aminn's Profile

格仔餅的日常你鍾意落牛油、花生醬、煉奶定砂糖？媽咪雞蛋仔節日限定口味開心果格仔餅又香又脆嘅格仔餅每啖都食到濃郁嘅開心果仁醬我就鍾意有nuts有咬口嘅格仔餅小朋友就鍾意原味雞蛋仔大人細路各一底唔使做選擇…Read More

想食甜品又想食得健康啲豆乳雪葩好啱熱天即刻買嚟試下大大推介季節限定香芒豆乳雪葩天氣熱飲雪葩勁爽值得encore原來香芒同豆乳係咁夾好啱鍾意唔太甜嘅我芋泥西米露比一般芋頭西米露嘅配料多綿滑芋泥配粒粒西米口感豐富芋泥控唔好錯過！期間限定嘅開心果豆乳好香開心果味飲落仲有粒粒開心果碎一路飲豆乳一路有nuts咬下好開心原味豆乳布甸家中小朋友最愛 微甜香濃豆乳布甸健康啲又好味每次都要orderJollibean有推出下午茶套餐仲不時有甜品/飲品加購優惠記得留意吓附近分店…Read More

我同小朋友都係麵包控自從香港7-Eleven都推出自家品牌7-SELECT唔使去旅行都買到便利店日式麵包喇最新推出7-SELECT黑松露芝士火腿包同另外3款精選升級日式酸種酵母麵包我嘅早餐同下午茶準備好了7-SELECT黑松露芝士火腿包香意大利黑松露醬配搭濃濃紐西蘭車打芝士醬加埋火腿三重滋味！7-SELECT芝士包芝士包面層係意大利芝士粉同美國車打乳酪碎入面仲有經典馬蘇里拉芝士醬口感順滑好啱芝士控7-SELECT紅豆包選用優質紅豆製成細滑紅豆蓉甜而不膩好適合配返杯抹茶7-SELECT吞拿魚包麵包內餡係蛋黃醬吞拿魚搭配洋蔥碎增加口感小朋友最鍾意7-SELECT日式酸種酵母麵包系列新配方加入意大利瑪德莉酸種天然酵母、日本一等小麥粉以中種法製作為麵包增添獨特麥香風味同鬆軟感…Read More

包點先生全新爆餡泰流心奶茶包選用人氣ChaTraMue泰茶餡仲有其他幾款「泰」想試系列泰流心奶茶包用咗泰國人氣ChaTraMue 品牌奶茶餡每啖都係正宗泰茶味道 一咬流哂出嚟泰惹味豬肉包加入泰國香料九層塔同指天椒非常惹味～泰酸辣鮮竹卷以香茅、檸檬葉同泰國青檸汁做調味酸酸辣辣好清新想一次過試晒三款唔同嘅泰味 購買任何產品就可以加配「泰」想試系列$9加配泰流心奶茶包或泰惹味豬肉包一個 (原價$12)$23加配泰酸辣鮮竹卷一份 (原價$26)…Read More

最近同事們都講緊甜品畫碟嘅餐廳啱晒慶祝節日🎂生日飯嘅bonus就係呢度嘅甜品畫碟服務只需要點任何甜品+$35就有獨一無二人手畫嘅公仔同祝福語唔太鍾意巴斯克芝士蛋糕嘅我都覺得好食而且主食已經食飽可以點半份甜品另外仲會送一張即影即有生日想食豐富啲點咗海鮮拼盤可以選牛油蒜香/辣味想食到海鮮原味最好點牛油蒜香超大隻開邊波士頓龍蝦啖啖肉配上青口、鮑魚、蟶子、大蝦等等海鮮最驚喜嘅配菜牛油粟米、蕃薯、西蘭花吸收晒滿滿嘅蒜蓉牛油海鮮味唔想諗所以點2人餐除咗海鮮拼盤仲有黑松露牛肝菌蘑菇湯法式龍蝦海鮮濃湯慢煮雞胸胡麻沙律法式焗田螺配薯蓉加特飲仲有7折優惠我哋星期一晚嚟都好爆 記得提早訂位…Read More

