天生食材必有用's Profile

本身唔鍾意飲啤酒, 主要係嫌苦  但自從Craft Beer 帶入黎香港之後, 竟然愛上了! 主要因為Craft Beer 每支都有唔同性格, 而且選揀非常之外, 每次去唔同酒吧都可以試到唔同款色, 次次都有驚喜.今次黎到旺角呢間WOFT, 黃色燈光感覺柔和, 啱同另一半黎食個晚餐或者同知己好友聚一聚. 裝修走工業風, 半開放式設計比人感覺Relax , 座係度無壓力.打開Menu 真係花多眼亂, 非常多種類的手工啤酒. 好彩有中英Tasting Note, 我就慢慢揀喇!最後同朋友揀咗"麥子" 同"立夏", 都係近期好興的香港與台灣手工啤! 立夏好啱女仔飲, 花香味同果味都好balance, 無乜苦澀感覺, 飲落舒服, 配沙律都好啱! 麥子就係香港啤酒, 第一口飲落好香麥味, 再嗒下就有少少焦糖味同埋甜甜地D圓肉味, 味道都好豐富!呢間Craft Beer Bar 坐得舒服, Staff 全部都好Nice, 全主動介紹D食物同啤酒比我地. 價錢都好合理, 旺角區又一傾計飲野好地方!…Read More

一班人出去食野, 串燒就係我其中一樣都好鍾意同Friend 一齊嘆的美食.安安燒呢間算係區內比較出名的食店, 朋友們都常光顧, 但我就第一次幫襯 (本身唔係住旺角都好少去同人迫). 但原來佢個位置係近火車路個邊, 唔會太過繁忙坐得都幾舒服 食物方面好多選擇, 我個人喜歡多菜少肉, 呢間串燒店都照顧到我要需要! 燒娃娃菜, 燒菠蘿, 燒菜心, 燒冬姑, 燒蕃茄, 甜薯等等 <- 呢D聽落唔燒得的東西原來燒出黎好好味! 燒菜最有驚喜, 燒出黎唔會乾, 而且好香口. 而其中我最愛就係燒冬菇, 燒出黎的菇香同平時食開的好唔同, 而且加埋佢地D四川粉, 味道好吸引.:)海鮮方面我都有試少少, 最鍾意佢個芝士蒜蓉生蠔, 芝士夠香, 蠔都好鮮味. 而燒黃立倉都值得推介, 魚肉質地嫩滑, 但外皮燒得好香脆, 加埋檸檬同埋酸甜汁就更能帶出魚的鮮味! 呢度D食物全部都適合開心Share, 是晚大家都非常盡興!…Read More

邊爐癮大發, 記得好耐無食小肥羊, 放工OT完就同朋友去食了, 去到先知而家改咗係任食 (10年無去過...) 9點鐘任食普通料$138, 任食任飲靚料$188. 估唔到而家做到咁抵.我地揀咗$188, 湯底係鴛鴦鍋, 上枱時飲咗半碗, 感覺上已經無咗以前初開業時的味道, 而家係淡咗好多, 辣鍋更加無乜辣味. 不過勝在呢度食物種類夠多, 呀姐都好快手好勤力.自助吧除咗生料仲有小食提供, 手拍青瓜做得好入味, 開胃之選. 自助吧介推的食物有: 墨魚滑 - 打得都幾滑, 味道唔錯; 火雞腎 - 切好薄片, 非常容易熟, 幾好味. 點菜任食的推介羊肉片- 以前小肥羊招牌, 估唔到任食都有得叫, 羊肉鮮味, 一流! 竹笙 - 而家食竹笙都幾貴, 呢度竟然可以任食, 放落湯索晒D湯真係好正! 蝦 - 呢度D蝦唔大隻, 但非常鮮味, 值得推介!總括黎講, 雖然呢間唔係全部靚料, 但比起好多任食火鍋好好多, 而且有咁多選擇同埋任飲任食, 真係無投訴呀! 下次會再幫襯…Read More