shirleybesi's Profile

原味雞蛋仔原來已經賣到$28，試下同筲箕灣原店係咪一樣水準啦，點知差咁遠。拎上手勁熱，都唔知有無搵風扇吹過，正常就應該要吹先脆。外層淋呀，味道咸咸地。同筲箕灣店個味道同質感好似差好遠，以前食筲箕灣原店係有“嘩”一聲的驚嘆，果然d店出名左或者開左分店，就keep唔到品質。職員後生，但木口木面，都hea hea地咁。不過都好似唔少人買，特別係帶住細路仔的媽媽。其實附近都有snack express呀，可能平d。…Read More

大約晚上7點，睇戲前買杯野飲啦，個counter得一個女職員，我話要杯朱古力。佢望一望我，好似聽唔到咁，我話要杯朱古力，佢就好似bear住我咁。我睇一睇，原來佢食緊麵。咁佢再撳左下佢個手機先收錢，收完錢，又再撳手機。好啦，等到佢肯沖，咁梗係一路沖，又撳下手機咁。其實我叫走冰既，佢連冰俾我，咁我都唔敢打搞佢啦。…Read More

店前張日光富士山poster很吸睛，一心已經想試試呀！看來是店主的人，主動給張drink list我看。不用看，我就點了日光富士山！我平時飲咩都係走冰微糖，店主的服務很細心亦很健談，佢建議返我少冰半糖，原來呢個係類似蜜瓜沙冰，店主話半糖個蜜瓜味會出d。杯會倒轉放，變成富士山！倒返轉個杯飲啦，個奶蓋等一陣會自動游返去個頂。喝第一口，天氣熱嘛，有解喝小清新的感覺，不錯不錯！$38是大杯，都覺得值的。下次想試下其他。…Read More

平日午飯時間與同事來買杯返office飲啦。見排隊只有兩三位，店員亦說等10-15分鐘，我們認為可以準時返到office才買。那時店內只有兩位店員，可能分工或流程有問題，見到一個不停做不同的工種，另一個只負責沖茶。本來我們買完，10分鐘後回來，見號碼還有6個便到我們，以為很快可以拿。但見店員慢條斯理幾粒幾粒珍珠放進杯中，一陣子又去洗不同容器，一會後就拿剛煮好的珍珠去過冷河。其間有外賣車手到達拿貨，店員卻可加速倒出兩杯給車手拿走。對於現場客人的單，就是慢慢做。一陣又去收銀台慢慢替人下單。另一位負責沖茶的店員就只是觀察著茶熱。兩位都很chill。到我朋友那杯，店員突然發現做錯茶底吧，便將label撕下貼去另一杯再做。結果我們等了40分鐘才能拿到飲品。我現在上openrice看comments，便發現是這間店的問題，很多食評也說等很久，叫少冰也是多冰等等。…Read More