eeeenjoylifeeee's Profile

係附近做完嘢嘆番個下午茶先見呢間餐廳外觀乾乾淨淨就入咗去坐叫左個乾炒牛河份量好多，男士們都應該食得飽肉片都好多，不過都係比較油膩魚柳包魚柳都好大塊架，仲要係即炸！不過食食下覺得有啲滯大大杯凍奶茶不過唔係好香濃總括嚟緊：份量足，味道一般般，不過不失…Read More

呢間位於灣仔既拉麵店唔算好起眼不過就成日滿座咁岩去到有兩個位唔洗排隊✌🏻餐廳裡面比較狹窄得幾張二人枱之後都係吧枱所以唔建議一大班人去🥹加上食物黎得快，收得快一食完就要離開，因為仲有人等緊位你都唔好意思坐咁耐雖然係咁，但絕對唔會影響食物質素！牛根拉麵Black 拉麵真係好好食！牛根入口即溶！仲有一塊1豚肉同一隻蛋湯底好濃厚唔會太膩如果有埋筍同紫菜就滿分喇！另一款叫左黑龍豚骨拉麵同牛根相比之下有點兒一般般唔算好特別不過依然係好食既就係豚肉拉麵既味道餃子好細隻，還好吧，可以唔使叫😂.總括嚟講： 拉麵做得好出色，尤其係牛根拉麵實在係大愛❤️有機會會再幫襯👍🏻…Read More

希慎廣場入面其實有好多餐廳位置亦十分便利經過見到有片皮鴨套餐我地兩個人剛剛好！所以就揀左呢間餐廳試吓我地晚飯時間，好好彩唔需要等好耐已經有位坐底左都冇人俾水我哋，叫左幾次先有一個女仔肯俾我地👎🏻叫左呢個套餐$338（包括：姚姚酸菜魚(精裝版）＋北京烤鴨（半隻）＋孜然椒鹽鴨架）先黎呢個小食鴨架乾到食柴皮咁，冇晒水份再黎係酸菜魚，由於係精裝版，所以份量唔多，魚肉都滑，唔算好辣，但冇川粉係入面就有D可惜🥛低糖紫米豆漿$19比較少見，味道一般，不是很低糖，正常甜度🧋鮮奶紅茶凍$38實在好一般，完全唔值呢個價呢條油炸鬼叫香港頭條，十分酥脆最後係等左好耐好耐成個鐘先有既北京烤鴨首先烤鴨好多肥膏，燒得唔夠及唔均勻，導致超級油膩！😵😵皮方面都好乾，極唔推薦呢個套餐！..總括嚟講： 唔會再去多一次，二人餐份量唔多，除咗酸菜魚尚可之外其他都好難食😵‍💫名大於實，價錢方面與食物質素不相符。…Read More

今日同幾位朋友一齊去洪水橋食飯，好開心搵到一間餐廳方便泊車，環境又好嘅好餐廳，名叫「小洪坊小炒火鍋海鮮飯」。我哋叫咗一啲有特色嘅菜式！服務方面，服務員好細心款待我哋，服務態度好好。環境方面，餐廳好寬敞，座位舒適，氣氛非常好。我哋點咗幾款特色菜，包括「妃子笑」、「霸王辣子雞」、「特色豬手」，仲有「飛天麵」。妃子笑好似荔枝咁，味道鮮甜多汁；特色豬手則是肉質鮮嫩多汁，味道香濃；飛天麵煮得剛剛好，麵條彈牙好吃。霸王辣子雞辣辣香口，咬下去麻辣鮮香，真係開胃。最特別嘅係熱石溫泉鱔魚，鱔魚肉質鮮嫩，搭配熱石燒烤，口感更加獨特。另外仲有冰鎮咕嚕肉，冰凍咗嘅咕嚕肉肉質鮮嫩，好爽口。總括而言，我哋在「小洪坊小炒火鍋海鮮飯」度過咗一個愉快嘅用餐體驗，食到好特色嘅菜式，真係非常滿足！…Read More

中午就同朋友去到銅鑼灣時代廣場附近的（皇冠假日酒店一樓的CARVER），享受豐富的午餐，餐廳有無限量供應的冷盤及沙律和甜品。服務員非常細心，而且餐廳的環境很舒適。其中有四款主菜選擇，包括牛扒、羊扒，等等，而甜品、前菜、冷盆及餐前麵包都是自助吃到飽，選擇特別多，而且非常精緻！我們兩人就各點了一份羊扒和牛扒，真的很開心滿足。牛扒煎得剛剛好，肉汁鮮美，不會太韌，而羊扒很肥美，臊味不會太重，十分厚身，讓羊肉味充滿口腔，令人很滿足！甜品方面做得很出色！款式選擇多，馬卡龍更是我的最愛，濃濃的果味，不會太甜，絕了！…Read More

