babyalpha's Profile

好耐無去過樂富搵食，自己一個人唔知食咩，行行下訂說就過左黎zone a依邊食米線陣，雖然有咁多分店都係第一次黎。附近有多間食肆，估唔到下午都咁多人食，一位都要等位。選了自選系列，湯底酸辣小辣，魚蛋、雞肉、雲耳米線，湯底和配料味道不錯，酸辣不會過酸和太辣，可惜米線超林，一入口已經想溶咁，沒有任何彈性口感，應該是適合老人家吃的吧。建議真係要改下米線質感，成pat粉真係浪費了湯底和食材。飲品指定點選凍檸茶，沖得不錯，加分。…Read More

近期在 PizzaExpress 吃過有驚喜又滋味的一餐，一定要為大家推介! PIZZAEXPRESS 港九新界都有分店，我就特別喜愛位於 APM 1/F 的分店，高樓底、落地玻璃，可看到廚師們做PIZZA過程，又可欣賞東九龍鐵路，氣氛真是不錯! 天氣實在太熱，點了夏日限定的 Persimmon Fruit Tea ，FRESH得黎解渴又不會太甜! 煙三文魚柚子沙律 很開胃! 跟熊大大都喜歡吃煙三文魚，後悔點了細，應該要大SIZE才夠食!! 來到 PIZZAEXPRESS 當然要吃 PIZZA ，不然要幹什麼! 眾PIZZA當中我喜歡吃傳統薄身，唔要厚批/芝士批，給我最正宗傳統那種就可以了! 正猶豫 要最signature 的 Calabrese 卡拉布雷斯薄餅 還是新口味 Pollo Verde 白汁香草雞肉薄餅，因為意粉想要辣的， PIZZA就選了 白汁香草雞肉薄餅 ，配料有雞肉、野菌、羅勒香草醬、火箭菜、巴馬臣芝士、白汁。很少吃到有火箭菜的薄餅，跟雞肉、野菌出奇合襯，好好味! 這款PIZZA不含番茄，不愛番茄薄餅可選喔!意粉要了  Spaghe!i ai Fru!i di Mare 番茄海鮮意粉 ，香辣番茄醬配上蝦肉、蜆肉、青口、魷魚及車厘茄，喜歡吃辣的不要錯過，好多海鮮而且好有鮮味不是雪藏貨，份量十足，非常滋味，推介度達5******!! 雖然已經好飽，但還是忍不住點選了甜品 Brownie ，以朱古力布朗尼配上雲呢拿雪糕、忌廉、意式杏仁餅碎、 開心果碎、蛋卷、焦糖醬，是熊大大的至愛! 熊大大比我愛吃甜品的程度大太多了！臨走時收到 summer kick-off 優惠卡!埋單五百多元，合理～…Read More

如果有人要我推介香港的美食，毫不猶疑我一定會選擇海鮮餐，作為本地薑吃了那麼多年，還是覺得香港的海鮮最有風味又最有鮮味！種類選擇多又可自選不同烹調方法，無論刺身、蒸、炒、炸都係咁好味，想起滿口鮮甜滋味真係口水都要流出來喇！是晚跟朋友仔到位於西貢萬年街的 通記海鮮酒家 ，當晚我們被安排到上層位置，比起大街那邊環境寧靜又舒服得多。首先出場有龍蝦刺身拼盤，正在減肥的我也未免太犯規了吧！！！盤上有著三文魚、帆立貝、希靈魚、帶子等新鮮刺身，最令我們一眾女生期待當然是罕見的龍蝦刺身，上菜的時候還見到龍蝦腳生蜢在動，肉質好爽脆鮮甜，跟之前吃過的龍蝦刺身明顯有分別，絕對是一試難忘！Alpha 超愛吃龍蝦，除了刺身又點少得芝士焗龍蝦伊麵，大大碌的龍蝦啖啖都係肉，配合香濃芝士更突出龍蝦鮮甜，最後再吃沾滿龍蝦精華及芝士的伊麵，忍口都是幸福，真係太好味喇 !KING SIZE的 豉油王大蝦 好瘋狂，幾乎每隻都有我手掌大小，新鮮蝦肉真係食一啖就知，肉質爽口彈牙唔會化開，豉油更可吊出鮮甜蝦味，跟急凍霉蝦真係無得比! 這道一口黃金鮑魚同樣令人著迷，將鮑魚沾上鹹蛋黃醬酥炸而成，蛋黃的鹹香帶出鮑魚細嫩的肉質，味道出奇配合，吃厭清蒸鮑魚不妨一試，會有意想不到的驚喜！通記海鮮就有品質保證，不只龍蝦和大蝦，就連鮑魚都是 KING SIZE 喔! 常覺得椒鹽賴尿蝦是香港最具本土特色的海鮮菜，這道菜最具難度就是要將賴尿蝦外皮炸得乾身，肉質香脆得來要保持甜美，而通記就拿揑得恰到好處，經炒炸的椒鹽實在太脆香，真是冒著熱氣也要吃！海鮮餐又點少得 清蒸海上鮮 呢?! 由於爸爸老家是大澳水上人，自小我們每頓晚飯都一定要有魚吃，所以對魚肉也有一定要求！識食新鮮石斑一定係清蒸配以薑蔥豉油，簡單煮法最能帶到石斑鮮魚香味，而大魚最講究就係火爐溫度及時間，稍有不慎就是變鞋口，這條大石斑做得好好，不只面珠肉，就連兩旁的肉質都是細嫩滑身，跟薑蔥一起吃真是太美味！好久都沒吃過如此滿足的本地海鮮餐，我們一圍12人點了十菜一湯加甜品，每人賣單約五百多元，價錢上就讓大家作參考喇！=)…Read More

