chongyching's Profile

真係人生第一次係香港食和牛食得咁有質素!如果你自己都係一個牛魔王，咁呢個地方就唔可以錯過。係店舖既設計上唔會用上太多花巧野，俾我感覺係好專注去做好一件事!由於佢地係直接引入原隻A5薩摩牛，所以成本會比起其他地方平，將性價比既水平再提高!店員會落手落腳去幫你烹調，專心坐係度等食就得喇!會先由赤身既部位食起，油脂感會係一路遞增!可以按照店員既意見去加入唔同既調味去品嚐，咁就可以食到最岩既口味!>法式龍蝦湯>壽喜燒風和牛他他 配 牛奶白吐司>48小時慢烤A5和牛 配 洋蔥醬>極上澳洲和牛 - 薄切牛舌>薄切赤身 配 柚子醋蘿蔔蓉>4%の奇跡 - 薄切壽喜燒風西冷 配 蘭王卵>幻の部位 - BMS12牛柳扒 配 牛油蒜片醬油>厚切燒肉二品盛合>醬燒龍王牛肋肉>湯引き - 亀の子>薄切壽喜燒風A5和牛蘭王蛋黃丼｜薄切壽喜燒風A5和牛冰鎖冷麵>是日甜品一路食就一路食到我嘩嘩聲!入口d油脂係豐富到漏晒出黎咁濟，由其食到BMS12牛柳扒既時候，滿口牛油香，質素真係好高!以佢呢一個價錢可以食到爽真係大癲!…Read More

係旺角呢個地方就唔會有餓親既機會，不過能唔能飽得黎又食得到好味既野，就要識得揀喇!今次走入黑布街，揀左呢一間望落唔起眼既小店，一試就知龍與鳳喇佢係一間以外賣為主既小店，即係如果你介意係條街度食又或者行程上唔方便外賣食既，咁就要留意返!我就唔多中意係街食既，不過又咁岩因為今次行程上可以安排得到，所以就可以買去酒店食喇!-台式肉蛋芝士吐司 (美國大草原穀飼豬扒+半熟流心蛋)首先要講一樣野，食呢個流心蛋吐司，真係唔可以係街食，因為入面真係爆汁!!!!!!!一打開，d蛋汁同d芝士已經mix埋左一齊，好邪惡呀吐司唔係用厚身既方包，不過個豬扒就好厚喇，而且一d都唔乾身，夠味芝士同蛋汁已經混為一體俾個麵包吸晒，咬落口啖啖都係汁，淨係食個包都開心呀!-冷泡茶系統 凍頂烏龍茶正正常常既烏龍茶，無糖既，食完個咁heavy既包用黎解下係唔錯既另外見佢有好多自家制養生茶，有時行過都可以買黎試下，都係無糖嫁!-食物質素︰環境︰不適用價錢︰回味指數︰…Read More

呢間台灣麵店我收藏左好耐，今日有時間又順路，終於可以去試一下。店外人山人海，逆市中佢都算係好多人，未食就已經有人頭數保證鋪頭內坐位之間唔算好闊落，人內都已經坐滿密密麻麻既人。會清晰地見到d朋友仔既說話，等食物既時候可以妨欣賞一下!好快趣就已經叫好左野食喇，女皇成日去台灣，所以我都會中意搵d台灣野同佢食!等野食既時間唔算耐，5-10分鐘都已經可以上枱，係好合理既等候時間。熱‧黑糖珍珠奶茶凍‧檸檬四季春熱個杯係女皇既，因為我飲檸檬既關係，所以我冇試到佢個杯，不過我問返女皇，佢話好好飲，夠黑糖味，珍珠偏淋身。至於我個杯茶，本人就覺得冇咩特別既，不過不失喇，但下次會選擇試其他芝士肉鬆蛋餅呢個蛋餅真係好好食，一送上枱已經聞到好香蛋味，蛋餅既皮唔會食到一口粉既感覺，厚度都好適中，芝士有味，唔會淡某某咁，肉鬆都好飽滿。蛋餅黎講，佢呢個都算係中上既質素，中意食蛋餅既朋友一定要試 鹽酥肉便當先講個鹽酥肉，味道ok既，唔會死咸，但又唔會食完好口渴個隻，脆口唔會太油，亦都唔會食一口都係粉，炸得都幾好，不過d肉就有少少"鞋"。之於個飯，滷肉都好食，如果講台灣野黎講，基本上滷肉係膽黎，呢個滷肉飯係好好食既，份量都足夠，肥瘦肉都睇到有，做得幾好紅燒牛肉牛筋麵色香味都係滿分，送到埋黎都已經好香好香牛肉味!!!!!湯底濃厚，食麵要先試湯底，試左湯底都已經知道實會好食。牛肉好淋律筋好淋，完全係入晒味呀，呢個真係整得好出息麵都好有咬口，唔會太淋搞到一餅野咁，所以呢個麵係可以滿分!!!埋單$200左右，計質素佢係十分之抵食!!…Read More

