折翼天使的个人专页

昨天跟朋友仔補慶足生日, 因為另一間泰國菜金泰燒烤沒有開門, 所以唯有到這裡。水準真的一般....串燒少又乾.....炒蜆沒有味道....燒雞半隻但睇黎睇去都係得1/3... 所以食完立刻走..去食甜品好過。最慘仲要又貴又唔好食...唉....沒下次了...…查看更多

食完泰菜, 朋友仔急不及待帶我來這裡。我們點了出名的拿破崙芭菲, 另外點了咖啡芭菲及柚子芭菲。一看上去以非常喜歡....朋友仔的拿破崙芭菲真的很精緻....一層層的真好吃, 我的也不呀...咖啡味很重......柚子芭菲...酸酸的柚子有果肉.....的確醒神.....侍應生非常有禮....一定會再來...…查看更多

昨晚同男友行經旺角, 突然今晚好想食點心, 當然去"添好運"食點心啦。一去到阿姐要我地等15張, 我地心知最少要等9個字以上, 所以走去YWCA 嘆番杯要先再黎。等到9點15分, 好快到我地有位, 入面好窄我地要一齊坐無得面對面TIM。我地叫左糯米雞, 蝦腸, 陳皮牛肉球, 酥皮叉燒包, 加埋咸水角。等左唔夠10分鐘就有得食, 服務好快速, 阿姐態度都唔錯, 不停幫大家加水。個糯米雞收$20 都係值既, 因為真係好足料, 好多雞肉同豬肉O係入面, 不過如果我無記錯, 以前的是有隻蛋O係入面, 硬係太多肉....好飽....不過都係算好食。蝦腸出乎以料的滑, 仲有好多蝦, 抵食。牛肉球咬得出不是雪藏貨, 牛肉好鬆軟, 而且好入味最好的食物真的會留O係最後食, 咸水角一D都唔似酒樓炸起的死實, 反而係鬆脫無比。酥皮叉燒包趁熱食最好, 出面好似墨西哥飽, 入面D 叉燒汁慢慢流出來, 很多也沒有食過甘好食的叉燒飽。食得晒都已經好飽啦, 呢度個老闆娘如果見你食剩會俾埋個外賣袋你, 叫你唔好浪費, 打包回家。客人多數都會聽完後打包回家, 呢一間少舖除左好有人情味仲好"環保"呢!!! 大家都要記得有衣食, 切勿浪費…查看更多

見太多好評...忍唔住...都要黎幫襯下..... 印左openrice 既地圖..都行左一輪.....原來我唔識路...好彩朋友醒目...帶番我行轉頭...haha見到舖入面好多人....一早睇定食評知道晒有咩好食...叫左一個炸蠔餅, 腐乳通菜, 豬紅韮菜同蠔仔粥.. 炸蠔餅...好鬆脆...唔似一般的乾身......而且d蠔好大隻...好甜..加埋魚露...真係好好食....個蠔仔粥...由於2個人食..都係叫一碗...2個人都有成4-5碗.....攪到我地飽飽地...因為d蠔仔本身又大隻..又甜.....食完呢2樣....我地都好飽.....豬紅韮菜...辣辣地幾惹味...不過油d.....我係甘隔番d 油出黎...怕半夜肚痛....連腐乳通菜都好新鮮....d葉好幼嫩.... 食得出..d菜既甜味.....我同朋友仔食到唔想行...因為怕浪費食物...所以減肥中既我都要盡量清晒d食物....仲有要有衣食嗎right? ...d員工好友善...仲好好招呼... ^^ 好開心既一餐..下次一定同男友幫襯下...cat cat 祝你生日快樂…查看更多

好耐都無食過泰國野....見今日出開黎食...又同同事去食下...發覺好多劣評...但之前食過又ok wow..所以再試下... 叫左一個粉絲沙律(HK$34),椰汁雞湯金邊粉(HK$32), 龍眼冰及柚子茶..... 天氣熱既關係...食辣粉絲沙律...酸酸辣辣都幾好..因為我食得辣都OK 既....加埋杯龍眼冰....中和番個辣味......龍眼冰...D 龍眼肉好鮮甜.同埋好多龍眼肉..飲完喉嚨即刻舒服晒...夏天飲最好......同事食既椰汁雞湯金邊粉..都唔錯...好多料....同好多草菇....有小小辣...幾好...飲晒D湯都未食晒D粉......HAHA..見佢地個MENU有下午茶, 椰汁雞湯金邊粉都係HK$26 仲配埋野飲....E...下次可以試O下叫下午茶餐 WWOW...仲抵D......…查看更多

