ChungMingYeung5227's Profile

今日收工同朋友試吓癡膠雞，餐牌選擇眾多，唔同湯底米線，梗係要試吓啦佢嘅椰子雞湯同埋藥膳雞湯，我哋嗌咗椰子雞湯米線同埋藥膳雞湯米線。特別之處，同坊間其他米線好唔同，一小鍋雞湯米線，能夠保持熱度同溫度，椰子味濃厚，藥膳雞湯充滿當歸味，雞肉嫩滑，最後連湯都飲。小食方面，我哋叫咗燒豬頸肉，配合沙嗲醬，十分惹味，仲有蜜糖雞翼，脆口充滿肉汁。呢間店咪先特別之處在於一路食，個爐一路煲滾小鍋，能夠保持溫度，十分突出。…Read More

今日收工同朋友試下薄餅怪獸，討論環境裝修、食物質素極高CP值。先講環境，餐廳佈置具有西式木屋餐廳嘅特色，燈光光暗分明，氣氛適合三五知己傾偈食飯。食物方面，凍奶茶凍檸茶用玻璃杯，茶味濃厚，大熱天時飲覺得爽😄秘製燒豬排骨，入口鬆軟，鹽嘅鹹香落在排骨入面，同其他餐廳燒汁豬排骨相比，排骨鮮味肉味突出，值得推介。主菜加州風情薄餅，餅底口感同其他Pizza都大有不同，底層餅底鬆軟，中層濃厚嘅芝士，面層粟米、洋蔥同火腿，極高CP值。如果你食慣坊間嘅Pizza店，我會推薦你哋試吓薄餅怪獸，因為無論裝修同埋食物質素從以往嘅Pizza店都好唔同，平民之選，值得推介。…Read More

今日試下閨家，餐牌好多選擇，試咗柱候牛筋腩飯、豬扒蓮藕餅飯，小食方面，叫咗涼拌海蜇手撕雞、麻辣雞腎、香茅雞翼，份量非常多。先要讚下佢嘅老火湯足料，不油膩，飲完都唔會口渴。豬扒肥瘦均勻，靈魂所在在於蓮藕餅，蓮藕同豬肉比例均勻好有家庭式嘅感覺， 值得推介。牛筋腩飯選用嘅係牛肋條，炆嘅口感啱啱好，唔會太硬太淋，非常入味。海蜇手撕雞，麻醬非常醒胃，若果雞絲的話會更上另一個層次，麻辣雞腎，非常爽口。總括嚟講，價錢合宜，非常有家庭式嘅煮法，係一個幾好嘅選擇👍…Read More

今日帶丫爸丫媽試下位於塘尾道田記魚蛋牛腩專門店，無論係服務態度、環境舒適度至食物質素都有水準。環境光猛，冷氣舒適，座位與座位之間有距離，吾會撞到隔離位，老人家坐得舒服，環境好。服務態度，店員有禮貌，細心落單覆單，值得讚嘅！餐牌好多款式，我地梗係試下佢嘅牛腩同魚蛋啦😂，叫左崩沙腩河、牛三寶河同魚蛋河，加多碟介蘭。崩沙腩河，河粉粗同滑，吾易碎，非常爽口，崩沙腩肥瘦平均，滷水入哂腩位，大大碗。牛三寶河，牛肚、牛筋、牛腩三種款式集於一碗，入晒味，牛筋炆得啱啱好，抵食。最有驚喜係魚蛋河，魚蛋不同之處有魚味，口感唔會死實，軟綿綿，同出邊其他鋪嘅魚蛋有吾同之處，值得推介。整體價錢非常貼地大眾化，環境舒適食物，質素好同大碗，值得推介同再次黎。👍👍…Read More

呢間想試好耐，經過試下，先睇餐紙，好多款式，梗係揀d車仔麵必點嘅餸，豬紅、豬腸、魷魚，試埋雞翼，配油麵。餸不過不失，咖哩魷魚啱啱好，最特別係豬紅，挺身好入味，滷水雞翼大大隻，加埋個辣醬，總算穩陣之選。整體黎講呢間都係上環西營盤其中一個選擇。…Read More

今次試下位於炮台山站閨家，環境光猛，餐牌好多種類選擇，今次就叫左香煎蓮藕餅豬排飯、慢煮豬軟骨飯、涼拌海蜇手撕雞，加多個老火湯同兩杯飲品。香煎蓮藕餅豬排飯，豬排炸得脆口啱啱好，咬落去有肉汁，蓮藕餅大大件，蓮藕同肉餅比例平均，撈飯一流。慢煮豬軟骨飯，豬軟骨採用慢煮，肉質鬆軟，醬汁同豬軟骨非常夾，值得一試。最有驚喜係涼拌海蜇手撕雞，手撕雞充滿麻油香，啖啖肉，配合爽口海蜇，成碟清。老火湯有火喉，熱辣辣，入哂味，整體黎講，成餐飯抵食，cp值高，份量足夠，值得推介。…Read More

