加德's Profile

上星期五晚 Book 了 8:00，7:50 去到才發現他們根本沒位，是等你去到了，他們才安排非常多人聚在門口鼓譟我帶著老人家，站了半小時才有位本來想吃火鍋的，見小菜有檯就算了，實在不想再等一坐下，侍應就 sell 個 4 人套餐 $598散叫餐牌只得一頁紙，而且叫 8 樣有 3 樣話賣晒8 點幾咋喎？如果我 9 點後來，是否會只剩白飯？一蚊雞很細小，而且肉很鞋燻蹄有股怪味，很難吃其他東西不過不失，反正沒吃到好東西就是了服務也不大好，不過這倒無所謂，知道佢地忙7 個人吃了六百多元不貴，但比這個好的選擇，絕對多的是…Read More

平均一星期去 1 次他們的燒雞 & 燒墨魚很讚，下酒一流，有空請試試看昨日去吃螄蚶，伙伴說剛打完風螄蚶最好吃果然不錯當然吃辣 or 吃未煮熟食品是要冒風險的(兩者都可能致瀉)而很好運地，暫時我都未試過有事 :)…Read More

上星期去吃，3 個人叫了1. 2 人套餐海龍皇湯 -- 第一道上的菜，很濃很夠料，對饑餓的腸胃是一種恩賜瑞士汁雞翼 -- 有 6 隻，甜甜的別有一番風味瑞士汁炒牛河 -- 上桌來才知道，原來是汁還汁、河還河，沒有干炒的香口，但都很好吃甜品 -- 奶油蛋糕，很懷舊；吃起來也不太甜2. 葡汁四寶飯餐沙律 -- 生菜底 + 薯仔沙律，調味 ok葡汁四寶 -- 一般，四寶之中牛脷我沒吃到，其他的都好像是煎炸過才放進汁裡，葡汁香香的，夏天吃略嫌油膩，秋冬吃比較滿足甜品 -- 同上，也是奶油蛋糕服務是舊式的，中間有聽到 waiter 阿叔用直腸直肚的語氣跟來客說話(主要是說乳鴿是即叫即做，催不得；絕對肯定佢係無惡意的，但有小小倔咁啦)整體來講都不錯，頗有風味！期待下次再來試疏乎里 :)…Read More

聽人讚了很久，星期一剛好經過，就去吃兩個人，叫了1. 涼拌青瓜 - 清爽，不會像有些餐廳下太多麻油，弄得膩答答2. 白灼蕃薯苗 - 簡單而新鮮，就算減肥都可以吃 2 碟3. 酸辣湯麵 - 雖然不夠酸也不夠辣，但沒有落太多粉漿，幾好4. 西洋菜餃麵 - 清清地很好吃，麵同餃都做得很好5. 串燒豬 + 羊 - 豬好吃，羊有點太韌，孜然粉很香6. 炸春卷 - 減肥中，不能吃吃得飽飽，埋單 $80，極抵！…Read More

上星期同男友去到叫左一支啤酒1 條馬友，老闆話 $98另外叫一碟鵝片拼掌翼，我見淨鵝片 $88，用一半換掌翼大概唔會仲貴左吧食物水準不過不失，服務是老式的，都很友善埋單要 $305我"立"下眼見單上寫馬友 108，鵝片拼掌翼 $12X同本來唔同價咁即係啤酒 + 茶芥要 70 元左右我唔介意收到貴，而家 2 個人 $300 都不是負擔不起但咁收費法令我覺得不開心，有類似被騙的感覺近期都不會再去了…Read More

今日返半晝，下班忽然好想吃拉麵，就去了 APM food court 覓食。叫了一個麵餐 $55，豬骨湯拉麵 + 炒飯 + 玄米茶豬骨湯拉麵：可能天熱不想吃太濃味的東西，覺得湯底好鹹；麵帶點捲曲的，質感不錯，幾好吃。炒飯：可能天熱不想吃太肥膩的東西，覺得很油；飯相當粘結，是因為珍珠米的緣故嗎(？)玄米茶：跟餐送的，幾好飲。其實我應該叫冷麵才對，但點餐時因肚子太餓，傾向味道較重的東西，選擇錯誤。…Read More

