WinstonChan's Profile

總結: 價錢係貴左少少，食物質素都係一般燒烤場質素，還可以，因為你其實唔會點同員工交流，好多野都係自便，所以無所謂。唔浪費時間，簡單重點：- $220 人頭包一支野飲一支水，加$60開爐費（包爐面炭+一包），有的士單減$10- 錫紙，蒜蓉醬（但有免費蒜蓉牛油），網架，要另外買。- 食物：有咖喱魷魚，一件件嘅茄子，一件件嘅翠玉瓜，一嚿嚿嘅粟米，用錫紙包好嘅番薯，多春魚，有麵包，豬仔脾同基本野- 衛生 : 一邊有5格廁格，男女share ，另一邊有男廁。唔係酒店式乾淨，不過你急既將就下- 環境: 大部份有頂，附近總有把風扇吹。（不過也因為咁，你既炭燒得特別勁特別用得快，就住用（我燒到白曬加3-4 舊）5點燒到10點都唔洗特別買炭- 服務 : 門口個收銀果個都係黑黑地面，野飲部既都係正常人，所如果同食野有關既員工都係正常，如果無關既就黑黑地面串串地。- 方便: 個位置係麻麻地，去既最好一班人的士(元朗站$30左右) ，走既一係call一係係門口等，間中都有的士經過…Read More

Lunch 一個意粉，一個吐司，一個甜品，一杯野飲。意粉$100有找，個吐司$92，杯沙冰$55，甜品$45。依個質素對得住個價錢。個吐司幾得意，食落去甜，但食食下又會有少少麻，個份量女仕食實夠飽。個意粉質地恰到好處，又有味，一個正常意粉出邊應該收你過百蚊。個擺盤餐都幾靚，個吐司黎到攞盤好過佢餐牌個張相。俾得依個價錢，就當然唔好諗住5星級酒店服務，要既俾多一倍價錢。係依區都算係咁，好過有些西餐愈做愈差。…Read More

餐廳係世宙附近，都方便。對餐廳抱住簡簡單單食餐廣東菜既心態，所以完全無諗過想影相既準備。環境乾淨，新，舒適，只係可能樓底矮，比較嘈，餐廳內有２間私人房。坐下無耐，已經有一個男侍應好有禮貌咁講＂唔好意思，廚房新，出炒野會比較慢，可能要等耐點"。正常聽到姐係話你知唔等得就食第二間，我地再問，姐係大概幾耐，佢都答唔到，我地再假設"大概15 - 20 分鐘 ?" ，　＂差唔多"。ＯＫ，我地已有心理準備會等較耐，反正唔趕時間同唔太肚餓。叫左３個餸　：　薑蔥炒蟹($138), 蒜蓉蒸元貝殼（$128) , ＸＸ煮菜苗($68) 先黎薑蔥炒蟹（一隻蟹），外面有薑蔥味但入邊仲食到蟹肉既甜，唔係太濃太油，剛剛好。ＸＸ煮菜苗($68) ，依個就好麻麻當食完上邊個兩個餸個元貝仲未黎，去問個侍應（後生仔），佢入完廚房出黎話廚房仲未蒸，蒸既話大概都要等２０－３０分鐘，有禮貌地問我地仲要唔要，我地諗左諗根據以上兩個餸都唔錯，所以都博，＂等＂，拜託個侍應幫我地睇緊Ｄ。所以我係等既時候睇下有咩desert，原本想叫一個蛋白杏汁ＸＸＸ，但侍應都建議我地唔好今日點這個因為都是廚房煮，所以我地叫左另一個叫蜂蜜小米餅。叫完desert終於等到個元貝（４粒），侍應哥哥仔黎到有禮地叫我地check check熟唔熟，怕廚房亂黎，唔熟佢叫即刻拎番去蒸，好在個元貝係熟的，好鮮甜，粒元貝好厚，味道，大小絕對對得住$128。最後小米餅（＄２５，３件），其實似海棉蛋糕但烘到外層小脆，加上強味，內在好鬆，幾好味 !總結，有好多特別既食物，質素唔錯，價錢合理，服務就一般，所以係到用餐要有耐性，或者打去問下個＂班廚師新＂既問題解決左未。…Read More

冰鎮咕嚕肉 - 跟傳統不同, 皮很薄但仍保持咕嚕肉原來那個皮脆避風糖虎蝦 - 蝦厚肉,絕對不是酒樓白妁蝦尺寸, 絕對對得住個價錢 (5-6隻唔記得)火焰缽酒蠔 - 夠大隻(好似6大隻), 同美國桶蠔差不多尺寸 , 好強烈酒味, 上這個菜時好似放火表演咁土魷肉餅荷葉飯 - 土魷好足味 , 食既時候絕對需要牙力(食材原本就係咁) , 只係肉餅咸左小小, 但各人口味不同此店還出名 : 乳鴿 - $52(隻) , 遲去食唔到有個好似金磚既豆腐, 唔記得叫咩名 - 睇人地食內裡好滑 (得2個人食唔到咁多, 所以無叫)各人口味不同, 形容幾仔細都無用, 自己食過先知要留意 :- 小店, 當然無環境 , 3-4 個伙計做全場, 唔好預期一流服務 , 但總算乾乾淨淨 , 有等一等伙計都會幫你 - 坐位有限所以最好訂坐, 還有儘早去食,  愈夜會愈多野有機會賣完…Read More

餐廳有幾種價錢可以選, 最貴係$368一位 (未加一) 日本黑毛和牛 , 9.30後有85折有生蠔, 同和牛(生食) 送 (只有一客)平時既日本刺生 : 三文魚, 劍魚腩, 甜蝦, 鮑魚等等都有.... (中上價既餐可以任叫) 不錯 !! 生鮮, 凍既但又唔係去到好似食冰咁, 剛好的個餐包一個海鮮組合(中上價既餐可以任叫) , 有蝦, 八爪魚(一粒粒申好一串串) , 海螺, 蠔, 青口 等等 , 每樣野都唔錯 主角 " 牛" - 好味  !! 兩個人食左4盤 (一分錢一分貨, 當然唔可以用成千蚊牛肉比) . 佢最重要係碟碟都係差唔多咁既樣, 唔會有一, 兩碟係全紅色或全白色全部野都屬中上, 依個質素絕對對得住個價錢 !! PS : 食完有兩張$100 coupon用 , 正 !!…Read More

首先, 同一棟大廈都伏過一次, 但始終要俾機會人, 可能明天會更好喇......(結果係:人類係重複地錯) 去到訂左臺都要等15 - 20 分鐘........ 勁附送一板海膽變左一小塊青瓜片上有海膽刺身, 無特別, 唔難食又唔好食熟食就出事 : 1.) 全部都唔熱, 只係暖2.) 炸麻雞翼係炸, 但都係可以唔熱, 只係暖3.) 牛舌可以有1/2唔熟4.) 炸廣島蠔, 有臭味5.) 羊架變羊扒6.) 薄煎蝦餅, 人生中第一次食咁薄炸蝦餅第一次食放題叫完一轉單想走, 唔係太飽, 而係無野值得再Encore佢既價錢唔平, 折完加埋一都要$250一位, 相比其他旺角，比較失色，記憶中都係差唔多2百尾都係個句, 起碼熟食係熱唔係暖唯一好既係, 依度侍應妹妹仔都睇得下, 其他侍應服務都幾好, 會主動收碟…Read More