skyrock24's Profile

呢個價錢 可以食更好份量黎講絕對係夠既 但啲餸真係唔合格1） 牛肉好鞋：個口感就好似食緊瘦肉咁 好乾 唔入味2） 豬肋骨：同樣問題 係冇味 點個醬都唔好味 食唔出有咩味3）炸雞：仲叫左個炸雞 但炸雞皮厚 勁乾身 一啲都唔juicy又唔脆 （我買左兩盒飯）4）炒粉絲：一pat野咁 又淋 😭😭以呢個價錢黎講 我會expect質量會好好多 真係唔好食同唔抵食 食左一次中伏後 真係冇一次 韓國野我會揀返第二間 O字頭個間性價比同質素真心好好多 …Read More

1點食lunch 見餐廳冇乜人 都已經有啲擔心 揀左個自選4餸 但已經有幾個餸sold out 可以免費揀既選擇已經不多 醬又要另加$5 最後加加埋埋都要$80幾 但味道真係好一般 啲飯好酸 加左錢既醬亦唔多 刺身每樣兩片 好快就冇餸送飯 環境同服務係幾好既 但食過一次就算…. …Read More

之前幫襯過幾次食喇沙都幾好 但今次想食湯檬 點知佢冇 唯有試佢個撈檬 見到個撈汁咁橙都知唔對路 試左少少已經覺得酸 加左少少落去撈 啲面都已經橙哂 勁多色素咁 個檬粉已經酸到食唔落 跟住發現啲檬粉根本未熟 每食一啖就有幾條硬嘣嘣咁 豬扒又鞋 打電話同佢地講叫我攞返落去 於是又要特登攞落去同佢地反映 點知態度又唔好 又話檬粉係咁酸架喇 當我未食過撈檬咁 又話我食過啲豬扒 唔肯退返錢 野食唔得都算 態度又唔好 好聲好氣同你反映 講到我耍賴皮咁 咁既態度點做餐飲呀 絕對冇下次…Read More

第一次試呢間，叫左外賣兩碗米線，一個黑椒雞扒，一個紅燒肉加雞翼。個雞扒同雞翼係咸到唔食得，可惜我唔係堂食，如果唔係一定會退，真心我寧願食南記/譚仔好過，中哂伏，一啲水準都冇…..…Read More

見到銅鑼灣新開Ufufu Cafe，第一時間黎食。食物選擇都幾多，見我地苦惱緊嗌咩，waiter 好主動同我地介紹食物，仲提醒我地想叫點品就唔好叫太多野食，因為份量都大。Lunch分別可以加$28或者$30跟set，冇影到個粟米湯，係好好飲。跟set既飲品都好特別，好多水果既梳打。好飲唔甜，但略嫌冰太多。小食嗌咗個炸魚薯條，新鮮熱辣。炸魚果皮一啲都唔厚，幼身薯條係我最愛，咸咸地好香口。主菜叫左咖哩吉列蝦同豬扒飯。個咖哩汁甜而不辣，仲會有調味俾你加，可以加炸蒜同椰絲，味道會變得更有層次。吉列豬扒一啲都唔乾，入邊仲夾咗一層菜，有別於普通吉列豬扒。個蝦意粉好多料，蝦都有4-5隻，意粉好煙韌。法式多士好軟熟，好香既蛋味。仲加埋小丸子，口感一流。雪糕抹茶味都重，唔會太甜。食完呢個甜品都唔會太heavy。吉士忌廉芒果Parfait 有啲驚喜，芒果甜就不再話下，裏面夾住雪糕好有奶味，深得我歡心。總結： 我地去既時候12點，冇乜人，坐得好舒服，服務亦好好，waiter 見我地個小食未黎，主動埋黎同我地跟。絕對會再黎！…Read More

第一次寫食評，要讚下九爺牛腩。叫左一碗牛三寶魚麵，份量好足！牛腩、牛筋同牛肚每樣都大大件，各有3，4舊，一碗都係$50！魚麵就要加$14，但口感唔錯。牛八寶即多有多左墨丸、魚皮餃、牛丸同魚蛋。牛丸係手打，多汁好食。另外叫左一個麻辣魷魚鬚，我本身唔食得辣都覺得佢一啲都唔麻辣。但魷魚鬚好爽好彈牙，值得一試。而炸雲吞都好食，每粒都脹卜卜，好脆！終結都係推薦佢地牛腩，一啲都唔鞋，啖啖肉好好食！環境都幾好，坐得好舒服！…Read More