johnnychong的個人專頁

Pho=澳洲？回想起當年去澳洲，Search過旅行網站，每個城市必有一間出名的越南菜🇻🇳。今日約咗當年一齊去澳洲旅行的朋友，一於同佢回味旅行🧳門面都係平民小店（冇咩裝修但光猛），好有家庭式餐廳嘅感覺，除左有Pho外，仲有油飯等選擇。兩個人點左一個Pho、一個油飯、一個小食（雞翼）、一個油菜、兩杯飲品，埋單都只係二百蚊左右。😲完全係佛心餐廳🍴點左咁多款嘢食，不得不推介碗和牛牛丸扎肉湯河湯頭清甜，香味撲鼻，上菜時付一杯芽菜同青檸仔。同澳洲時既display 一樣😂分量超多，和牛牛丸好juice同彈牙反而個咖喱油飯就無咩特色，咖哩似少少日式加港式咖哩，下次專攻佢既Pho會更好小食既雞翼好好味，隻隻都大隻，炸之前啲雞翼應該滷水過，好入味。外層既炸粉同個醋醬好夾👍。發現下午茶包飲品 平好多，有興趣想再試🤍…查看更多

服務無、衞生無但好食😋次次經過深水埗都會留肚食會比侍應姐姐吹你食快啲，但你又會忍唔住返轉頭幫襯除咗腸粉，佢啲蘿蔔一樣出色豬皮反而好硬，煮得唔夠時間下次可以叫淨蘿蔔🥰…查看更多

見到社交平台 元朗group有介紹過依間餐廳經過肚餓諗起就去試吓雖然有好多選擇，但最愛牛腩河既我 - 目標清晰落單姐姐無幫我remark肥腩 （有啲失望🙍🏼）但上到黎，啲牛腩好肥好靚仔😍一層肥肉一層瘦肉啲肉仲要好軟腍 $39包埋飲品，超值🥰（凍，熱同價）另外試埋牛根 都好好味😋炆左好長時間，又係好腍反而豬肉丸 普通，無特別 係group到好多人推介：墨魚鬚、酸菜同埋豬手已經諗定下次要去試埋！！！…查看更多

下午茶時間，係荃灣西海之戀商場有2間酒樓一間彩薈軒同海天花園，揀左呢間食，完上番去睇原來海天花園唔係大陸野，係來自屯門三聖的酒家，下次可以試埋。大家要留意番彩薈軒係有落場時間，四點鐘CUT OFF同清場，所以今日食得有D趕急。點了蘿蔔糕、花枝粟米餅、龍王野菌腸、金箔芝麻卷、原隻鮑魚燒賣、黑松露帶子鳳眼餃、燒肉油雞雙併飯最後埋單$260 又唔係話好貴，但又唔似好味到佢講既連續五年榮獲美食之最大賞至高榮譽金獎的得獎食府。原隻鮑魚燒賣龍王野菌腸呢2項都係佢地話係大賞點心，唔知係咪佢地原創還是怎樣，因為出面好多酒樓都已經有得點2個點心了。不過佢鮑魚燒賣，D鮑魚仔又好似比外邊大少少，蝦肉大粒彈牙，都算不錯。龍王野菌腸就感覺差小小，我都唔算放左好耐先食，但個皮都唔係十分香脆。燒肉油雞雙併飯呢個雙併飯我又幾中意，雖然好多平價D 既酒樓可能30-40 就食到，呢到要$55蚊。不過D燒味又好味喎。燒肉皮脆，油雞滑嫩。其餘點的點心都中規中矩，沒有太大驚喜，又沒有大伏，就係一個方便就入去飲下茶食下野既選擇。…查看更多

