Szelam23's Profile

返完工好大壓力，約左個朋友食飯傾計放鬆，俾呢間餐廳門口好靚既燈，同埋啤酒買一送一吸引左。室內同室外都好多座位，唔會好逼，傾計同坐都好舒服😌 好鐘意佢有個大螢幕，好有氣氛。串燒種類好多，好多選擇有好多類別。推介：牛舌雞皮墨魚丸雞皮餃子🥟和牛香辣雞翅包飯芝士雞肉串呢度既羊排係超級臊，如果好鐘意羊臊味既可以挑戰下。想係中環搵個地方食下野，唔想食太heavy，飲下酒，傾下計，chill下，呢度真係好適合。…Read More

很喜歡比較寧靜舒適的環境食飯，可以同朋友一齊慢慢傾計，慢慢細味食物的味道，呢度俾到我想要既我。一入嚟見到個佈置好日式，好似去左日本，空間感都夠。食物賣相好靚，亦都好好味。兩個人食，可以揀一個麵同飯，選擇唔算多，但啱口味。叫左原條饅魚飯同軟殼蟹意粉，份量唔算多，剛剛好，好啱想試多款既朋友，但大食既朋友就未必適合。饅魚好厚好大條，好正！最欣賞杯飲品，蜜桃🍑碟豆花鮮奶，真係好靚，仲好好飲，飲到最後仲會變色，好得意。…Read More

因為返到將軍澳已經兩點，係下午茶既時間，所以搵間有下午茶的店。套餐好抵食，有一主食加小食，仲有豆漿。擔擔麵好好味，花生味好香！個牛肉麵湯底好濃郁，肉好淋好入味。小籠包個皮好軟淋淋，夠薄，多汁。豆漿好好飲。紅油抄手就正正常常，但個油唔辣，好似無咁滋味。…Read More

呢間樓上cafe真係好驚喜，食物算係好好味，環境都幾好，慶祝生日仲有好靚既字同生日歌。我同班朋友都好享受今晚預祝聖誕同生日。好好味：1. 小食拼盤的餃子，好好味！佢仲有其他：蜜糖雞翼，薯條，咖哩角，脆皮腸，春卷。好脆，仲要個碟係無油架，好意外。因為好多餐廳整炸物都會有好多油。雞翼都好香。2. 白汁雞皇焗飯：真係唔知點解可以咁好食！好香。3. 吞拿魚忌廉長通粉：我覺得個吞拿魚幾好食，通粉唔會好硬。4. 🍟 我既朋友覺得超級超級好食！好食過出面大牌子餐廳。如果茄汁用另一款應該會更完美。可以試下：1. 日式沙拉: 雖然只係普通的菜加芝麻醬，但我覺得好新鮮。2. 熱情果紅茶，幾好飲，幾香。3. 黑椒煙鴨胸炒意粉，黑椒幾濃，幾好味呢度有一款cake可以叫，如果慶祝生日仲可以寫字同播生日歌，好正。同埋有好多board games. 只係張sofa超軟，加返個cushion都okay. …Read More

平時好少過黎寶林，咁啱爸媽過開黎買野，就一齊試下呢間。份量好多，味道都唔錯，性價比幾好。好味喔：1. 特盛四寶麵($78)，麵身屬於偏少少硬，好幾鐘意。湯底好味，花枝丸好彈牙，正！好飲喔：可以試試：1. 三拼牛肉飯定食($73)，有牛腱，牛腩，牛丸。個飯好大碗，牛腱幾正，個上湯時菜好味！好飲：1. 夏日水果茶($25)，幾好飲。少少酸，幾滋味。呢度仲有午市套餐同兩點下午茶，亦都有好多小食擇。我試左四隻煎餃子($28)，都幾好味喔。…Read More

呢間舖頭係屋企附近，平時都見有唔少人排隊，難得下就有時間就同媽媽去試下。好味喔：1. 紅燒腱心牛肉麵 $68。台灣麵好好味，好入味，牛脻都幾好味。套餐仲有三個小菜配，好夠份量。2. 小菜一：涼拌貓耳朵，超少辣，幾滋味。3. 小菜二：手拍小黃瓜，爽口。但媽媽話如果酸辣佢會鐘意啲4. 滷水豆腐+$6配，我好鐘意，幾有味，唔乾。但媽媽就唔鐘意硬豆腐。可以試下：1. 小菜三：涼拌黑醋茄子🍆2. 滷水蛋牛腩滷肉飯$78，正常。但我覺得太多汁，飯因爲咁淋左啲，少啲汁可能好啲。特飲幾正：仙氣火龍果茶：好有茶味，好清新，我好鐘意。飲到後尾先有火龍果既感覺，有好多少粒，幾有咬口。環境幾舒服，仲有微微的背景音樂，幾舒服，好似播緊王菲，幾有taste. 小食加$6 or $12, 都唔錯，分量都唔少。…Read More