呢間《Table 》位於：上環文咸東街22-26號柏廷坊8樓，地方唔算好大，但好有氣氛，坐得舒服，大家最好都係Book定枱喇！餐盤好靚，見到都開心☺️先黎既係脆條+包麵包暖粒粒，配有兩種醬，配上蕃茄醬，口感好清新開胃都係小食之一🔸Lobster Espresso上層係濃縮龍蝦湯泡泡，下層係龍蝦湯用Espresso杯盛載，外觀一絕！龍蝦肉十分彈牙，點上泡泡味道十分濃郁下層既龍蝦湯唔會好咸👍🏻雖然細細杯，但十分足夠🔸Hokkaido Uni Grilled Scamorza Brioche, 36-month Comte, Pigeon Jus北海道海膽十分之鮮甜！下面係烤法式牛油麵包+煙水牛奶酪+36 個月Comte奶酪。成個配搭好match, 唔會搶走海膽嘅鮮味👍🏻🔸Fresh Italian Fish Maw 50-month Iberico JamonTomato-Fish Bouillon, Chili Oil廚師用意式新鮮花膠，加蕃茄醬同辣椒醬炆煮，再配以50個月風乾黑毛豬火腿花膠好滑，廚師特別調配嘅醬汁好特別，唔似中式花膠，唔錯🔸Mud Crab Roe & Meat Garlic Rice好多好多蟹膏！！廚師會黎到即場幫你撈好啲飯飯吸收左蟹膏既鮮味，飯粒煮得好有口感🔸最後係甜品—薑汁疏乎厘好軟棉棉，好重疆味，唔係好甜.總括嚟講：服務好好，廚師會黎介紹每一道菜，都會講下呢道既靈感來源，令人感覺好親切。食物質素個人認為都唔錯，佢有好多創新食品，材料新鮮，食得出廚師既用心，略嫌出菜有點兒慢🥹可能咁岩我地黎既時候好多客啦。不過唔緊要！享受食物之餘仲多左時間可以傾吓偈，值得👍🏻…Read More

呢間位於：太子彌敦道759-761號藍馬之城地下2-3號舖既《蘇山雞飯》平時見佢都多人黎食今日既然唔洗排隊就試一試啦！用QR code 落單都好方便我叫左個招牌海南雞飯海南雞肉質非常嫩滑，油飯好香口，果然唔錯！佢配有冬瓜雞湯，入面唔係雞肉，而係醃左既雞腎，雞心同雞潤，好好食，平時真係好少見！個湯就偏向清D,都唔錯既👍另外加左個馬拉盞通菜，一啲都唔馬拉盞，冇味既….有少少失望仲有加左一杯檸檬薏米水，唔好飲😅下次都係正路D揀凍檸茶算朋友個個係走地雞飯，湯加$10轉肉骨茶，肉骨茶比較淡味，唔夠濃，而個走地雞都係同海南雞一樣好滑！個皮係爽口既！好味！.總括嚟講：呢間餐廳既雞真係零舍不同，非一般既嫩滑，真心覺得好好味🤤而湯同通菜就唔算好出色，價錢偏貴，不過都值既！推薦大家可以試吓佢地既走地雞👍🏻正！…Read More

天時暑熱, 真係好想食啲冰涼既野呢間甜品店位於：尖沙咀堪富利士道6A號地舖係K11行完街想搵地方坐下見到呢間甜品店入面都坐滿人，應該唔錯，一於入去試吓！店入面裝修簡約，整體都好乾淨我地點左最多人叫既芒果綿綿冰同芋圓桂花糕涼粉😆⭐️芋圓桂花糕涼粉呢個比較特別，出面好少有咁既配搭，桂花糕好清，好香桂花味，芋圓係用左台灣芋圓，所以更加Q彈，好好食，加上唔會好甜，岩晒怕甜既朋友仔！⭐️芒果綿綿冰綿綿冰好綿密，有陣陣芒果奶香，食落透心涼，食到底有啲白色好似麻薯既粒粒，口感好特別！.總括嚟講：我覺得呢間甜品店都唔錯既，雖然地方唔算大，不過佢有個吧枱，另外成個設計都令人感覺好Chill,食物方面都唔錯，價錢方面合理，黎打下卡或者抖下都唔錯👍🏻…Read More