第一次來，是被他們掛在櫥窗冰櫃裡的大魚頭吸引；試過感覺不錯，湯底足料，配料選擇不少，份量足也新鮮；有時清清地叫半邊魚頭，配上冬瓜湯、黑豆腐 (推介！)，再配上蔬菜其實滿適合夏天的，絕不比吃炒小菜油膩這裡平日都有 8 成滿，招呼也不錯但如果節日甚麼的，要上樓吃我就一定不肯了因為試過被樓上的服務員激親那次我們 5 個大人 + 1 個 bb，眼見明明有 6 人檯，阿姐都不肯給我們硬把我們塞到 4 人檯，只說 6 人檯有人訂了結果我們 8:30 吃到 11:00 都不見有人來到 10:00 後阿姐才訕訕地問我們要不要轉 6 人檯咪玩啦，東西都吃了大半，為什麼不早些問？分明是欺負我們，夾硬把大檯留著做生意啦今時今日，咁o既服務，嗯，大家心照啦…Read More

下星期 2 個阿哥 + 1 個阿嫂生日，昨晚一起出來慶祝一輪猶豫不決之後，決定去試朗豪 The Place 自助晚餐環境：good, 雖然沒靚景可看，但坐得幾闊落；我之前訂檯時講明有 bb 一起來，他們就預留位置給我們擺 bb 車及雜物食物：不錯，昨晚前後出了有 3 款蠔，另外有例牌凍蟹魚生壽司等，都很好吃；我們叫了白酒來配海鮮，很享受熱盤選擇也不少，不過吃完冷盤海鮮 + 沙律都已經 9 成飽了，吃不下熱盤；只試了一塊煎羊架，都好好吃甜品有我最喜歡的濃味朱古力蛋糕 + 芝士餅，都切得小小的盛在小碟子裡，不用自己夾得一塌糊塗；有 movenpick 雪糕，好味；另他們喜歡把東西造成雪條的樣子，waffle pop, cookie pop，幾趣怪服務：不俗，之前打電話查詢及訂座時，接聽的服務人員都很熱心，仔細解答問題；昨晚見到的大部份員工都很親切，也很勤於收拾及添水總括來說，感覺是物有所值渡過了愉快的一晚，我覺得自己選對了地方 :)…Read More

昨晚9 點後入座張檯話就話抹過,但塊檯布大概10 年冇洗抹到張檯一陣酸餿味我忍唔住自己用紙巾再抹, 哇, 抹到張紙巾啡色的好彩係阿哥自己提議來, 唔係佢一定反檯話走服務員都很忙, 有幾個很呆, 叫親佢地拎乜都冇晒下文我地唯有全程mark 實個女部長, 先叫有交帶d叫了個$568 的餐, 有1. 象拔蚌(相當新鮮)2. 和牛(他們吃了說不是和牛, 普通牛頸脊而已,但味道都可以)3. 8 款火鍋料-- 份量同品質都ok, 不過不失湯底原本只可揀清湯/ 沙嗲, 我們加錢改了魚湯鍋, 望落跟清湯沒甚麼分別, 不過試一口又幾甜如果可以改善下衛生環境就好了…Read More

平均每2 個月會來吃一次lunch buffet平日只是$85 一位(連加一)，放食物的地方雖然略狹小，但食品倒是一直有在轉換最喜歡吃他們的蔬菜沙律及pizza，簡單得來好食過pizza hut 好多甜品沒甚麼選擇，不過因為我都不喜吃甜，所以無所謂地方幾靚，坐得幾舒服，服務普普通通，ok 啦試想咁o既價錢可以同朋友一坐幾個鐘，仲有得任食，好抵啦…Read More

聽人講得多，昨晚同男友經過，決定試下因為男友不能吃辣，所以叫了個不辣的雞公煲(大)雞肉炆得很香口，配啤酒非常正其實吃一個煲都飽了大半，不過都想試埋打邊加滿了骨湯後，再撇除了大半飯碗的油，才開始烚配料湯底相當的鹹，所以用來烚蔬菜比較好我們選了豬肚菇、油麥菜、小棠菜、蕃薯粉等等素菜，都不貴而且幾好味反而$20 一碟急凍美國牛，份量小之餘，配上濃湯也顯得太油膩，不推介全晚整個二樓十多檯，只有一位阿姐負責招待服務很緩慢，但見她又要落單又要添火又要出菜，我們都不好意思再催促其實加多1-2 個店員就fit 了，這種成本實在省不得通風設備一般，如果怕吃得滿身雞公氣的話，就不要穿毛衣大褸去吃了會再去試恐龍煲…Read More