同一地點，由意大利餐廳變成西班牙餐廳 Chelsea Garden & Restaurant ，不變的依然是與友人相聚的好地點。雖然 CHELSEA 主打西型牙菜式，但法國馬賽傳統名菜 Bouillabaisse 馬賽海龍皇湯 亦從這裡找到，海龍皇湯造得非常出色，湯底好香濃，未飲已經傳來陣陣海鮮魚蝦味，非常清新鮮甜，而且海鮮沒有因為放湯而變淡味，完全是菜式一樣！今餐是海鮮餐無誤，再來 波士頓龍蝦配香草牛油汁 ，香草牛油汁經烤炸後好脆口，雖然龍蝦份量不算大，但又係鮮味十足，淡淡肉好美味! 還未有機會踏足西班牙，不過西班牙菜倒是很合我胃口，所以生日好友聚會很多時也會選西班牙餐廳。眾多菜式中我最愛吃燒脆皮乳豬和黑毛豬，這碟 西班牙黑毛豬伴焦糖菠蘿，肉質好嫩滑，而且份量十足，伴菜更有我好喜歡的蕃茄仔。談到西班牙美食，我想大部份人第一時間會想起 Seafood Paella 西班牙海鮮飯 ，幾乎每次必點! 傳統 Seafood Paella 口味過咸，對我來說太重口味，而 CHELSEA 的濃度剛剛好，較符合港人口味，而且沒有我討厭的青豆，飯香乾身，海鮮十足，諗返都好想再食呢! =)…Read More

我真係唔鐘意排幾個鐘就係為左食甜品! 中村藤吉黎左香港咁耐，就排足咁耐！難得上星期同老公係mira經過見到唔使排隊，就即刻入去試試!雖然個日天氣凍凍地，但都忍唔住揀了雪糕，揀了DOUBLE味道宇治金抹茶+焙茶軟雪糕，一見到賣相就知道係正宗日本風味! 果然食落就即刻諗返多年前係京都中村藤吉店食過既味道，暫時我覺得係香港食過最正宗、最有京都風味的綠茶甜品，下次再黎要試埋熱飲焙茶，重要試埋係mira樓上嘅中村藤吉食店先得！…Read More

上個月有同事請食farewell cake，造就人生第二次品嚐 lady m 的機會！上一次係尖沙咀只吃過原味千層蛋糕同埋Earl Grey伯爵千層蛋糕 ，好似唔多覺有玫瑰千層蛋糕，睇返佢地fb先知原來香港係全球首推玫瑰千層蛋糕嘅專門店! 玫瑰花瓣的賣相非常浪漫，相信係女仔都不能夠抗拒！而lady m的千層真係做得好出色，每層班戟都好似紙咁薄，均合rose cream真係出奇地夾，每食一口都覺得好滿足好幸福，非常推介!!! …Read More