新年同屋企人去康城新店內部裝修一貫簡約自然風格牧羊少年依然用心製作高質美食尤其以下幾樣有驚喜康城店期間限定海苔鹽沾粉炸雞翼非常脆口唔會油淋淋 每啖都好有層次慢煮BBQ醬美國豬肋骨 甜甜嘅BBQ醬配搭豬肋骨肉肉夠淋一咬就散開 味濃得嚟又唔覺得滯仲有脆卜卜蕃薯條同燉菜(瓜） 菜肉平衡香芒雞肉薄餅芒果肉同車里茄酸甜清新嫩滑雞肉+牛油果 仲係我鍾意嘅薄批完全係my pick朱古力心太軟配焦糖雪糕切開蛋糕見到朱古力醬流出嚟好療癒杰度啱啱好甜而不膩仲有兒童餐送嘅HaagenDazs雪糕杯滿足晒小朋友嘅願望…Read More

波仔叮叮抵食又選擇多重點可以買定放喺雪櫃糧尾食又得 趕時間食又得總之就好方便最近推出新品竟然係叮叮西多？我要即刻試下！好食嘅要掃幾盒存貨先花生醬西多士小朋友最愛急凍西多唔需要預先解凍預熱焗爐再焗20分鐘就食得金黃色西多士 焗完唔會出好多油配搭一包糖漿 再加片牛油急凍食品仍然有外脆內軟口感味道合格以上 適合懶人即食花生醬再軟身啲就更好見到而家有點心櫃就買pack水晶蝦餃試下蒸嘅時候好疑惑見蝦餃皮好似幾厚蒸完透明咗食落係煙un軟身竟然蝦餃肉有驚喜 好好味…Read More

同囡囡去運動場後隔離尚德就有翠華有時會去下午茶 有時買麵包問咗翠華阿姐5點後就有晚餐就試下叫個鐵板食翠華姐姐突然遞件即棄圍裙俾我望下圍裙發現翠華出咗新logo用咗新形象真係LOL喳喳聲嘅鐵板牛扒配薯菜好港式黑椒汁係我最愛牛扒大膽地叫咗5成熟切開仲好juicy、啖啖肉、重牛味仲比想像中腍 有驚喜！薯菜係椰菜、三色椒、薯仔而家order鐵板餐仲有小圍裙咁貼心嘅我叫埋苦瓜手打檸檬茶解一解鐵板嘅熱氣仲有其他配搭士多啤梨同芭樂仲要全日不設加一幾抵食呀…Read More

最近尖沙咀熱鬧返起嚟，多咗商場活動我哋都趁機去行下，經過天星碼頭出口正中間就見到好大間媽咪雞蛋仔因為喺遊客區所以呢間鋪準備咗好多部雞蛋仔機，店員即叫即製order keep住嚟，雞蛋仔機就一直開動，最近嚟2次都係等10分鐘左右就拎得媽咪又推出期間限定白蓮蓉蛋黃月餅雞蛋仔，一睇就知係月餅味嘅雞蛋仔，真係好吸引去一試雞蛋仔本身甜甜嘅蛋香，每粒都飽滿又足料，咸咸甜甜嘅夾心，仲有烘至金黃嘅雞蛋仔邊，真係老少咸宜嘅地道小食可以搣下搣下逐粒自私食，又可以同小朋友分享，或者配埋杯飲品去海濱吹下海風都係一種chill呀…Read More

周末上完堂同小朋友去Mother Pearl用天然食材同人手製作嘅健康版茶飲最近出咗KID MENU🥤Mother Pearl 用上不同天然食材以茶飲製作方法創出新元素自家製植物奶、天然糖漿同手工珍珠都係人手製作KID MENU入面嘅茶飲每一杯都有非加工食材會食到牛油果蓉、菠蘿、奇亞籽、開心果 等等一系列「零罪疚感」而且有營養嘅茶飲🧋無咖啡因小朋友都啱飲而且口感豐富😋仲好飽肚私心推介🤭✨🍋Baa Baa Black Pearl 爸爸羊🍫Cookie Monster 曲奇怪獸…Read More

