雪怡's Profile

喺太古城training, 四日有三日都嚟呢度食早餐, 唔係因為好食, 只係有coupon, 用埋佢咁解。不嬲都覺得大快活好過大家樂, 所以好多年無去過大家樂食嘢, 但原來, 都無乜進步。三日分別食咗魚柳腸仔餐($18.5), 奄列餐($17.5)同埋餐腸麵餐($15.5)。三個餐最好味係餐腸麵餐, 兩片厚厚餐肉+一條腸, 個麵都叫剛剛好, 尚算可以啦。但另外兩個餐就唔得, 因為D多士完全唔熱, 魚柳尚可, 奄列0既蛋熟得滯, 麻麻地。最唔開心係佢0既奶茶係好淡, 無味0既, 咖啡都叫好少少, 如無意外, 都應該唔會再嚟lu~…Read More

見呢度主打酸辣米線, 梗係要試吓啦﹗我叫咗個酸辣米線, 家傑要咗麻辣米線, 點知嚟到兩種都係估佢唔到~我個酸辣並唔係一般四川0既酸辣, 又無乜酸菜, 佢反而有青檸, 直情係冬蔭公0既種酸辣。而麻辣, 佢唔係四川嗰種食到你麻痺嗰種麻辣, 而係麻醬0個種麻, 所以係似擔擔麵多d。味道唔係差, 但唔係你預期0既味道, 唯有話佢特別囉~哈哈~…Read More

搬咗嚟呢頭都幾難搵食, 但見呢度有間意大利餐廳, 所以嚟試吓, 坐低咗先知佢係Grappa's0既出品, 但好似平D。兩個人, 叫咗個炸魚薯條同香草蟹肉扁意粉, 意粉唔算大碟, 但都幾多料, 食晒D意粉都仲有料剩, 味道OK啦。相反個炸魚薯條有驚喜, 剛剛炸起, 熱辣辣, 脆卜卜, 仲有4舊魚柳, 好多薯條, 食極都食唔晒。而服務非常好, 可能係客少0既關係, 如果想0係呢區食好少少同傾下偈, 呢度都係唔錯選舉。…Read More

同師兄食飯, 佢特別帶咗嚟呢頭, 都幾遠。見有喇沙, 就揀咗個貢丸喇沙河, 勁大碗。貢丸好粉, 唔好食, 但個湯都OK, 少少椰香, 只係無乜辣味, 到喉唔到肺。見師兄碗羮河都幾好, 但肯定超飽。…Read More

同事們提議食泰菜, 其中一人提議食呢間，我當然唔知喺邊, 跟大隊啦。Lunch set有五款, 我揀咗青咖哩雞飯, 但一嚟到, D青咖哩真係好青, 青好有少少螢光, 但食落又唔錯喎, 少少辣, 好香, 好滑；雞肉就比較鞋。餐仲跟杯嘢飲, 我叫咗椰青水, 好淡, 麻麻地。見同事食0既豬頸肉炒公仔麵都好正, 唔太油, 下次可以試﹗…Read More

進駐咗中環幾個星期, 仲未習慣喺呢頭搵食, 所以全部都靠同事同朋友帶。同朋友講要平靚正, 佢就帶咗我嚟呢度, 好彩我哋早, 所以唔洗等位。我叫咗碗雲呑河, 朋友叫咗個雲呑牛肉河, 仲叫咗碟油菜share。D雲吞好大粒, 幾爽口, 河粉都唔少架, $13/碗, 真係喺邊度搵~果然係中環抵食之選~~…Read More

因為朋友要戒口, 所以食上海就最好, 可以叫素餃/小籠包。第一次呢間, 環境幾好, 仲有電視睇, 哈哈~三個人, 點個雞絲粉皮, 小籠包, 青菜燴麵, 炒菜同糯米飯。整體食物一般, 尤其是個粉皮, 出晒水的, 麻麻地; 小籠包同青菜燴麵都OK, 無特別, 而個糯米飯係籠仔上, 但偏乾, 硬少少, 同埋無乜料。所以, 應該唔會再~…Read More