今日同女友經過佐敦，試下越南餐廳火五，cp值極高。餐牌款式好多選擇，我揀左魚翅花膠雞湯河、香茅豬頸肉油飯、炸軟殼蟹青木瓜沙律、涷奶茶，份量好多。魚翅花膠雞湯河，湯底充滿雞油香，魚翅花膠沉係湯底，配搭特別，雞件大件，吸哂雞湯雞油，加埋河粉，非常夾。香茅豬頸肉油飯，油飯飯質軟熟，飯香易入口，豬頸肉溫度同肉汁保持得好，可見即炸👍。炸軟殼蟹青木瓜沙律，即炸軟殼蟹，入口脆口，香口滋味，涼伴青木瓜沙律口感清新，十分醒胃，值得一試。整體價錢大眾化，好多類別同份量足夠，下次再會嘗試牛肉河👍…Read More

雜燴炒河並唔係每間茶餐廳都有，每間茶餐廳嘅集會雜燴都各有不同，今次介紹嘅係位於香港仔呢間地道茶餐廳，同和粥麵鋪嘅雜燴炒河令我充滿驚喜。地方環境舒適，座位與座位之間有一定距離，出面粥麵企檔，入面水吧廚房，夥計熱情有禮貌，唔怪得夜晚時間好多街坊都會嚟打躉食飯，每次黎親都見到有人叫雜燴炒河，今次我就好奇試吓睇吓係咩來歷。一上枱，已經聞到河粉炒底嘅鑊氣，一夾落去河粉條條夠粗，碟底少油而夠晒鑊氣已經考功夫。再嚟嘅就係主角，呢度嘅雜燴就係粥麵檔嘅豬什，豬潤、豬肚、肉片同豬腰，食落去好爽，明顯啤足水，無苦味，豬潤厚切嫩滑，豬肚肉片爽口，配合河粉爆炒，真係有啲驚喜。中式粥麵鋪茶餐廳其實已經買少見少，嗰種格局同人情味，的確值得保留，雖然每間中式茶餐廳嘅雜燴炒河各有唔同，喜歡食豬雜嘅朋友，可以來試一試佢嘅雜燴炒河，值得推薦。…Read More

今日落街食飯經過駿業街試吓呢間工廠區食堂，價錢味道都幾貼地。每逢中午食飯時間，家樂茶餐廳條樓梯都擠滿左好多人，環境乾爽，枱與枱之間都有一段距離，茶餐廳夥計爽快安排座位，每日餐牌都有唔同嘅款式，今日我就試吓食雞翼炒公仔麵。碟炒公仔麵一嚟到已經聞到一陣洋蔥爆香嘅味，我即刻拎起筷子就夾嚟食，公仔麵同洋蔥爆炒充滿鑊氣，麵質乾爽，唔會好油，雞翼炸到香口，食到咁上下，加埋豆瓣醬撈住食都幾滋味，凍奶茶茶味濃，突顯到茶餐廳嘅特色。平時午餐都係$40左右，到咗1:45後就會有下午茶炒粉麵，所以成個套餐都係38，唔怪得知咁多上班人士擠滿樓梯，對於我呢個街坊來講，以後有多個地方食好嘢。…Read More

宜安街街市二樓德興車仔麵，平日假日人流唔算多，舖位自成一角， 冷氣開放，啱晒我呢啲牛頭角街坊落去。舖頭入邊好多選擇，有炒公仔麵、牛雜麵同車仔麵等，其實早前都聽聞過呢間舖頭出名多餸，今日就試吓佢嘅小招牌麵。😀魚蛋、豬紅、豬皮、蘿蔔、雞翼、韭菜餃、煎釀茄子同油豆腐，餸嘅陣容已經高CP值，豬紅豬皮蘿蔔入味，韭菜餃係老闆娘自己包，韭菜同肉嘅份量迫爆餃子皮，成個麵加埋杯凍奶茶，都係$40，整體上份量非常夠。現今嘅車仔麵好多元化，而且價錢都直線上升，呢間隱世街市車仔麵雖然唔係咁多人識，但係好多街坊去幫襯，抵食夾大件我諗都幾適合呢間舖頭，值得推薦。…Read More

大坑茶餐廳每間不同特色，祥勝蔥油豬扒飯、蔥油肉餅飯，相信各位唔會陌生，今日返工前去試吓啦地方雖小，勝在有人情味，老闆主動同我吹水，二話不說叫咗個蔥油豬扒飯，一上枱個陣蔥油爆香既味已經攻入左我視覺同嗅覺，急不及待即刻放落口。豬扒分量多，外層鬆脆，內層內軟，一咬落去有肉汁，半肥瘦啱啱好。輪到靈魂所在，蔥油，一條條爆香嘅洋蔥，香口爽脆，無論撈飯定係配合豬扒一齊食都好好味奶茶，茶味濃厚，有茶餐廳一般的水準，總括黎講，喜歡爆炒蔥油傳統豬扒飯嘅朋友必定嚟試。…Read More

大角咀食店林立，今次收工經過，試下呢間居酒屋，本來諗住每人叫一個套餐，點知見到有個二人餐$268，即刻試下。打頭陣三色刺身，每件刺身都係厚切，我放入口充滿油脂。之後輪到壽司，壽司與刺身的種類唔會重複，甜蝦肉質爽口，價錢已經超值。進入熟食環節，先黎10件日式餃子，份量比起其他日式餐廳多好多，餃子煎得啱啱好，非常香口，帶有肉汁，然後輪到主菜日式醬汁煎帆立貝，燒汁配合帆立貝惹味，最後再輪到窩燒牛肉烏冬，份量適合兩人。整體成個套餐人均$145，可以食到咁多款食物，加上環境具有日本小店特色，座位之間保持距離，店員服務好，極高CP值…Read More