白飯飯's Profile

呢邊大廈都比較新，而家成棟都系餐飲服務，唔系朋友帶我黎我都唔知有呢d野食，開頭以為下午食火鍋唔系啊，原來上到去有點心食，就系不得不提佢既炸野食既點心，炸野食點心如果炸定晒或者太油都會搞到成件食物都唔好味，佢既安蝦咸水角，外皮炸得鬆脆可口，咬落一點也不會有油膩的感覺，再加上煙煙銀銀食落餡有蝦米豬肉，所以非常之香口，又不會太咸。潮式芋絲春卷，皮咬落一層層的脆皮感覺，炸得金黃，皮不會沾上油，內裏粉絲一絲絲的，味道不會太鹹…Read More

很久沒有來這這邊數碼港遊玩了，數碼港這邊現在發展得很好，以前這邊很寧靜的，現在假日都很多一家大細來這邊遊玩，因為平時都在市區比較密集高樓大廈，但這邊比較近海邊比較舒服，玩完咁梗係要搵返啲嘢食醫下肚啦，搵左呢一間日本餐廳，叫咗個金槍魚三式丼定食（金槍魚腩、金槍魚、金槍魚腩蓉）魚生最緊要新鮮，如果唔新鮮咩都係假嘅，食落夠凍，一定係雪櫃攞出黎的，魚生鮮甜入口溶化不會太多根，尤其預覽部份特別肥，肥瘦文都出晒黎。叫咗個天婦羅，皮炸得鬆脆，咬落不油膩，蝦爽口鮮甜。…Read More

呢兩日天氣開始有啲轉涼，諗住同班朋友再嚟烚吓烚吓，點知侍應介紹咗佢哋新出嘅私房菜，叫我地帶返幾味嚟試吓，咁我哋就帶咗個錫紙包蝦，一上枱錫紙包到實一實，一打開成陣味攻晒出嚟，爆得好香嘅蒜頭加辣椒，睇上去紅卜卜咁樣好似好辣，但其實食落去都不算，因為我不太食辣，但是吃上口還能接受到，不過真係好香，蝦肉超彈牙爽口，令到蝦味更加濃郁，如果覺得不夠辣，或者夠味，可以再點返原本佢嘅醬汁，食落口更加重香蒜味，但我不能食太多因為很辣…Read More

天氣涼涼地好多時候朋友聚會都會選擇火鍋或者雞煲，原本朋友提議食黎食打邊爐，嚟到嘅時候侍應介紹咗佢哋而家推出嘅麻辣雞煲，我哋就試吓啦，橫掂食完都可以當火鍋用，我哋帶叫咗麻辣雞煲，一上枱要自己加熱一下，慢慢加熱嘅途中已經聞到好香嘅麻辣味啦，個個都忍唔住想快啲食到，一食得個個都搶着食，因為雞肉很柔嫩，一點都不嘞，肉質不霉霉爛爛，而是結實嫩滑，麻辣味很香不太鹹，雞肉布滿晒很入味，再加了炸豬皮落去味道更豐富美味，令到每件雞塊更香，吃下去多了層次。…Read More

話說好難得約齊一班人食飯，其中一個提議到他公司樓下新開的火鍋店試一下。我們一行5人，按照預訂時間到達，店員安排了卡座，坐位尚算寬闊。而且湯底也有幾款可選，既然是晚主菜是牛，當然不可不點壽喜燒湯底啦！一盤盤牛送到我們面前，我們立即開動，牛肉鮮嫩，肉味夠。精彩之處，不只限於牛，秘製沙姜雞才是主角， 雞肉嫩滑，再配上秘製沙姜混入即榨青檸汁作為醬料，醒胃得來又可提昇雞的鮮味。而配角（各款配料）都相當出色，花多眼亂，各式其式，而且陳設得相當有心思，令人想一取再取，欲罷不能。另外，仲可以加錢食刺身。…Read More

顯徑附近得一間糖水舖，別無選擇，與友人又我不想走出大圍，結果唯有揀呢間呢間餐廳的糖水種類不多，在那炎熱的夏天我選擇了一杯青蘋果蘆薈果汁，久等了15分鐘，終於有店員幫我們點餐....然後店員告知，青蘋果不是鮮榨的，不過也沒有所謂吧，反正都是想消消暑..店鋪裡面人手嚴重不足...結果我拿杯非現榨的青蘋果汁足足等了半小時...說回食物質素，真的比一般更一般，甜得很過分，冰塊佔了半隻杯，整杯果汁不是太大杯，但我竟然喝不完....不會再回頭了。…Read More

父親節！食好西，食放題！一入去招呼都OK， 好多人手帶位同提你點野食要寫台號，服務唔錯啊～食放題第一件事梗係急點刺身拚盤，見到隔離檯甜蝦同油甘魚都好靚仔，即叫！可惜我對生蝦有敏感，只能睇住爸爸媽媽食啦...兩個都話甜蝦好大驚喜！好好味！好鮮甜。然後身為三文魚控，當然必點三文魚，三文魚刺身厚切，魚的紋理分明，不過雪味稍微多了一點，但在桌上也成為搶手貨啦！另外仲有油甘魚，有一種魚油香味留在喉嚨，好正！油甘魚的雪味不大，覺得值得再安哥！炸物方面，吉列蠔炸得岩岩好，吉列蝦就稍微覺得炸粉厚左D仲有牛利都煮得好入味，好「林」，經常自稱「無牙」的母親大人都大讚！蟹粥很入味，食到一條條蟹肉，（可能係蟹柳絲掛...麵粉做果D），但口感絕對好好，粥很稠，絕對唔會hea你～燒菠蘿最怕乾爭爭，呢到燒得剛剛好，一咬落去就有熱熱得波羅汁飛出來！好鮮甜，好新鮮！另外值得一提，就係呢個超迷你手卷！食放題最怕就係大件，叫少少就飽曬，呢個做法，我好鍾意，更加能夠減少浪費食物的機會！讚！ …Read More

