ColaYip's Profile

見到有點心放題諗住試下啲野叫左十五分鐘先開始黎 第一round 叫的茜豬手，冰鳳爪同埋鮮淮山，第二round 野食黎緊都仲未黎 就同侍應講，佢叫我再落過單，Ok ! 再落，過左十五分鐘我再問話未黎到，就同我講野食要時間，再過十五分鐘再問，終於有個女侍應拎張單黎，果時已經係13:15，張單清楚見到12:00 落左呢三樣，12:45 再落左呢三樣，個女侍應話會同廚房講～ 最後1:30 終於黎左 🥲另外叫菜心俾左燒味的凍菜心我，完全係勁伏！ 大部份野食都麻麻地 一定冇下次！！！ …Read More

之前都有食過佢芝士粟米餃，又係驚為天人，一直念念不忘。 今次貴貴地都想試佢個三重芝士餃。見到餐牌好吸引，黎到嘅時候都覺得正呀。佢入面都係有粟米，面頭有熱溶嘅芝士同埋頗多蟹子，熱辣辣食，入面嘅芝士都係仲融梗。 芝士控必食！ 仲要有多碗老火湯飲。仲叫左個豬手銀針粉，本身佢黎到果時見個豬手好似白烚咁，不太抱期望，點知食落好惹味，加埋啲炸蒜，食食下食曬成碗！仲要店員好細心，特登俾隻碟放骨。仲有兩粒豆卜。呢個38蚊咋超抵食。 我覺得豬手面好味過其他餃子！哈哈 因為友人叫左五款餃嘅餐，但有芫茜、香芹同埋韮菜我都係唔食嘅🙈 （當然芝士粟米餃都係勁正）不過客觀地講，佢啲餃子粒粒都大大粒，同埋煎餃一定好味過湯餃。 下面係友人叫果個餐。咖哩另上，友人話都幾辣。 因啲野食好有味，冇用過啲調味料。…Read More

去開附近做完野就搵啲野食 見到有間餐廳就入去啦，點知食物超有驚喜！ 推介推介！ 係好辣好辣嘅酸菜魚，一黎到係勁大盤又好香，湯好清甜，魚肉質好有口感好滑，可惜我唔係好食得辣，所以去到半路我要特登不走啲辣椒先食到，但如果中意食辣應該勁正。仲叫左啲串燒食，又係冇得彈！ 唔知意思，比較大食 可以叫左好多金菇肥牛正！ 但最正係個五花腩肉，處理得唔好會成口肥膏，但佢係有油香但入面唔肥！ 牛仔骨都係超好味！ 至於其他都正常，味道唔差！ 人情味小店，靚姐好好傾！ …Read More

平時都好少去top，估唔到入面又幾靚，仲有間好不錯嘅西餐係五樓，環境超好，好中意雲石枱面！ 呢個法國蠔真係不得了，上面有好新鮮嘅三文魚籽，蠔好新鮮好重海水味，同埋都算大隻，未去到好creamy , 但食得出好鮮，除左常見嘅醬料之外，仲有泰式醬，同蠔都好襯！ 跟住落黎係吞拿魚沙律，吞拿魚側邊包住黑白芝麻，食落好香，誠意之作。沙律菜好鮮甜，略略有醬調下味，唔會搶左focus , 加埋片片芝士同煙肉粒，正！ 黑松露泡沫磨菇湯，好重料，食到好多磨菇粒碎，黑松露都好香，呢個賣相一流！ 黎到主菜牛扒，牛味超重，全塊都冇筋，佢入面望落都生生地，如果唔食得太生可以用碟嘅餘溫再令佢熟多少少，不過原來食落去一啲都唔覺得生，肉質感覺好好！ 點埋佢側邊嘅芥末醬同粗鹽食，好味！ 配菜蕃薯條好不錯，食落唔太油！ 最後甜品，略嫌有少少過甜，但焗得好靚，外脆內軟，亦唔會縮番入去！ 下次可以再試下其他！ …Read More