早幾年同朋友嚟過三聖食海鮮，喺海鮮檔買完就拎去隔離啲餐廳加工就得。最近又約大班朋友去三聖，今次朋友先入去買海鮮，大家再喺泰海鮮集合。 喺泰海鮮可以選擇喺大廳定包房，包房當然會貴一啲，不過都只係計算加工料嘅價錢每兩加$1，而且多咗私隱度同空間，一班朋友嚟都唔錯。如果想熱鬧啲咁食海鮮就可以喺大廳，價錢就更划算。 食海鮮雖然都係蒸炒焗，但係交俾泰海鮮就可以變出唔同款式。 最親民嘅貝殼類可能就係花甲，聽過有人唔鍾意食唔同嘅貝殼類，但花甲真係好少人唔鍾意。唔似蜆仔得丁點肉，花甲肉一口剛剛好，肉身爽口又鮮甜。無用傳統豉椒炒花甲，換上西式嘅忌廉汁，甜甜哋散發濃濃嘅白酒香，提升花甲嘅鮮甜。 平時配海鮮可能用伊麵底，今次轉放有咬口嘅烏冬，掛汁力十分強，每條都沾滿白酒忌廉汁，超級惹味！ 喺泰海鮮最愛嘅小食一定係芝心蝦丸！雖然話係海鮮，但蝦丸嘅芝士心真係邪惡！而且包住外面嘅麵包粒炸得非常透徹，超級邪惡！不過唔好咁心急食，小心芝士辣口呀！ 個泰式辣醬令我諗起嚟親泰海鮮好似都無食過泰味喎！下次再嚟記得要試冬蔭湯煮先！ 仲有一樣都算係泰海鮮嘅經典，就係佢個海鮮蕃茄薯仔湯！ 喺街市買完海鮮，店家通常都會半賣半送畀多袋雜魚、蜆仔乜都有啲嘅海鮮你，只要拎埋去泰海鮮，加多每位$18加工，就可以飲到呢盤鮮味十足嘅海鮮湯。因為用料足所以餚出嚟嘅湯極鮮甜，記得趁熱飲呀～ 總結一下，山長水遠入三聖係麻煩啲，不過成班朋友去係開心嘅。味道我覺得好啱香港人口味，清蒸又得，重口味又得，仲有得揀配伊麵、烏冬、飯，幾癲！ 隔咗幾年再嚟無乜好挑剔，埋單除返開人頭計500蚊有找，係抵食嘅！ 是次小分享完畢，有興趣可按其他分享 :)…Read More