觀塘一帶工廈都隱藏左好多唔同種類既美食，好食得晒都可能要一年時間今次就揀左呢間 - 小伊甸，揀既時候純粹因為好耐冇食台灣野，所以就去食下喇!店舖好易搵，地鐵站行過去都只係5-8分鐘左右，路痴去食都唔會有問題!上到工廈，店舖既門外冇太大既裝修，望上去冇咩特別感，正正常常既門牌。開門入到內，即刻有店員會招呼，由於我第一次去呢度，所以穩度起建我都係會book左位先既，不過今晚人就唔算好多，可能始終疫症時期，對人流一定有影響。店員安排坐位之後，我就四圍望下，望望下估佢同宗教機構應該有少少關係，店內既牆身都畫上左畫，而且佢環境都幾大幾闊落，所以整體俾人感覺係舒服既🍽 鹽酥大雞排肉燥飯我揀左呢個雞排飯，雞排好大塊，夠厚身，而且炸得好鬆脆，食炸野最怕就係 1.太油 2.太乾身 3.翻炸有以上3點其中一點，應該會係我心目中大打節扣，呢度既炸雞排就唔錯喇，有肉汁，同埋雞排有經過調味，味道香口至於肉燥，味道都唔錯，唯獨是覺得可以再俾多少少都得。🍽 鹽酥三寶配台式肉燥飯女皇揀左呢個肉燥飯食，可以滿足佢食炸野既慾望女皇分左粒花姿丸同台灣腸我食，不過不失喇，冇咩可以挑剔既地方。炸雞都炸得好，一樣保持到外脆內多汁。🍽 黑松露醬薯條UM... 至於呢個薯條呢，先講個醬，醬汁係冇問題既，都幾好味既，不過呢，個薯條相比之下就差喇，因為薯條上枱既時候已經係凍左，應該唔係即時炸起既，所以呢個亦都係一個扣分位:(🍽 波霸牛奶茶🍽 檸檬賞紅茶呢度既台式飲品係同賞茶合作，所以都會有質素既保證。波霸牛奶茶既珍珠好有咬口，係我中意個個軟硬度，女皇表示好好飲!檸檬賞紅茶其實即係檸檬茶，不過佢茶底好香，加上檸檬味好足，我仲要叫左走甜，簡直係嬴晒!!! 雖然薯條扣左分，但仍然都可以ENCORE順帶一提，我覺得就算上黎飲杯野傾下計都係OK既!…Read More

家後，名副其實真係好有家既感覺。從熱鬧既地道大排檔隔離，我發現左佢既存在! 門面並唔算十分起眼，我選擇佢，係因為佢既人情味...疫症當道，每個人都為口罩而人性盡露，呢家店鋪，竟然係門口張貼告示表示有需要口罩者可自取，就係因為呢份大愛，我選擇左佢，支持呢間小店既付出。入到去店內，枱與櫈都用左好有住家感覺既木紋，簡單又不失大雅! 店內有種懷懷舊舊既感覺，環境既好與壞，會直接影響進食既心情，呢一點店舖可以值得加分，因為好有家既感覺!睇睇餐牌，食物種類都唔少，而招牌既餃子都有9款口味湯既﹑煎既﹑有麵底既，基本都齊晒，選擇亦都好足夠!!!除左餃子之外，佢亦都配有套餐同其他小食選擇，而且價錢真係實惠到......於是我就點左個湯既白菜餃，女皇就點左個煎既白菜餃，我地兩個都揀左是日飯團，再配左個炸雞小食。湯。白菜豬肉餃湯底用上老火蓮藕湯，唔咸，味道好甜，應該都用得幾足料煲，餃子都算大隻，皮夠薄，餡料都好足夠，脹卜卜咁，唔會有好多空氣食落肚餃子既調味亦都適中，唔會太過濃味而失去左本身食物既味道。煎。白菜豬肉餃女皇叫呢個白菜煎餃，我冇食到，但女皇就話好好食好好食岩岩埋枱個陣，又真係幾香既，而家黃金比例佢煎得幾好!雖然我冇食到佢個餃子，不過我就係咁食佢用黎送餃子既菜莆，辣辣地好過癮，不過唔食得辣既人，就要小心d，因為都有一定既辣度!是日飯團。吞拿魚我地兩個都揀左套餐B跟飯團，因為女皇好中意食飯團，所以就同佢一齊試!當日飯團有兩個味選擇，有昆布﹑吞拿魚，所以就揀左吞拿魚!飯團好衛生，用保鮮紙包好，而且仲暖暖地米係採用左日本米去做，而且仲食得出d飯係有調味過，所以就唔會有"乾爭爭"既感覺，我係好想再食多一隻，但飽了日式炸雞有一點要讚左先，好多時係出面前炸雞都會炸好再翻炸，但係佢地既炸雞係即叫即炸，上枱既時候係熱到...女皇"辣"親個咀油份唔多，炸既時間都掌握得好好，雞肉唔乾身而且仲鎖到汁，以小店可以做到呢d水盡，要俾夠101分!!!!小店既質素其實比起好多大鋪都做得好，因為佢地會用心去做好食物，特別一提，員工既服務都幾親切，係度食野真係好舒服!…Read More

幫襯過六七次左右，所以從不懷疑佢既質素。今次都係食主打既醉雞配米粉，個人認為米粉比較索湯，所以每次都係揀配米粉。雞肉一如既往都係大大舊，好多肉，吾會淨係食骨頭，而且肉質都好滑，唔會有煮得太耐鞋十十既感覺，雞味都重！反而今日個湯就淡口左少少，但依然有酒香，同埋吾係幾夠熱，差左呢樣，但味道吾係淡，只係吾夠之前濃郁，其實食完口未淡d既人係會覺得無問題既，只不過咁岩我每次食開都係濃味，所以先顯得今次淡左d，但質素都依然keep得住！…Read More