呢間鋪勁多人排隊，我地去果時都等左一陣先入得去，好彩入面廚師同樓面都快手，好快就放人入去，好快又再放人入去咁樣。 入面裝修都好有特色，感覺都舒服嘅，係啲枱有少少擠逼。 黎到梗係要食最出名嘅炸豬扒，佢嘅炸豬扒熱辣辣真係好好味，層粉唔會好厚，脆得黎唔會太漏。我地要左肉燥汁，都算多汁同埋幾多肉燥，題外話，佢個匙羹係呢款舊式匙，幾特別。 仲叫左海蜇，好香芝麻味，佢係薄身啲，但咬落去唔會好膠果隻，好味呀，雖然就細碟，但都覺得抵食！ 椒鹽魷魚酥就略嫌有啲失色，一啲椒鹽嘅味道都冇，有個汁點，但個汁又係冇味嘅，不過魷魚算係大隻嘅。 仲有一個辣味芝麻雞翼，佢嘅辣係加七味粉，唔算太辣，不過都好惹味。 去到臨走先發現原來有泰式豬扒飯，下次可以再試，見到佢連張單據個夾都有鋪頭名又可愛又有心，讚！ …Read More

第一次試，估唔到感覺比預期差。 叫左牛肉壽喜燒，點知等左半個鐘都未黎，最後黎到嘅時候，發現佢竟然冇平時嘅薯粉，淨係得啲配料... 每樣配料得兩件，雖然牛肉味道不錯，但整鍋就略嫌偏咸，食多兩啖就係咁飲茶解渴。壽司份量好細件，第一round 食完完全唔夠要再叫🙈 灸燒左口魚同埋蟹膏係好味嘅！ 但焦糖鵝肝就冇其他人講得咁好味.. 鵝肝唔夠多油同埋唔夠厚,食落口感爭啲。 直送池魚都有啲失望。 整體黎講都唔會再短時間內encore。 …Read More

估唔到繁華的街道下面別有一番天地，裝修超靚同埋坐得勁舒服的泰菜！ 佢張梳化有埋咕𠱸，大到攤係度都得！ 黎個生蝦先！ 好大隻好有肉地同埋咬感，加埋佢呢個汁，蒜頭同埋辣椒，完全將蝦嘅味道提升，好正！ $98 要左個細嘅冬陰公湯，都幾辣，入面有一隻大蝦，不過其他配料就較少，$78 唔太抵。椰菜苗仔，細細粒，真係好苗，同埋用牛油蒜蓉炒都好香，好味又健康！ $98呢個係職員推介嘅豬肉串配糯米飯，話係泰國果邊嘅人都成日咁樣食，佢啲飯拎個竹筒放住，豬串個汁勁好味，兩樣夾埋好Match! 本身有三串豬，食左一串先記得影相。 $88最不了係呢味餸！酥炸香茅魚，佢話冇鰂魚用鱸魚，冇問題！ 條魚起曬魚再去炸，脆卜卜，加埋果個無敵辣醬，勁惹味，好彩有個酸嘅青芒果沙律同埋好甜的龍眼冰中和下。$168…Read More

係奧運站行過去勁近，呢間咁hit 就去左試，結果真係冇令人失望，抵食到爆炸！ 事不宜遲，俾啲相大家睇下先，冇呃大家，真係勁多人排隊 Oh my god !!! Medium rare 果然名不虛傳，一切開真係好生，但我好中意！ 我要左300 g 牛柳，再加餐！ 鐵板一黎到，見到牛只係兩邊輕輕煎一煎，趁住鐵板熱，切完出黎再煎煎佢就岩岩好！ 牛柳好林，啲蒜蓉勁正，佢側邊仲有汁可以點，好夾！ 跟餐嘅仲有三樣野揀，我揀左沙律、湯同埋飲品，配菜就不過不失咁，係罐可樂特別啲，未見過！ 同行友人叫左個西冷400g，牛味真係重過牛柳，仲要有少少筋，啲牛香一咬開散曬出黎，我地兩個係嫌個鐵板碟太細，當你切扒嘅時候，啲粟米粒好易跌曬出黎！ 採用自取同自己還方式拎同放，非常好！ …Read More