聽講呢間茶餐廳嘅沙嗲煲仔麵好出名特登揸車嚟試吓！一入餐廳，感受到涼涼嘅冷氣服務都好周到員工唔會催我落單我叫咗一個豬扒沙嗲煲仔麵配凍檸茶超級濃郁嘅沙嗲的湯底豬扒正常size，好嫩滑一路食，個麵就一路吸收湯汁食到一半已經覺得好咸好膩.總括嚟講：個沙嗲湯底係唔錯既，不過好咸，濃味到食食下會覺得好濟唔想食落去，如果加返兩條菜/解膩既野會比較好，另外價格都相對貴，一個公仔麵已經要$70，加凍飲又要加$7，$77應該可以食到比呢個更好…Read More

呢間法國餐廳Enchanté係位於：尖沙咀金巴利道40號MW Plaza地舖其實就係美麗華商場附近，十分容易就搵到！一入門口已經俾呢條樓梯吸引住樓梯嘅燈光仲會轉變為幾種顏色十分吸睛✨餐廳入面設計成洞穴一樣燈光方面用左暖色調，到左某個時段會轉變為冷色調，好有氣氛一開始送上麵包籃，新鮮即焗，配上牛油，一絕！⭐️Iberico Ham 首先第一道頭盤係48個月風乾伊比利亞黑毛豬火腿。經理Joey同我地講呢啲Ham就係係我哋身後既原條火腿即叫即切出嚟，一放入口肉味非常濃郁，配上蜜瓜及無花果，感覺好清新，實在令人回味⭐️Beef Carpaccio 我平時都好少食生牛肉，所以朋友話咁就要試吓喇😂一上菜個陣好驚艷，點解會擺得咁靚架，牛肉係廚師一片一片放上去，再配上黑醋﹑芝士碎﹑花生碎同特別的柚子醋珠珠，仲有火箭菜沙律做配搭，睇得出廚師好用心製作。食落味道都有好多種層次，食得到牛肉好嫩滑，配上花生既香味，柚子醋恰到好處既酸味，十分豐富，令我對生牛肉多左份好感❤️⭐️Smoked Eel & Smoked Salmon 煙法國鰻魚+煙挪威三文魚配沙律，好欣賞佢自家調製既蜜糖芥末汁，配沙律菜/煙法國鰻魚都好夾！另外鰻魚既煙燻味好香濃，鰻魚仲保留到魚油香，的確唔錯👍🏻⭐️Beef Consomme Royale 湯方面我哋叫咗兩款唔同既試吓，我揀既係法式牛肉清湯搭配黑魚子Sourcream脆餅，賣相一流！中間係嫩滑既燉蛋，侍應會黎到先將牛肉清湯倒入碗中，牛肉湯好清但味道非常濃郁，呢個湯實在十分有心思，令人試到唔同口感👍🏻⭐️Lobster Bisque另一碗係法式龍蝦湯，上面有一塊用墨魚汁造成嘅餅放起上面，賣相就一流喇，估唔到味道都令人好有驚喜！味道十分香濃！濃而不膩！好想搶左佢個碗黎飲….🥹⭐️Black Truffle Penne黎到主菜係新鮮黑松露長通粉，未食已經聞到好香既黑松露味，原來除咗新鮮黑松露，仲會落兩滴黑松露油，令個香味更加提升！長通粉煮得恰到好處，估唔到上面仲有我好鍾意既Iberico Ham,全部配搭起黎好滋味⭐️Grilled Iberico Pork Pluma With Black Cherry Jus呢一道係伊比利亞橡果黑毛豬，旁邊有紫薯蓉醬同黑車厘子可以中和油膩感，呢款豬同我之前食過既豬好唔同，肉既外層好香脆，然後你會慢慢食到肉嘅鮮味，好香濃既肉味而一啲騷味都冇，即使已經好飽都想繼續食😂⭐️Tarte Tatin最後一道係甜品焗蘋果撻配雲呢拿雪糕雲呢拿雪糕十分香濃！配搭蘋果撻可以話係更上一層樓⭐️Rosé Royal由Gin酒，檸檬汁，玫瑰花瓣同Sparkling Wine調配而成，好香玫瑰花味，影相一流⭐️C'est La Vie由Gin酒，熱情果，橙汁，檸檬汁，熱情果酒調配而成，濃濃既果味..總括嚟講：十分欣賞呢間餐廳對每位客人都好用心，每道菜式上菜前會幫客人更換餐具，另外經理Joey會介紹返每一道菜既食材，十分貼心❤️另外每一道菜都食得出食材係好新鮮，唔會馬虎，今晚餐飯真係好滿足…Read More

