dream_dream_jim's Profile

長話短說，見到鰂魚涌有間新開小店賣台式便當當然要試一試，五十幾蚊既價錢，自然會同好出名既池x便當做比較，但後者既便當質素實在好太多，今次呢個好好便當最大敗筆在於D菜實在太生完全冇煮，係完全放唔入口嗰隻，滷肉亦只啲普通醬汁加少少肥豬肉粒，影響哂成份便當既整體質素，但條台灣腸係好味的，希望會改善下D食物質素，唔好浪費左呢區獨市既潛力！！！…Read More

收工經開CWB諗住搵間茶記食個晚飯，見到呢間價錢ok咁就入左去試，叫左個龍蝦汁海鮮焗飯，賣相唔錯，以為味道ok，點知係無乜味，我真係第一次食焗飯係咁冇水準，然後羅宋湯好稀，湯渣煲唔淋，凍奶茶沖到有咖啡味，然後8:45pm入面班店員就全部趕收工，追你last order，追你比錢先，到我9pm離座既時候水吧係可以完全冇哂人，啲侍應消失哂，完全只能用無奈黎形容，明明裝修唔差，但食物完全冇用心去整，真心好失望同埋唔會有下次了…Read More

前排食過呢間分享下少少感想:1,首先想講落單程序好奇怪，通常車仔麵都係用紙筆圈自己想要既麵同餸，但呢度係入坐前要喺舖外面直接叫，但有啲好普通既餸要留意係要另外加錢（e.g: 魚皮餃 ）同埋係四餸一麵先有飲品送，個牌唔夠清晰以為三餸一麵都有野飲2,食物質素方面，主打既龍蝦湯底比較失望，味道似湯粉溝出黎，冇乜鮮味，同平時西餐廳既龍蝦湯完全唔同風格，同埋因為龍蝦湯比豬骨湯貴，期望越大，失望越大3,服務方面，本身就預左唔會太好架喇，因為餐牌指示唔太清楚，所以比較多問題，例如問阿姐邊啲餸要額外加錢，就被唔耐煩既態度回應：「紫色碗啊」，然後其實一時三刻我根本分唔到紫色碗入面係咩餸，希望真心可以改善下呢種落單方式，起碼知道叫完碗麵自己要比幾錢。…Read More

周日晚諗住食好啲，之前經過樂富分店冇食到，今次就抱著期待既心情黎食，兩個人叫左兩份$138安格斯西冷，加29蚊自選小食，叫左兩份扒都要五成熟，點知其中一份比左全熟，之後等左15分鐘左右，換左一份都係七成熟，無奈，扒既賣相係唔錯，但質素真係好一般，肉質鞋，跟餐個汁又係敗筆，扒既邊位完全咬唔到，難聽啲講，仲衰過‘殺你亞’60蚊既肉眼扒，最後講埋餐廳服務，侍應基本上係機械人模式上身，笑容欠奉唔緊要，工作時間又喺度圍威喂討論自己既大假，用餐完畢後就直接我地野食黎齊未，一話黎齊就直接自動幫我地埋單，大佬啊，收得加一禮貌上係咪都問一問聲有無其他需要先好幫我埋單啊？假如客人仲想order甜品但你地次次都咁樣自動埋單會唔會覺得做少好多生意？餐廳老闆如果仲有心做既唔該重視下啦，或者真心唔好再sell安格斯牛扒，因為一定唔會有下次！！！…Read More