ada0214's Profile

早幾日幾條友懶洋洋咁出旺角，差唔多晚飯時間諗住打邊爐，又話唔想去酒樓任食咁cheap，其中一個就介紹我地去佢食過個間試下。行左好耐(I think..)終於到啦,已經super肚子餓。無打定電話黎訂位，行到過去見到已經差唔多坐爆。好彩！！咁多人食都唔會差得去邊架啦。我地就叫左個靚雞煲，然後再叫下d肥牛丫，墨魚滑同燒粟米。肥牛一定要叫，口感幾嫩下唔係太貴都幾值得叫黎試下。個雞煲就大大煲，雞肉都幾滑，撇開個辣唔講，d雞肉口感都幾似屋企食到個d，好香同真係好有雞香味！yummy燒粟米本來無打算叫既，不過打邊爐無食過粟米對我黎講唔夠完整，所以叫左條燒既。味道都唔算架，佢呢度買個d粟米好甜，粒粒都好似浸過糖水咁XDDD我食停唔到！！！今晚加埋野飲埋單個陣就around $110位囉，都唔錯。…Read More

當我行到呢條街搵我個fd個陣,我真係"嘩"左一聲好有日本街feel,好多食肆整排排晒係呢條巷仔裡面,整個環境都好靚好特別!!!我地7點幾去到個時仲有唔少人等緊位,好彩個fd早早黎左攞定位我地tick左野食同野飲話咁快雞煲同野飲就送黎啦,我地剛好5個人所以淨係送1個雞煲,如果多多個人就有多個雞煲送啦冰凍既啤酒送d惹味辣食真係1流!!!雞肉肉質好嫩,仲夠晒入味,食條芹菜再加埋雞肉1齊食,味道更特別更清新我見張台有放左幾樽調味粉係度,望都無望落左其中1樽,仲好重手搞到串雞翼好好好辣!!!係度做個個"靚女"見到同我講番,話個樽係最辣既指天椒粉黎,好辣嫁!!!我幾中意呢種類似開放式廚房,可以望住店員點樣整野食,個感覺好正!!…Read More

我個小學同學Joan已經去左外國好耐,今年難得趁假期番黎可以同我地聚1聚!!佢又好想食d有特色道地既菜!!我、朋友都第1時間就諗起呢間!個雞煲專登叫黎俾Joan試下,佢話好耐好耐無食過呢d中式既味道真係好懷念!雞煲d伙記話我地知,食之前有個部驟.又唔知係咪有跟足部驟,我地食個陣時d雞肉真係好好好好嫩好滑嫁!!汁處於半滐半浠之間,口感食落啱啱好,雞肉入味到連d骨髓好都有味,真的1級棒!!!不過愈食愈辣,好彩我地被安排坐係露台位,所以間中有陣清風吹黎,好爽阿!!!另一道菜名叫宮廷龍骨,估唔到係用豬脊骨黎做,平時阿媽煲湯個時我就食得多,不過呢個甜酸味道我從未試過,所以感覺好新鮮!!!骨頭痴住d肉好嫩,半肥瘦!我食到個舊仲有dd骨髓tim!啜到好大聲…菠蘿既量亦唔少,我食左都4/5件,熱熱地甜甜地酸酸地,好好味!!司華力腸係Polly突然間想食後加左,燒到外面陣衣好脆好脆,不過Polly餵食咁話如果加埋d 7味粉或者孜然粉就仲正.我反而覺得已經夠晒味,再加會over左.臨走個陣至發覺原來樓梯設計咁特別.…Read More