ETcat20.6287的個人專頁

今日嚟到呢一間充滿度假風情嘅泰國餐廳無論裝修Menu餐具等等令我感覺我真係置身喺泰國真係好似去咗旅行咁真係好癲Menu揭極都仲有有好多泰國餐廳冇嘢食連甜品都超多選擇！嘢飲好快就上龍眼冰同鹹檸檬梳打隻鹹檸檬大到！同埋好夠鹹！喉嚨好舒服！啲嘢食完全唔係照騙係真係同張相一模一樣㗎！！呢個Pad Thai賣相好靚！味道同泰國嘅一樣！而蝦都係入味，唔係雪味！串燒啲肉超大嚿！！！可以揀要咩肉，我三款都要晒串燒真係燒得好香 同時肉好嫩唔會乾柴！沙嗲醬甜甜地 唔會太搶肉嘅味 掂！青檸蒸烏頭又係必食嘅泰國菜！烏頭鋪滿青檸，蒜同辣椒，醬汁非常惹味而且條魚蒸得啱啱好啖啖肉，唔會一夾就散食得非常爽！可惜我地唔夠多人 如果唔係可以叫多啲，試多啲唔同嘅嘢食！值得encore！…查看更多

朋友喺呢頭返工話世貿附近有間好食嘅日式Cafe話我一定會鍾意所以今日我哋就喺呢度食lunch呢幢大廈成日經過 但係冇留意原來入邊係已經有好多餐廳呢度係比較隱蔽少少所以坐得都幾舒服仲有啲日本人嚟食飯佢哋個便當好多選擇一個主食兩肉兩菜好適合我哋呢啲咩都想試吓，但係又食唔到好多嘢嘅人嘢飲方面都有落咗心機設計嘢食好快就嚟到而且擺得好靚我哋叫咗以下嘅嘢食椒鹽玉子豆腐個外皮係真係脆而明太子日式蛋卷都係一個highlight啲料一啲都唔孤寒仲要控制得好好，唔會乾爭爭柚子雞翼會甜多個酸所以鍾意食甜嘢嘅，呢個都可以揀仲有呢個壽喜燒牛脊肉炒烏冬牛肉嘅熟度好啱我而且個烏冬雖然係炒但係醬汁都好夠唔會乾晒水我呢啲鍾意食濕濕地嘅炒烏冬朋友黑糖烤奶少冰係真係有少冰而且個份量真係啱啱好唔會少冰咗之後都好多冰溫度適中朋友話烤嘅焦香同個奶好夾甜度都係適中 可以encore至於海鹽Tiramisu 賣相幾好海鹽味輕輕點綴咗Tiramisu唔會搶咗個味我哋呢個鐘數嚟食唔會好多人所以同朋友出去銅鑼灣傾偈都係一個唔錯嘅選擇地方闊落舒適嘢食都好食👍推薦…查看更多

平日去到深水埗都經過呢間餐廳都幾大間下今日去買電腦又嚟到呢區就入嚟睇吓啲嘢得唔得餐牌設計得清晰，下午茶餐都多選擇嘅叫咗個鐵板煎羊架加白飯配左黑椒汁可以自己落汁 有自己撳核彈嘅感覺 「炸～～～！」瑞士汁雞翼色水好夠 我見餐牌以為佢係薯條沙律二揀一原來係薯條同沙律都有店家都大方嘅不過個瑞士汁雞翼，味道似滷水汁多啲如果佢甜啲就好了白汁碎蛋沙律係細個麵包店嘅童年回憶原來叫呢個又有沙律🤣點解咁多沙律營養咁均衡？🤣至於個肥牛喇沙湯金邊粉足料嘅肥牛片、炸魚角、豆卜俾得多嘅個面食極都食唔晒🤣好似會自行繁殖咁🤣整體嚟講 份量好足適合大胃人士…查看更多