去親旺角都覺得無啖好食, 次次都係米線, 上星期六誤打誤撞去呢間試試, 又唔錯喎﹗兩個人, 6點幾就食晚飯, 唔係好多人, 所以服務都唔錯。叫一個海南雞飯餐($36)同埋個正宗泰式咖哩牛腩跟法包($58), 海南雞餐都幾大碟, 差不多全部都無骨, 而且係超滑, 又無乜雪味喎(其實都預佢係雪雞)，好味﹗而個咖哩牛腩都幾好, 好多汁, 可惜唔夠辣, 牛腩就一DD, 有幾舊都幾韌。而個法包係會焗返熱俾你, 幾細心, 唔錯﹗以後去旺角又多一個平靚正選擇喇~…Read More

晚飯時間銅鑼灣周圍都咁多人, 想坐耐D, 唯有揀茶餐廳。兩個女仔入呢間翠華, 坐非吸煙區, 但其實同吸煙區只係隔一條走廊仔, 有得於無。唔想食咁飽, 我就叫個熱狗, 原來佢係特大熱狗, 11吋長司華力腸, 加生菜, 番茄, 茄汁同芥辣, 仲有茄汁豆做side dish, 非常豐富。個熱狗熱辣辣, 芥辣都幾辣, 食完非常滿足, 下次想食熱狗都會返呢度。…Read More

同兩位同事Soho搵食, 本來想去間竟然唔見, 誤打誤撞呢間。三個人, a la carte, 叫一個辣肉腸pizza + 芝士, 一個肉醬千層意粉同埋龍蝦意大利飯, 而其中一位同事就加個菠菜磨菇湯。先偷飲一啖菠菜磨菇湯, 好creamy, 好濃, 都非常正, 但如果真係飲晒成碗都幾飽。而其他三個main dish都幾大份量, 最好味係個pizza, 有rich芝士, 好香, 熱辣辣, 我食兩大件; 而個意粉同risotto都好做得唔錯, 兩個汁都好濃味, risotto屬偏硬煮法, 但都可以接受, 但料唔算多; 而個肉醬千層意粉裡面竟然夾D翠肉瓜, 令到成個意粉無咁膩, 唔錯~我竟然食得晒所有, 勁﹗不過無位食甜品囉~P.S. 多謝Howard﹗^_^…Read More

一間只有十幾個位小店, 但舒服非常, 而且食物水準高, 周末下午呢度嘆返個lunch, 真係人生一大樂事﹗跟舊同事食飯, 佢推介呢間小店, set lunch唔係好貴, 可以揀沙律/湯+ sandwishes/pasta + coffee/tea。是日湯係南瓜湯, 都好吸引, 但我揀沙律(garden salad), 偷飲同事一啖湯, 好濃, 好甜; 而我沙律dressing好特別, 有橙汁, 清清的, 好開胃。主菜意粉都有幾個選擇, 可選魚/蝦/雞配忌廉汁/茄汁/thai spicy(即咖哩汁), 仲有daily special - 什菌炒意粉揀。同事推介呢度咖哩, 所以我揀咖哩魚扁意粉, 個咖哩汁真係非常香, 仲幾夠辣(因為我叫佢加辣), 所以個個都清晒碟, 仲有唔夠喉感覺添。不過, 佢甜品都好出色, 所以都留返D空間俾佢, 我要最出名crunch cake, 好大件, 但因為都係海綿蛋糕, 都唔係好heavy, 而佢crunch, 就係蛋糕面焦糖脆脆, 一舊舊好似蜂巢咁, 好得意, 都幾甜, 但配埋個忌廉蛋糕食就剛剛好﹗正﹗亦偷試同事blueberry cheese cake同rich chocolate cake, 個chocolate cake真係好rich, 好濃朱古力味, 餅底亦好特別, 又係好正﹗而blueberry cheese都做得唔錯, 香濃芝士味而唔太甜, yummy~~好飽, 好滿足一餐, 好想快d再去食啊﹗p.s. Thanks, Yannie & Mick! …Read More

今次唔係特登食, 本來諗住去食MOS Burger, 點知一排隊, 有個靚姐姐就同我講話所以牛肉burger產品賣晒, 得返豬同雞...唯有下次再試啦﹗又諗起信用咭優惠, 3/F 家傳滬曉同4/F御泰坊比較下, 後者個餐吸引D, 所以去呢度。18:30入座, 要20:00還, 都OK啦…(點知原來都幾多食, 要食晒都差唔多要個半鐘~)半價二人餐有：蔗蝦拼炭燒豬頸肉-蔗蝦好彈牙, 好味; 豬頸肉非常爽口, 點埋個汁, 辣辣的, 好味~燒牛肉沙律-又係酸咪咪, 好開胃, 牛肉亦好嫩喎, 唔錯~冬蔭公湯-酸酸辣辣, 好香香茅味, 好味﹗三味魚柳-呢味最麻麻, 個汁唔夠酸, 而且D魚柳好鞋好實呢~青咖喱南瓜什菜-青咖喱汁都幾香, 原來煮南瓜都幾好味喎﹗香菜肉碎炒飯-份量勁大, 兩個人點食得晒？但佢又幾香口, 幾好味, 伴埋D青咖哩汁, 都差不多清碟~泰式甜品-芒果紫糥米, 好精緻, 份量唔算多, 但食埋都真係好飽啊﹗呢度呢食水準都唔錯, 又坐得幾舒服, 又有電視睇, 有機會可以再~…Read More

