幸樂兒's Profile

星期日Lunch Time 唔多人，冷氣充足！一坐低，未落單，職員已經奉送一碗熱中湯，足料，似無加味精。落單時常餐A沙嗲牛肉麵+炒蛋+多士，無沙嗲牛肉供應，喔！咁轉常餐B豬扒通粉+炒蛋+多士囉，無通粉，唔緊要，咁豬扒麵囉！最後，食物上檯，waiter話因為無曬面包，早餐時段用曬，俾多啲蛋補償返呀咁做咩落單果陣唔早講，早知如此，可能會揀其他嘢食招牌叉燒係幾好味嘅，但一滴汁都無，好乾！雞件細到呢，雙拼性價比低！…Read More

每隔一段時就想食 • 拉麵🍜。一放工即奔向此店，7點全店已經爆滿，幸而好快有位。坐正吧檯，拉麵師傅分工有序，忙碌地無停過手，佢地不斷整麵、即場炙燒叉燒，非常認真！限定蟹粉拉麵已經沽清，好可惜黑蒜拉麵，本身係乳白色既豬骨湯底，混入黑蒜油，香口濃味，再將一大坨黑蒜撈勻，黑蒜味道更加突出。叉燒既周邊全是由肥膏包圍，經火炙後更香口，入口即溶溏心蛋蛋黃色澤搶眼，流心甜美鰹魚拉麵湯底濃稠，極重魚香味。拉麵屬中粗身，軟硬適中。飄逸木魚片及炸蓮藕片不可少，後者爽口，想食多幾片。小食唐揚魷魚🦑惹味香脆。…Read More

放假最鐘意捐窿捐罅去搵食，呢間位於元朗後街既麵店，門面雖小但裝修別緻。阿叔友善咁招攬我地進內後就坐左嚮出面休息，感覺好親切！店裡外牆兩旁色彩繽紛以漫畫既形式勾畫出輕鬆食麵既壁畫，就連天花板都掛上潑水節既水槍及紙傘，極富泰國特式！嗜辣者不可錯過火辣阿嫂青木瓜沙律🥗可揀辣度，青木瓜絲爽口，當中還有蝦米仔更顯香口，酸酸甜甜好開胃，愈食愈辣牛肉船麵：湯底色澤極深色，牛骨熬製味道濃郁，牛腩腍又入味，牛丸彈牙爽口。冬蔭公湯麵：配料有蝦🦐、蟹柳、蠔仔、豆卜。湯底睇落似喇沙，蕃茄仔既味道較多，屬偏酸既冬蔭公，少辣，香料味濃。無論環境、食物、人情味都令人更想去泰國走返一轉…Read More

好野梗係要開心share架啦:)上次食完後一再回味，今次見朋友工作附近都有分店就推介佢一齊打邊爐。佐敦店同樣以古式古鄉既裝修為主，通花板間隔開，甚有私人空間揀選養生及麻辣鴛鴦湯底，養生之餘都要有點兒刺激既內裡有千層凍豆腐及鴨血，配料十足。麻辣鍋可選大中小辣、養生湯中有一整條人蔘，真材實料即使場內有不少調味料供自由選擇，但湯底已經好夠味！脆炸嚮鈴輕輕炙一炙，有DD軟身得黎又脆口，索取濃湯既味道之餘且香口極上雪花肥牛薄片，配麻辣湯既精華，入口即溶！台灣空運既冰菜好特別，新鮮清甜！原粒鵝肝包嚮中間既墨丸夠彈牙。食飽後再喝一口養生湯，味道更覺清甜，即使打邊爐都可以好健康既…Read More

鬧市中有不少樓上餐廳，呢間位於18樓既西餐廳環境不錯，落地玻璃飽覽旺角夜景，裝修簡潔，昏黃既燈光暖暖的，蠻有情調DOUX水果茶好大陣仗上壺裝載薰衣草及紅棗，點火後下壺既茶沿吸管直通上壺，泡浸過後再慢慢回留，好amazing！淡淡帶果香既玄米茶味感覺好健康！鵝肝法蔥意大利飯：厚切鵝肝好肥美經過煎調，外脆內軟，入口即溶，煙靱飯粒配搭芝士醬汁，味道濃郁紐西蘭肉眼扒肉7成熟，上檯前已細心切開，色澤粉嫩，肉汁豐富，配菜也烹調過且種類多甜品款款都好吸引其中Ruby Peach既擺設似藝術般，別具心思外表薄薄一片既脆脆，內裡軟腍腍的mousse，一切開，蜜桃果醬一湧而出，味道少酸甜美，充滿蜜桃香味，外內兼備。…Read More

