womagnolia's Profile

其實一開始係俾個名吸引咗，唔知係賣咩嘅，所以行左上去睇，見啲burger介紹都好似ok就試試佢其實係條樓梯吸引我上去間餐廳似開左無耐咁，餐牌都仲係就咁紙印出黎，OpenRice又一個食評都無，一開始都伏伏地環境不過不失，無咩特別，當然如果有特色少少會更好，而家無咩主題，可能係新開？食burger配啤酒是常識吧呢度既著條係單點，無餐可以配，不過幾大份。將莞茜加入去幾得意，如果芝士可以再多啲會更正朋友鍾意食肉醬薯條，而我會鍾意食呢個薯角多啲，上面鋪滿香蔥同埋芝士粉。同埋本身著角都做得好脆，所以食唔停口終於到主角出場啦，朋友叫咗個炸雞漢堡，佢話好Juicy看肉質好嫩，好好食但係對我來講，漢堡包一定要食牛肉🤤🤤揀咗佢個 Classic burger 2.0,芝士有兩款可以揀，而我就唔要羊奶芝士,呢個芝士好有咬口，好似食緊麻薯既texture。個人認為個包都脆口，同埋塊牛肉都好食，值得一試既🌟總括嚟講呢一間新餐廳嘅漢堡都做得唔錯，而個薯角真係比到我驚喜嘅感覺，不過建議最好幾個人嚟可以share返薯條🍟。又或者希望間餐廳睇到會考慮下加set既可能性啦😋…Read More

同事話柴灣有間炸雞兄弟，個樣好似幾吸引於是約埋全部人都唔帶飯叫外賣黎食我哋叫咗個10人餐食完都真係好飽，有沙律三款唔同嘅炸雞薯條湯年糕炒年糕仲有一款不知名嘅炸物。為咗宗門炸雞嘅由來，啲盒沙律係好重要㗎，都幾新鮮嘅芝士薯條-如果芝士粉可以再落多少少會更好食甜醬炸雞辣辣地幾惹味個人來講最鍾意呢一隻蜜糖炸雞，食嘅時候仲係熱辣辣㗎炒年糕，年糕口感都幾好，好怕太硬或太淋既，仲有一款人蔘雞湯年糕，但係太好食唔記得咗影相呢個就係不知名嘅炸物啦，都唔知要點咩嚟食亦唔知係咩，似係麵粉炸出嚟嘅。同埋咬落去感覺好油膩，所以最後大家試咗一口就唔再食啦。整體來講，覺得絕對值得一試，尤其係殉道過嚟仲係熱嘅呢一個值得一讚。至於炸雞方面，都好juicy外脆內軟，喺附近返工真係可以叫一次外賣嚟試吓😎…Read More

約咗朋友去睇「大MK日」，見OpenRice呢間野都係排頭幾名就book咗去試啦環境有小小細，不過因為6點前到，基本上得一兩枱外藉人士飲緊咖啡睇緊notebook佢又唔同嘅啤酒選擇，咁當然要飲番杯先啦沙律菜好新鮮，最鍾意食火箭菜，仲要中間舊芝士好好食😋青口配薯條，個汁如果可以再濃少少會正好多最後唔夠飽都係叫多個意粉，不過唔太好蕃茄底所以主要俾朋友食，佢話正常無咩出錯基本上是一間有水準的餐廳，但又不會有太大驚喜，其實有水準而家都唔算係易事。…Read More

因為唔想成日食同一間米線，見到太子介紹呢一間米線，話性價比好高好好食，於是過咗嚟試食米線選擇好多而佢嘅餐牌有少少似旺角一間米線店，唔知有無關係但旺角個間好食好多環境上都算光猛，但應該好污糟，櫈係有啲lup,同埋長短褲嘅我覺得隻腳好痕🤯米線方面不過不失，個辣味唔算太出同唔夠入味值得讚嘅係豬扒分開上另外叫左個花板小食，但應該係翻熱，好油膩整體黎講唔會特別再黎食，但米線又唔係話太差嘅，所以你都可以試下話我知覺得點…Read More