爸爸今日生日, 搵左好多間酒樓, 睇左好多食評, 發覺鴻星名氣同食物都好, 適合爸爸鐘意食派頭既感覺, 於是叫左$1,380半席.. 一入到去.. 感覺都仲可以.... d食物大部份都唔錯..價錢算合理!1. 鴻運乳豬全體 (得半隻, 點為之全體, 唔之係咪因為半席呢, 不過個皮燒得好脆,)2. 千島黃金帶子卷 (有小小帶子粒, 大部份都係生果, 我覺得好似食生果多d)3. 鴻圖爆鮑螺粒 (其實係脆肉瓜炒鮑魚菇, 自問我們一家人點食都無螺粒, 唔通幻覺食左?)4. 瑤柱雞絲翅(全席最好既一個, 足料...而且d翅好多)5. 雪裡紅肉絲清蒸海斑(條魚蒸得剛剛好, 好滑... 個名就改得好...不過無咩雪裡紅同肉絲)6. 蒜蓉蒸開邊龍蝦(個龍蝦得個大字, 始終清蒸既先知佢新唔新鮮)7. 魚湯鮮菇翡翠(好寒醱, 得6條小棠菜,同數粒草菇, 可能成本上太貴, 拉上補下)78. 蝦片脆皮雞(將隻雞炸左, 好肥, 有蝦片不過上枱淋晒)9. 長塒蝦子麵(d麵唔油, 炒得好味, 全碟掃清, 難得10. 壽包(賣相好靚, 不過個包d蓮容太甜, 加上一個全蛋黃, 以為食月餅, 又甜又滯)其實大致上食物可以接受, 之前睇過呢間食評, 都未食完, 佢地就會一次過o係10分鐘內將所有食物堆晒上枱, 食到有d想嘔, 加上d人睇到你當睇唔到, 有一個經理叫華哥, 企o係我地隔離張枱由我地坐低佢就講到我地走都係只招呼一枱自己friend..成晚講波經... 你叫佢都唔理..真係好過份...其他人一見人伸手就好似見鬼, 我睇你唔到.... 只係有一個染左啡頭髮既主任最好, 叫jacky lam服務非常好...成晚我最滿意這個主任既服務, 作為鴻星呢個香港甘出名既品牌, 你地做臭自己...我地點幫手叫d人黎幫襯你....今次真係好嬲, 令到爸爸今日既生日飯不能劃上完美句號...爸爸祝你生日快樂, 祝你身體健康 下次食過…查看更多

今朝一早就黎文興飲佢杯"茶走" 夠竟咩係茶走呢? 就係奶茶加煉奶! 我自己就最鐘意央走, 咖啡+ 奶茶 + 煉奶, 簡直係我既精神食糧, 西多就好香同好鬆軟, 其他野食就一般, 因為佢杯茶就係文興既靈魂, 9成既顧客都係飲佢本奶茶, 我諗如果無左杯奶茶佢就會損失好多生意, 不過佢有個特質就係可以去其他地方叫野食過黎坐, 所以我一定叫東記豬扒麵or 林記既排骨飯過黎嘆 …查看更多

早2日探男友屋企人, 好想食餃子, 又想食麵, 記得男友屋企附近有間山東餃子館, 於是過黎食叫左一碗擔擔麵同羊肉餃, 佢個擔擔麵同平時食既好唔同, 因為無甘多花生醬, 而且有d炸菜, 有小小辣 味, 湯連麵一次過食清我都係第一次. 另一個羊肉餃好似蘇左d, 要加d醋先好食d..整體上都唔錯, 下次一定再幫襯, 不過d阿姐態度就一般lol, 改善下啦, 會趕客架!…查看更多

星期六放左工凍冰冰去左灣仔約朋友HAPPY HOUR, 朋友話呢間新開既UNO MAS唔錯..就信佢試下, 一入去我就見到露台, 一支箭就衝去坐...驚死無位...HAHA見佢有張點心紙, 睇唔明叫WAITRESS 介紹下, 佢地介紹左2款小食俾我食, 一款係CALAMAR RELLENO, 另一款係MANCHEGO FRITO。 CALAMAR RELLENO原隻魷魚加左D西班牙腸同番紅花, 好特別, 個口感好豐富, 送酒一流, 另一個小食MANCHEGO FRITO係一個炸芝士, 我鐘意食芝士, 出面好脆口, 入面有D芝士流出黎....好好味AR....加左2杯WAITRESS 介紹既西班牙汽泡酒,CAVA 要左BRUT, D味有D似香檳, 好清香, 同朋友坐左4個鐘HAPPY HOUR又舒服, 真係開心, 下次帶男朋友黎談心先。p.s. 今次真失策, 剩係掛住影環境, 唔記得影相俾大家睇tim …查看更多