有朋友約食飯，之後上佢屋企，所以揀屋企附近既。今晚無其他人，意外包場仲有好靚既閃燈裝飾，美少女擺設。叫甜品有得寫字，有爉燭，有生日場景，幫手影埋相，不停點返枝爉燭。係某app訂枱有六折，好抵。食物不算好好食，但還可以，都大碟同足料。蕃茄意粉好香，長通粉係偏硬個種，我個人鐘意淋少少。白汁意粉就唔流質，但我鐘意creamy一點。啲海鮮幾好食。仲連紅蘿白片都係星星型，好有心思。雞翼肉質幾好食，肥肉，但無個蜜糖唔係好融合。我朋友好鐘意個甜品，但我覺得得無咩芝士味，面頭個層都太甜。飲品無咩乳酸感覺，但好有青蘋果味。食環境同服務係幾好架。我遲左打去都幫我hold枱。…Read More

其實一直都聽人講重慶大厦既印度咖哩好好味，但都無咩衝動試。最近，唔知點解好想食印度菜，見到呢間好多like，所以同個朋友黎試下。果然好特色，叫個幾款咖喱都幾好食!!推介推介：1. 原汁咖喱雞 chicken curry $83 : 雞分量都幾多(對2個女孩子來說)，仲要每舊都好滑，咖哩汁唔算好spicy, 我唔食得辣都接受到。2. Fish madras 馬徳里燴魚 $99: 魚係好軟淋淋個種，份量都好多，但薯仔得一舊，如果多啲就更好。個汁同雞個個幾唔同，甜好多，用黎配薄餅好好味。3. 免治牛肉角 beef samosa $59: 好脆，好味！個感覺似平時既咖哩角，但好食好多。唔覺得油。仲有個綠色既醬，我幾鐘意，好特別。上網搵返發現原來叫chutney。:)可以試一試：1. Paneer paratha 芝士薄餅 $39：就咁食唔點咖哩，會食到好多芝士味。2. Pulao rice 印度黃飯 $53：個樣原來係好似碎既米粉咁，幾特別。3. Masala tea 瑪沙拉茶 $20：一種好特別既味，一開始好甜，之後啲冰融左，淡返啲就好啱我口味。備註:去到重慶大厦門口，發現有一班人會爭生意，好彩我一早揀好左，知去邊層。聽到啱既個樓層，就即刻指住話食呢間，咁就唔洗被圍住，佢仲帶到我地去到部𨋢，唔洗自己搵。真心好，因為入面都多巷，幾難搵。哈哈，餐廳個待應幾好笑容。同埋今晚餐廳人唔算多，可能同香港最近活動有關，我可以幾舒服同朋友傾計，傾左好耐，坐到啲人都走哂🙈…Read More

今晚舖頭無咩人，唔知係咪宜家大家都唔揀旺角食。舖頭原來唔大，所以難得今晚呢度唔洗等位，又唔會好嘈，好啱傾計。無咩人，影幾多相都得，又有魔仗，眼鏡，貓頭鷹車，磚牆和相。個lego仲好靚。推介食物1. 黑松露雞肉意粉，個汁好好味，肉份量都好夠，同磨菇，好豐富。2. 奶酒啤酒，啤酒幾好飲，仲好易入口，連埋厚厚的奶酒既感覺好特別。本身好驚中伏，但真心幾好。可試：1. 牛油果蕃茄沙拉，其實如果個牛油果唔係咁硬，係會幾好食。蕃茄，西柚，菜同個汁都夾唔錯。不了：1. 朱古力香蕉甜品，太硬了，好乾。但中間配個個香蕉好冧，其實好味架，可惜。好彩甜品係post ig送既…Read More

因為係附近返工，Lunch Time可以成日食，所以試過幾款，都鐘意，仲有折扣。不過，希望可以換下餐牌試到新款。環境幾舒服，唔迫，多人就可以預早訂位，會幫你拍枱，服務幾好。推介食物：1. 波羅漢堡，個皮係脆！好正！波羅夠厚，肉都好食，但可以多返少少醬。仲有沙拉菜薯條伴碟，好夠份量。張相多左塊波羅，因為我同事唔食俾埋我2. 三文魚闊條麵，三文魚幾新鮮，魚子好大粒好食，唔會勁多汁，唔會濟。可試：1. 法國雞，我地叫左兩碟，一隻滑，一隻就一般，但唔會好乾。我朋友有次就話好鞋。不合口味：1. 咖哩飯，我個人比較喜歡日式咖哩，這個飯粒脆的，食唔慣。其他：龍蝦湯送的前菜，好飲，唔會好淡，仲有小鮮蝦仔。桃茶有點甜，建議唔好走冰，最多小冰。牛角包有好多味，幾特別，可以試下。晨光第一炮入面都會包一件原味。仲有好多蛋糕🍰揀。…Read More