次次去太子上堂前食米線食到有啲悶，咁啱落車隔離就係呢間食餃子嘅，決定會一會佢餐廳環境基本上整潔光猛，座位之間寬闊，真通常俾人舒服嘅感覺基本上又唔同我款式嘅餃子，有湯炒油煎餃，而我就選擇咗比較特別嘅煎芝士栗米餃同埋涼麵，亦都可以外賣生餃返屋企整醃蘿蔔係自家製，可以叫佢比一細碟你芝士餃外層煎得好香脆入面真係啖啖芝士同栗米，試試這行同粟米嘅甜加埋一齊幾新鮮特別，都幾夾至於涼麵就一般般啦，唔夠凍另外麻醬亦都唔係好香，下次都係食返餃子算啦…Read More

朋友生日，因為太遲book燒肉餐廳，其他都full晒😑，唯有試吓呢一間，點知真係見堅失望。首先見佢咁大集團，於是喺網址度預約Booking，但到食嗰日都無人覆我，反而OpenRice 就好快confirm左，咁不如唔好扮高級整多個email booking la.去到食飯當日嘅下午一點到，我收到OpenRice嘅notification話預約時間俾餐廳更改至630（本身6點），而餐廳係完全無打話電話問可唔可以，呢個位係好差感覺不受尊重。因為時間預好晒，而家多左半個鐘唔知做咩，而且一般大餐廳都會打嚟confirm booking,呢間係無嘅我地叫左兩個$690嘅餐，再加牛肉沙律🥗食物水準方面係不俗，至少牛肉無筋，而牛小排都真係好味嘅，員工亦都有睇住幫我地換燒板。不過最令我哋O嘴竟然係最後發生。事緣朋友生日，我早兩日預先打俾餐廳問有冇甜品可以落單，餐廳回覆要$1280嘅餐先包甜品，亦都唔可以寫名，只會比一個生日牌係隔離，當時睇完得雪糕，就同餐廳講再考慮，因為中環都有好多蛋糕店可以食完飯食。準備買單嘅時候，餐廳送咗個雪糕嚟，連埋生日牌，而支蠟燭就插咗係個檸檬皮上面。雖然朋友唔食抹茶雪糕，但嗰下都會諗餐廳都幾細心，但去到買單嘅時候先發現，個雪糕係收..我..錢..嘅。嗰下呆左，心唸我無叫個甜品又無問過我食唔食抹茶雪糕，點解可以收我錢？當下無出聲，因為咁做法嘅餐廳真係第一次見，都無謂嘈。其實唔係幾十蚊嘅餐廳，埋單都差唔多$2000，點解會做到咁唔大方？試過去其他餐廳慶祝，預先打去留咗朋友嘅生日名同對方講一條甜品就可以寫上去。但最後因為食得太飽冇嗌甜品，餐廳都特登送咗個好細嘅cake仔去俾朋友慶祝生日，講到底都係心意同尊重！唔係介意俾，而係無問你要唔要再收你錢真係好大問題，幾好食都無用😤所以唔會有下次👋🏻👋🏻…Read More

今次已經係第三次嚟啦，除咗因為啲嘢食好食之外，亦都係因為兩次夜晚黎都食唔到Tiramisu，今次專登下晝嚟，點都會有得食啦呢個鹹蛋薯條係出色嘅，材料一啲都唔少真係食到好濃嘅鹹蛋味炸魷魚鬚-呢個就正常夠鑊氣，其他冇咩特別蜜糖芥末雞翼-蜜糖味令到成件事冇咁油膩,雞肉亦都唔乾身，會鍾意食呢個多個炸魷魚明太子忌廉大蝦燉飯-明太子味都好濃，大蝦都有好多粒，同埋火箭菜令到成件事冇咁濟西柚梳打咖啡-一開始點都有期待，咖啡好飲，但加埋落去就唔好飲，西柚太苦撞埋一齊一般般焦糖炮谷pancake-上面嘅cream好滑加埋焦糖不得了，本身塊pancake都有水準我最期待嘅tiramisu終於叫到啦，送過嚟嘅時候係有層膠膜包住，拉開後你就會見到嚟緊嘅畫面D cream係滿瀉出黎架🤤呢個係暫時食過最有gimmick 嘅tiramisu 仲要整得好食😋總括嚟講，以嚟咗三次嘅經驗，都係好食嘅，唔會有太大落差，唔怪得觀塘咁多間餐廳佢都長期要排隊啦，真心推介👍🏻…Read More

