alicekyh's Profile

🍈 焙茶蜜瓜協奏曲（$138）整個芭菲材料層次多，未食已經俾佢吸睛外貌吸引，而且口感層次豐富；頂層放咗原楷蜜瓜，蜜瓜好香甜多汁，配上香濃焙茶雪糕，焙茶芝士凍餅同鬆脆嘅白朱古力撻等，兩者味道好夾，餐廳淨係提供一把刀同兩隻芭菲匙羹食蜜瓜食到有啲狼狽，美中不足係球焙茶雪糕系我哋影無兩張相就自己跌咗落嚟🍓 微醺茉莉草莓盞（$140）面頭放上茉莉花蛋白餅，再放上草莓，草莓意式雪糕，茉莉花茶凍同百利甜酒草莓果泥等多種材料；食到淡淡嘅茉莉花味，草莓偏酸但整體芭菲嘅酸甜度平衡得啱啱好，意式雪糕質感比較似雪芭，芭菲食到最底有突出嘅百利甜酒味🩶 點好芭菲之後，店員會附上兩張小卡，上面寫有芭菲所用嘅材料同食法，非常貼心，Open Kitchen 仲可以俾客人望到芭菲即叫即整嘅過程…Read More

🍄‍🟫菌菇醬肉包（$38）包有5個，餡料頗多不過包皮偏乾同厚身🖤黑芝麻綿綿冰（$58）綿綿冰係即叫即整；面頭放上口感偏乾嘅熊貓造型棉花糖，綿綿冰表面擠滿黑芝麻忌廉，綿綿冰好幼滑無冰渣，黑芝麻醬有香濃黑芝麻味但質地偏水同稀，綿綿冰仲夾有少許紅豆蓉，食落層次豐富🍹荔枝冰爽茶（$28）面頭放上用綠茶整成嘅熊仔樣式嘅冰，好吸睛；飲落味道偏甜；有份量多嘅荔枝肉同啫喱，口感豐富，但侍應俾左枝幼身嘅紙飲管，果肉會塞住，唔太方便食用，建議可以轉用粗飲管🍵茶位（$12/位）餐廳用左竹做裝修主題，好清雅，上菜速度頗快，而且下午茶有八八折優惠…Read More

🦆 泰式鴨肉湯粉（$68）湯粉都算幾大碗，除左鴨肉同河粉，仲有鴨血同通菜；湯底係用左泰式肉骨茶，聞落好香但飲落藥材味唔重，冬菜頗多味道偏咸，食落好口渴要不斷飲野；鴨肉份量頗多，驚喜嘅係竟然有埋嫩滑嘅鴨血，通菜好爽脆，唯獨係河粉有啲碎，比較難夾起；因為佢係套餐嘅緣故，本身有包一杯檸檬茶/奶茶/咖啡，但我選擇左轉特飲龍眼冰，原價要$32，而家只需要加$8就飲到🍹 龍眼冰龍眼冰都好足料，有成7-8粒龍眼肉，味道偏甜，系而家咁熱嘅天氣下飲真係好解暑🤵🏻‍♂️ 就算餐廳仲有好多吉枱同出面無客排隊等，職員見你食完飲完所有野就會即刻主動遞張單叫你埋左佢，感覺有啲chur同唔希望客人掗住佢哋張枱…Read More

🐓 香辣手撕雞飯（$48）一上枱就已經聞到好香嘅香辣味，不過有啲失望係手撕雞望落份量好似唔少，點知夾起上嚟比較多嘅都係青瓜同芫荽，手撕雞得大約3-4小塊左右，但味道係唔錯嘅，唔係一味死辣，好適合送飯，白米用左長米，口感偏硬，食落口比較粒粒分明，因為手撕雞飯係即叫即整，所以等嘅時間會比較長，同埋佢嘅下午茶係唔包野飲，如果要冷泡茶或者其他飲品都要加起碼$10以上；下午茶時段同地段嚟講，個人認為呢個價錢同食物份量係偏貴，而且同一條街呢個價錢可以有更多選擇…Read More

🍛 黑糖柚子醬油豚肉蒸飯（$56）佢有分兩個size,有正常同增量裝，今次我叫左正常；唔好睇個蒸籠好似好大，但其實裡面好淺，豚肉有3-4塊，不過不失，唔係特別嫩滑亦唔係特別嚡口，飯嘅份量比較多，醬油食到柚子嘅酸但唔係好食到黑糖味，同普通柚子醬油差唔多🥟 蜜糖芥末雞軟骨餃子餃子有4隻，都算幾大隻，餃子皮比較厚，包嘅餡料份量都足嘅，不過唔太食到有雞軟骨🍋 凍黑糖檸檬茶（+$6）檸檬茶係飲到用黑糖沖嘅，味道同平時嘅檸檬茶有唔同🦁 沖繩獅莎酥冬用雪糕（+$9）獅莎酥酥脆，加上灑有紫薯粉嘅雲呢拿雪糕同煙靭嘅波提冬甩，冰火交融，唔錯，唯一要挑剔係等上菜嘅時間比較耐💰 同埋提提大家埋單嘅時候要對單，因為餐廳將另一枱客嘅單同我個張撈亂左，同埋用左少少時間先對得到，差啲收多左我一倍錢🙃…Read More

