雲吞王子's Profile

EI Portal是一間舒適溫馨的餐廳,非常適合私人聚會或包場。餐廳整潔寬敞,休閒輕鬆的氛圍很適合享用浪漫晚餐或慶祝活動。無論是輕鬆的週末晚餐或主辦特別聚會,EI Portal熱情歡迎的氣氛和美味的菜肴讓它成為一個很好的選擇。EI Portal的特色菜肴包括西班牙海鮮飯和鵝肝醬多士。西班牙海鮮飯以新鮮和多樣的海鮮佐以 safran 醬,鮮味十足。鵝肝醬多士帶來驚喜,濃郁醇厚的鵝肝醬與烤得恰到好處的多士,口感絕佳。EI Portal的地中海風味菜肴,讓它成為品味獨特美食的不二選擇。另外, 佢地的house wine white 好好飲!! 唔多飲酒的我都叫一杯養下金魚慢慢品下。…Read More

今日同朋友晨咁早去食個早餐, 本身諗住茶記。去到公司附近條街, 揀啦! 有2間快餐店經過左唔O岩, 咁再行多少少, 見到美味天皇, 未埋去前我見到一間歐陸式餐廳靚靚地, 問下朋友睇下餐牌O 唔 OK, 不過佢話唔ok , 我問咩唔ok 佢又講唔出咩唔ok , 咁我話美味天皇啦, 過去對面馬路, 出面一望已經唔洗入去, 太多人。好食抵食, full set 早餐, 緊係多人。 咁算啦, 望住都知唔再搵了, 返轉頭果間, 有人有位貴少少。入到去個feel 真係幾o岩打卡, 佈置好多木呀布呀畫呀, 文青咖啡拉花打卡店是也。野食就單一左D, 叫個沙牛, 有1隻半熟圓蛋在上面, 整得真係幾靚又好食, 剛剛說的單一係冇D 周邊配套野, 有麵有多份多士火腿蛋茶記feel , 因為呢度真係唔係茶記。杯咖啡拉花雖然係典型又係果個花的感覺, 但都不失為一杯文青好啡。…Read More

同一個同年同月同日生的朋友食過一次, 覺得D 烤雞有D 「鞋」。呢次組合一雞一漢堡, 雖然呢間主打招牌菜係雞, 反而覺得漢堡先係最好食。當時在新世紀簡呢間, 其他少少因為行過見到冇人排, 朋友之前都想食呢間, 咁O岩又冇人所以入去。今次第二次食,遇O岩結婚周年紀念去開多左人叫MOKO的新世紀, 又係行過見到冇人排, 仲要有個靚卡位。呢樣真係好重要, 全場其實得3個靚卡位, 其餘有3-4 個冇頂的卡位, 其實都唔錯的, 有時又唔好太高要求, 不過坐過好位, 下次都真係會想坐返。 分別在於, 我第一次去坐出面果d 圓檯真係感覺差太遠, 迫迫狹狹, 同其他檯又近, 冇私人空間感。食評都係講返少少野食先, 第二次去食烤雞今次真係冇上次咁「鞋」。不過個人覺得香草真係落得重手左少少, 攪到蓋過左雞皮味道, 肉就照樣ok 好好食。 把刀都好好用, 片落去都爽。最後蜜桃茶唔洗加錢, 多數都係簡呢樣架啦, 第一次同第二次去都一樣。不過太太唔飲得凍野, 如果想要轉熱檸水要加8蚊...最後我飲左兩杯凍蜜桃茶。…Read More