又到左星期五去太子上堂嘅時間，今次想食公仔車仔麵，上次食完16座之後覺得有啲鹹，見隔離開咗一間新嘅車仔麵就入咗去試啦。間舖頭應該係新開張，出面有個姐姐會派餐單同$5現金卷見OpenRice食評話喇沙湯底好好味，雖然要加$12最後都係加咗試一試。個湯底偏淡，冇咗喇沙湯底應有嘅濃郁。反而喺紅磡試過另一間車仔麵，轉喇沙湯底係真係濃同埋會加多兩舊豆卜芽菜，真係做到好足料了。另外比較失望嘅係，餸嘅價錢比一般車仔麵檔貴，$11嘅蘿蔔都只係得兩舊，呢個係真心有少少驚訝嘅至於呢首墨魚春卷，有人覺得個份太厚，但我就覺得好香口，幾好食😋總括來講，環境方面唔錯，但食物質素方面絕對有進步空間，如果唔係競爭都會好大，如真係做到個喇沙湯底超好食，咁$60就都叫值返。餐廳職員嘅禮貌值得一讚，要加油呀！…Read More

收左工要去深水埗買SD卡，同事介紹呢間台灣嘢,話質素都唔差同適合一個人食，咁當然要會一會佢先啦！成間餐廳嘅設計都做到好台式嘅小店咁，真係有種去咗台灣估早餐廳嘅感覺睇埋餐牌嘅設計同支紅色嘅雙頭筆，即刻諗起喺台灣早餐食蛋餅嘅回憶🥺最後叫咗個髯鬚雞扒面同埋花枝丸，飲品就選擇左奶蓋芝士烏龍茶雞扒方面略嫌比較細塊，不過炸粉夠薄身，見之前其他人影嘅好似大塊同厚身好多咁至於呢碗牛肉湯底嘅面就真係好食啦，湯底夠濃而麵都掛左味酥炸返師院就正正常常，不過不失啦。杯烏龍茶就冇影相，不過麻麻哋，芝士味係完全唔出。整體而言，一個人唸唔到食咩都可以黎試試，其實係食個感覺多啲。…Read More

收左工要去尖沙咀去上堂，記起有朋友話嘉寶漢堡好食，但好多人排隊，我咁早收工，應該無咁多人掛，會一會佢先。環境都算整理乾淨，同埋有部消毒機俾你洗手，隔離就放左餐具自己拎。係入口個counter落單後，就會俾部機你，食物準備好就響架啦，對於單拖黎食係好方便，可以坐返埋位先叫左黑松露芝士漢堡轉餐另外加兩條芝士條小食個漢堡係值呢個價錢嘅，不過會願意俾多少少換塊厚身嘅漢堡扒，而家係有啲唔上唔落。至於炸芝士係夠熱，但層炸粉會有少少厚。整體黎講水準不過不失，係麥記外嘅選擇，不過未去到會心思思想再食。…Read More

約咗朋友放工後食飯，想傾吓計飲下啤酒，但係又唔想太嘈，於是上左朗豪坊呢間德國餐廳食Erdinger嘅黑啤係我嘅最愛,仲要係draft beer,無敵呀！呢個青口都好好食，用黎餸酒就啱啱好朋友話飲酒唔可以無雞翼喎，對我來講就不過不失啦。呢個米蘭豬扒係我嘅最愛，基本上去親德國嘅餐廳都會叫黎食。其實就係用咗層好薄嘅粉再拎去炸，所以豬扒本身唔會大乾身。每間都有唔同做法，呢間係上面再加左醬同炸豬皮，有啲就會加火腿咁。建議如果想飲返杯又唔想太迫太嘈，可以黎呢度食，靜得黎又唔會太拘謹，正呀…Read More