突然好想食biangbiang麵朋友話佐敦有一間好好食就帶咗我嚟呢條隱世美食街:)呢度入邊啲卡位好有中國特色menu有N咁多頁 任君選擇每頁側邊都有啲介紹 等大家食嘢之餘又可以了解更多文化背景而家follow佢哋啲社交平台仲會有九五折優惠滋味糖伴蕃茄 叫映紅飄雪啲蕃茄係去咗皮砂糖平均分布喺每塊蕃茄度處理得好好👍冇幾耐 主角乳香雞翼biangbiang麵都到了雞翼醃得入味香口得黎又唔油膩而麵都係煙靭口感為主調味好香蒜蓉味 欣賞佢啲生菜烚得幾靚孜然羊肉 調味始終孜然味唔會搶過羊肉唔會成口剩係得成個孜然味辣子蝦係開咗背嘅同埋都好大隻下炸得好香脆殼都食到🤣同埋唔洗好似辣子雞咁尋寶食得好開心舒服🤣🤣🤣🤣🤣總體嚟講佢嘅難度控制得好好就算我唔係好食得辣揀BB辣到啲嘢食都可以食得到…查看更多

今日出咗旺角竟然俾我見到有間裝修咁似泰國夜市嘅餐廳！有啲位係篤篤design幾有心思呀吓！款式都多 價錢都公道幾十蚊都有交易由於我同朋友唔係好肚餓所以一人叫咗一款麵 要個鹹蛋青木瓜沙律 同兩杯嘢飲嘢飲可以跟餐平啲非常感動 佢哋嘅河粉真係泰國嗰種！闊嘅同煙煙韌韌嘅！味道同喺泰國食嘅真係非常相似very good朋友個船麵可以揀河粉或者金邊粉但係我已經叫咗河粉，所以佢都係試吓金邊粉個船麵同喺泰國食嘅差唔多呢碗有豬肉片 有肉丸 豬皮同埋通菜有菜balance下真係唔錯麵類我覺得係正常泰國味發揮沙律我就覺得好驚喜木瓜沙律係可以揀辣度嘅你睇吓佢個份量同碗麵差唔多鹹蛋都係大大粒而且同沙律好夾我同朋友都不停夾停唔到口第日泰國癮起可以嚟呢度止癮先…查看更多

今日出咗旺角 見到呢間荳品店裝修充滿木元素 同普遍以白色裝修為主嘅荳品店唔同嘩，仲有$20早餐非常勤力呀呢間小店menu都有用心設計見到有開心果豆腐花、泰茶麥芽桃膠豆腐花、杞子圓肉紅棗黑糖豆漿、麻婆腐皮蛋餅非常特別！決定要入店試試佢！開心果豆腐花 好多醬，充滿香濃開心果味！上面嘅開心果粒粒都係脆嘅，唔會漏晒風！泰茶嗰款啲桃膠好大粒，份量都比得好多！非常大方！而味道方面亦唔會太甜，唔錯！蛋餅熱辣辣駕到個味道就係麻婆豆腐嗰種麻麻辣辣嘅味有啲榨菜蔥同埋花生粒喺面入邊夾住啲芽菜balance下唔會膩太耐冇食老乾媽所以我另外叫咗個老乾媽炒麵朋友唔食辣，所以佢叫咗個蘿蔔糕同埋餐蛋刈包填肚蘿蔔糕香甜，唔會好粉煎得脆脆地之餘又唔會油淋淋整體控制得幾好而老乾媽炒麵有鑊氣之餘唔會炒到乾噌噌濕潤度都幾好朋友個包有少少煙韌隻蛋煎得好靚，餐肉一係煎到脆脆地塊生菜一睇就知道係新鮮唔係梅朋友拎住手係咁食冇放低過🤣總括嚟講 小店值得支持！呢啲新派嘅荳品店都可以帶屋企人嚟試吓…查看更多