今次介紹呢間上樓泰國野, 12:00 lunch 其實人不多,但多數都book 位好一些, 因為有時真的會full。 我地一班同事去到順利坐底, 午餐都有幾個特別吸引。 最特別有一個 () 寫明每日10 份, 但係唔係真係得10 份真係唔知, 要搵11 個人去叫下同一個餐先知啦。講下我主打推介s10. 個香辣肉碎飯同埋s....唔記得幾多號的青咖哩雞, 有幾次去我都係食呢兩個轉來轉去都係呢兩個。 同事說10份果個脾飯其實都係一般, 普普通通咁啦。至於飲品, 我會比例喜歡凍青檸水, 其實咖啡奶茶都係泰式, 我未試過。同事有說好, 有些說怪怪地, 呢樣就要睇個人口味。…Read More

多數入到去第一感覺都係很有家的感覺, 其實D傢私唔平。不過唔緊要, 主打重點係坐住D 貴野食返D 正常價錢的食物, 再加埋唔知係唔係間店冇乜人知, 從來都未多人過。 服務都好好, 環境又好好, 只係有時冷氣唔係好夠/唔開。 因為人又唔多, 又唔係夏天掛...冇問到職員。 野食ok , 野飲呢...我第一杯凍coffee 好好飲, 太太平時唔飲都飲左我杯少少都話好飲, 佢未叫野飲所以叫多杯, 點知~同上一杯唔同, 不過都唔太差。呢度有幾套好普通的broad games, 如果玩開的朋友們, 我覺得果度可以自己帶games 去玩都ok。最後一提, 呢度有BBQ 場, 一直都好想試下。價錢方面應該都唔平, 不過見佢有幾個 plan, 應該豐儉由人。…Read More

今次介紹呢間普通到十分普通的茶記, 好食又唔係, 唔好食又唔係, 好坐又唔係, 唔好坐又唔係, 有服務又唔係, 冇服務又唔係, 終於有樣野係就係抵食! 次次同事 LUNCH 諗到冇野好簡果時一定會諗起呢間, 真係普通到唔普通, 個食評差不多都唔知有咩好寫, 普通到咁的茶記真係普通LUNCH 普通咁去下囉。多數有位, 適合唔同人數都可以砌得落俾你, 好似 Lego 咁。講下野食, 炒野多數夾埋幾單一齊炒, 總係覺得3碟變4碟, 2碟變3碟的感覺, 真係純粹感覺。想快可以叫肉餅, 多數午餐牌最後果個7號餐就係。野飲都係果d 啦, 午餐同晚餐一樣囉。…Read More

觀塘開源道轉入成業街直行到成業工業大廈上一層就到的cafe, 地理位置不錯。如果唔想等lift 等好耐都可以選擇行樓梯, 但樓梯比較細(你隻腳放唔曬落其中一級)。帶女士去就要小心啦,除非你想......我同太太加埋個仔星期日去Lunch, 記住呢間冇bb 椅的, 星期日12:45 入到去一個客都冇, 坐到1:xx 開始有其他客入黎。說到食物方面, 天使麵第一眼感覺細碟, 最後要叫多碟。其中牛朳會問你幾多成熟, 我叫8成, 做得好好真係食得出的8成, 煎得好好, 不過份量都係果句「細」。 但最衰果下係太太發現隔離檯那碟天使麵係大份D, 份量唔知睇心情定係佢叫左加底, 咁就唔知, 不過隔離檯位女士最後都係食唔曬。 而餐飲, 凍飲唔洗加錢, 部份coffee 都唔洗加, 叫左杯凍澳洲牛奶coffee, 呢杯野真係值返幾十蚊, 好好飲!!!有甜品送, 是日係Tiramisù , 可惜太太呢期唔食得呢樣野, 不過又冇得換, 因為都係送的。原本見牌寫要加15蚊, 唔知係唔係平日先要。相原來餓到唔得閒影, 見到細碟都掛住食, 一張都冇影過。另外可以一提的, 佢地有個飾物櫃, 有少量動漫精品, 仲有澳洲特產 oreo 味kitkat。總括而言可以一試, 但唔列入觀塘飯堂成日食之列, 不過真係回味杯coffee , 有機會唔算肚餓而又想同朋友坐耐d 可以去下。…Read More