Book過幾次都full booking! 還好這次跟朋友決定好餐廳就馬上訂位，終於都試到尖沙咀大熱餐廳The Captain's House！The Captain's House最出名應是它的 Captain's hot seafood bag吧! 平時吃到的海鮮拼盤多以冷盤為主，但這裡的海鮮拼盤熱煮再加上各款醬汁，海鮮可選擇三款(HK$398)、五款(HK$498)及八款(HK$698)。因為只有我們兩個女生，就選了五款海鮮，分別有小龍蝦、長腳蟹、翡翠螺、八爪魚仔以及扇貝，醬汁方面就聽從服務員推介的卡疆蒜容汁。服務員提醒海鮮拼盤已經有粟米、香腸、薯仔，所以我們只額外點了蟹餅沙律，蟹餅煎得好香脆，仲有好多蟹肉呢！主角黎啦！見到海鮮包真係好興奮，服務員亦都好識做係拆海鮮包前後都有主動幫我們影合照同埋提我地帶圍裙！醬汁同海鮮都好夾，海鮮中以扇貝及八爪魚仔最入味，長腳蟹亦好新鮮，翡翠螺好大隻，最失色係小龍蝦又細隻又難拆開，食到最後略嫌醬汁太濃有點搶過海鮮鮮味，下次再來應該會試下檸檬牛油汁！：）…Read More

被食店的slogan「一碗連湯都可以飲晒既米線」吸引，忍唔住試了在旺角的農米莊。平時常吃到的米線店多以麻辣／酸辣湯底易聞名，但農米莊則大賣不含味精的香濃雞湯，分別有椰子雞湯、黑蒜雞湯、藥膳雞湯、花膠雞湯，也有其他普通湯底。lunch set非常抵食，四十多元已經包飲品，今次選了椰子雞湯米線，材料非常豐富！除了有鮮香椰汁，也有雲耳、腐竹、豆卜，雞件好似新鮮黃油雞，好有雞味！而米線質地煙韌彈牙，湯底更有淡淡椰香味，好鮮甜！真的像slogan所料忍唔住飲左大半碗湯底，好好味！難得係旺角搵到好味米線小店，以後也要多多品嚐呢～…Read More

感謝老朋友帶我到位於中環的Fofo by el Willy，這頓生日晚餐吃得好開心呢！每次吃西班牙菜總會點上西班牙特飲Sangria，以紅酒配上不同生果作開端，非常醒胃。在糾結海鮮拼盤還是生蠔好呢，最後還是選了半打生蠔，生蠔size比較細隻，但蠔味豐富。脆皮乳豬做得好香脆！必食推介！西班牙海鮮炒飯，這碟期望過高，味道有點失色，因為真係好咸，吃不出海鮮鮮甜味。整體來說食物不算太吸引，不過環境真係好relax，服務又周到，週六夜亦不設用餐時間，當晚跟好友由6點食到10點幾，把酒談心的感覺真好！…Read More

詠藜園，由細食到大的川菜館，對它總有一份感情。是日跟老公回娘家，難得媽媽沒煮飯，就特意帶老人家到詠藜園晚飯相聚。雖然是平日，但也要排15分鐘才吃到，咁多年黎生意都KEEP住咁好!自小喜愛吃辣，或多或少都是被父母感染。詠藜園的口水雞不算太辣，但醬汁特別香濃，份量又大碟，比起一般川菜餐廳大份好多！雞絲粉皮係老公至愛，個人覺得詠藜園的麻醬做得蠻出色，黏稠狀況也非常到位。每次跟媽媽吃中菜她就特別愛吃四季豆炒豆瓣醬，這碟炒得好好味，夠「林」又有豆瓣醬的香辣，好久沒吃過這樣好味的四季豆啦！最後有螞蟻上樹，是我在詠藜園最愛的菜式之一，每次都非常期待！這次也沒有失望，炒得又香又辣，多年來味道質素都保持得這樣好，難怪長期現人龍呢！要多多支持老店！…Read More

自從轉了在九龍區工作後，經常會在油尖旺一帶尋找美食，前幾個月跟熊大大到位於佐敦樓上食店的 Yours Milano ，一嘗意大利菜晚餐。餐廳面積不算太大，分別有室內及室外位置，當晚有點凍我們就選了室內位置，場內以女性客人為主，熊大大是當晚的唯一男生！Set dinner 價錢由 HK$238-358不等，已包頭盤、主菜及甜品，以意大利菜來說非常親民價！我們選好 set dinner 就先吃麵包！麵包好鬆軟，而且配上我最喜愛的意大利橄欖油黑醋，吃得好開胃！頭盤方面，熊大大點了 煙三文魚沙律伴鮮檸檬，煙三文魚略為薄身，不過味道也算新鮮。全晚最驚喜應是這碟 香煎帶子伴青蘋果茸 ，帶子肉質鮮甜，煎得好香口，而且份量好多呢！雖然這頭盤要加HK$48但好推介啊！至於 main course 我就選了 法國雞胸伴炒野菌 ，明明餐牌寫是雞胸，但最後來的是雞腿，我當然不介意呢! =P 雞腿味道也做得不錯，連雞皮也煎的好香脆，平時不吃雞皮也忍不住吃了一少口。不過整體主菜份量就較少，還好剛才吃完帶子都已經飽了一半，而配菜賣相方面也可以做得更好看!熊大大則要了 美國肉眼扒伴rosemary gravy ， 雖然肉汁不算濃郁，但肉質帶嚼勁，而且份量好大，連熊大大都話食到好飽。最後是日甜品有意大利經典甜品 Tiramisu ，更有音符朱古力醬，賣相好可愛，吃得超滿足！可惜上星期想再跟朋友來晚飯時發現餐廳正在裝修中，期望之後再有新驚喜吧，畢竟要在九龍區味道不俗又親民價錢的意大利餐廳真的不容易啊！…Read More