朋友介紹話有正冒菜價錢都幾公道有幾款套餐揀四款餸唔係好夠喉，我哋決定緊吉祥套餐有六款餸配料都都選擇 唔會係一街都係嗰啲選擇湯底多款之餘仲有啲特色湯底侍應哥哥圈住嗰幾款就係佢哋餐廳推介貴州臭豆豉辣湯 椰子蕃茄湯望落都幾特別同吸引今次我同朋友就揀咗呢兩個湯底呢個就係椰子蕃茄湯加佢哋出名嘅手搥牛肉丸仲有蟹籽蟹粉丸、芝士腸、滑牛肉、五花腩片、木耳肉嘅份量都俾得大方牛丸爽口彈牙多汁有啲油份幾好食成個椰子蕃茄湯椰子味唔會搶晒蕃茄味入口先係椰子鮮甜、蕃茄甜味喺後邊嚟真係好正兩件事平衡得好好另外一個揀咗貴州臭豆豉辣湯墨魚丸、鵪鶉蛋、貴州丁家脆唷、冰豆腐、魔芋片、貢菜貢菜好脆好好咬豆豉辣湯唔臭 有少少香份量真係超級多 個麵食極都仲有😅懷疑起碼有兩個麵餅貴州丁家脆哨係另上（佢係豬油渣黎）炸得好好好脆口keep住食竟然都唔會覺得有油膩嘅感覺沾醬好香蒜味用嚟撈麵點配菜都好好食打邊爐鍾意點醬料嘅人真係要試吓飲品就揀咗呢兩款佢哋自家製嘅飲品:)開胃解膩酸酸甜甜好味最後仲揀咗桂花蜜烏梅冰粉作為結尾作為酸梅湯嘅愛好者 呢個味perfect原來脆脆都有得另外買鍾意食個脆脆可以留意下喇呢個價錢可以揀六款餸真係好抵食湯底又特別有時想食吓打邊爐嘢，又唔想搞咁大輪冒菜係一個好選擇另外都想讚吓佢哋啲staff真係好好禮貌其中一個係男士佢係負責運貨嘅喺我哋上去嘅途中同lift仲有其他人去唔同嘅佢都會撳實部𨋢讓人出另外就係有位姐姐佢哋準備落場就好有禮貌咁樣過嚟同我哋講聲同埋教我哋點樣出返去非常抵讚…查看更多

朋友話葵芳有間新開嘅冰室好OK佢話係非一般嘅紅豆冰同超級好飲嘅奶茶好，咁我就即管try try一踏入門口 有位戴眼鏡紫紅色頭髮嘅呀姐已經好有禮貌好好笑容咁接待我哋我朋友食過一兩次，佢都認得我朋友！呢啲真係有用心返工我哋坐低咗之後佢好耐心咁介紹食物完全感受到佢嘅熱誠 佢非常認同自己公司啲食物唔係Hea介紹嗰啲feel 呢啲真係呃唔到人經過紫紅短髮姐姐嘅介紹我哋叫咗招牌焗茄汁豬扒飯同埋咖喱雞扒飯當然唔少得我朋友瘋狂介紹嘅紅豆冰同奶茶啦！由於太餓同傾偈傾得太無我嘅緣故我竟然唔記得影相！啲嘢食份量真係超多！我會用巨嚟形容我好肚餓，都只係食到一大半！姐姐見到我地食剩好誠懇咁問我哋係唔係啲嘢係咪有啲咩要改善？係咪唔啱食？我哋話唔係呀，純粹係份量太多食唔晒🤣姐姐話不如幫我哋打包仲教我哋點樣翻熱會好食啲今時今日咁嘅服務態度 真係要讚！後來問其他同事 得知原來佢係店長呢個店長很OK！希望佢老細見到呢篇食評 加佢人工！…查看更多

今日去到南山邨食白汁冰同雞蛋仔但係條隊太長喇所以去隔離餐廳睇吓有咩食 醫下肚先呢間小店有啲長洲feel有生炸雞髀 又有碗仔翅呢啲又係掃街一流！仲有做下午茶餐 真係超抵！佢哋仲有啲飯餐睇得出真係好有心思一於揀呢間試吓啦店員好好 俾我哋隨便揀位坐而家呢啲天氣坐室外吹下風都唔錯店員好有禮貌 亦都好有耐性 用心推介碗仔翅勁足料啖啖都係料 啖啖都爽口店員推介嘅新出嘅香爆魷魚鬚魷魚鮮味彈牙入味 唔會有雪味處理得好好牛扒沙律又係不得了！牛扒好大塊！亦算厚！油香味十足！沙律捨得用料，有我鍾意嘅椰果仲有新鮮蘋果真係要俾個讚！好用心做！太有驚喜！生炸雞髀又係有花心思用錫紙包住，方便我哋拎起食雞髀又係啖啖肉外皮又薄又酥脆 肉嫩多汁完全冇油益味螢光汁都係童年嘅味道優秀小店！Highly recommend！真係要encore！去南山邨掃街嘅朋友，一定要試埋呢間小店！…查看更多