平日經過見大紅燈籠高掛既餐廳甚有日式風格，放題價錢雖貴，但為左慶祝週年紀念日豪一次，結果好有驚喜食物即點即整，質素非常好，而且可連續豪食5.5個鐘咁耐唔使限住曬D時間，即時覺得價錢很合理！Menu以報紙形式展現，一次性頭盤已經夠豐富：籠仔蒸海鮮係大蜆，蜆肉勁大粒，相當飽滿，清蒸更顯鮮味；岩石燒揀左安格斯牛小排及黑毛豬五花腩各一份，睇個色已經知係靚肉，無需加任何調味嘗到其juice既肉味大Toro油脂比例均勻，味道甘香；活赤貝夠爽口；龍蝦🦞厚肉且新鮮；很多芝士鋪面既黃金蠔表面香口，蠔肉新鮮；仲有松葉蟹肉釜飯，雖然啖啖蟹肉鋪面，飽肚既當然放到最後先食啦！齋係果頭盤已經忙到不停！其他刺身亦很新鮮，完全無雪味。回本之一既有任食生蠔，日本及法國兩款都好新鮮，個人偏愛法國款既爽甜！火炙三盛去到面前開火即燒，暖暖地，其中三文魚入口即溶冰鎮溫室蜜糖苦瓜唔係間間有，薄片苦瓜蘸著似麥芽糖醬食，唔算苦，幾特別！其他燒物、炸物都很不錯，樣樣都好有水準甜品推介貓山皇炸彈，一咬開內裡啖啖榴槤肉，絕無欺場:)人像咖啡係whatsapp張相俾佢就可以印落俾咖啡上面，很有趣…Read More

睇完好戲就順便嚮旁邊既呢間餐廳食晚飯，非常就腳。門面以淺藍色葡式花紋磁磚砌成既bar檯尤其吸睛，餐廳裝潢頗具格調，坐得舒適。除了水蟹粥、葡撻等澳門為人熟悉既食物外，餐牌上還有不少特色新派菜式。沙梨頭手打墨魚餅炸得金黃，香脆彈牙，秘製甜辣醬很重要，微辣令墨魚餅更惹味鵝肝焗鴨飯熱辣辣上檯，粒粒分明既米飯中混入臘腸片、鴨肉、肝菌及橄欖，加上肥美既鵝肝入口即溶，油香味充斥著味蕾，非常有口感！馬介休炒椰菜食落爽口，當中夾雜鹹香味，火喉十足…Read More

元朗甚少有食西班牙菜既餐廳，難得yoho mall新開左間，門面開揚，以清新既綠色為主調，餐廳裝修有心思，座位空間闊落，亦有不少卡位，坐得舒適。Menu上有不少海鮮選擇，揀左漁夫海蜆做頭盤，粒粒蜆肉飽滿，配微辣既醬汁好惹味Main course係金沙麵包蟹，浮誇得黎又好吸睛上菜既同時職員提供了一小桶拆蟹工具，蘸著鴨蛋既炸蟹好有咸香味，勁多蟹膏。雜果麻糬窩夫賣相靚靚按著個人喜好加上適當甜度既蜜糖漿，窩夫表面脆脆，內裡既麻糬煙煙韌韌，雜果中仲有少見既無花果肉，味道少少甘甜，好特別！鮮草莓蜜桃果汁綠茶及仲夏水果茶加入新鮮水果，好fresh！連粒草莓都好甜…Read More

天氣稍微轉涼就會想打邊爐。一開lift門，陣陣麻辣味撲鼻。餐廳裝潢雅緻，環境及擺設都充滿中式風情，如果一大班人仲有獨立間格，私隱度甚高。未點餐，檯上已經預備8款前菜小食，等湯滾前慢慢食。每人一條圍巾以防亂髒衣服，好細心竹蔗茅根水甜度適中，清熱解毒，打邊爐唔少得。調味料區勁多選擇，眼花撩亂。由於朋友唔食得辣，揀左養生野生菌湯，菇味十足且健康。而我就食重慶麻辣，菜油雖然健康d，但揀了相對濃味既牛油底，麻麻辣辣刺激味蕾，愈食愈起勁其中桂花魚片肉質精瑩剔透，完全無骨刺，新鮮且脆滑手打出黎既芫茜豬肉丸果然夠彈牙，馬蹄、芹菜等材料混合更添爽口韮菜水餃皮薄餡靚手切肥牛頸脊肉質鮮嫩，牛味濃郁。鮮黑毛肚口感煙靭。酥炸響鈴豆味十足，很酥脆。雜菜籃及窩筍片色澤翠綠，食材都很新鮮！…Read More

