Okccca's Profile

喺佢開店既時候食過一次，當時仲係日本人負責煮麵，湯底仲係好濃郁，麵底幾好食，服務態度一流。今次係第二次嚟食，雖然賣相同之前一樣，但質素大不如前。首先講個湯底，分別叫咗一碗豚骨湯，一碗醬油湯，但兩碗既湯底竟然係一樣，仲要淡而無味，同清底冇分別。再講下個麵底，成餅野咁，仲要好硬。食咗少少已經食唔落去，可以話係史上最難食拉麵。廚房煮麵既女人望落乜都唔識咁，落單嗰個人仲要入廚房問佢o唔ok, 真係好無奈。建議大家唔需要食呢間，呢個價位應該出邊是但一間都好食過佢。…Read More

自從朋友推介呢間野之後，食過一次就番唔到轉頭。每天黎親都只係叫沙嗲湯底既雞翼米線，湯底真係好香，令人食完好想再食，野飲都唔錯。不過最好揀下午茶時段黎，會比較少人。…Read More

雞煲食過幾次，料既選擇唔係話好多，藥材湯底一般般。反而好推介中午既鮮雞湯飯，食過無數次，每次黎親都要叫呢個，次次都保持到水準，而且雞既份量又足料，價錢唔太貴，上菜又快。我覺得呢個係人生中食過最好食的雞湯飯！！！！！！！！！！！！！！！！！！！！！！！！！！！！！！…Read More

點左個虎蝦扭紋粉，簡直不知所謂，嬲到要特登上黎打食評。成碟粉咬落係硬既，根本就未熟，仲食到d粉。食左幾啖諗緊要唔要同侍應講重新煮過既時候，聽到後邊既客人點左個意粉，同樣係未熟，佢地cancel左張單。就更加肯定個廚房係出左問題，於是嗌侍應過黎，點知個侍應望一望就拎轉面走去第二度抹枱。都算，叫過第二個女人過黎，佢望一望碟野，成碟收走，一句說話都冇講過。咁究竟係幫我煮過定點呢？咁我再叫另一個男侍應過黎同佢講，廚房如果唔係煮緊就幫我cancel佢，仍然係一句野都冇答過我。等左一陣，我地頂唔順同個男人講我要取消碟野，佢就即刻同我講：「吓，廚房煮緊啦喎」，咁點解連續3個侍應都唔同我交代一聲呢？我即時埋左張單，野都唔想再食就走，埋單個陣個男侍應仲要好大力推隔尼個凳，連後邊枱客都問佢係咪發緊我地脾氣。碟野已經難食，仲要食到受侍應既氣，我真係建議大家唔好去呢間餐廳！…Read More