難得跟友人不用OT ，襯有時間就去CWB試了日式燒肉店火山燒，聚舊談心事。火山燒有兩種座位，一是自己燒的，另一款沒有火爐由廚房代燒，由於我倆日是大懶人兼唔想出臉油，那就麻煩廚房師傅喇! 深信人地燒一定好味過自己燒，哈哈~ 公開部份點餐紙，有滿多食物種類，連一些市價比較昂貴的肉類如牛肩肉、黑豚肉、羊背肋都有！雛雞是餐廳推介的，另外意想不到有咁多水產類，有青口、燒生蠔、墨魚咀、三文魚頭等等！至於飲品方面需要另外收費的，非酒精類每位$20任飲，除了汽水也有健康工房500ML裝的海底椰及夏枯草清清熱氣，飲唔哂都可以帶走!至於啤酒則每位$３0任飲，有朝日＆麒麟啤酒可以選擇！店員先贈送海鮮鍋，原來當日選了廚房代燒的都有一客FREE呢！海鮮鍋有青口、蜆、魷魚配粗粉絲，湯底又濃又帶微辣，好開胃！燒物黎喇！雖然只有兩個女生但也不能看少食量！牛仔骨好入味燒得好香啊！選擇代燒果然無錯！勁鐘意食青口，當晚起碼吃了半打。。。青口肉好肥美又肉質鮮甜，推介！因為我不吃燒生蠔的，友人也說好味，三文魚也是不錯的～招牌半隻雛雞！細細隻兩個人一定食得哂，真係好滑好嫩！就連普通雞肉都夠好味，我一個人都吃兩串喔！蔬菜類出奇般新鮮！～香菇、翠肉瓜、雞肶菇、波蘿都好好味！以前學校旅行鐘意燒腸仔，其實到大左都係~ 忍唔住每款腸仔都點了～結果超飽....... HAHA 不過好好味!其他的像墨魚鬚、金菇肥牛、煙肉車厘茄、多春魚、雞腎等等都非常不錯，一再強調吃燒肉放題始終都是代燒的好，不怕燒焦又可以配到最佳醬料！火山燒不論在食物質素及服務方面都非常好呢，下次定會再來光顧呢！…Read More

常聽別人說西環是港島美食之地，早在幾年前不在上環工作就好少到那頭去~~上星期跟老公初踏西港島線，決定一嘗那邊的特色餐廳！地鐵站的立體畫好美，很喜歡看見這種懷舊特色的老香港，真希望不只在畫裡才看到!友人推介剛開業的 Cafe 2 ，是位於西環皇后大道西的一所西餐廳，雖店名是Cafe但其實是正常餐食啦! 餐廳環境蠻舒服，紅磚牆旁掛上不少老香港的圖片，令人感覺好relax!餐牌食物好多元化，我們先嘗 Oyster Platter 生蠔拼盤 (HK$198/6pcs)，生蠔好肥美又觧味十足！野菌忌廉湯 (HK$42) ，味道好濃郁，不過個人覺得淡味點會更好！已急不及待要吃熱食，沒想到德國腸拼盤 (HK$138)分量咁大，一大班人食就最岩~=P 3種腸都好滋味，就連沙律菜都好新鮮呢！店員特別推介的 炭燒銀雪魚 (HK$148) 及 燒原隻鮮魷魚 (HK$88) ，鮮魷魚是是晚的心水推介！魷魚肉質又軟又香，跟帶有泰色風味的綠醬汁味道好夾，酸酸辣辣好野味！肉扒方面我們挑了 澳洲M10+ 純種和牛 ，牛扒外層帶脆，吃下去肉汁好濃郁，層次好豐富! 也是我的推介啊!最後甜品要了 焗棉花糖薄餅伴雪糕 (HK$52)。平時吃薄餅是咸點，但 Cafe 2 有兩款薄餅甜品，其中這款有棉花糖配薄餅香脆口感零舍特別，再混入雪糕就更多層次變化，喜愛吃薄餅不妨一試! 而是次個人推介有燒原隻鮮魷魚及澳洲M10+ 純種和牛，真的好想再吃喇!…Read More

