or#ta66763255's Profile

今日係紅日假期，兩點去到商場人山人海，度度都排好耐，得呢間比較快所以就試吓。食咗帶子喇沙，帶子沙律，香辣墨魚餅小食，總共三樣嘢。帶子喇沙味道一般正常，帶子沙律完全唔識欣賞，一堆豆，一拃紅蘿蔔花花切片，一堆青瓜同埋紫洋蔥切粒，一啲炸豆腐乾仔，大量辣椒醬，兩粒帶子，我唔會話難食，就係咁。香辣墨魚餅小食，簡直係難食，食緊兩塊橙色粉團咁，呢款小食有幾塊方包一齊上，未食過方包煙韌到咁，好似擺咗幾日咁。總共三樣嘢。…Read More

無理被取消bookingss.之前有一次預約7pm, 當晚6pm後先打俾我話廚房裝修，只有中式食物可提供，其他都不能提供。以致當晚臨急臨忙同朋友再搵其他地方walk in食生日飯。之後諗住book多次啦，都係同朋友食飯，今次好啲喇，當日下午12點幾打黎話我知今晚既booking要取消因為有人包左場。又話尋日有兩個同事打俾我通知我(講左電話俾我聽), 之後我睇返通話紀錄，完全冇呢兩個人打俾我。同埋當我回覆佢地尋日真係冇人打黎通知過，佢地既員工態度極差，仲試過cut左我線，叫我自己whatsapp 佢地，等佢地screencap send俾我睇返，證明有尋日有打過俾我。可見佢地運作好亂，盡量唔好book喇，有緣walk in如果廚房冇突然裝修，冇突然被包場先好食。…Read More