Crimsonchan's Profile

其實初初開既時候都成日幫襯，佢地既雞同魚都好好食，當飯堂。整整下愈嚟愈差…有日買馬友話冇貨，介紹食‘英國魚’，我都唔知咩，是但啦試下。嘩，簡直垃圾。睇到條魚個樣已經驚驚地，食落啲肉除左用乾、柴、散、無味、唔鮮、唔似魚，都唔知仲可以點形容。有相，你地睇完自己判斷….😵‍💫…Read More

所有生野食都好有問題，首先前菜‘准山漬’，離哂譜，係牛蒡嚟？唔係准山同牛蒡都唔識分？有雪櫃雪味，個心已經不秒。然後叫左一條珍鰺（其實唔知咩魚既魚生）$198得10片左右，但係超薄，唔講唔知以為雞泡魚刺身，攞到嚟，魚身係乾哂，唔明點解可以咁乾，唔好講咩鮮味魚味。仲有叫左壽司盛，痴線，人生未食過咁差既壽司：-海膽壽司，腥臭味勁重-三文魚子壽司，酸臭左，食落有芝士發酵嘅味，大癲-帶子壽司，同爭X差唔多，總之去食爭X-鰻魚壽司，雪櫃味，佢可唔可以將packing 貨收好啲，樣樣都有雪味-金目鯛壽司，雪櫃味…唉，唔重覆-叫左兩件串燒，一件牛油粟米同一件玉子燒，終於可以有啲正常嘅落肚….結論：寧願食爭X都唔會再食呢間，唔該執左佢，唔好危害大家🙏🏻…Read More

唔知點做生意，餐廳電話長期唔通。可能唔想做生意。分別唔同時間、唔同日子都打過，都係唔通，唔知咩原因。隔離街楚X記咁多人幫襯都有人聽電話。你地個餐牌再影靚啲都沒用，電話打唔通，點幫襯？…Read More

基本上咩煮法既海鮮我都鐘意食，尤其鐘意燒海鮮，最鐘意日式濱燒個隻，一來燒過既海鮮特別香，二來會加少少調味會沒咁悶（好難架，有d會加太多而蓋左隻味）。朋友話有間新開既日式既濱燒，香港嚟講算少，所以一於試下。我都會係睇下門面既人嚟既，因為食得晚飯都坐2個鐘，坐得唔舒服都好大鑊。呢間濱燒非常大，非常多空間，有一次唔好經驗，食過一間濱燒店，入面張枱連食物都放唔到，店員又唔識安排，搞到好麻煩。而呢間一定唔會啦，佢仲安排我坐榻榻米，勁寬落，幾個朋友坐底傾計最開心。一坐得當然試下下酒菜，叫左碟牛舌，巧Juicy 💦再來餐廳特別推介，燒·魚·鰭❗️聽說限量供應。必試，未見過出面餐廳有......側邊既鰭燒到好香口好脆，中間魚骨都又可以食嚟個冷盤，係海膽三文魚子吞拿魚蓉加牛油果。係，你沒聽錯，係配牛油果🥑，仲要係非常match。牛油果順滑口感提升左海膽層次😋最後嚟大盛合，呢個菜沒咩好講，新鮮，已經蠃哂，濱燒最緊要新鮮，一燒香到隔離都想望住我地😆👀👀👀。而且唔係自己燒🙈，有店員幫手燒，非常👍🏻👍🏻👍🏻食食下突然中間停左音樂，原來有舞蹈表演！真係O 嘴😱！睇得出舞者都係專業舞者。跳完仲有驚喜，竟然有大❗️抽❗️獎‼️⁉️係送一隻長腳蟹🦀🦀🦀。玩個小遊戲就可以有😱😱😱可惜這些機會不是我的，玩遊戲輸左😑⋯⋯⋯⋯但真係好大隻😱影左隔離枱蠃返嚟既蟹，😢 這些機會不是我的......（其實佢地3個人都應該食唔哂😤，咁鬼大隻⋯⋯）今次真係新發現，有時同d friend 想坐底食下野傾計，有d地方坐得唔舒服，但呢度超寬敞超適合多朋友聚餐食完好滿足咁走左......遺憾係沒蠃隻蟹返嚟........🦀🦀🦀🦀🦀🦀…Read More

不知所謂，話下午茶時間全menu 7折，沒錯，係全Menu 七折，只要經OpenRice 網上訂位就可以。但都驚條款唔夠清楚，再打去餐廳確認，'你地真係下午茶餐全menu 七折？下午茶menu 同晚上menu 唔同？' '唔會，一樣menu , 全單七折'咁就中伏啦，話明叫oyster house，當然為左食蠔而嚟，坐底立刻點生蠔，侍應話'唔好意思，生蠔除外，其他七折' 有沒搞錯？訂位既時候唔講？算，出嚟食，為開心，佢個侍應話不如點兩杯house wine , 就可以6折食蠔，雖然我都唔飲酒，都算啦，嚟左又費事搵第二間食.....蠔方面，都算新鮮，點左差不多兩打，有4-5隻唔係太新鮮，開蠔個師傅好差，開爛6-8隻蠔，當然，開蠔唔係個個專業，但你間餐廳係叫oyster house ，開到d蠔爛我就真係覺得一隻都嫌多....最後，埋單，個侍應話'唔好意思，你地應該每人點兩杯house wine 先可以食蠔有折' 不知所謂，完全所有野都係講d唔講d, 真心想呃錢，個百幾個好評，真係好值得懷疑⋯⋯一定唔會再去‼️…Read More