眾多歐洲菜式，我最享受就是法國菜。欣賞法國人對美食的講究，更嚮往他們慢活人生的態度，在如此急促步伐的香港裡，偶然品嚐一頓慢慢來的浪漫法國餐，是滿足心靈的享受。上月來到位於銅鑼灣 法式私房菜 Le Marron ，華麗佈置配上美味菜餚，一切來得太美好！  作為女生，味蕾享受固然重要，餐廳佈置更往往是最能令人留下深刻印象！Le Marron 環境真的好優美，完全像畫一樣，以lace紗布添加客人私隱，又能增加幾分浪漫。  忍不住拍下好多環境相，古典琴配上玫瑰花任何一個角落都能看到餐廳的心思，  環境優美，想不到連食物味道都十分好！頭盤先來鵝肝伴蘋果 Pan Fried Nugget of Foie Gras with Calvados Apple Ring and Port Jus (HK$150)，鵝肝煎得香脆適中，配上蘋果層次豐富，這個價錢有大塊鵝肝確實好抵食！  Salad 方面要了 蟹肉意粉沙律 Crab Meat and Pasta Salad with Red Pimento Dressing (HK$108)，份量比想像中大，蟹肉不多但勝在夠鮮味。  法式洋蔥湯 Traditional French Onion Soup (HK$95) 是我最愛的法國菜式之一，最愛一層厚厚的芝士酥皮，一啖啖又熱又甜的洋蔥湯，好幸福的滋味！ 主菜選了黑豚豬 Pan Fried Kurobuta Pork Chop (HK$240)，豬扒好厚身，不過味道略為普通。  相對pork chop，我更愛這道 檸檬烤雞 Glazed Honey Mustard Yellow Spring Chicken with Cassoulet (HK$148)，雞腿肉質好嫩滑，做得非常出色！ 是晚最有驚喜 ♥ 黑松露天使麵 Angel Hair with Wild Mushroom and Black Truffle Cream Sauce (HK$168)，黑松露醬好香好香！好喜歡這種略硬身的天使麵，加在一起簡直是絕配！100個推介，單是這道天使麵已想令人再光顧！ Le Marron 的份量真的不少~~ 雖然已經挺著肚子但也好想試試甜品! 這是  Baked Banana with Vanilla Ice Cream and a Toffee Sauce (HK$65)，味道好香濃！不過對我來說就有點太甜，令人興奮的梳乎厘 Grand Marnier Hot Souffle (HK$65) ，20分鐘絕對沒有白等! 入口即溶，實在做得太鬆軟，也是令人想encore的菜式！   總記：Le Marron 不論在餐廳環境及食物方面都有極好表現，而且價錢大眾化，平均每道菜式只需百多元，性價比非常高! 我最推介法式洋蔥湯、檸檬烤雞、黑松露天使麵及梳乎厘，聽店員說餐廳會不定期更換菜單，但願下次光顧時可以繼續吃到這幾美味菜式喇，這樣棒的餐廳實在值得 支持呢!…Read More

工作關係來到這邊工作，午後時找食店就被這家老娘麵館吸引了！食店位於太子與深水步之間,地方不算大,只放到6張桌子。沒有水吧，全店就只有廚師跟兩位伙記，其中一位應該是老板吧～雖然來的時候只剩我一人未進食，但結果也要等10分鐘食物才來.... 有點耐吧！感覺伙記好生手，換了批新客人後落錯單聲音都有不少。終於都等到了～我點了老娘牛肉肥腸雙拼麵(HK$36)，雖然是牛肉，但其實是薄薄的牛腩，而肥腸都預先把內裡的肥膏拔走，無咁惡劣感！麵質是四川拉麵，不是很彈牙那種，但我覺得很好味，也把湯底的香辣（我點了少辣）吸收去！加涼拌青瓜，好大的一碟，(HK$36)青瓜好新鮮脆口，醬汁略嫌有點不夠，不過麻辣味也滿香的！…Read More