Ms. Elim's Profile

一直很忙, 沒有時間寫新食評, 今晚終於有時間, 很不高興寫的是一個的食評.....:( 其實光顧三洋都有一段時間, 一直對它的出品都尚可以, 特別是湯飯和米線, 鮮味又夠大碗, 環境也在本區的茶餐廳中算"新淨", 可惜就是那一次, 單單那一次的星期六下午茶餐, 我的經歷足以叫我以後都不會再去光顧它。 那個星期六, 天氣悶熱, 收工後相約妹妹吃飯, 當時很滿座, 我和妹妹有幸得到"卡位", 我叫了一個常餐(內容和一般的茶餐廳相約), 我要一丁麵, 行規加2元, 冇問題, 因為很想吃一丁麵的香和彈牙。 誰知道當麵一來, 我一看已知不妙, 我都算是他們的熟客, 吃過早餐, 午餐, 晚餐, 知道它們一般用的麵是大光光身麵, 有時會像"福麵"的麵, 但我面前這一碗一丁麵從表面看已知是A貨。再吃一口, 麵的質地不對, 湯的味道淡(調味粉一定是打了1折) 不是為了2元, 是為了原則, 加上實在不太喜歡這樣的做生意手法, 叫了伙記過來, 誰知更加火上加油, 得到的回應是: "呢個明明係一丁麵黎架, 係咁架, 我今朝先食過一丁麵", 真不明解, 你早上吃過"真"一丁和我面前"A貨一丁"有何關係呢???? 二話不說, 我一口也沒有再吃那碗麵, 亦下了決心以後都不會再光顧, 因為茶餐廳在大角咀是最多選擇的食店, 我有很多後備。 還有一段小插曲, 在所有事件未發生前, 有個伙記不小心把一杯冰倒在我們的檯上, 可能是她另外一隻手拿著一罐可樂引致不平衡所致, 好在沒有弄濕我妹妹, 但可佈的事是, 我見那伙記用檯布把檯上的冰抺回杯子裡, 再遞給我們後面檯的客人, 因為卡位很高, 他們根本看不到整個"抺冰"過程, 再加上A貨一丁事件, 唉, 做生意還是老實些好, 這樣子有幾好的宣傳也是浪費。…Read More

自從收過一份生日禮物是Jenny的曲奇餅後, 便和老公愛上了它，但是當時的b'gift是4-mix的, 十隻手指有長短, 和老公最愛是咖啡味, 因此知道油麻地有分店後, 每次都是買一罐coffee flavor only的回家。因為老公未食過jenny既鳳梨酥, 但係自新年之後都每次去到都買唔到, 希望快d可以一嚐jenny既另外一個皇牌。要一提的是, 咖啡味曲奇真的有很濃的咖啡粉, 我試過臨瞓前食得太多, 眼光光....唔受得咖啡因既朋友記得唔好在瞓覺前吃咖啡味。…Read More

裝修過後的柏林餐廳經常都擠滿人, 星期日終於有時間去試下, 安全起見(為荷包著想)都係食下午茶為佳, 唔好食都唔洗咁傷.....環境幾企理, 又有高清既電視睇，食物都幾好, 我叫左雞扒檬粉, 雞扒入味又唔會太難咬, 湯底飲得出唔係味精湯。妹妹叫了吉列豬扒沙律, serving都幾份, 沙律唔會係撈左成個星期既貨色。跟餐冷熱飲品同價, 算係幾好!大角咀又多一個選擇!…Read More

很久之前已很想試這間甜品的"雪花冰", 但每次都因不順路和被門口的人龍嚇怕就放棄了。上星期終於"的"起心肝去等.........等了約45分鐘, 終於都有位了....等候時已和妹妹一路商量吃那款，最後點了朱古力香蕉雪花冰，嘩, 賣相真的的不似是冰, 有點似雪糕，吃落口, 個人感覺更勝雪糕, 柔軟得來沒有雪糕的甜膩, 朱古力味也很濃郁; 雖然我不是營養師, 但我相信吃這個雪花冰一定比吃雪糕的卡路里低, 而且滿足感更大，看看size便知。我和妹妹share一個吃, 很滿足。陪著雪花冰的香蕉和小丸子也很好吃, 如果份量再多更好。唯一是地方不太寬敞, 希望它能多開分店和早日擴充營業啦!…Read More

星期六和老公一起去試試這間聞名很久的維記。一去到福榮街已看到在招牌下的人龍, 幸好排隊不是等太久, 我們排了約15分鐘便有位，老實說, 餐廳既環境真係好一般, 要求"企理乾淨"者可免, 但食物還可。餐牌的款式不是太多, order了出名的豬潤面和咖央多，豬潤分量很多, 我相信一般女仔一定食唔哂，但個湯底真的很甜, 有濃濃的肉香和薑絲香味，雖然公仔面不是"一丁", 但面都好滑同彈牙。仲要推介既係咖央多士，個咖央醬好好味, 不是太甜,男女都 適合。:)…Read More