之前都試過生酮，生酮期間最煩惱就係出到街可以選擇既並不多，見到呢到個餐牌最低一項係生酮菜式，感到驚喜 一於試一試佢😆我依家就暫停緊生酮，所以叫主菜係生酮外，頭盤同飲品都唔係架大家留意番，如果標準既記得係叫沙律走汁同飲齋啡。今日叫既頭盤係湯 - 甘筍湯🥕，做得好幼滑，清清地做頭盤都幾開胃。今次既主菜係生酮菜，雞胸配菜麵（脆玉瓜刨成麵）。呢個煮法都見得出誠意，其實我都係第一次食，因為出面餐廳少有，而且自己懶整🤣）個麵底係用左蒜蓉調味(keto✅)，所以唔會顯得單調，雞胸好大塊配合釀芝士🧀(略嫌少得滯）同番茄醬(無問到個茄汁是否無糖，屬於dirty keto ) 就算無碳水，但食完都好夠飽另一個餐係寶雲酥豬扒配飯。寶雲酥豬扒？我叫既時候都唔知係咩黎😂。寶雲酥原來係法國南部一種傳統嘅焗羊架方法，今次係用係豬扒上配上芥末醬、麵包糠同一啲香草焗香佢，增加整個扒嘅層次，做到外脆內軟嘅感覺。所以呢個餐整體都好味（最有驚喜係有芥末醬💛），豬扒都肥瘦適中👍🏻👍🏻最後餐飲點了一杯mocha（+9） 同一杯標準既熱咖啡，杯熱咖啡上台時已經加左咖啡奶(keto記得留意返），但我想講杯咖啡真係好好味，奶同啡既比例岩岩好，杯mocha既朱古力出又唔會過甜，咖啡比coffee shop好飲🤤最重要環境乾淨、寬躺，好適合girl talk🌿(本身係被裝修騙入嚟，但有驚喜到）…查看更多

個門口真係好似去左日本🇯🇵🇯🇵🇯🇵進店後都有依個感覺，座位只有小小十幾個。入座後，職員已馬上遞上清水（有點可惜不是凍水），反應好快。佢都好細心聽到我地討論餐牌，解釋什麼是翡翠濃湯🍜，第一次試既我地都係揀左原汁原味既雞白湯拉麵同黑松露濃湯沾麵。黑松露沾麵⚫️ 一上枱好大浸松露味。好香～（但唔係人人都鐘意🤣）每碗麵都有半熟玉仲要成隻，出手真係好闊綽。仲要個時間整得剛剛好，好流心😍因為係雞湯湯底所以用既叉燒都係雞肉，而非豚肉。佢地用上雞腿肉 黑椒調味，相當香口，叉燒好滑身有水份唔乾👍沾麵有得揀：凍麵/ 熱麵， 我係凍麵派😛，個麵係夠凍，但可惜個湯唔夠熱，做唔到冰火口感😂 沾麵分量幾多，麵質夠煙韌，仲帶點小麥既口感🌾沾麵湯底同湯麵相似，無平日既沾麵湯底濃郁，不過可以輕易飲曬成碗湯，飲到最尾都仲有黑松露味🤤另外朋友的雞白湯麵🍜，湯頭清而順口，偏向淡淡的鮮甜，唔會油膩。轉眼間佢已經食曬見底😂 可想而知的美味。整體水準都妥高，如果掛住日本既都推介一試❤️…查看更多

紅極一時的台灣手信曾經很多香港人，冒着食到屙嘅風險，喺台灣帶回來的洪瑞珍三文治，喺香港已經開了很多分店。今日有食神-同事請了一件給我是新推出的斑斕口味🌿麵包真的同台灣吃到的一樣，軟軟的☁️加上特有的醬汁，成件事都好夾。但新的斑斕味只有薄薄的一層，味道唔出斑斕控可能要失望啦。見佢開襯分店都有買三送三，未食過既朋友可以一試🌞…查看更多