同屋企人週末食晏，見反正周圍餐廳都好多人，這間開了很耐，但又未食過，所以試試。這舖是在門口等位，所以排到你一定會係你入先，比較公平，但就一定要企定定等。試晒三個濃湯類，都好好味。麵好彈牙，黑蒜個款亦都唔會好鹹，隻蛋好流心，好彈好軟淋淋，我好鐘意。辣味都算ok，店員話餐牌下面個款可能更辣，因為用清湯。另外，有水壺放係枱，好方便。枱上仲有三款調味料，三個都好好味。黑蒜有味，梅就有少少酸味，辣椒味不算太辣，怕成碗都辣，但又想食辣既可以自己加啲。…Read More

因為好耐無食，所以晏就放飯又可以食返呢間，仲可以加甜品同同事慶祝生日，呢度可以寫名同有蠟蠋，宜家仲會送張生日咭，不過就未必會保留😝可試試食物：1. 豬仔骨漢堡 $82，好多汁，啖啖肉，配太陽蛋好夾。但汁太多或是太濃了，少一點更合我口味。太陽蛋亦可以轉熟蛋。推介食物：1. 黃金蟹肉意粉 $68，同軟殻蟹一樣，真係必食。如果二選一，我會揀蟹肉，鐘意呢個味道多啲。2. 自家製甜品 Mousse Mountain +$25 chocolate超濃，入面有梅，酸酸地配合著，好味。我之前試過，綠茶那個都很好味的。甜品真係可以試，個碟都好靚架。…Read More

因為晚上在維園有活動，所以放工後過來這邊找餐廳食晚飯。店舖很小，但很有特色。湯底超級好味🤭 傳統牛肉河好正！想食再濃味，可以選蕃茄蟹湯。本身沒想過叫牛肉河，但蕃茄蟹湯那個賣光了，因為店主猜不到今晚比平時多了很多人，但我發現牛肉河更好味。米紙卷好Fresh，不是平時食的那味道，感覺很田園，可能是地道的？但我就食唔慣。朋友說三文治很新鮮，但我沒有試。店主見今晚比平時多了很多人，反而不開心。她說，人多就會做得很急，質量始終會沒那麼好，這樣對客人就不好。嘩！真正感到何為以客為本，欣賞欣賞…Read More

因為一有十幾人食晏，想方便傾計，就通常食酒樓。但沙田新城市八樓的酒樓大致上都食過，而且味道其實沒太大分別。搜查下，發現了這間店，點心價錢好像更便宜。這店的服務很好，不像普通酒樓般好嘈，傾計最好。上菜都快，食物味道不錯👍🏻特別推介叉燒，還有賣相很可愛的小包子。炸春卷亦夠脆。套餐好抵食，份量好夠。不過，如果切蛋糕要俾五十蚊切餅費，但店員可以幫你分，咁多人都分得好平均不過，一定要叫佢唔好問係咪上得蛋糕，因為個次佢一問就無哂驚喜🙈…Read More

去開尖沙咀，有朋友食過覺得還可以，所以試下。星期日一點多，不用等位。仲有圓枱，傾計好方便！我覺得這裡食物很好味，份量亦夠，朋務態度好。好滿意。推介食物：1. 紙米卷，入面的芒果粒實在太好味，皮不厚，但會易散2. 豬手，肉質鮮嫩，皮好脆，但脆到太硬，有點難咬。配的兩個汁都好味。3. 栗米南瓜餅，熱哄哄的，有種像食魚柳的感覺。也可以一試：1. Pizza, 軟淋淋，都幾好食，份量是pizza hut普通批2. 沙嗲串，肉質鮮嫩。3. 軟殻蟹飯，蟹都多，飯中有很多配搭，不見有汁但不會乾。餐廳仲可以幫你寫名在甜品碟上慶祝生日，除了pancake那個寫不到之外，其他都得。我見門口仲有整個的蛋糕🎂 但因為最後太飽，無食甜品。所以，叫食物時可以故意叫少一點，留著驚喜在後面。…Read More