🍱 九宮格（$88）非常豐富，有懷舊小食、迷你牛角窩夫，街頭小食同迷你牛角冬甩懷舊小食有三款而且係固定左，分別係三色啫喱，糖不甩同醬油溏心蛋；三色啫喱上面插有兒時常見嘅迷你油紙傘牙籤；糖不甩用咗有芝麻/花生餡嘅湯圓，面頭沾滿花生碎整成；溏心蛋味道偏甜迷你牛角窩夫方面可以三種味道入面揀兩款，我揀左港式奶醬同甄沾記焦糖椰子，窩夫因為係即叫即整，所以外脆內軟，焦糖椰子嘅味道比奶醬甜，但椰子味唔算突出街頭小食方面我揀左司華力腸，洋蔥圈同椒鹽雞粒；椒鹽雞粒炸得金黃香脆，椒鹽粉唔多唔會過咸；洋蔥圈都有撒上椒鹽粉但味道唔太夾，司華力腸則正常發揮迷你牛角冬甩方面我揀左髒髒朱古力，冬甩面淋有滿滿嘅可可粉同朱古力醬，朱古力味濃郁而不苦因為九宮格係即叫即整嘅緣故，要等15-30分鐘先有等食，餐廳服務態度不過不失…Read More

🐓 日式雞扒（$60）只係需要叫一個午餐就可以湯，白飯同沙律任食，呢個價錢系灣仔呢個算係地段高嘅價錢嚟講性價比極高，而且佢嘅午餐係去到下就5點，非常抵食雞扒係放系熱石上枱，表面淋有燒汁，如果鍾意食濃味嘅朋友可以額外加鹽/黑胡椒調味或者另外點佢地嘅秘製燒汁；雞扒皮脆肉嫩唔嚡口，送飯一流沙律有椰菜絲同西生菜，仲可以按自己口味淋芝麻醬份量湯係日式牛肉湯，鮮甜而且好香牛肉味白飯係用左珍珠米，飯味香濃，仲可以淋上芝麻紫菜飯素…Read More

🥑 Avocado & Guacamole ($64)因為朋友係食素嘅關係，而全間餐廳得呢款係全素，所以我地點左呢款，佢有新鮮牛油果，生菜同牛油果醬，牛油果好軟滑，食落口唔dry，不過建議要鋪紙巾，因為Bagel上面嘅一粒粒會邊食邊跌🍋 Homemade Lemonade ($50）酸甜度適中，不過冰嘅份量比想像中多同大塊，Lemonade 嘅份量相對較少😂🍴 Tiramisu Scone（$60）平時睇人哋Ig嘅相影出嚟好似好大個，但上到枱見到原來係咁細個，我同朋友都有少少失望；撇除咗size細呢個小問題，其實味道幾唔錯，Scone軟硬適中相對乾身，但配上濕嘅Tiramisu 醬汁就啱啱好，Tiramisu幼滑咖啡味濃，如果Tiramisu 醬汁再多少少就更好…Read More

🦑 墨魚餅喇沙（$57）喇沙除左有主角墨魚餅，仲有半隻熟蛋，魚片同豆卜；湯底嘅椰香味好重，魚片好爽口彈牙，墨魚餅就比較粉同腍身，豆卜索哂湯頭嘅味道幾入味，麵底用咗米粉，食落口好腍但唔碎，整體來講份量都幾大碗🍐 雪梨茶（+$3）飲落口非常清甜解渴，啱晒而家開始熱嘅天氣飲如果上菜嘅速度可以快少少就更好，我去食嘅時候係下午茶時段，客人唔算多，得兩三枱，都要等成接近15分鐘先上枱，不過下午茶呢個價錢連埋加一要$66系鰂魚涌呢個高地段嘅地方嚟講算係不過不失…Read More

💚 宇治抹茶梳乎厘（$118）梳乎厘蛋香味濃，空氣感十足，食落口非常鬆軟；面頭擠有忌廉同綠茶忌廉，配上香濃嘅抹茶醬，抹茶雪糕，香甜嘅紅豆蓉同煙韌唔痴牙嘅抹茶蕨餅，整體抹茶味濃郁，建議可以先食雪糕，因為溶嘅速度比較快🌰 凍栗子班戟 （$98）一上枱就聞到好香嘅栗子味，班戟面頭擠有幼滑嘅栗子蓉同幾粒栗子，栗子口感鬆軟甜潤，班戟蛋香味十足但比軟薄身，班戟之間嘅餡料係幼滑嘅栗子蓉同鮮忌廉，食落口甜而不膩，伴碟係用上花生碎同朱古力醬，整體嚟講味道偏甜左少少🛎️ 整體嚟講食物質素唔錯，但唔好期望有咩服務態度…Read More

🖤 Open Sesame（$42）估唔到Shake Shack會有賣黑芝麻雪糕，有啲驚喜，黑芝麻控嘅朋友應該會鍾意呢款雪糕；佢有自家製雲呢拿雪糕、黑芝麻醬、黑朱古力塊、黑芝麻金寶，糯米丸子同少量白芝麻；雪糕芝麻味香濃，食落去好有咬口，糯米丸子煙韌唔痴牙，而且甜度啱啱好，配料好豐富份量足，雪糕杯容量偏細，幾啖左右就食晒成杯雪糕，如果整體雪糕份量再大杯啲就完美啦，而家呢個價錢嚟講貴左少少同埋我因為用QR Code落單，系付款上有問題走去問職員，職員有少許唔耐煩，態度有待改善…Read More