每個星期五收咗工之後我都要嚟太子上堂，我就一定會來食太子呢間最鍾意食嘅米線川之味。印象中呢間野都開咗成10年以上，不過都係今年咁啱先至開始食六點就已經有幾個人排隊㗎啦，好彩我一個人食都係等左5分鐘姐餐牌係牆到，一眼睇晒鋪面係好細，落埋隔板就仲細，基本無位放嘢，都唔好唸住放手機係枱睇Netflix 豬軟骨大腸米線，呢兩個係每星期必食。真係整得好入味好豬軟骨夠淋，同埋係有少少八角香係入面。平時係譚仔食開中/大辣，係呢度食小辣10級已經好夠，試過一次中辣真係唔太頂到。同埋佢嘅味道係同其他米線店好唔同，唔係死麻死辣，所以先令我每星期都好期待食呢碗米線🤤…Read More

成日都覺得八點要返工好辛苦，要朝早6:30就起身出門口，但係諗落其實都有好處嘅🙃就好似今日咁，去到間餐廳六點都未到成間餐廳我霸晒。餐廳門面已經好有日本feel好鍾意呢一個紅白藍嘅燈籠餐牌以金木水火土分別唔同嘅拉麵，仲有期間限定款。餐廳裝修都做到好似日本嘅拉麵店咁㗎仲有啲比較特別嘅嘢飲，例如綠茶可樂，飲過都唔錯㗎金拉麵-糾結咗好耐食唔食地獄拉麵，因為平時去親拉麵店都一定食辣嘅。不過最後叫咗佢最基本嘅嗰一款因為想試吓湯底嘅味道。湯底冇令我失望係有好濃厚嘅豬骨湯味，係食得出絕對唔係加咗味精嘅感覺，叉燒都好入味，不過相對比較薄身有自家醃製嘅辣菜俾你拌麵，不過對於好食得辣嘅我來講就一啲都唔辣啦😆見咁多人在處理完骨，所以都點左一份嚟食。甜甜地都幾開胃，彌補番得兩塊叉燒嘅不足哈哈😆整體上都推薦呢間拉麵店，不過因為早去所以真係一個人都冇，如果真係坐滿人嘅話可能會有少少迫。最啱都係一個人去，頂盡都係兩個，不過都唔預你係度fine dine 架啦，都真係似日本細細間嘅拉麵店，俾你收工後食返個拉麵入杯啤酒就返屋企睇Netflix咁😌😌…Read More

自從夜晚十點後無嘢食，已經訓練到勁早就食完飯。今次同事話附近有間牛腩好好食，見收工無約人就跟左佢去食🤔會一會佢先切腩麵$45係有少少貴嘅，因為另一間對面嘅崩沙腩河都係$30幾下午茶係無牛腩呢個選擇，所以享受唔到個優惠最後都係叫左切腩河。的確係值呢個價錢嘅，因為牛的味道真係好出，同埋加少少肥肉令到每一塊都好香好好食。河粉就正正常常啦。同事叫埋雲吞，偷左一粒黎食，又幾好食喎🤤但咁叫又食左牛腩好唔抵，下次一碗雲吞一碗牛腩咁叫自己分先😬😬…Read More

趁住唔駛強迫用安心之前嘅一日，同朋友嚟呢度開餐。之前試話630到都已經full booking,所以今次記得係OpenRice book枱，六點坐低都真係六半又再滿座😂不過提提大家呢期個廁所整緊，最近都要行5分鐘落隧道過對面公廁，所以記得去左廁所先入餐廳🥲黑椒蜜糖雞翼-黑椒味唔濃，反而蜜糖味就好出，同埋煎得夠香，可以原諒黑椒唔見左😅酸菜豬手-豬手好好味，皮夠晒脆口，肥瘦剛好，肥位當係骨膠原食左佢就得架啦黑松露帶子意大利飯-有三粒都大粒嘅帶子，咁啱我地三個人就啱啱好。味道唔會太油膩同頂肚，不過大食的話一個人食呢碟就絕對唔夠。呢間餐廳仲有好幾款唔同既啤酒🍻，不過飲左唔記得影，推薦大家可以點下佢地嘅啤酒，因為佢地嘅選擇都比較另類，幾特別。總括嚟講係絕對推介嘅，食物水準中上同環境都舒適嘅，不過真係要早啲去食，夜晚一滿就會有啲嘈。…Read More