行過見到有氣鍋雞:)本身都想飲啲湯水氣鍋雞一煲煲埋更加精華所以就決定入嚟呢間試一試佢見到個二人餐都幾多嘢食除咗氣鍋雞仲可以揀酸菜魚同米線真係幾邪惡所以直接喺二人餐嗰度揀唔使揭嚟揭去慢慢諗叫咗呢個涼拌金耳真係好特別佢本身上菜嘅時候，加埋Wasabi同豉油都有一些疑惑不過將呢個金耳點Wasabi加豉油嘩！好似食緊刺身咁！仲要食多幾塊都唔會漏真係健康之選主角氣鍋雞入邊勁足料，呢煲嘢半碗都係料勁多雞、仲有好多菇飲落去個雞湯勁鮮甜唔好睇佢個煲好似好細都飲到幾碗㗎呢個係酸菜魚佢啲魚做得幾好，冇骨啲魚算多仲有好多寬粉食得幾開心揀咗呢個蕃茄米線蕃茄味鮮，飲得出唔係化學嘢加埋而成另外一個就叫白飯玫瑰冰粉唔會太甜幾好食玫瑰豆腐花滑滑豆腐花二百幾蚊有咁多嘢食仲有湯飲真係抵可以再encore…查看更多

朋友介紹中環九如坊有一間神秘隱世嘅Omakase環境安靜舒適，食Omakase一流有2個set可揀，我點咗$1980果款試試佢前菜有呢三樣主要都係微酸的開胃菜漬物> 藻> 魷魚每個層次咁樣遞增上去Sashimi真鯛角切+海膽醬汁睇住師傅即刻切出嚟，已經有視覺嘅享受將真鯛沾上海膽醬入口先有海膽醬嘅味道，之後就有真鯛嘅味道同埋質感海膽醬唔會太濃，覆蓋晒個真鯛個味精美嘅金箔熟蠔🦪今次刺身就配帶蔥的醬汁味道比較刺激接落嚟就係慈魚刺身同赤貝慈魚刺身個面燒一燒，逼啲油出黎入口充滿油香同時滑口唔「鞋」身沖繩赤貝配青檸汁+豉油，令到慈魚嘅油香唔會停留太耐解除口中油膩感立鱗燒魚鱗超脆口香脆食完脆卜卜口感後再加海藻汁，中和返又可以enjoy下一個食物了安康魚肝鮮味唔腥，食晒成嚿都唔會覺得流今晚的壽司🍣有：金目鯛 + 柚子皮貝青魚+薑蓉燒北寄貝拖羅黑目鯛+豉油海膽全部都睇住師傅喺面前續舊整師傅亦都會留意客人嘅進食速度，食嘢過程舒適最後熱食係一個鮮甜蠔湯結尾今日水果係芒果同哈密瓜兩樣都超甜超正整體嚟講間餐廳服務態度非常好環境舒適師傅亦都會逐樣食物介紹成個進食嘅過程亦放鬆，唔會有好急嘅感覺想搵一間可以放鬆品嚐日本Omakase呢一間舖頭10分推薦…查看更多