又用信用咭優惠, 今次又係叫個二人餐, 食物包括：炸三文魚餅檸檬水瓜紐汁-魚餅炸得好脆, 又唔太厚, 都幾好食~俄式芝士麵包釀火腿-好濃芝士味, 但又唔覺釀火腿入面喎, 一般啦~牛尾/素菜羅宋湯-牛尾羅宋湯好味過素菜羅宋湯好多, 素菜湯太清, 牛尾湯有D肉味, 濃好多~串燒羊肉三重奏-有羊肉腸, 羊鞍同埋羊肋骨, 我唔食羊, 所以唔知好唔好味, 剩係聞到好羶~基輔式炸銀鱈魚釀紫蘇牛油-個面亦係炸得好脆, 但個鱈魚好鞋, 都只係一般~俄式布甸-個布甸幾好味, 但個汁就酸D...咖啡/茶總算試過乜係俄羅斯菜, 可能唔我口味啦, 我又唔覺得好食囉~P.S. 度晚餐可以入去個-20度ICE BAR度影張相, 好凍呀~…Read More

由於東亞信用咭同king parrot group 有joint promotion, 每間都有d半價set, 是日瑩瑩生日, 特登同佢呢度試。環境好靚, 好舒服, 仲有d 'L'型卡位, 好特別﹗仲有琴師現場伴奏, 好有氣氛。二人餐都有好多食, 全部叫佢加辣：面譜口水雞- 好大碟, 亦夠辣, 正﹗涼拌鮮茶樹菇- 茶樹菇爽爽的, 涼拌汁又辣辣, 好美味；四川酸辣湯- 都幾酸, 但唔太辣, 我覺得麻麻；七子蝦仁- D蝦好爽口, 一隻一口, 唔覺唔覺都食晒成碟; 天扁牛肝菌牛肉絲- 好香口, 但偏鹹, 所以要伴飯一齊食；南瓜蒸餃- 熱辣辣, 清清, 幾特別, 亦好味﹗白飯兩碗面譜全盒- 原來係甜品, 全盒有三個碗仔, 一係番石榴雪葩, 非常清香, 好味; 二係桂花糕, 都好清香, 可能食完雪葩關係, 唔太甜; 三係紅豆水晶餅, 呢個只係一般。因為飲有第二杯半價優惠, 所以都叫兩杯陳年柑桔蜜, 少少鹹, 幾好味, 所以都幾抵﹗…Read More

上星期六同摰友High Tea, 同佢補祝生日。之前打電話話無得訂, 2點可以開始入座, 於是我2點正施施然到達。點知...已經排晒長龍, 最後排整整一粒鐘先有位。點個Afternoon Tea Set (for 2) $338, 有三層餅點, 加兩杯tea or coffee, 非常開心﹗最好味係底層杏仁脆條, 甜甜的, 好脆, 好好味；其實的不過不失, 又唔講得上特別咁啦~不過要提就係最底層scone, 有三大個, 我每人食一個都非常飽, 飽都已經無乜胃口食其他, 可能因為咁而對其他食物減分啦，所以建議都係最後先食。而另一樣比較失望係0個兩粒朱古力, 一粒表面白色的, 另一粒表面係啡色的, 我兩個都唔好白朱古力, 所以都想爭啡色0個粒, 點知一切開, 連0個粒都係白朱古力餡...-_____-'''好失望囉~好悠閒咁hea一個下午, 由天光食到天黑, 非常開心﹗但如果下次又要咁排隊, 都未必會再, 應該會去第二度~p.s. 我排得咁辛苦, 到好晏都仲有人排緊隊, 但期間有幾次都有d熟客搵經理, 就可以即刻有位, 好唔公平囉~…Read More