早排朋友約食buffet，見就喺公司附近，Happy Friday就蒲下頭啦！地點就喺北角碼頭旁邊，7月先開幕嘅海匯酒店Hotel VIC。 The Farmhouse無金碧裝潢，整體用咗earth tone設計，有梳化位又有露天位(暫未開放)，充滿田園氣息，反而更舒服。 食物方面，分開冷/熱兩大區，海鮮雖然無即開生蠔提供，但係選擇都豐富，有龍蝦、蟹腳、凍蝦、翡翠螺、青口同蜆。最緊要有refill，未見過吉咗。 旁邊刺身櫃都唔弱，魚生即點即切，有牡丹蝦、帶子、八爪魚、吞拿魚、三文魚，同幾款手握壽司，仲畀我發現有人點即開海膽做軍艦，我當然即刻都order一份！ 後面個雪櫃仲有沙律、ham、煙三文魚同芝士，款式唔算多，但係都足夠。隔離竟然仲有即榨新鮮蔬果汁，有雪梨、甘筍、橙、西芹等等畀你任揀任mix，第一次見酒店buffet咁招積！當然飲品仲有coffee or tea同汽水。 熱盤區就喺餐廳最入面，長長雲石枱放滿中西東南亞菜，一入去就係石燒，有燒牛肉、串燒、羊架，每晚仲有煎法國鴨肝或者焗生蠔。沿長枱行過去仲有唔同嘅即叫即煮，好似意粉、通粉、闊條麵、拉麵、河粉等等，將材料自己食幾多夾幾多交畀師傅，保證熱辣辣。 仲有個特大蒸籠，入面有各款中式點心，旁邊仲有燒味、水煮牛肉等等中菜。 但我覺得最正都係個燉湯，我去嗰晚係螺頭蟲草花！ 最後去返甜品區，其實就喺一入門口，都係冷凍區就有部好大嘅旋轉雪糕櫃，閂咗門入面就會一直轉，開門就會停，望住佢轉好治愈。入面放滿Movenpick、Haagen-Dazs同牛奶公司雪糕杯同雪糕批。 旁邊仲有師傅即點即制crepe同waffle，仲可以自己DIY豆腐花，有得食又有得玩！雖然小件裝嘅甜品款式唔算多，但係賣相相當精緻，都有泡芙、Tiramisu同抹茶蛋糕等等。 可能因為5歲以下免費，夾夾埋埋啲優惠真係好啱家庭客，同場大部份枱都有小朋友哈！以五星級酒店嚟講，食物、環境、服務都好好，只係無其他大酒店嘅「排場」。就算你未有小朋友，想試下新場或者喺港島東搵地方gathering不妨一試！…Read More

來自上海嘅早餐品牌網紅店「桃園眷村」早前已經登陸香港，地點就係朗豪坊原Mos Burger位置。桃園眷村賣嘅係台式古早味早點，主打鮮製豆漿、古法手工燒餅、油炸鬼，三年前喺上海開張，而家已經發展到全中國有超過30家分店，真係個個都去打卡，唔通個個都專登去打卡咩！ 桃園眷村裝潢用上文藝風，牆身簡約乾淨，店入面嘅「時間，在舌尖」充滿文藝腔，呢種台灣文青氛圍，無疑是近年大熱嘅中港台餐廳包裝。 香港租貴地方有限，所以嚟到香港就要走快餐風 ，店入面以開放式設計，而且要用再生紙杯紙碗嚟節省清潔時間，加上位置連室外位，基本上都唔太需要等位。不過就無咗碗底嘅文青短詩，呢方面就差咗少少。 國內店環境 你可能會覺得桃園眷村賣嘅豆漿、油炸鬼都係普通嘢，不過原來都係店內用獨門方法每日鮮製現磨！ 而且豆漿豆味清新，甜度仲可以按口味加減。 除咗鹹、甜豆漿之外，豆花都有鹹、甜畀你揀！我就試咗鹹豆花（$32）配菜有菜脯、蝦皮、紫菜、葱末。第一啖好特別，就係好多香口配料嘅滑豆腐咁囉，不過口感的確出奇過癮。 另外飲品仲有米漿、紅茶豆漿、紅棗豆漿選擇。 香港人習慣用油炸鬼配粥，喺台灣同江南等地就用嚟配豆漿，不過今日好似已經賣晒。。。（桃園眷村的確每日都有部分食物係唔提供㗎！） 桃園眷村第三寶就係手工燒餅，燒餅就係傳統台式芝麻燒餅，新派做法就將佢切開再放配料，芝士、沙律菜、燒雞扒、炸魚柳等等。今次就試咗芝士蛋燒餅（$42），燒餅脆卜卜，如果可以熱啲，啲芝士有少少溶就好喇！卡卡～ 另外功夫辣雞腿燒餅 、燒餅油條蛋、豬排蛋燒餅都係推介喔！ 桃園眷村除咗三寶之外，我仲好喜歡食即包粢飯，餡料好豐富㗎！唔同上海鋪嘅獨孤一味得肉鬆油炸鬼粢飯，所以我就點咗青瓜肉鬆飯糰（$34）， 除咗青瓜之外，仲有炸到卜卜脆嘅肉鬆同增加口感嘅菜脯。如果想試下台式啲嘅口味可以食台式香腸葱蛋飯糰同肉燥滷蛋飯糰㗎！ 是次小分享完畢，有興趣可按本站內其他分享 :)…Read More

