or#ta66870169的個人專頁

平時去開中環睇醫生，或者去大管睇展覽都會過嚟食。其實都嚟過好多次，我哋平日2:00過到嚟，打算食lunch。間舖其實得一台客。夥計安排我哋入座喺門口位吧枱坐得唔太舒服，同埋對住門口好熱。 咁我哋就好有禮貌咁問可唔可以坐入邊？ 夥計好快咁拒絕咗玩唔得都冇所謂，不過態度有啲差。咁算啦，當佢係普通職員，咁我哋就問經理，跟住經理話問吓老闆。但係望住佢問都冇問跟住走埋嚟話 “唔得，我哋入面係四人枱”你話忙緊lunch hour我都明，但係當時成間餐廳第一台客係咪應該冇咁冷處理，仲要咁冇禮貌咁答個客。至於食物方面，真係衰過大家樂，叫咗兩個唔同嘅雞肉飯，其中一個係親子雞肉don, 啲雞肉又乾又嚡，仲要臭嘅。另外一個雞碎肉隧道好似豆豉又乾又嚡，完全唔知食緊乜，仲有雪味怪味嘅。呢間餐廳簡直影衰香港飲食業，以後都唔會嚟。食物差服務態度衰。完全冇心經營。…查看更多

每次新商場開都會去睇吓，見到有皇后飯店依舊有啲人排隊，等咗一陣就入去試吓。好耐冇去過皇后，以前成日同同事去又一城嗰間食，今次新開就睇吓。飲咗個羅宋湯，主菜英皇雞飯，咖喱魚羅宋湯牛肉味好重，唔係茶餐廳嗰種羅宋湯，有少少辣。果然係招牌羅宋湯值得推介有埋熱嘅餐包，不過就焗太耐乾咗，同侍應投訴佢換咗另一個俾我。英皇雞飯，忌廉汁配雞髀肉，比較清淡，我比較重口味就未必習慣習慣，鍾意食忌廉嘅就可以試吓。 忌廉汁都算香濃。咖喱魚有驚喜，同以前皇后飯店嘅賣相明顯有進步，感覺冇咁古老，個魚皮煎得脆脆啱啱好，配咗咖喱汁喺底，有菠菜有薯仔皇后味道新嘅配搭同埋相。 睇得出皇后落咗心機改變，裝修冇以前咁古老，都幾多梳化位坐得幾舒服。服務就合格有待改善，啲侍應有啲生手。 可能係新開嘅原因，下次會再過嚟…查看更多