新同事lunch 今日介紹下呢間之前都食過好多次的原汁原味, 同招牌一樣d 野都原汁原味。一睇午餐 menu 我推介俾同事就主打蒸野, 但記住要等!! 每日涼茶有凍熱簡, 其他加錢我都未試過, 不作推介了。坐位方面12:00 呢d 時段阿姐通常想叫你上樓上, 呢樣冇咩所謂, 好個人喜好, 總有人喜歡更上一層樓, 但要說的是那條窄窄地的樓梯。你都可以同阿姐講我要返樓下, 雖然冇黑面, 但有時坐樓下佢地好似唔開心咁O既樣。食物方面, 都係蒸野同埋蒸野, 個蒸籠令到食物更加有風味, 唔食得都睇得。飯的軟硬度冇飯煲的那種綿綿感, 但都另有一番蒸飯風味。加上吸收左D 汁, 更加好味。順帶一提, 過300 蚊先用到信用card…Read More

今日同朋友約左去呢間食lunch, 我早到左 12:00正見到未開門企左幾分鐘, 入去問下原來唔記得轉個門口牌。入去姐姐好細心, 安排個冇咁凍的二人位俾我。午市有抵食餐, AB 生野, C炒飯。 個湯原來都好大碗, 如果轉烏冬加10蚊, 我建議唔好, 女仔食的話生野餐都已經夠飽。人少關係,招呼都好好, 個位又好, 私人空間感傾秘密野一流, 咁當然小心隔牆有耳, 隔塊版有冇同事啦。至於食物, 夠鮮味!!! 飯就欠少少口感, 份量男仔都夠食, 女仔會食左魚生先, 飯有機會食唔曬。…Read More

12:00 LUNCH 在灣仔來說, 真係去邊都易搵位D, 呢間餐廳格局似貴貴地過100 蚊, 雖然真係有$100+ 的餐, 但都有88蚊之選, 但加一後其實都係100 落樓, 方便找數都免強算係優點之一。講返食物方面, 湯濃度適中, 唔會太濃, 重口味朋友就自己加料吧; 個包普普通通啦, 唔會有驚喜, 又唔會有驚嚇; 主菜啦....果日係.........唔記得個名, 係牛黎的!! 正~~~~~~~~野飲就都係果D 啦, 份量夠大杯, 吹多陣水坐多陣呢間真係一流, 靜局(12:00-13:00) 。…Read More

連續2個星期日都食呢間, 第一次食蕃茄牛肉通(好食!!) , 今日再試沙嗲牛米線, 米線吸到沙嗲牛味, OK !!不過D 牛今日麻麻地, 唔夠滑, 下次再俾多次機會。價錢方面28蚊有野飲人係好抵, 加上地方好坐, 我一個人就BAR 檯, 食完睇下書飲野, 唔趕客(星期日上午很少人)。…Read More

呢間食燒春雞好正, 雖然麻煩D , 有手套都OK; 扒都好OK, 唔貴, 50 幾有交易; 普通飯餐推介咖哩汁牛腩, 又係一絕; 再說燒味都合格唔差。總括而言, o岩曬大眾口味。24小時時段, OT 到零晨, 唔食自修室拉麵就一定簡呢間!! LUNCH 12:45 前結帳有85折, 抵食!…Read More

海南雞飯好食, 油飯的味道恰到好處, 醬料有2 款, 我覺得夠玩。一班同事6人即入唔洗等, 5個叫雞好快有。不過叫麵果個就沉左船, 但最好果樣野係職員見到即時跟進, 好快有得食(唔好計佢係唔係因為我地會阻住佢d 位)…Read More

豆漿真係好好飲, 個排骨飯都真係冇得頂。豆腐花真係冇下次!!!食完主餐加個豆腐花食下, 食緊一半阿姐係咁執野, 仲掃d 野落我身度(明顯專登), 有人排都唔洗咁吧...xyz#!…Read More