😪尖沙咀地段租貴，有一個熟食中心可以比平民百姓用低價錢來負擔外出用膳既費用。如今尖沙咀海防道翻新完去潮聖下同下午茶既時間叫輕食一下就算早早已聽過海防道牛丸出名，行左一個圈就發現每一檔既招牌竟然都系出同門，秘制豬扒。眾多招牌豬扒下唯獨呢間入坐席超過其他，就估計佢係熟食中心相對出名既食店。就馬上坐下來。全部單點 見到貴為招牌菜，點了豬扒包，本土茶記名物之一西多士和一杯瓦煲熱奶茶。熱辣辣既西多士上枱，顏色貼近茶餐廳出品，切開見真章，冇花生醬既，可以間間茶餐廳都有不同做法，但就真無我太失望😮‍💨 心情直落谷底。而豬扒包，個包一睇就知係—嘉頓出品，唯一可取而係豬扒唔會乾柴，秘製汁是BBQ蜜糖，唔會令人討厭，但唔值這個價錢😂。等了很久的瓦煲奶茶終於上枱，有淡淡的香味（據說是瓦煲香），茶味比奶味香，是特別的但沒想喜歡。我會定位為遊客餐廳，只會試一次🥲…查看更多

而主菜叫左油封鴨confit de canard Confit (+$60)同豬柳。油封鴨雖然唔係我首選，一開始睇中左lamb shank,，不過當日太多人點，到我既時候已經賣光光，就揀左一樣都好代表法國既菜。🦵🦆油風油封鴨 - 起緣於法國傳統保存食材的方法而延伸出來的一道菜。油封呢個工藝就係將肉煩浸係油脂中用低溫細火慢慢煮熟的一種料理手法，法文Confit正正就是保存的意思。將肉密封起黎同空氣隔絕，和空氣零接觸。（肉質有少少似臘鴨）今日既油封鴨皮十分香脆，油脂感滿滿的🍀同埋係超大一隻。廚師更用了兩款水果蓉🍓🥝來襯托，令主角油而不膩。對於第一次吃法式油鴨髀的我感到驚喜。🐖豬柳 - 意外的好味，不懂法文的我弱弱看到tenderloin 就誤以為一定是牛，諗深一層，豬又真係一樣有tenderloin, 上碟三大舊份量足，最大亮點係配上的配菜同醬汁-芥辣醬🫕 👨🏼‍🍳調得好順口，比我過往食到既汁好與別不同，混埋主菜同配菜一齊食，層次更提升。豬柳時間處理得剛剛好，是好粉嫩的粉紅色💗肉汁非常豐富。👍必食兩份主菜都比一般的法國餐廳分量多，唔洗擔心食唔飽😆 已經想訂定下次再訪…查看更多

👉Bouillon👈網上稱一位難求，見平日有空打去訂座午市碰碰運氣，意外地有位，二話不說就訂了2點入座時段。到步後，係門口等了5分鐘左右就安排入座，餐廳間隔為半邊係吧枱位，而另一半係卡位，盡頭上幾級仲有幾張餐枱。香港始終租金昂貴，餐廳枱和枱既距離都略為近，不過反而有別於一般正統法國菜🇫🇷既儀式感，反而更像bistro，bistro在法國就是既定位為輕鬆既小餐館，（被形容為港式茶餐廳😆）餐點是法式廚師的家常菜。而今次既用餐體驗都顯出廚師既用心同餐廳內既氣氛都令人感到滿意。餐廳是冇普通水，佢地既水（$15/per)就用上和幾間大酒店都用既Nordaq水(+15/PAX) 來自瑞典的 Nordaq FRESH 透過獨家專利過濾系統，能夠有效過濾水中雜質及異味，同時保存水的自然鹽分及礦物質，並提供氣泡及不含氣泡兩種純淨口感的新鮮水。今次叫左SPARKING水，感覺冇坊間大品牌咁重氣泡，淡淡既氣泡反而更襟飲，唔會飲到成肚氣，不過好似放耐左，個杯水D氣泡會再減弱啲。午餐每位收費$288，有前菜及主菜，部分成本高啲既course 就要加$60，不過我個人認為合理。今次前菜點了oeuf Mayo 同 terrine de foie gras（+60）。聽說蛋黃醬蛋是餐廳其中一道必點菜而鴨肝醬亦係法國既一道名物，第一次到就先試呢2樣🥚Oeuf Mayo - 擺碟有心思，上面仲加左啲caviar 感覺更名貴。作為一道清新小小既頭盤都算不錯🦆Terrine de foie gras - +$60 （🌟算是超值）係a la carte menu 要$188😆雖然我見網上既相有兩片，但今次就一片厚上，配埋個包食，肝醬既香味好濃郁，係重口味人士必點🔥每一口會係你個口到徘徊好長既時間，所以我更愛這道❤️ 更細心的有水果醬清一清味蕾…查看更多