呢間真係所有野都好正，之前舊店都食過一次，新店大左，環境超級不錯，野食質素完全keep 到！ 星期日的早上，食個brunch 先！ 絕對夠飽，煙三文魚benedict egg好好味！粟米佢加左香草又係勁甜，薯餅熱辣辣又脆！ 其他嘅都冇乜特別，同平時食果啲差不多！但跟住個蟹肉意粉真係好岩我口味，首先佢係好足料勁多蟹肉，幾乎每咬一啖都一定有蟹肉或者蟹絲。 然後佢個醬汁先係重點，睇多次個menu 原來係用左蟹膏同埋蝦膏去整，佢係creamy 得黎又唔會好漏好濟，就算一起身食都冇問題，同埋意粉上面有芝士同埋火箭菜，又係好新鮮，味道又夾！ 真係超級推介！ 而家講起都仲流曬口水，好想個個星期日都黎嘆番個good morning ! Green tea latte 同埋 黑糖瑪琪朵 , 冇乜特別，個拉花好似失左少少手🙈…Read More

環境係幾舒服嘅，雖然間鋪細細間，琴晚去都好多人，但同其他顧客又會有適當嘅距離，完全聽唔到其他人講咩，幾好！ 第一樣送上嘅係熱辣辣嘅麵包，再加埋醋同埋油（題外話：張雲石枱真係好靚）Pizza 估唔到佢咁大個呀，我地兩個人食每人有四大件，pizza 款有好多款揀，仲可以雙拼添，我揀左一款係有肉嘅，另一款就有海鮮蝦蟹嘅。兩款味道都好好，好足料，啲蟹肉係見到一舊舊！ 叫左個黑毛豬，有兩大件，最特別係側邊果個梨醬，酸酸地勁解膩，配埋個豬都好襯。 以為側邊果啲係炸薯條，點知原來係炸蕃薯，勁脆勁甜！ 唔好意思，兩個大食仔係叫埋甜品同野飲嘅，甜品佢有四款蛋糕柬，最後揀左tirimisu 同埋香蕉拖肥蛋糕。 一個勁有咖啡嘅苦味，一個勁有香蕉嘅甜味，不過整體黎講好多cream 🙈 好heavy，減肥人士唔係好岩。 野飲叫左杯荔枝青檸梳打，好飲嘅，但啲荔枝漿都幾甜同埋唔係好撈得埋。另外果杯花生醬香蕉奶昔，試左一啖好有花生味。 …Read More

平時都有係附近食開野，呢間近公路，真係孚容易miss 左，餐廳走小區中價路線。入面環境有bar show 出黎都好chill, 不過我地冇飲酒，下次可以再試下。 話係中價，但一個set dinner 有沙律有湯都係百四蚊，其實都唔太貴。 我地叫左兩個set 同埋蟹餅。一開頭已經好欣賞個南瓜湯，入面有兩件魚，提升左個湯嘅鮮味。隔離個沙律有少少酸，但我接受到嘅！ 蟹餅好的式細細件，但係勁真材實料，因為食到入面係啖啖蟹肉，仲食到有蟹瞉，入面加左香料，好味！ 南瓜意大利飯好creamy , 上面有四粒帶子，煎得好香，不過size 就偏細嘅，但食落真係覺得煎得岩岩好！ 上面仲有塊芝士，整體個飯嘅軟硬度偏硬少少，都好正宗嘅意大利飯，同埋係好好味！ 燒雞就略為遜色，燒層皮唔係好脆，肉質都唔算超彈牙，但係側邊啲薯條真係加左好多分，即炸熱辣辣，同埋係比較硬身，好正！ …Read More

