Keane16's Profile

通過 openrice 定訂位，無話限時。預訂當日舖頭打電話黎 confirm booking, 無話限時。坐低先講限90min，已經非常不理想, 你一早講限時我不如去放題算啦，大把選擇，仲好多有120分鐘添。最最不能接受係，無通知 last order 截單，想點？唔係話 staff 唔記得，而係根本無呢個service. 佢話講左90分鐘，要個客自己“就翻時間”。即係點？你 expect 我一路食一路睇表？就算我一路睇，我點知你提前幾多截單？15min? 20min? 30min? 定賭大細，睇你心情？neway 都不如。食得唔開心，食物質素幾好都唔會回頭。…Read More

我自問唔係一個注重健康嘅人，大部分日子都會食兩隻蛋（多數早餐），有時甚至四隻（例如早餐兩隻加午/晚餐碟頭飯兩隻，但重點係分兩餐）。但百分百呢碟滑蛋炒蝦仁實在太嚇人，目測無8隻蛋都有6隻，到底咩人會食得曬？我最後食左不超過一半，因為係蛋（易壞），又唔可以打包第二日食，覺得好浪費。。。百分百不如考慮下個量減半，然後減價三分一（我知無可能。。。）？…Read More

漏單漏到暈。一係個 system 廢，一係啲人費廢。9點入座已經唔係滿座，第一輪 order (一人分量) 都要過20分鐘追單先有。第二輪只有一半滿座，15分鐘追一次枝豆，30分鐘見到師傅全部洗手洗用具再追壽司，追完都比少，頂，有無咁廢。 …Read More