ESPUMA嘅下午茶一向大受港女們歡迎，無他嘅，只要經常轉下款式，加一啲糖果元素（就好似一舊大棉花糖），影出嚟嘅相就可以完美呃Like！ 之前都有同朋友嚟到ESPUMA食Tea同甜品，中環店好開揚，望出去就係半山勁優雅。最近佢哋搞搞新意思推出火鍋同大家過一個暖笠笠嘅冬天。 今次Afternoon Tea set有5款甜點同4款鹹點一共有9款小食。甜點分別有香脆窩夫、自家製藍白雲棉花糖、馬卡龍波板糖、三色芋圓同鮮雜果。而鹹點就有炸雞格仔餅、八爪魚配鮮芒莎莎、迷你炸魚薯條筒同忌廉粟戈一米肉碎脆餅。 「湯底」就有2款甜湯可以選擇，分別係伯爵茶火鍋同紫米露火鍋。我就點咗紫米露，直接將Waffle沾「湯底」食又得，或者將芋圓加入火鍋煲煲佢仲可以當糖水食。 火鍋上面一舊棉花糖真係好Suprise，可以撕落嚟食又得，等佢溶咗落「湯底」亦得。嚟到ESPUMA當然少不了最回味佢嘅自家製scone，配鮮忌廉同士多啤梨果醬好滋味！ 下午茶可以選西班牙Novell即磨咖啡、伯爵茶、綠茶、烏龍茶、紅茶，如果想飲品都嚟個特別啲，可以加$15轉配其他特色飲品。 是次小分享完畢，有興趣可按本站內其他分享 :)…Read More

Starbucks迷你布甸之前喺其他地區推出一直大受歡迎，終於嚟到香港啦！今次同時推出朱古力同焦糖雲呢嗱兩隻口味，以簡約黑白色Starbucks迷你杯包裝。 Starbucks迷你布甸之所以成為大家嘅新寵兒，除咗布甸杯小巧可愛之後，迷你杯洗乾淨之後仲可以循環再用，用嚟種植唔同嘅小盤栽，甚至掀起網絡上「呃Like」嘅熱潮！朱古力味布甸用上香濃黑朱古力， 布甸較挺身，口感香滑，朱古力味香濃又唔會太甜，朱古力迷一定會愛上！ 至於焦糖雲呢嗱味布甸，一打開包裝就有淡淡雲呢嗱味，表面仲有焦糖醬。 布甸充滿雲呢嗱籽，而且焦糖醬令雲呢嗱味更突出，味道一樣咁濃郁。 溫馨提示，唔同分店嘅貨量都有唔同，部分人氣旺盛嘅分店經常火速賣光，所以想食就要趁早啦！另外，而家Starbucks推出咗星巴克種植套裝，有晒唔同嘅種植小工具（種植器、種籽、培植椰土、小盆栽插牌、小鏟子及手巾），食完布甸之後可以循環再用迷你杯，利用種植套裝入面嘅種子，悉心照料盆栽7至10日就可以種出可食用嘅芝麻菜或者苜蓿，環保之餘仲可以放喺屋企或者辦公室做擺飾，你都可以試試呀！售賣種植套裝所得嘅收益扣除成本之後會全數撥捐社企雲耕一族 Rooftop Republic 所舉辦嘅非牟利環保英苗學堂，支持本地環保推廣工作。凡購買任何一款迷你布甸杯，就可以$128換購一套星巴克種植套裝。 是次小分享完畢，有興趣可按 麵語錄aminn 或本站內其他分享 :)…Read More