環境好大好日式，L字型，坐得舒服，側邊配料仲有七味粉。 沙律係必叫嘅，叫左左口魚牛油果黑松露沙律，淨係睇個名都知豐富，左口魚灸燒左有五件，上面放黑松露，一啲都唔吝嗇，上面仲有啲三文魚籽，酸酸地嘅汁真係好開胃，正！ 叫左個活海膽，size 唔係好大，但都係鮮味嘅，不過冇紫菜附近就覺得爭左少少野。迷你三文魚籽井飯，揀左吞拿魚松葉蟹肉果款，三文魚籽 佢即場不俾你，個飯每啖都有三文魚籽，嫌佢太多有啲啲咸添呀，但撈埋個吞拿魚都可以，不過就食唔到松葉蟹味。餐牌好多鐵板燒嘅野，叫左燒蠔定食，側邊有勁多芽菜，仲有蛋、湯、前菜同野飲，咁多野都好抵食。 但個蠔我就覺得麻麻地，可能個人中意食焗蠔多一啲。個牛舌等左好耐先黎，但等咁耐都值呀！ 無限咁好味，牛舌厚肉又唔會太靭，好正！ …Read More

餐廳上去個位有啲特別，同埋佢連埋有做賓館，本身入到去都驚會中伏，點知不但冇中伏仲好有驚喜！ 食素嘅地方配埋個中式茶同埋中式背景，正！ 完全冇諗過咁大碟，呢個價錢黎講算好抵，我地兩個人食都爭啲食唔曬🙈 黎個竹笙素翅先，好多料好大碗，都重胡椒味，但佢啲翅唔係粉絲，咬口真係好似真翅，竹笙同配料都唔少，飲左半碗已經開始飽🙈Menu 見到黃金三層樓，唔知咩黎就試下！ 原來係炸玉子豆腐，超級無敵勁滑同好好味，上面啲醬汁唔會太咸同搶味，呢味勁推介！ 素叉燒用欖角同蜜汁調味，底層仲有炸南瓜，素叉燒做得出色，食落見到一條條肉絲，望落都超似叉燒！ 欣賞！ 因為本身中意食芝士，見到有芝士海鮮炒面就叫埋，點知黎到個份量真係好大！ 不過呢碟就比較遜色，啲素海鮮全部粉整，但個樣就好似，味道一般。 俾大家睇埋個餐牌嘅價錢！ …Read More

好耐之前都黎過一次，近期再黎，發現佢啲炊飯而家佢會中央幫手撈完先拎過去俾客人，可能覺得客人自己撈會太危險喇，因未必好穩陣真係會跌。 但佢撈完再拎過黎就冇咁熱，可以無限加芝士真係勁正，不過再後加冇左啲火烘住就難啲溶Lu . 今次食左粟米炊飯，但我發現好似都係以前好味啲咁，但係整體都係好高質！ 最正係食完個飯同埋啲肉，仲有個甜品，甜品堅特別，係海鹽雪糕再加冬甩，真係勁好味，重點係成個餐一百蚊有找，真係抵到喊！ …Read More

個師傅真係極度冇禮貌！！！ 我同朋友一路食拉麵一路傾計，我show 梗我電話啲相俾佢睇，個師傅話「 小姐 呢度唔玩得電話嫁」 「你成三分鐘冇食啲麵 會糊架」 態度勁差！我勁嬲！ 咩叫唔玩得電話 係因為佢見到出面有人排隊所以想我地快啲走！！！ 我俾88 蚊食個晚餐 應該係包埋個空間去傾計！ 同埋如果啲拉麵三分中就會糊會唔會係師傅你嘅問題呢！ 係咪要人三分中就成曬碗麵跟住走你就賺最多？！ 真係好唔識尊重人，憑乜野去限制我用電話！ 重點！！！ 其實由我坐低到我最後離開只係半個中嘅時間，仲要我俾佢話完之後係食得勁慢，個拉麵有勁多櫻花蝦我逐條逐條食，個客食左三個字就講說話俾人聽趕人走！ 真係唔明點解仲會有咁多人去食去受氣！ 得番三款拉麵揀，選擇又少，味道又勁多味精重口味，櫻花蝦、粟米、木耳啲配料係勁多嘅，塊肉味道都不錯，但絕對唔值88 蚊呢個價錢同埋服務！ 連水都要自己斟！ …Read More