途經太子見餐廳外充滿聖誕氣氛既擺設，吸引左入去。店內雖小，盞盞暗黃既吊燈，牆上著一支支紅白酒樽，很有格調，每張檯上還擺左一小盞香薰爉燭，極富浪漫氣氛前菜精緻得黎又好高貴，黑魚籽青瓜海膽上面仲鋪左少少金箔，入口即溶好鮮甜；龍蝦濃湯，一小杯濃縮了極濃郁既蝦味；北海道刺身帶子啖啖肉，酸甜既醬汁鋪面調和了帶子既鮮味。澳洲A5和牛肉眼扒配燒汁：牛扒不厚身易切，肉質嫩，油脂分佈平均，配白酒一絕伴菜燒蒜頭同薯仔都很出色石斑魚柳薯蓉時菜：外層既魚柳皮煎得香脆，魚肉很厚實，蘸少少龍蝦汁更鮮，薯蓉幼滑creamy…Read More

難得屋村商場內有間小清新既Cafe，正中間以雀籠為主的半圓形座位更是吸睛，雲石檯配卡位sofa椅，裝修高雅，坐得舒適。食物款式多，$50幾跟餐更有飲品，經濟實惠。就算散叫，都比出面既西餐廳抵食。檸檬柚子煙三文魚沙律：擺到成朵花形既煙三文魚沙律菜配上少酸且甜既醬汁，好fresh！蒜香焗蘑菇：熱辣出爐，蒜香味十足，蘑菇充滿水份，調味得啱啱好！刀片牛：薯條可無限量供應，邪惡得黎又抵食！medium red 肉質粉嫩，蘸燒汁更惹味！墨汁帶子意大利飯：香噴噴上檯，帶子大大粒，外面煎到金黃，內裡好Q彈香口，濃郁既墨汁包圍著軟腍既飯粒士多啤梨雪糕厚多士厚多士上鋪滿忌廉，更有雪糕及不少果醬，充滿士多啤梨味，甜度適中。…Read More

餐廳暖色系裝修令人有舒適放鬆既感覺，日式風格，加上不少精緻擺設，頗有懷舊風味！師傅將極上刺身盛合排列得相當有心思賣相鮮豔奪目！職員溫馨提示逆時針方式既次序食，味道由淡到濃。厚切金目鯛及真鯛味道清淡，肉質細膩。生蠔非常飽滿，甜得黎又juice北海道鮮帶子柔軟彈牙，很鮮甜。最後到吞拿魚腩，筋少啖啖肉，油脂較高，甘香且肥美。鰻魚飯原條鋪面鰻魚經炙燒後外層焦香，內裡軟腍，配上甜甜既醬汁同暖暖地既珍珠米飯，保持水準！…Read More

時過20:30，燈火通明既呢間拉麵仲出現人龍，人氣蠻高，拉麵精既我冒雨都要排下，好在客人流量高，不足10分鐘已可內進。裝潢頗具日式風格，中英對照既menu亦吸引了不少外國遊客。最鐘意試新野既我當然要期間限定啦！特濃山椒魚干沾麵：採用粗身既小麥麵很彈牙，石燒鍋中既熱湯好似火山爆發咁滾住上檯魚湯底超級濃稠，添加少少檸檬汁減輕魚腥味。厚身叉燒肥瘦適中，山椒粉鋪面，經炙燒烹調更顯香口！朋友揀既豚肉魚介拉麵：超濃郁豬骨湯底，都好啱口味PS: 基本上無論沾麵或湯麵既湯底都很濃郁，無需用到任何其他額外既調味。…Read More

環境尚算舒適，有卡位或圓檯。整體食物味道只是一般。椰青雖然大，但是不夠清甜。無骨鳳爪沙律既洋蔥絲超辣，鳳爪不多。生蝦刺身大大隻，份量較少，味道不過不失。大冬蔭功湯可分5-7小碗，偏辣，味道不錯，可惜大蝦不夠新鮮，肉質有d霉炒金邊粉既粉很靭，要咀嚼好耐咸魚炒芥蘭既咸魚味不夠濃，芥蘭尚算爽脆新鮮。燒豬頸肉同串燒最好味青檸爐魚酸酸地好開胃。甜品拼盤咩都有d，最好食都係椰汁黑白糯米配芒果，暖暖地既熱度岩岩好，芒果件亦甜甜的。…Read More

食完正餐，繼而食甜品。其實我係個芋圓控，好鐘意食d煙韌既野此店絕不起眼，假日4時先開門但已經滿座。仙草西米奶露：滿滿仙草浮面，好滑溜，細細粒既西米沉底，超足料。腐竹蓮子配芋圓可選熱/凍。湯水清甜，腐竹及蛋花又薄又滑，芋圓及地瓜圓煙煙韌韌，非常有嚼勁。當中還有細粒既糯米小丸子及蓮子。口感豐富，絕無欺場。最欣賞既係所有甜品的甜度適中，不會太膩，岩曬唔鐘意太甜既我。而且價錢經濟實惠，難怪咁受街坊歡迎啦！…Read More