行過天后想買外賣見到呢間好似唔錯午餐款式都比較多選擇好多都好吸引！最後叫左2份海南雞油飯+凍飲😋外賣盒每份兩蚊呢個外賣好足料！我本身唔食雞皮，去咗皮之後佢都有好多肉😍之前去過其他餐廳好多時有骨海南雞都係得啲雞骨好少肉呢個完全夠食！另外海南雞雞肉好有彈性食得出唔係飼料雞仲有佢嘅醬汁都好惹味！酸辣辣好送飯☺️到個油飯喇，份量好多，男士都應該夠食佢嘅油飯鹹鹹地，個人應為唔錯湯方面係冬瓜湯同其他例湯一樣係味精水飲左兩啖冇飲喇.總括嚟講：60幾蚊一個午餐都算抵食既，因為份量都好多，質素方面都比我想像中好，等緊外賣其實都好多人入去幫襯，下次或者都可以試吓其他款😆…Read More

呢間好出名既韓國餐廳： TERRACE IN SEASIDE位於尖沙咀廣東道3-27號海港城海運大廈2樓OT233號舖連本Menu 都好有心思襯晒顏色😆傳統紫菜包飯 好足料！餸仲多過D飯😂咬落去好爽口蜂蜜牛油味炸雞（半份）以為半份得好少，但原來份量都好足夠！炸雞仲有年糕同薯條跟埋，非常有誠意！炸雞新鮮炸起，好新鮮好juicy👍🏻不過蜂蜜味好甜，後尾個啲都甜到食唔到，但鍾意甜嘅朋友可以試下韓式豬手好大份！仲切得好靚💗個皮有軟糯口感，但肉質唔算好滑，唯一有啲不足既係個泡菜🥺好辣，太甜，唔好食…..總括嚟講：呢間餐廳係值得推薦既，佢既炸雞好好食，好脆👍🏻係座位有點兒太窄，叫多幾道菜都冇位放，可以既話最好訂定枱啦😉咁就唔洗好似我咁要排好耐隊😂…Read More

下午3:30 夠鐘食下午茶！去左位於旺角洗衣街167號嘉德大廈地下1號舖既W&T Restaurant 叫左朱古力味既芝士巴斯克+凍檸茶平時原味就食得多喇所以都好期待誰不知…..賣相一般之餘，仲好難食🫠一入口好似浸左水既cheese cake發晒脹，朱古力味都有既，不過好濟個3點醬就酸酸甜甜，解到膩本身個cake 唔會好甜但口感同味道同我食開既差太遠總括嚟講：呢個朱古力味既巴斯克實在唔合格，不過呢間餐廳都有其他午餐同下午茶套餐揀，款式都幾多，大家可以試吓…Read More

我地去既呢間餐廳位於東薈城2樓，原來佢係圓方都有分店我地有大人同小朋友，所以提前起OpenRice預約定呢一日同朋友去大澳玩搭緊車返去東涌既時候（仲有15分鐘先到預約時間）餐廳同事已經打俾我問幾點到？我哋會唔會黎？（我諗佢有客人想入但冇位）我話已經搭緊車，可能遲少少佢話只會留位10分鐘如果有客等緊會俾佢地咁我都明既，始終打開門做生意幸運地我地趕得切係留位時間內到我有係request 度寫明有小朋友不過黎到佢話冇BB櫈提供咁都冇辦法好在唔知點解轉頭又搵到1張俾我地到落order唔係落錯單就落漏單😅呢個係落錯咗嘅雞翼我哋照要左，好在味道都ok脆脆的，小朋友都鍾意食呢個簡直係伏！！！魚子蟹肉海膽飯完全食唔到有海膽嘅味道成個飯偏甜食落唔知咩味（唔好食….)我俾佢張相呃左….可能食牛肉飯仲好…😢草莓蜜桃沙冰飲唔到有蜜桃味不過唔會太甜都ok既.總括嚟講：體驗十分之差，服務差，食物質素差，超級失望😔我地幾個各自有帶小朋友，所以食物分開叫，冇影到佢地個啲，對其他冇食到既食物俾唔到意見，但大家千祈唔好叫呢個蟹肉海膽飯，堅唔好食！我朋友都有叫到都話好難食！完！…Read More

呢間Feast Oyster Bar and Restaurant位於中環域多利皇后街15-16號地下及1樓餐廳提供120分鐘自助生蠔美食，菜品豐富多樣，其中包括多種精選生蠔款式，讓您盡情享受美味佳肴的同時，也能够满足您對不同種類生蠔的口味需求。一開始每款都拎左一隻，師傳會即開俾你第一啖放入口超級鮮味！好新鮮，size 都ok,都大隻另外佢都有熱食提供試左幾款都唔錯既當然我主要係黎食蠔啦🤣🤣一個人平均差唔多食左2打半另外提前預訂每人仲有半隻芝士焗西澳龍蝦添！認真抵食！.總括嚟講：呢間餐廳主打任食生蠔，如果你食到好多隻既其實好抵食，佢生蠔夠新鮮，另外又送龍蝦，計落點都平過出面，蠔迷必試🤩…Read More