第一次食依度既菠蘿油，真心好好味。牛油一大件，個麵包好香好鬆軟。最重要個菠蘿皮唔會好容易甩。所以對依間冰室好有期望伙記話常餐有墨西哥包，對依度既包包有好高期望一於叫常餐，沙嗲牛唔會過咸但無花生香正正常常，炒蛋唔會過老好可惜個墨西哥包太令人失望凍冰冰又硬，墨西哥皮係食唔到咩味。點解可以同菠蘿包差咁遠我寧願佢比番方包我。明明依舖頭嘅特色轉左負評既原因但佢既四寶飯係ok既。如果伙記態度可以好返少少🤏，應該會成為好多人嘅飯堂…查看更多

🔊係～好～好～味～既～叉～燒～啊～香港愈黎愈少咁高質素既叉燒。好多餐廳既燒味都係叫貨返黎，質素非常參差。但依間餐廳係自家出品。不論你愛 燶邊 還是 肥叉，依度完成可以滿足到你💛侍應有求必應，我叫左肥叉，佢完全滿足到我既要求😍（看圖）而且仲有燉湯，味道清甜但略嫌唔夠多料🙈，比起媽媽既老火湯有點淡，係咪等於無味精😅Lunch hour時間不論係堂食還是外賣都好多人。因為新蒲崗算係工廠區，建議晚餐時間黎食，仲有2人餐好抵食添。下次經過都要買返盒外賣回家加料先。…查看更多

雖然大多人講 吉列牛係日本🇯🇵傳黎。但幾年前我已經左韓國聽過了🐮不過今次都係第一次食其實佢主打的兩款菜式 係剛剛好是一個set就如店名一樣😆加了個前菜：味噌蟹蓋配紫菜飯 $58完全個韓國個罐蟹膏一樣😂 但蟹膏真係好正 作為前菜岩岩好之後係忌廉咖哩烏冬 $78可以選擇 牛或雞上面既忌廉好似泡泡咁 好輕身！但令到啲烏冬滑左，好有趣！牛既分量好多，仲好淋身添。最後吉列牛$158 上枱，急不及待地燒黎食，結果同想像中一樣 完全冇驚喜！不過既牛既質素真心好不錯，全部好淋又係筋🐮…查看更多

夏天好想食日本野，特別係魚生😝這裡價錢選擇有很多（$58-188） 最平既煎魚餐 都有幾款唔同既魚揀。小食連龍蝦都有架！不過我今次就食- 魚生丼揀了一個四色魚生丼 $158眼見款款刺身都大件夾抵食，蝦頭有膏，好肥美。帶子比想像中大粒，可惜 海膽 有點唔新鮮，影響了整個感覺😫相反平平的魚生丼$78有2-3款魚款，仲有隻大蝦。頹食黎講算係唔錯！每一款魚生飯都有一碗麵鼓湯。但佢既小店- 炸薯餅 係淋淋的，可以唔洗浪費錢 換購。…查看更多

一行7人去食，差不多食曬全個menu🙈 因爲menu太少選擇。這裡的pizza🍕 芝士非常澎湃 一定要加錢轉 金芝邊 蕃薯邊香香甜甜，同個麵包底 好夾。另有芝加哥pizza 但無得加邊。但最令我驚喜既係 -炸雞 （$198/12件）好比外面既炸雞專門店 放到凍左都仲係好脆 裡面有大量肉汁。而且雞件大大件，唔會全部都係雞鎚，雞皮炸得香脆，唔油膩。連雞胸都令人爭住食 如果人少可以叫6件黎試左先，真心推薦！不過佢既意粉, 飯 同 年糕 分量好少，可以唔洗試！…查看更多