯同糖水送，埋單$187。素食... 能令人快樂。臨近22：00收工，店員都幾有禮貌吖。…Read More

真係試下無壞，不過無意慾再試。$80豬手濶可粉嘅豬手腍滑，碗麵無乜味道，不夠熱，可粉有咬口。杧果軟nor米飯非常香，米偏硬，椰汁濃，面頭綠豆（？）粒好脆，$48份量少，感覺貴。…Read More

电梯門一開，嗅到沉香或者檀香味，有很多佛法推廣，立刻有好感。只是奇怪禮佛的店和一室舊時美式裝修有何關係。点了Laksa Cha Cha Cha蔬菜椰漿飯，好多汁又夠香，腰果有咬口。蔬菜包括矮瓜、西蘭花、粟米仔、青瓜絲、仲有好香滑嘅炸豆腐。一個人吃，夠飽。…Read More

一個人想坐低正正經經又食平d嘅晚餐，呢間幾好。叫咗8隻大白菜鮮肉餃子$52，一碟紫菜炸蠔$53，一個人食，好丰富啦。食物夠熱，炸蠔不咸，香口，唔油膩，只係如果放得太耐外皮會腍咗，宜即食。叫大白菜鮮肉餃，但係嚟咗9菜餃，我無叫換。侍應不夠細心，四人座位，隔離枱撘枱嘅人叫嘢，侍應擺低本菜牌喺我嗰邊枱面時，擺咗個角喺我碟炸蠔嘅碟角落上面，個碟都郁一郁，差d掂到我嘅食物，隔離枱食客都留意到。縱使如此，$105，尖沙咀，坐得基本ok，食物又基本上不差，中上，ok啦。…Read More

叫咗Pesto Pizza, 大概直徑12吋，$158，餡料尚算多，好夠味，餅底夠脆。特別在有腐乳，店員/主說是自製的pesto sauce。我見pesto sauce係深綠墨綠色，相信汁係連pizza一齊焗，如果焗起先落pesto sauce，可能味道更fresh。兩個人食唔係好夠飽，要加食物，叫了 grilled cheese panini，喜歡panini夠脆，係麥包，雖然內含足夠芝士，不過得一種餡料感覺太悶。加一支lemonade，兩個人大概二百三十幾埋單，喺咁嘅環境、地點、好似略貴。講滿足度，pesto pizza抵食過grilled cheese panini。不過喺佐敦食西式素唔係好多地方喺一間店內有咁多選擇，無乜所謂。…Read More

漆咸道北好少西餐廳，除了西餐亦有些中餐。星期六的11：55，想食餐飽至開工，途經就入去啦。我係信佛，嗰日想食無5辛嘅素，全店除了這個黑松露雜菌意大利飯就只有辣椒蒜粒意大利粉，後者無蛋白質好似好唔抵，又有蒜頭，唔選得。其實食素嘅人唔係個個都喜歡黑松露，俾多些選擇我哋就好了。如果有漢堡包，俾塊素漢堡扒我都好吖。雖然我唔喜歡黑松露，我非常質賞個飯好夠熱，出晒煙，足料，有洋蔥雜菌全部都切得好碎，又有芝士香。油醋汁沙律菜略嫌太酸。個湯都夠濃。…Read More

好似好難得揾到朝早開9点，有返咁上下質素嘅早餐。地方乾淨企理，食物質素賣相俱佳，咖啡特別。食客都靜，可惜有兩個僱員講嘢略嫌大声，破壞週六上午嘅寧靜。食物新鮮，蛋好香，滿意。唯一係兩個人食咗$375早餐，其實幾貴，尤其是多士。…Read More