早２日收到傳單，中環威靈頓街占仔記附近有間新開既泰菜所以黎試下,買左一個生菜肉碎包沙律當午餐食...又幾好wow, 見有龍眼冰..我就叫黎飲下...好好..味...我好耐無飲過..龍眼冰呢度都整得幾好, 不過就堂食無咩位坐...我下次再叫過其他野食試下先, 我見到好多salad box 同埋d 泰式甜品都幾吸引。下次再試下先!!…查看更多

大家成日幫襯大集團, 鼎x豐, x翠拉麵, 排餐死...其實老牌三六九店先食到抵食夾大件既上海菜, 呢間上海菜館係老公公同老婆婆既舖頭, 2個做樓面而佢地既仔就負責煮食....講番食先...佢最出名就係上海排骨炒麵, 掛骨好香好鬆軟...上海麵炒得一d都唔油...酸辣湯雲吞..菜多過肉....酸辣湯好香...好好味..仲有小籠包...10粒好似都係10幾蚊...超抵....舖頭細細..但真係好好食架...呢d懷舊老d..希望佢繼續經營..我會繼續支持幫襯^^每人40都唔駛..仲有伯伯送豆漿我飲...多謝伯伯…查看更多

好朋友同我補祝生日，我見甘多人食評話好..我黎左呢度.....叫左個2人餐..一上D餐包...已經食左一個..因為好味...鬆軟^^..黎左個海鮮拚盤..好新鮮...我地要左個主菜係帶子三文魚..因為無甘飽.....個魚D汁好好...我食晒AR....個香草蕃茄意粉..一般啦..我最期待係大家講既TIRAMUSI...真係好香AR.....我地全部食晒..食完仲忍唔住外賣買多一個TIRAMUSI俾男友食....我之前食過FAT ANGELO"S既TIRAMUSI..如果食過呢度既..我覺得呢度好食D.......^^ 多謝朋友請我黎食...下次一定再幫襯^^ P.S. 好朋友..多戲餐飯...祝我地友誼永固…查看更多

星期一我D股票有小小想斬獲加上加左小小人工, 就諗住即日BOOK TODAI 食..點知打幾次都話FULL..所以真係食既要早D BOOK..我朋友O係入面做..即刻幫我BOOK到個靚位...海鮮方面真係唔錯.....最好味係3文魚..同埋要我同男友一齊排左15分鐘既芝士龍蝦...我唔食得蝦..敏感..唯有俾晒男友食...其他既甜品都唔錯..款式算多..加上有BUFFET CARD..8折..所以唔駛500 2個人..真係抵呢^^ ..食得好開心..…查看更多

男友喜歡肥天使..所以就話去tst呢間...食物大致ok..剩係叫左個茄汁蟹肉意粉..同埋男友至愛既tiramusi....因為食包同菜都飽飽地..到食tiramusi..既時候..已經想停手..但因為真係好好食..加上唔想浪費食物....全部食晒...這夜坐同男友坐到人地既舖打烊先走...不過講真d service真係麻麻地..叫佢地refill又成日扮傻走開, 埋單..又放o係度..等一輪先理你..好似唔想找$$甘..食就幾好啦...不過下次都未必黎...P.S. 早排O係電視上見到山區好多小朋友都無飯食..好慘..近來..環保團體綠領行動(前綠色學生聯會)所搞既有衣食運動真係好有意義,雖然小飯平1蚊, 真係似乎無平過..不過好多人真係眼闊肚窄..食唔晒都要叫..所以各位食家..欣賞廚師煮既食物之餘..都要珍惜食物..唔好浪費..愛護環境呢^^…查看更多

生日我同男友一齊黎呢度慶祝, 由於遲左去restaurant..無windows set 坐..小小失望..o係sever既推介下叫左一個mussles(蝦, 青口, 蜆) + main course 牛柳大蝦, 煎羊架後加一個心太軟....再order左一杯白酒及開一支紅酒...食物一上檯..最吸引係mussles..平時我最憎食青口...點知一咬落去唔停得口..加埋個white sauces...剩係食呢個已經有小小飽..加埋杯white wine...真係好match...main course 既牛柳...被煎得好靚好香既羊架..蓋過晒佢d味...牛已經失去左...味道..因為男友話o係紐西蘭d靚既羊..係好難食到好好...因為export 出外啦..所以超正...加埋紅酒.已經好high..最後埋尾既朱古力心太軟....太好了..唔太甜...做得好好...sever又有禮貌.... 今次呢餐真係好perfect ^^p.s. 多謝男友..我今年真係過得好開心...好希望我地可以開開心心甘..繼續一齊搵好o野食...^^…查看更多