在觀塘上班，成日都話要來吃，但見到咁條人龍就怕怕；終於拖到上個月先第一次去試叫左兩個烏冬，一冷一熱個麵身比我想像中的硬，坦白講我覺得有d 似以前去深水步街邊吃的粉仔，不過冇咁滑；熱的就焾小小，冷的就比較彈牙，而且有芥末冷麵汁，都算幾清爽。另外再點菜，逐樣點，感覺好似食車仔麵咁~厚燒蛋ok，其他的都是一般貨色，而且好多都係炸物，我怕肥又怕熱氣，唔係好敢叫來吃。貪得意食下都可以o既，要排隊去吃就不必了。…Read More

住九龍城咁多年，其實對附近餐廳都有d 感情唔可以話好深，但試過一次唔得，都會再試第二次，希望佢係一時"行差踏錯"厚福館，吃左幾年，由好好好食到近排覺得佢近排開始有d 掠水，我覺得應該留個紀錄，唔好令其他人期望過高，山長水遠入到黎，只剩一場失望這個餐店，我同屋企人平日都會去下，尤其間中諗住食得豪小小的時候因為佢對品質控制真係ok，而且佢地門口班人雖然望落好似好惡咁，但埋去就知佢地其實幾nice 下一直去到上年尾，4 人飯局，叫左個魚頭(佢收我$60)，竟然只有3 片(無魚雲的，真係薄薄的3 片魚頭)真係火滾，跟住有2 個月，明明有錢又想打邊，都唔想去\___/到今個月，有朋友話想試，咁是但啦，一齊再去點知又係逼人食咩海蝦，10 隻收我地2 百幾，都唔覺有乜好食(最重要係我當時跟本唔想食蝦，佢夾硬幫我叫，唔通反面咩！)喂，哥仔，下次我來食得清清淡淡，簡簡單單，你唔好夾硬sell 我至得架！…Read More

見到咁多網友推介，當然唔執輸，星期六一放工就約埋男友去旺角試農夫包一路上塞左好耐車，去到時我地兩個已經餓到扁晒；即刻叫一個咖哩雞農夫包餐，再加一個海防米線餐海防米線個湯是用蕃茄肉碎中芹等材料滾出來的，有小小蛋花，清清地幾好味，米線好滑；配凍咖啡+ 牛油豬仔包，咖啡我聞落是雀巢即溶，男友話沖得幾香，很對口味再等左一陣，主角農夫包終於上場，大大個，包著錫箔紙，在餓到暈暈地的我眼中，閃閃生輝即刻拆開，個蓋焗得好脆，點咖哩汁吃一流包身是另一種質感，半脆半軟，我怕熱氣一味篤軟的來吃雞肉是切件的煎雞扒吧，味道一般啦，都叫做幾滑個湯好香濃，可以想像加上通粉，會是如何動人的景象幾十蚊一個餐，食到捧住個肚走，抵到爛啦值得一提係在場工作的阿姐們，個個都有番咁上下禮貌，多謝前唔該後，比起有些所謂高檔餐廳的侍應嘴臉，不知高了多少倍！見到同場仲有好多檔不同風味食品，總有一日我要試勻晒佢！…Read More

上星期同朋友去午飯，來了這間我想試很久的餐館可惜朋友不吃羶及辣的，唯有點些大家都可以吃的東西1. 麻辣雞餌絲- 口味太遷就港人了，再麻些辣些更好2. 排骨米線- 朋友吃的，不知味道如何3. 蒜泥白肉- 好味！很爽口，開胃4. 田七氣鍋雞- 甘甘地很好飲5. 鍋貼- 原來是煎韮菜餃，一咬開有汁流出，好惹味(不過之後要狂吃香口珠辟味)整餐飯我們都在研究那個氣鍋是如何使用的，其實個湯是否靠"倒汗水" 積存而成的呢...... 咁煲太久豈不是會滿瀉(？)下次搵多幾個吃辣的人再去先得！…Read More