上網見到有人分享呢一間外賣店仲要係2023米芝蓮推介見到啲叉燒好吸引，今日咁啱經過附近就決定去買呢間食選擇都有好多，價錢算抵有自助點餐機好方便叫咗個黑叉燒蔥花炒蛋飯啲叉燒同出邊食開嗰啲唔同黑叉燒，出邊冇乜幾間有相對油香味勁啲揀咗個西關瀨粉，勁足料另外再放豬油渣超正有跟炸糭兩件，入邊都有佢哋嘅招牌叉燒炸左之後，食落比平時的糭冇咁流可以當小食食另外仲叫咗呢個炸物燒賣加埋XO醬好正其他炸嘅嘢食落去好脆口，油度控制得好好食落唔流最後飲埋佢哋自製嘅紅豆沙、綠豆沙作結尾紅豆沙、綠豆沙勁足料差唔多半杯都係啲紅豆、綠豆咁落唔會超甜味道控制得幾好整體嚟講食物價錢算抵同好食店員姨姨有笑容有禮貌:)下次經過開再可以幫襯…查看更多

今日去夜繽紛附近有啲肚餓見到呢間餐廳有木桶飯大大份好吸引，仲有啲超值套餐環境都幾乾淨，唔會油淋淋所以就入去試吓入到去見到有個食緊飯嘅人即刻企起身serve我哋原來佢係店長我哋坐低後佢就即刻沖咗壺茶俾我哋由於我哋真係好肚餓，就叫個酸菜魚超值二人餐呢個手拍青瓜，一睇已經知道係好入味食落去果然係咁樣，仲唔會有啲冰凍雪味 非常好開頭以為小炒係農家小炒肉同有機花菜二揀一點知最後兩樣都有仲要勁大碟！由於我同咗店長講食唔到太辣，咁佢就幫我落微辣啲小炒肉微辣又唔會太鹹炒得好有鑊氣好正肉嘅份量都多食極都仲有酸菜魚一上菜勁大盤，魚嘅份量係極多！同埋都好嫩滑，配菜都俾得好大方調味亦都係好有層次，唔會勁酸呢個餐雖然話係二人餐，其實份量多到絕對夠三至四個人食真係超抵食我哋成餐飯都見到間餐廳不斷接外賣平台單非常之忙碌店長基本上冇停過出菜、落單、收錢、撳外賣平台、包食物全部都係佢做樓面員工不足，搞到客人都要等少少時間先至可以落到單佢自己餐飯到我哋食完佢都仲未有機會完成搞到都唔好意思打攪佢最後勤力好客又有禮貌的店長都不忘同我講之後會推出湘菜蒸飯可以再嚟食吓不過我想佢快啲食佢餐飯先…查看更多

經過佐敦見到呢個間西餐廳睇落個價錢唔係好貴又諗唔到食咩就試下佢:)可以選擇都好多🍝🍕🫕🥩揀咗個最唔使用諗太多嘅二人餐黑松露芝士薯條黑松露道濃郁再加埋芝士超級邪惡薯條🍟個份量都算大跟咗兩杯果茶飲落都算OK同埋兩個白湯龍蝦汁虎蝦意大利飯虎蝦擺盤好靚食落都唔會煮得太老唔會鞋口龍蝦汁意大利飯食落唔會好流食晒成個都冇問題西班牙黑毛豬鞍黑毛豬鞍厚切已經入口Juicy再點埋個汁真係好正個汁就係解返豬嘅油膩度:)再配埋焗薯🥔 一定飽肚最後以cheese cake作為結尾cheese cake味道剛好餅身軟硬程度都合適呢間平靚正之選，可以再encore…查看更多

行過旺角見到呢間專賣蔗汁嘅舖頭🎋平時人哋蔗汁都係跟涼茶或者小食呢間淨係買蔗汁，等我睇吓啲特別先佢蔗汁可以配果汁或者咖啡☕️等等☝️真係幾特別我發現咗佢嘅蔗汁就可以配我最愛嘅西瓜汁所以即刻嗌一杯飲落去超正蔗汁甜甜地再加西瓜汁兩個味加埋唔會話好怪飲晒成杯都仲想再飲朋友就揀咗呢杯蔗杯美式咖啡嘅苦味加埋甘蔗嘅甜味幾特別鍾意飲咖啡嘅朋友，可以試吓間鋪邊係一面牆，舖頭都幾有心機設計好可以俾人打卡呢間舖頭調配嘅甘蔗汁幾正未試過朋友值得去試吓另外佢個杯個位置仲有得抽獎，我都抽中咗一個…查看更多