陪朋友攞架車去附近車房整，發現有間行高檔路線的西餐廳，一於決定係附近行完街黎試試～先來個頭盤溫泉蛋配德國露筍，露筍好爽口，好難得無一陣怪味，再配埋凍凍地的溫泉蛋黃汁，別有一番風味，有一股好清新的感覺～食完前菜，到主菜啦！西班牙BB羊肩配薯蓉！有羊的鮮味，不會有強烈的羊羶味！肉質雖然較實但係容易咬開，那個自家製的醬汁可以將羊肉的鮮味帶出黎，我將醬汁拌薯蓉來吃，效果很好，絕對推介！最後特飲點了杯藍莓蘇打，入面有檸檬，不甜，適合我呢D唔太好甜的人種～食完大量肉總會有點膩的感覺，這個蘇打剛好可以中和一下啊～整體黎講，呢間餐廳絕對無令我失望！從食物絕對感受到師傅對食物的認真同重視！…Read More

係附近返工，因為今日時間鬆動，可以行遠d。見到餐牌上選擇都幾多，我就揀左黑椒醬吉列豬排飯配玄米綠茶啫哩冰。黑椒入面有d雜菇，幾香，幾野味，小辣。有d菜做伴碟，都幾好味窩，菜唔算油膩。主菜，吉列豬排，都有成隻手掌咁大，食得出係新鮮炸，仲乾脆口，邊邊唔會炸到硬曬，味道適中，剛剛好！ …Read More

尋日收工同同事去腦場尋寶，梗係係ssp搵飯食，見門口餐牌幾吸引，一於揀呢間啦！我就叫左個豬手飯，加杯檸檬茶，抱住包無死錯人的心態結果都唔太差吖～豬手炸得好脆口，係邊邊位無可避免有D硬，咬唔開咯。豬手皮脆，肉嫩，真心覺得唔錯，加埋脆皮上面加左D芥辣汁，另佢更香至於個番茄汁撈飯就一般般啦，正正常常番茄汁味道，唔太甜，唔太酸整體我個人覺得唔錯喔！…Read More

今次來到HeShEat旺角分店，叫左個岩鹽焦糖厚焗鬆餅試下。職員說要大約等20分鐘，咁係應該因為係即叫即做吧的原因吧！等了20分鐘左右，終於來了！鬆餅好厚，好似個名一樣，比正常個D厚好多～～加上雪糕同岩鹽焦糖漿，急不及待到上去一起食。鬆餅外面脆裡面軟，好香蛋味。岩鹽焦糖漿不會太甜，鹽味好出！就算加上雪糕都，感覺好特別～之後一定會再為這厚焗鬆餅再來。…Read More

前排收工去綠楊坊食個晚餐先，見到呢間越南餐廳，又好耐無食過，就入左去坐低叫左個特別牛河。送到上黎先知好大碗，河粉又多，芽菜配料多，牛紮肉都多，牛肉都幾厚身，有濃濃牛味，不鞋口，湯底好入牛味，河粉幾滑添，整體覺得好ok喔！…Read More

假日早餐時間，又唔想成日食M記等等的快餐店，一於走進茶餐廳食個港式早餐。沙爹看來係香港獨有的菜色，每次去茶餐廳九成離不開沙爹牛肉公仔麵。。。今次也不例外，點了一個沙爹牛肉公仔麵配煎蛋多士。牛肉口感一般，有點鞋口，沙爹汁較少，不過味濃，麵質較軟，不夠咬口。煎蛋不油膩，意外地有驚喜(在茶餐廳煎蛋不膩可說是奇蹟..)，多士有烘底，又脆口，不錯！總括來說不過不失，如果係麵食再多落少少心機，應該會不錯喔！…Read More

同屋企人去開灣仔，openrice搵食，見到呢間好評都唔少，一於試試，叫了幾個牛腩小菜，其中清湯崩沙腩印象最深。老實講牛腩真係煮得好軟身、嫩滑，十分容易咬開，牛肉味也很重，其實整體來說係ok的，水準頗高，但好似有D味精，但都很好食。另外都點了咖喱牛腩配薄餅，咖喱味很濃，不會太辣，適合我們這些喜歡辣又吃不到太辣的人，脆脆薄餅沾濃濃的咖哩汁，的確是一流的配搭。希望下次再來的時候，會再有進步！…Read More

星期日無煮飯同屋企人出左新城市行街街，跟住就去左呢間意粉屋食晚飯，我叫左個皇牌芝士焗煙肉、雞千層麵。在下乃芝士控，一見到個賣相真係興奮到震，好多芝士啊！！！芝士汁裡面有好多蘑菇、火腿、雞肉……好多料。千層麵入面一層層都係呢d料，真係好足料呢。食千層麵最怕就塊麵皮係爛容容，呢到個麵皮唔會太厚，又唔爛容容，有d咬口至於雞肉就好滑，唔會太大舊，方便入口雖然價錢唔平，不過真係有返咁上下，都算值得。…Read More